الى جميع طلاب السنة التحضيرية ضع سؤالك هنا 2016

السلام عليكم
احتاج روميت من الشرقيه يبيع لي اسمه

0580868008

 

السلام عليكم، اخوي بس عندي سؤال انا اختبرت ايلتس وجبت درجة تحذفلي الانجليزي الحمدلله، السؤال هو وش الإجراءات عشان احذفه؟ شاكر لك مقدما

 

السلام عليكم، اخوي بس عندي سؤال انا اختبرت ايلتس وجبت درجة تحذفلي الانجليزي الحمدلله، السؤال هو وش الإجراءات عشان احذفه؟ شاكر لك مقدما، أخوكم أوربا ٢٠١٨ ان شاء الله

 

السلام عليكم، قريت ان اذا جبت فوق ال ٣ يعطوك زيادة فالمكافأه. كم الزياده؟

 

وعليكم السلام
هي مو زيادة ، هي عبارة عن مكافأة تفوق يتم اعطاؤها دفعة واحدة للطالب ، وتعتمد على معدله والساعات المضافة في الترم ، وتتدرج من ٥٠٠﷼ لمرتبة التفوق الثالثة ، ٧٥٠ ﷼ لمرتبة التفوق الثانية ، و ١٠٠٠ ﷼ لمرتبة التفوق الأولى. غالبا يتم إيداعها في حساب الطالب الجامعي في مكافأة الشهر الأول من الترم التالي دفعة واحدة.
راجع الأدوات عند حاسبة المعدل في المنتدى ، بتلقى التوزيع تحت.

أما المكافأة الأساسية تظل مثل ما هي.

 

يا جماعه انا نسبتي المركبه 84.2 تتوقعون يقبلوني في الجامعة

 

للأسف ما أعتقد
نسب القبول قاعدة ترتفع كل سنة ، وآخر نسبة كانت 87

 

يعني ما فيه أمل

 

يا جماعه هل ممكن تقبل جامعة الملك فهد للبترول و المعادن من هم أقبل من النسبة المركبة المطلوبه؟ أو هذا شي مستحييل

 

ما ودي أحبطك ، بس آخر مرة نزلت نسبة القبول عن ٨٥ كانت في ٢٠١٣ ، والسنة اللي قبلها -٢٠١٢- كانت ٨٦ ، فما أعتقد فيه فرصة.
الخيرة فيما اختاره الله.

بالنسبة للقبول المباشر ما فيه فرصة ، حسب اللي أعرفه حتى الفواصل ما يتغاضون عنها.
فيه الباب الخلفي للجامعة -كلية المجتمع- ، ممكن تدخلها وتحقق شروط التحويل وتجي الجامعة ، لكن هذه موضوع ثاني بتلقى لها مواضيع كثيرة في قسم الكلية في المنتدى.

 

87.6 فيه امل ؟

 

السلام عليكم.. مكتوب في الحالة لترم 163 dropped وابغا استفسر عن هذا الشي لكن ما ادري اي ادارة اروح .

 

هل انت متأكد ان الpyp002 اقدر اخذها في الصيف ؟ , يقولون ما تقدر تاخذها اذا الطلاب اللي رسبوا فيها قليل ..

 

اللي أعرفه أن مواد التحضيرية تنزل في الصيف ، باستثناء ماث ٠٠١ لأن اللي يعيده مرتين خلاص يطرد.
موضوع إذا العدد قليل ما راح ينزلون المادة ؟ هذه أول مرة أسمع بها.

 

السلام عليكم شباب هذا اول تفاعل لي بالمنتدى الجميل
وانا تخرجت من الثانوي وحاليا انقبلت في جامعة الملك فهد للبترول والمعادن
انا اختبرت اختبار ستيب في الاجازة الحالية وطلعت النتيجة وجبت وبحمد الله درجة ٧٦% في الاختبار ما يعادل ٤٧٧ بالتوفل
وعندي سؤالين احتاج الى الاجابة عنهم​

السؤال الأول
هل الدرجة اللي جبتها بالستيب تفيدني في الجامعة بشي مثل اختصار بعض مقررات الانقلش
السؤال الثاني
انا سمعت عن اختبار اسمه ef set وهو اختبره عشان اعوض اذا كانت درجتي بالستيب اقل من ٨٣ على ما اظن
سؤالي هو بما اني اختبرت ستيب حاليا ختبر اختبار ef واخلص منه الحين واسف على الاطالة ومشكورين ما تقصرون​