أحد جرب ينزل عنده صيف Chem 101 ؟

 

http://www.stkfupm.com/vb/showpost.php?p=486338&postcount=14

 

تعليق الأخ مهند يمثل رأيي الشخصي تماما

 

كوزات إيساب لترم 132

Dropbox - ISAB Qzz

الله الله بالقريدات بالكويزات, 17.5 من 100 عليهن ^ـ^

 

حضر بدل دكتورنا تقريبا لمدة اسبوع ... شرحه حليو لاهو بالشريح ولاهو بالدمار يعني يمشي الحال
فيه ميزة وهو انه يخلي الطلاب يحلون مسائل وسط الكلاس عشان يتأكد انهم فاهمين
ما اقدر احكم على اخلاقه لكن صار لي موقف معاه الله يهديه ..احيانا يعلق او يتحلطم فإذا كنت من الناس تزعل من تعليقاته او كلامه فـ في أفضل منه لأنك راح تحس كلاسه ثقيل وغثيث ..
وانتبه تفهي في الكلاس لأنه راح يعطيك سؤال تحله

 

ياعيال .. افيدونا اكثر خصوصاً (نبي ناس درسوا معه خلال الاترام القليله الماضيه - 151,143, 142 وهكذا)

 

انا درست معاه 143
شرحه من السلايدات
يوصل المعلومه
متعاون معاك
كوزاته صعبه [emoji38]
المدرس بالنسبة لي كويس ولا حصلت عليه شيء يعيبه واكيد في أفضل منه.

 

انا بقيمه تقييم كامل على نهاية السمستر ان شاء الله

لكن اقدر اقولك وخر عنه

كويزاته صعبة جدا (أصعب من المياجر و أحيانا مثل المياجر) و السبب؟ يقولك عشان تستفيدون للمياجر... طيب و ال17 علامة حقت الكويزات؟ خسف. + يكرهك بابو الكيمياء

اخلاقه يمكن الشي الايجابي الوحيد... لكن رغم هذا في مرة رحت له الاوفيس اورز حسيته كانه يبي يقول "اخلص علينا ياخوي بسرعة وش تبي" <---- يبي يسولف مع خوييه قاعد بالغرفة

الاسبوع الماضي جانا الدكتور بيطار كبديل مؤقت لايساب اللي توفى اخوه

فرق السماء و الارض ! الكيمياء صارت ممتعة ! هذا الدكتور الشاب أفضل بسنين ضوئية من هذا المدعو بـالكواوردينتور*؟!


موفق

 

+
المادة تعتمد عليك بنسبة 85% تقريبا
والكتاب حلو مره
يعني self study
أهم شيء تذاكر أول بأول [emoji106]
والله يوفقنا جميع [emoji257]

 

التحضير : ورقة تمر على الطلاب و أحيانا قبل نهاية الكلاس يقعد ينادي الأسماء عشان يتأكد من الحضور

طريقة الشرح : يقلب بالسلايدات <----- يجيب النوم + أحيانا يستخدم السبورة + ما تفهم شي منه

الكويزات : صعبة جدًا جدًا... لو قدر الله عليك و نزلت معه حاول تدور أولد كويزز حقته ( إن شاء الله بنزلهم كلهم على نهاية السمستر) - عادًة يعطي واجب ورقي وواجب على البلاكبورد اذا حليتهم يعطيك بونس علامتين على الكويز

المياجر: -

الفاينلات : -

القريد النهائي: C

الصوت: ممتاز

إضافات : يقدر وضع الطلاب غالبا... مستعد يأجل كويز أو يكنسل حصة الريسايتيشن

الإضافات الاخرى ذكرتها قبل هذا الرد بردين د. ايساب - الصفحة 5

 

شطحة : الصورة أقدم شي يبغالها تغيير الرجال شيب الله يحسن لنا وله الخاتمة


151 CHEM 101


التحضير :
ورقة تمر على الطلاب بداية الحصة .. واذا شاف العدد قليل اوقات ينادي على الارقام ومايحب احد يحضر خويه!

طريقة الشرح :
صراحة أنا اشوف المادة تعتمد عليك وعلى طريقة مذاكرتك اهم من الدكتور بدرجة كبيرة
يمكن أكثر مادة اعتمدت فيها على الكتاب من يوم مادخلت الجامعة للأن .. ويفيدك بشكل كبير
ما أخفيكم المادة تحتاج متابعة أول بأول خصوصا للي ما يداني الكمستري مثلي

الشرح يكون بسلايدات الكتاب ومتمكن من المنهج باحتراف ويجاوب على أي سؤال عندك
غالبا ماكنت اركز معاه الا بالأشياء اللي احسها مهمة وتحتاج شرح ..

أوقات كثير ممكن يطلع لكم Check Points على السلايدز ويطلبكم تحلونها بعد مايشرح معلومات عنها عشان تثبت المعلومة
انا ما أحب هالطريقة بالشرح وغالبا ما كنت احلها :D

الكويزات :

صعبة وفيها شغل
أسئلة كثير يجيبها من المياجر السابقة
غالبا تكون اختيارات بس تحتاج تمرس , وممكن يعطيك واجب على Bb و واجب ورقي يكون عليهم 4 درجات ويصير الكويز من 6 المجموع =10

وزي ما الكل عارف الكويزات عليها 17.5 فلازم تركز عليها مو تفهي مثلي
عطانا تقريبا 10 كويزات وحذف أسوء واحد لكل طالب بالاخير

المياجر: كومون

الفاينلات : كومون

القريد النهائي: B+

الصوت: متوسط والاكسنت على خفيف مقارنة بمدرسين اخرين

إضافات : الرجال حسب تجربتي معاه طيب وشغله نظيف بس يبغالك تشتغل معاه ومع المادة
وفيه حركة سواها اكثر من مرة كبر بعيني .. اذا كان فيه ميجر على الطلاب وكلمه اكثر من واحد مستعد يلغي الكويز اذا فيه او الريسيتيشن بكبرها "سواها يمكن 3 مرات هالفصل"
وزي ماقلت الدكتور مايهم كثير بهالمادة .. بالتوفيق

 

CHEM 101 T-141

التحضير:
ينادي
طريقة الشرح :

يشرح من سلايداته واهي زينه لانه فيها اولد اكزام بس ما يعطيك اياها

شرحه لك عليه ، عادي

الكويزات :

اختيارات
شفها على

Chem 101 Q -141 Isab

المياجر:
ميجرين كومن
الفاينلات :

كومن
القريد النهائي:

B+

الصوت:
الاكسنت اشوي صعبه تتعودعليها في اول اسبوع


إضافات :

* المدرس حبوب و محترم و طيب

خلك قدام ورح له اوفس اور حتى لو ما عندك شي وراح يظبطك

* الريسنتيشن يحل فيه اولد اكزام قبل الكويز مفيده جدا

​

 

التحضير : يوميا ورقي ، وأحيانا ينادي لو حس أحد يحضر اخوياه
طريقة الشرح : جيدة مقبولة ، توصيل المعلومة مب ذاك الزود لكن الشي الخرافي فيه إنه يقولك شلون تحل أسئلة المياجر بطريقة سهلة وأحيانا برضو يقول نقاط مهمة جدا جدا مب مذكورة بالكتاب ( أو مذكورة بشكل معقد وغير واضح ) > أعجبتني الشغلة ذي وفادتني كثير
الكويزات : صعبة من الآخر . تحتاج تذاكر صحححححححح وتحل شابتر باي شابتر + اولد كويزز برفعها بحط رابطها تحت إن شاء الله + اولد اقزام لو عندك وقت . ماهي سهلة تحتاج تذاكر صح ( لو نظامك تسحب على الكويزات لا تنزل معه من الأخير )
المياجر: كومن
الفاينلات : كومن
الصوت: واضح لكن أكسنت هندي
إضافات :
من الآخر إذا أنت تدور دكتور شريح إبعد عنه
إذا نظامك سلف ستدي وتحب تاخذ فكرة الدرس وبعض النقاط المهمة ( وبعدين ) ترجع الغرفة تذاكر = جدا بيكون وضعك كويس ( لو استثنيت الملل أحيانا بالكلاس )

​

 

الرابط للكويزات :

Dropbox - Chem 101 Quizzes​

 

CHEM101 161

التحضير: شديد بالتحضير، يوزع ورقة بداية الكلاس وياخذها نهاية الكلاس. أقل شي مره في الأسبوع بعد ماتجيه الورقة يحضر بنفسه مره ثانية عشان يقفط الطلاب الي يحضرون اخوياهم.

طريقة الشرح: سييييييئ للغاية، يشرح عالسلايدات والسبورة وصراحة يحاول قد مايقدر يوصل المعلومة لكن ماتقدر تفهم معه ابد.

الكويزات: صعبة لكن تقدر تحلها. كل كلاس رسيتيشن كويز.

المياجر: كومن.

الفاينلات: كومن.

القريد النهائي: D+

الصوت: واطي ماتسمع زين واللهجة هندية لك عليها شوي.

إضافات: صراحة دكتور محترم لكن في النهاية اقولك انحش منه سيئ من كل النواحي. الميزة الوحيدة فيه إنه الكوردنيتر

 

(162) chem 101

التحضير: يمرر ورقة عالطلاب وبعض الاحيان يصير ينادي بالارقام نهاية الكلاس وخصم درجتين للي بحضرو صاحبو
الشرح: رهيب جدا، بعطيك الزبدة وما بطول في الشرح وبحل امثلة واذا ما فهمت اشي بتقدر تسألو ويجاوبك، وفي الريسايتيشن بحل اولد اكزامز
بس يمكن في ناس ما تحب الاسلوب السريع في الشرح
الكويزات: سهلة بس دايما في سؤال واحد لازم يخليك تشك بحالك، وبجمع بين النظري والحسابي
المياجر: كومن
الفاينلات: كومن
القريد النهائي: +A
الصوت: للاسف كان الصوت اكبر مشكلة اواجهها صوتو شوي خافت يعني لازم تقعد قدام عشان تقدر تسمع ولهجتو فيها شوية طلاسم
اضافات: طبعا كان هو الكوردينيتر هاظ السمستر واغلب الطلاب سفلوا فيه بسب حركة الميجر الثاني
بس عن نفسي انا اشوفو انو دكتور بطل ما يكرفك كثير بالهوموركات والخ
كان يرسل هومورك واحد بالاسبوع وهي اسئلة اولد اكزام
ومن ناحية اخلاق ما اشاء الله

 

Chem101 - 161
التحضير : ورقة تمشي، واحيان ينادي الاسماء اخر الكلاس واللي يشوفه محضر ومب موجود يحسب عنه غيابين
طريقة الشرح : سيئة ، يجيب النوم وقليل مايكتب على السبورة كل شي كان عالبروجكتر كان يسحب على اشياء كثير بحجه ان الطالب مفروض عارفها.
الكويزات : متوسطة مائلة للصعوبة وتعتمد على الكويز السابق لانه يحاول يخلي الافرج على ٦/١٠ ، ٥.٥/١٠
المياجر: كومن
الفاينلات : كومن
القريد النهائي: D
الصوت: واطي، وبسبب موطنه احيان كلامه يكون غير مفهوم.
إضافات : التأخير عنده عادي وقليل يدقق، تقريبا كل اسبوع كويز وهومورك.
في الريستيشن مايشرح، يجلس ويشغل البروجكتر ويخلينا نحل، اذا ماعرفنا نحله كلنا قام من كرسيه وحلها.
اذا بتنزل عنده بتكمل الكورس سيلف ستدي + قال لكل واحد بينحذف عنه غياب وماحذف.

 

CHEM101 161

التحضير: يهتم بالتحضير، ورقة تمر بين الطلاب. بعض الأحيان يشيك بنفسه على الورقة عشان لو حد حضر خويه ولا شيء. مرة غيبني بالغلط عشان كذا أنصحكم تنتبهوا وتتأكدوا كل فترة من غياباتكم

طريقة الشرح: شرح مفقع. ما تفهم شيء.

الكويزات: متوسطة مائلة للصعوبة. إذا ذاكرت زين بتحلها إن شاء الله أغلبها أولد اكزامز.

المياجر: كومن.

الفاينلات: كومن.

القريد النهائي: D. حصلت عنده B بمجهودي الشخصي.

الصوت: ينسمع صوته بس لهجته هندية وما تفهم شيء.

إضافات: الدكتور ما يصلح تنزل عنده ونصيحة أخ لأخ لو اضطريت تأخر المادة أخرها ولا تنزل عنده.

 

سبحان الله ... الدكتور مش كوردنيتر عبث، شرحه جدا عاجبني وافهم منه وكويزاته مرة حلوة واللي يركز عليه يجي واللي يركز معه في الكلاس وينتبه ويكتب وراه بيستفيد ١٠٠٪.

بقيمه نهاية الترم، الدكتور كنت حاطه خيار اخير لو ما لقيت سكشن كويس لكن سبحان الله كيف انني رحت عنده وجدا مستانس بدرجاتي معه. الدكتور خلوق وبرضو مرح شويتين ويحاول يضحك مع الطلاب كل شوي وشوي واكثر من مرة يحط تعليقات حلوة على ورقة الواجب

مستانس معه عموما دامنا خلصنا نص الترم حتى الان، برجع نهاية الترم واحط تقييمي النهائي.

 

Chem 101 - 181

التحضير : ورقة يمشيها ع الجميع, واذا كان العدد قليل ينادي بالأسماء .

طريقة الشرح : شرحه حليو يفضل تكون قدام عشان تشوف اللي يكتبه بالسبورة , احيانًا يعطي أسئلة ونحلها بالكلاس , ما هو ذاك الشرح الأسطوري لكن يمشي الحال .

الكويزات : أغلبها كويزات قديمة موجودة في الريسورسز ( 4 أسئلة خيارات ) مستواها متوسط الى سهل .

المياجر : كومن .

الفاينل : كومن .

القريد النهائي : B+

الصوت : غير واضح للي جالس ورا , لكنته هندية لكن سهلة .

إضافات : الدكتور مرح وكلاسه ممتع أحيانًا , الافضل تكون محضر للدرس عشان تستفيد بشكل أكبر , هومووركاته سهلة ويرسل مسائل على كل تشابتر اسبوعيًا .