انك تقعد ترتب جدولك وتستخدم scheduler واحلى جدول (بدون فراغات واحلى اساتذة وتمام التمام) ولك اسبوع تزبط فيه وبعد نانوثانية من فتح التسجيل يختفي الجدول اللي كنت حاطه وكل السكاشن مغلقة وتبدا تحاول ترقع ولكن هيهات ولا يغيرون لك الاستاذ من افضل الاساتذة تقيمما لأسوأهم
تقييم الدكاترة في المنتدى .. تلقى واحد كاتب أفضل دكتور مر علي في الجامعة وكامل المواصفات , و اذا نزلت عنده تكتشف أن ميزته الوحيدة أنه مايحضّر
الدكتور الطيب في تعامله مع الطلاب واللي يكرر جملة (أتمنى أن كل طلابي ياخذون A+) !! هو الدكتور اللي يخفسهم في الدرجات . والدكتور الشديد يزحف الطلاب في الكويزات تالي يعطيهم قريدات عالية
شيئين لربما ليسا بغريبين، ولا أعلم اذا تم نشرهما هنا أم لا لكن سأكتبهما على كل حال 1.من ما كان متداول منذ زمن عند المحليين، وعرفتها قبل فترة بسيطة كان أحد المواقع المقترحة لبناء الجامعة قرية الزور في جزيرة تاروت (تقريباً تبعد 50 كم عن الجامعة). 2. طول ارتفاع الأبنية في الجامعة محدود، وذلك لقربها من مواقع عسكرية أو شئ من هذا القبيل.
ارامكو طلبت جزء من الحزام (من البوابه الشماليه الى مستشفى ارامكو) عشان زوار مستشفى ارامكو يدخلون منه و ما يضايقون الموظفين بس البطل د. خالد السلطان رفض و قال للحرم الجامعي قدسية.
ليته والله وافق بشرط انه طلاب الجامعة يعالجوا بمستشفى ارامكوا بيلاش بدل هالكلينك الزفت الي تموت ما جاء دورك !
من الغرائب الأشكال الغريبة اللي تطلع في هاشتاق الجامعة في تويتر في واحد ثاني جديد شكله بيتفوق على الأول
من الغرائب عند بعض طلاب الهندسة اللي يتريقون على طلاب الادارة بالسهولة وغيرها من التخصصات الغير هندسية ، لو جيت على ارض الواقع حصيلة معلوماتهم عن كلية الادارة وغيرها صففر بالمية ولا سبحان الله غالبا هالفئة ماتشوفها اونر بل العكس ، مدري هل هذا تعويض نقص !! وهو لو يجرب ياخذ كورس ادارة احتمال كبير يبزوط .. صورة نمطية +عدم إطلاع وبحث = جهل مركب .
من غرائب الجامعة دفعة ٢٠١٥ ١) اول دفعه تدخل الجامعة في عهد الملك سلمان ٢) اول دفعه تدرس بمبنى التحضيري الجديده ٥٧ ٣) اخر دفعه سوت الصندوق بكورس الوركشوب (اللي اخذها ب١٥١) ٤) اول دفعه تاخذ تشابتر الروبوت بالوركشوب (اللي اخذها ١٥٢) ٥) اخر دفعه تلحق دفع الكاش بالكفتريات ٦) اغلبهم تخرجوا بدون حفل حضوري ٧) اخر دفعه تلحق تخفيض الخطوط الخاص بالطلاب ٥٠٪ ويمكن في اشياء اكثر ما تخطر ببالي حاليا... لكن اشوف دفعة ١٥ من اكثر الدفعات المميزه