شبآآب احد يعطينآآ انطبآعه عن مدني ..!!

بأنزل معه 406

 

شباب ممكن انطباعكم عنه كورس 202

 

اللي أعرفه عنه أنه "محترم وحبيب ويحترم الطالب .. وشرحه حلو وجميل"
" أسئلته دسمه وصعبه نسبيا ويبغى لها مذاكره بزياده .. وخصوصا اذا كان الكوردنيتر"


\\

 

انا خذيت معه مادة في الماستر

التحضير : يهتم بالتحضير كثيراً
طريقة الشرح : يجلس على الكرسي ويتصفح السلايدات وشرحه جيد
الكويزات : لم يعطنا ولا كويز
المياجر: يوضح المواضيع الاساسية التي تأتي منها الأسئلة وفعلاً افادتني كثيرا في المذاكرة وفي الاختبار
الفاينلات :نفس الميجر
القريد النهائي: يرفع قريد واحد عن قريدك الحقيقي
الصوت: متوسط ولكنه هادئ
إضافات : تعامله جداً راقي مع الطلاب

 

يعطيكم العافية

 

بينزل 202 في الصيف .. شوضعه ؟؟

تحدييثات ؟؟

 

up

 

طيب شباب ... هو والا شهيد الاسلام ؟؟​

 

اخذت معه Acct 202
ممتاز في كل شيء ..
المياجر سهلة وواضحة جداً ، الكويزات فيها تريكات
بعد اول ميجر ، بتعرف كيف طريقته في الأسئلة و تعرف وش المسائل اللي لازم يجيبها في الميجر الثاني والفاينل
هالكلام بعد ما نزلت المادة بالصيف و الأسئلة منه فقط ..

 

ACCT 210 - 2012 summer


التحضير :
نهاية الكلاس وماينسى

طريقة الشرح :
يجلس ع الكرسي ويتصفح سلايدات ( قراءة وشوية تعليقات ) ، شرحه مايعجبني شخصيا لأني ما اشوف انه شرح اصلا
باختصار اشوف شرحه سيئ جدا

الكويزات :
اون لاين والوقت دايم ما يكفي

المياجر: متوسطة الصعوبة او صعبة ، ولو تحل الهوموورك الاون لاين وتفهمه بتجيب درجة حلوة

الفاينلات : نفس كلام الميجر بس الفاينل اصعب عادة

القريد النهائي:

C


الصوت:
واضح جدا وهادئ

إضافات :

الدكتور اخلاق ماشاء الله ومتعاون جدا ودايم مبتسم ومتفهم وساعدنا كثير في الترم الصيفي الله يسعده
واشوف عيبه الوحيد ( الشرح ) الي هو اهم شي في اي دكتور .
يرفعك قريد عن قريدك الحقيقي .
يسمح بالميك اب - يسامح ع التأخير - عنده نقاط مشاركة للطلاب الي يطلعو يحلو الهوموورك ع السبورة
دايما كان يطلعنا بدري
لو كان شرحه ممتاز حيكون دكتور الاحلام

 

Acct 210 - summer 123

د/ حيدر ،، الله يسعده

ساعدنا في الصيف


لكن شرحه رؤوس اقلام فقط


تقييمي للدكتور : B+

 

التحضير : أحيانا في أول الكلاس وأحيانا في أخره وإللي ما عنده غيابات أو أقل من ثلاث غيابات على ما أذكر يعطيه بونص

طريقة الشرح : عادية وما تستفيد منها كثير لأنها عبارة عن قراءة للسلايدات وكم تعليق بسيط

الكويزات : أذكر أخذنا كوزين فقط طول السمستر واحد أونلاين وكان سهل مثل أسئلة الواجب والثاني ريتين في أول يوم بعد الإجازة وجبنا العيد فيه

المياجر : سهلة وكانت أونلاين يعني في أحد لابات مبنى 24 في وقت الكلاس وأغلب الاسئلة تكون مرت عليك بواجبات الأونلاين

الفاينل : ريتين وصعب دلعنا في المياجر وأنسلخنا في الفاينل والمتيريال حقه طبعا كان أثقل الزبدة إني جبت العيد فيه وطيرت كم قريد بعد ما بدعت في المياجر

الصوت : جيد

القريد النهائي : C

إضافات : خذ بالك من الفاينل إذا المياجر أونلاين يعني عود نفسك على حل المسائل بيدك

 

بنود التقييم :

التحضير :
بكل محاضرة :مرات بالبداية ومرات بالنهاية
ويسمح بالميك أب

ويعطيك بونص 1+ في الكلاس وورك إذا كان عندك عالأكثر غياب واحد

طريقة الشرح :
سلايدات
وأحياناً يستخدم السبورة لتوضيح نقاط معينة
الكويزات :
3 كويزات -2 منها أونلاين
المياجر:
كومن (ألغيت طريقة المياجر الأونلاين وصارت كلها كتابية15 خيارات و3 مسائل رئيسية)
الفاينلات :
الميجر الأول كان صعيب
الثاني متوسط إلى سهل
الفاينل: الله اعلم
القريد النهائي:
B
الصوت:
واضح

إضافات :

 

..

 

سمستر 132 - Acct 210

التحضير:
كل يوم ومستحيل يروح عن باله ،،

وبالنسبة للبونس اللي يقولو عليه الشباب ما شميته مع انه ما عندي ولا غياب !!!!
شباب كثير قالو إنه يعطي الطلاب كلهم upgrade لكن ما شفنا شيئ دا السمستر !!!

طريقة الشرح:
مملّة جدَّا ،، سلايدات ورؤوس أقلام وممكن يستخدم السبورة لإشتقاق قانون من قانون أو ما شابه ،،

الكويزات:
3 كويزات كلها أون لاين وياخذ أفضل 2

المياجر:
كومن (كلها ريتن) + حول الـ 12 فقرة MCQ ،، اللي يقهر في الموضوع انه آدمي مسوي فلة وفلته فلة شيبان ،، ومستحيل يسمع لك أي كلمة أو اي طلب بس يسلك لك ،، وأزيدكم من الشعر بيت، ميجر 1 وميجر 2 كان عندي أخطاء حسابية بسيطة مع إني كاتب القانون ومعوض تعويض سليم 100% بس الفاينل أنسر خطأ يعطيني ع الفقرة كآآآآملة [0] !!!!!!!!!!!!!!!!!!!!! ،، يا ناس ايش الظلم دا ؟؟؟ أقله لو كتبت لك الفاينل أنسر بس وبدون أي قانون أو تفصيل، تعطيني فل مارك ع السؤال؟ يقول ايوة، طبعاً !!! وبكل وقآآحة

الفاينل:
نفس طريقة المياجر

الصوت:
واضح ،، + إنجليزي مكاوي ،، عاد كيف لا تسألني ،، أتخيّل الموقف انت وبس

القريد النهائي:
F وبكل جدارة !!! بس ممكن أرفعه للـ D لأنه مافي دكاترة في التخصص المريض والديبارتمنت الميّت دا وأتوقع يجلس في مكانه وقت مو هيّن !!

إضافات:
الدكتور ممكن يسحب على أي كلاس بدون ما يقلك وتجي انت وتكتشف انه مافي كلاس ،، + كثير السفرات (يقلك رايح conference في أمريكا وهوا أصلاً رايح يفل ويتطمن على عياله اللي كلهم هناك )
+
هو يا إنه مو فاهم ومدري كيف جاب الدكتوراة !!! أو إنه يدرس كورس ماله رغبة فيه !! تبغا تحتج على درجة أو أي شي، مستحيل يسمع خطواتك وإنك فاهم ،، على قوله إنه الاختبارات تجيه جاهزة من ال producer حق الكتاب وأي شي تتكلم عنه يقلك أنا أمشي بالسلوشن حق الكتاب ،،

الزبدة
(ذاكر وأتعوّد على طريقة حل الكتاب نفسه لأنه بنسبة 90% حتنصدم من التصحيح اذا ما حليت بطريقة الكتاب).

 

[ د. حيدر مدني ]

ACCT 210 - Term 132​

- التحضير : دايماً نهاية كل كلاس ينادي بالأسماء ,,,

- طريقة الشرح : يشرح على السلايدات - شرحه جيد جداً + يعطي أمثلة من الواقع + أحياناً يستخدم السبورة للتوضيح + يشرح الأشياء الأساسية ,,,

- الكويزات : 3 كويزات أونلاين يأخذ أحسن 2 ( الوقت ضيق + نفس طريقة الهوموركات ) ,,,

- المياجر : متدرجة " بحكم تدرج صعوبة المتيريال " - ميجر 1 سهل ، و ميجر 2 متوسط ,,,

- الفاينلات : نفس طريقة المياجر ,,,

- القريد النهائي : B

- الصوت : واضح و لهجته جيدة ,,,

- إضافات : الدكتور سهل التعامل و محترم ، + يعطي بونس 1% للي عنده غياب على الأكثر + لكن تصحيحه شديد ,,,​

 

تقييمي عنه بنهاية الترم

acct210 - 141

- مافي شرح , يمكن تستفيد 10% او اقل
- يطلب منك تطلع 6 مرات تحل اسئلة هو مختارها *مو السؤال كامل , بارت منه والباقي طالب غيرك* هيا نفس
الاسئلة اللي تجي في الميجر مع تغيير الارقام واحيانا اقصر مو السؤال كامل
- ثلاثة كويزات اونلاين , واحد منهم اختياري
- بونس 1% للي ما عنده ولا غياب
- يسمح بالميك اب
- مافي شي اسمو ليت , لو تحضر اخر عشرة دقايق
- متساعد وحبيب جدا ولا عمره رفع صوته
- تصحيحه كان كويس , دايما فوق ما اتوقع ويخليك تشيك بنفسك من السلوشن
- غير متفهم في تغيير وقت ميجر حتى لو عندك ميجيرين *ما صارتلي*
- المادة بشكل عام اسهل من اللي قبلها وواضحة اكثر
- افهم من الكتاب بعدين حل اسئلة السيلابس حقت البراكتس *نفسها اللي بتحلوها مع الدكتور ونفسها اللي بالميجر*
- الدكتور يزودك في القريد النهائي رغم انو احيانا ينقال عنو غير كذا بس ما قصر الله يسعده
- اخيرا انصح به

 

ACCT210 Term 142

التحضير : بداية الكلاس وأحيانا آخر الكلاس

طريقة الشرح : سلايدات يقراهم ويحاول يخلي الطلاب يشاركون (الشرح 6 من 10)

الكويزات : عطانا كوزين اونلاين , أسئلتهم زي أسئلة الهومورك الاونلاين

الهوموركات : فيه هومورك اونلاين + يخصص كلاس كل اسبوعين حق الهوموركات اللي موجودة في السلبس ويوزعها على الطلاب علشان يحلونها على السبورة (عليها درجات)

المياجر: كومن

الفاينلات : كومن

القريد النهائي: B

الصوت: واضح

إضافات : المدرس طيب وحبوب ومتعاون لكن مايتعب روحه في الشرح لدرجة إنك ممكن تطلع من الكلاس وباقي نص ساعة! , سوا لنا كم هلب سشن قبل المياجر والفاينل (فيه تحضير وعليهم درجات) , كان مفروض يعطينا ثلاث كوزات لكن عطانا بس اثنين , خذ أحسن درجة منهم وأضاف عليها درجة كوز كاملة , ماكنت أعرف سالفة الدروس إلا قبل المياجر بيومين هههههههه (من طيب الشرح :D)

 

ACCT 210 - Term 151

بنود التقييم :

التحضير :
​

يحضّر كل كلاس في بدايته غالبا.. و ما شاء الله يحفظ الطلاب من ثاني أسبوع.. هو اللي يحضر بنفسه..​

​

طريقة الشرح :
​

ما يشرح كويس.. الدكتور طيب و أخلاق لكنه ما يعرف يوصل المعلومة.. يمر على السلايدات و يعلق عليها.
و ​

إذا تبغى تفهم معاه لازم تكون محضر الدرس قبل ما تجي.. بتستفيد من الكلاس لو محضر الدرس..

الكويزات :
​

فيه ثلاث كوزات أون لاين معه بيأخذ أحسن 2 منهم.. واحد قبل الميجر الأول و واحد قبل الثاني و واحد قبل الفاينال​

المياجر:
​

كومن.. الأول كان عليه 25% و الثاني 30%.. من متوسط لقليل الصعوبة.​

الفاينلات :
​

كومن نفس المياجر.. على الفاينال 30%​

القريد النهائي:
​

d+

الصوت:
​

واضح​

إضافات :
1-الكوزات أوقاتها قليل جدا.. يعني لو تحتاج للكوز ساعتين بيعطيك هو 50 دقيقة.. فذاكر لها زين..​

2- مع الدكتور حيدر فيه درجات المشاركة و هي 5%.. جمعها كلها أو ما راح يمديك تأخذ الخمسة.. تجمعها من خلال المشاركة في حل الهومووركات اللي في السلابس.. بعد كل شبترين أو ثلاث بيختار طلاب عشان يطلعوا و يحلوا الأسئلة اللي في السيلابس في الكلاس اللي بعده على السبورة.. كل مره تطلع ب 1%.. فجمعها كلها من بدري ولا ما بيمديك تأخذها كلها.. لأنه على ما أذكر المرات المتاحة لك هي 6 أو 7 مرات خلال الترم. و إذا ما اختارك عشان تحل.. برضوا ذاكر الأسئلة و روح محضر لأنه في حال غياب طالب من اللي بيحلون الأسئلة بيختار هو طالب من الكلاس يجي محله.. فخليك محضر عشان تطلع. و شي كمان لا تنقل الحل من السلوشن على السبورة لأنه بيسألك كيف حليتها و كيف جت كذا و ليش استخدمت القانون هذا..
3- المادة سهلة، أسهل من 110 بكثير و لكن تصحيح الدكتور حيدر ظالم شوي.. مره كان الجواب النهائي لطالب خطأ لأنه زاد رقم فقط و عطاه صفر في ذاك الجزء من المسألة.. و قال لو جبت الجواب النهائي صحيح بعطيك الدرجه كاملة. (الإختبارات كلها تروح للدكتور حيدر.. هو المصحح). و شيء ثاني الأسئلة محددة (قليلة) في المياجر و الفاينال.. في الفاينال جانا 3 بروبلمز و 15 أسئلة اختياري. و المياجر مثلها.. تضيع سؤال تخسر درجات كثير..
4- لا تغيب ولا كلاس لأن اللي ما يغيب له بونص 1% مع الدكتور حيدر فقط .

دمتم بحفظ الله ​