كل واحد اشتغل برا الجامعة بارت تايم ياليت يطرح تجربته حتى يستفيد الجميع وكيف كان الدوام ووين اشتغل وكم كانت الرواتب و وو و باقي التفاصيل وبرضو اللي سمع عن فرص وظيفية ياليت يطرحها هنا
الي أعرف إن مكتبة جرير عندهم عروض كويسه لتوظيف الطلاب بدوام جزئي .. وسمعت إن رواتبهم حليوه .. لكن مالي تجربة سابقة والله .. بالتوفيق
بسم الله الرحمن الرحيم .. انا اشتغلت الصيف هذا في مطعم ستيكـ هاوس .. اول شي اجرائات العمل شوي بثرة .. فحص طبي وتصبر كم يوم الين يطلع بعدين تروح تستخرج بطاقة مزاولة مهنة واذا ما كان عندكـ حساب في بنكـ لازم تفتح مع ان الراتب كان شيكـ .. في البداية قابلني واحد في الادارة يشتغل في الموارد البشرية .. كان شباب خلوق والمقابلة سواليف .. بعدها حولني لمدير المنطقه قابلني .. كان اجنبي اسئلته شوي وصخة واستفزازية بس الحمد لله تيسرت الامور .. يخيركـ بين طباخ او خدمة زبائن .. من بكره داومت في اقرب فرع للبيت اول ما تتوظف محد معطيكـ وجه لانه للآسف سمعة السعوديين كانت شينه مرة .. كانوا يجون يوقعون ويدخنون شوي وينحاشون .. وكان فيه جنسيات كثيرة وما يعرفون عربي فما كانوآ يتواصلون معهم ولا يساعدونهم .. نظام العمل عندهم اي موظف حتى المدير لازم يغسل صحون في البداية .. اول يومين تغسيل صحون وكانت تجيب الهم .. المرحلة اللي بعدها تقطيع خضروات .. طبعا لازم تجرح اصبعكـ كم من مرة .. بس اللي هاوي الشغله راح يستفيد كثير .. بعدها تقريبا باسبوعين طبخ على خفيف .. الطبخ كان نوعين .. طبخ اكل يتخزن مثل البطاطس المهروس , الصوص بانواعه , ... وفيه الطبخ الدايركت(Front line ) .. او بمعنى اصح الشوي والقلي وهذي ما في امل تمسكها لانه لازم واحد متخصص .. طبعا اذا ما نشبت لهم بتظل طول عمركـ تقطع بطاطس وبصل .. وعادي يقولون لكـ اكنس, اشطح, ارم الزبالة اكرمكم الله كان الراتب الساعه بـ 22 ريال .. وخدمة الزبائن بـ 20 ريال والحد الاقصى في اليوم 6 ساعات .. كان الراتب ينزل كل اسبوعين .. تجي اليوم اللي تبيه الوقت اللي تبيه فاتحين من 9 الصبح الى الساعه 2 الليل . . بداية الدوام ما كانت مرة .. خاصة مع غسل الصحون .. بس بعدها بتبتدا تتعود عالتقطيع وتصير تقطع وانت مغمض ( حرفيا ) , الفترة هذي بتنسجم في العمل وبيجيكـ الطباخين قطع هذا وتعال سو معي هذا , بعدها انت بتمسكـ مكانهم وبتصير تطبخ وتقول للي تحتكـ قطع لي هذا .. كل هذا في شهرين واذا كنت بتتوظف رسمي , 4 شهور تقريبا تدريب ويعينونكـ مشرف .. خاصة اذا كنت متخرج من الجامعة .. لان سمعتها مره قوية في الشركة .. للآمانة .. احس صعبة بارت تايم وقت الدراسة .. حتى لو كنت بتداوم 3 ساعات عالاقل .. لانه كان وقت الدوام كله شغل وطول الوقت واقف .. فبتطلع دايخ مرة .. وانصح بالعمل عندهم للي هاوي الطبخ فقط .. غيره لا يفكر .. اتمنى اني افدتكـ .. واذا فيه استفسار انا حاضر ..
اذا كان متوفر عندهم راح يعطونكـ قميص ابيض وعليه شعار المطعم فقط .. والبنطلون انت تلبس اللي تبي .. واذا ما عطوكـ قميص البس اي شي .. بس موب تروح بثوب فروع المنطقه الشرقيه ما اعرف الا اللي على شارع البيبسي .. وفيه واحد في الدمام لكن ما اعرف مكانه بالظبط .. بما انكـ بارت تايم تختار الفرع اللي تبي .. انا كنت متوظف في الرياض فما عندي علم عن الشرقية وطريقة التقديم شيكـ على الرابط .. فرصة ثمينة لطالب الجامعة بعمل كامل - جزئي في الخبر ! . دق على احد الارقام وبيرد عليكـ موظف قسم الموارد البشريه وتقدر تتفاهم معه .. بيطلب منكـ اول شي صورة من بطاقة الاحوال و شي يثبت انكـ منتظم في الجامعه .. انا صورت لهم الترانسكربت وجدولي السمستر الجاي لانه كان صعبة اخذ تعريف .. الرواتب كانت شيكـ من سامبا تروح تصرفه .. لكن كانوآ يبون حساب ليش ما ادري .. اتوقع لو تقنعهم ان ما عندكـ حساب بيمشونها لكـ .. يرفعون جدول حضوركـ كل نص شهر لقسم المالية وتقريبا ياخذ اسبوع الين ما تستلم الشيكـ .. وعلى فكرة يقتطعون 9% من الراتب للتأمينات الاجتماعية .. وراح توصلكـ رسالة بالجوال من التأمينات الاجتماعية ان اسمكـ مسجل عندهم .. وحاول تحسب راتبكـ انت بنفسكـ لانهم قد نقصوا من راتبي 900 ريال وبعد ما راجعتهم رجعوها لي ..