مقابلة في هيئة النقل العام

عندي معاهم مقابلة يوم السبت .. ياريت أحد يفيدنا

 

Up up

 

متى اتصلوا عليكم؟ أنا مقدم من شهرين وللحين ما اتصلوا علي.

الله يوفقكم ويكتب لكم الي فيه الخير

 

انا ايضا مقدم
من فتره ولا جاني رد
خبرونا متى قدمتوا

 

شباب اي احد عنده معلومات عن رواتب المهندسين الفريش والمقابلات لا يبخل علينا بليز

 

هلا بك اخوي
ايه الرواتب ي طويل العمر للفريش 9500+ بدل نقل 700

هذا كلام موظف عندهم

بالتوفيق لنا كلهم
والله إني انتظر ردهم على أحر من الجمر

 

كيف كانت المقابلة اخوي؟

 

سلام عليكم

تعقيب على موضوع هيئة النقل العام ، هل أحد عنده خلفية عن رواتب الهيئة ومميزاتها؟ هل فيه بدل سكن وتأمين طبي ؟ اللي عنده اي معلومة لا يبخل علينا ، شكرًا لكم

 

انا جاني تنبيه عالايميل ان بروفايلي تمت مشاهدته وان علي انتظر اتصالهم علي

هل هذا الاجراء مر عليكم ياللي سويتو مقابلات ؟

 

نعم جاني نفس الشي ، مريتهم في الرياض يوم الخميس اللي فات قال باقي إجراءات المقابلات يبي لها فترة م حددها ..

 

تسلم عالرد .
كويس دام باقي المقابلات ماانتهت . بس كان ودي اعرف كم المده التقريبيه بين هالتنبيه وبين الاتصال للمقابلة

 

حسب اللي اعرفه ان القبول المبدئي بيطلع في الاسابيع الجاية، بعدها اختبار لغة ثم المقابلة الشخصية
ياليت اللي قبلوهم العام الماضي يعلموننا وش حصل معهم وكيف اجتازوا المقابلة ووش كانت تتمحور حوله؟ هل التركيزفي التكنكل كان على مواد النقل ؟
وكيف بيئة العمل ؟
واتمنى ما احد يتردد في تزويدنا بهالمعلومات المهمة لانها تختصر على الواحد الشئ الكثير
شكرا

 

بانتظار الشباب يفيدونا

 

ماادري كم عدد الاحتياج لكل تخصص ؟؟


المهم الي عنده معلومات عن الاختبار او الي اختبرو ياليت تفيدونا

 

يا شباب تم الاستدعاء لاجراء اختبار قياس مستوى اللغة الانجليزية ... اللي عنده خلفية عن الاختبار وعن مرحلة ما بعد الاختبار يفيدنا .. بالتوفيق
هل الهيئة تعطي بدل سكن وتأمين طبي ؟

 

ايه تعطي تأمين طبي وتأمينهم ممتاز وكذلك بدل سكن يعطون واكتب سلم التامينات الاجتماعية يطلعلك المراتب

المهندس يتوظف ع المرتبة 43 الدرجة الثانية


وكرما تفيدنا كيف تم الاستدعاء لانه جاني ايميل منهم من شهر وشوي أن الطلب أخذ في الاعتبار وبعدها ما ارسلوا شي

 

يعطيك العافية اخوي ومشكور جدا على المعلومات الطيبة ذي , بالنسبة للاستدعاء جاني ايميل أمس من مشرف الموارد البشرية لتحديد موعد الاختبار عن طريق رابط والاختبار يكون في مقر الهيئة الرئيسي بالرياض : يمكن الاختبار على دفعات معينة او زي كذا عشان كذا ما جاك ايميل .. بالتوفيق لك اخوي وللجميع

 

ايش وضع اللي جاهم ايميل ان تمت رؤية ملفهم وسيتم التواصل معهم ؟!