تكفون ابي فزعتكم

ركز على الدراسة وحاول تجيب اعلى الدرجات سواء في القدرات او التحصيلي بحيث تكون عندك خيارات كثيرة مب بس البترول .
وإذا وصلت ثالث ثانوي او اجازة الصيف بعد ثاني ثانوي اطلع على التخصصات والجامعات واعرف وش ميولك .
بإختصار ركز على الدراسة الحين ولاتفكر في اي جامعة والتخصصات الا بعد ثاني ثانوي عشان يكون عندك الوقت الكافي وتعرف وش التخصص والجامعة المناسبة لك .
الله يوفقك

 

مثل ما قال شدعوة ، أهم شيء الحين تجيب معدل وتجيب درجات عالية في القدرات - وخصوصا - التحصيلي.

ممكن لو حبيت تشتغل على جانب اللغة اشوي ، لكن اللغة بإمكانك في عطلة الصيف بعد ما تخلص ثانوي تطورها اشوي وتحسنها.

 

^^^
علمي .

 

مثل ما قال Mr.A

كويس لو تهتم باللغة. اقترح عليك تسجل بمعهد لغة بالعطلة الصيفية إذا كانت ضايعة وما ببالك مشاريع تسويهن به. اللغة بتفيدك دائما وأبدا وبأي دراسة لتخصص علمي وبالجامعة هنا مهمة جدا عشان تجتاز السنة التحضيرية بسلاسة ودون قلق.

أهني فيك المبادرة واستباق الأمور، برافو!

 

لسا قدامك مشوار طويل ي خوي.
ولا تستبق الامور كل شي ف وقته حلو ، و زي ما قالوا لك الاخوان ركز على اللغة اهم شي ، حاول تطلع برا ف الصيف اذا امكانياتك المادية تسمح.
و الله يوفقك.

 

عش يومك واجتهد في دراستك ولاتنظر بعيدا جدا جدا
واذا انت تستحق الجامعة او ترى في نفسك القدرة في ذلك راح تكون في يوم من الايام طالب فيها

 

ادخل

TED.com
وشوف الفيديوهات مترجمة بالعربي

تعلم
شيء يفيدك غير المدرسة:
برمجة، روبوتكس، خطابة، توستماستر، وغيره كثير كثير كثير


ادخل
مقاطع TEDx التي أُقيمت بالسعودية وشوف تجارب الناس

لا تسأل أكثر من اللازم
عشان تعرف التخصص المناسب لك، ادخل ومارس مجالات مختلفة من خلال التطوع وغيره.

 

عشان تنقبل بالبترول حاول تركز على التحصيلي = ابدا من 3 ثانوي بالاستعداد له جيدا (اهتم فيه اكثر من المدرسة وخلي اهتمامك بالمواد العلمية وخاصة الرياضيات)

عشان تعدي التحضيرية ابدا من الان بمتابعة افلام بترجمة انجليزي (بحيث تجمع كلمات وتعرف القرامر او شف لك طريقة ثانية تناسبك) والرياضيات حاول تخلي كل اهتمامك بالثانوي على الرياضيات (حاول تأسس نفسك صح بالرياضيات)

اذا عديت التحضيري لا تتهاون بالسنوات ال4 اللي بعدها اعطي كل مادة اهتمامها ومهما كنت ضعيف فيها على الاقل بتجيب درجة ما تخليك تعيدها

وبالتوفيق