موضوع للإستفسارات الخاصة بـ [ السكن ]

ال

صيانة ,,7000 قلهم ان سخانك ما يشتغل + لا تنسى تاخذ رقم الطلب ضروري

 

اتصل على الصيانة، رقمهم 7000 من تلفون الغرفة او 0138607000 من الجوال.

 

شُكرًا،

 

يا شباب ايش وضع النقل الحر
ادارة الاسكان رسلوا رابط بس ما عرفت له

 

ي شباب انا طالب غير مستحق السكن ، واللي اعرفه انهم يفتحون الطلب للسكن لغير المستحقين في نص السمستر تقريبا ، بس هالسنه ما احتاج .

لكن السؤال .. هل اقدر اخذ سكن السنه القادمه مع احد من زملائي المستحقين للسكن من بداية السنه ؟
مع العلم ان زميلي اوريا وانا فرشمن (باذن الله) .

ويعطيكم العافيه

 

السلام عليكم,,,

أنا مقدم على الإلتحاق بالجامعة بإذن الله مع بداية السنة القدامة, أنا مقدم على السكن لوحدي و أتمنى نصائحكم

لنكون على وضوح:
-الشخص اللي بيسجل معي صديق عزيز من أهل المنطقة و ما عنده أي مشاكل مع الموضوع
-موضوع المادة من ناحية تأثيث الغرفة و دفع الإيجار ما فيه أي مشاكل

أنا سبق و سكنت في سكن للطلاب مع رفيق و للأسف كانت تجربة سيئة و ما أتمنى أعيدها

شيء أخير, إذا كنت أقدر أتحمل تكلفة المعيشة خارج السكن, هل أسكن برا ولا جوا الجامعة؟

 

تم اعادة قبولي
والان ابغى اسوي هذيك الموافقة على السكن من البورتال بس مايفتح عندي
وش الحل ؟

 

الي عنده قائمة الفرادى ياليت ينزلها في هذا الموضوع.

 

الف الف مبرووك القبول يالدافور

بالنسبة لقيمة السكن بالجامعة هو 150 ريال فقط يستقطع من مكافآتك شهريا وهو مبلغ رمز فقط والغرفة تجيك مأثثة فلا تشيل هم + تقدر تأخذ منهم رسيفر فيه bein sport ببلاش بس عليك التلفزيون

أما بالنسبة لمميزات سكن الجامعة عن برا :

1- وقت البريكات يمديك ترجع للغرفة تاخذ قيلولة ( خصوصا أنه " بعض " الطلاب عنده بجدوله يوم أو يومين بالاسبوع 3 ساعات بريك !) لا تقولي انك تبي تصير أنا الدافور و ابقعد اذاكر، هذي ممكن تسويه شهر شهرين بس صعبة تستمر !

2- لو نسيت كتابك أو أغراضك (ملابس السباحة أو كنادر الرياضة ...) يمديك ترجع وتاخذهن ، أما لو كانت ساكن برا مستحيل بيمديك

3- أحيانا " قليلة " يصير فيه اختبار قصير تبع المادة أو حصة إضافية للمادة (غير الزامية الحصة ) فبيصعب عليك الجية للجامعة او راح تتكاسل

4- سهولة التواصل بينك وبين الطلبة الي معك ، تقدر تروح لمهم بغرفهم بسهولة

5- "معلومة غير متأكد منه ابدا " اظنه لو كنت طالب ساكن برا الجامعة أو كنت زائر ما يسمحون لك تدخل الجامعة بعد الساعة 10 مساءا

6- جو السكن يساعدك على الدراسة ( الأمر نسبي فقد ما يكون الناس كلهم مثلي ) فيه نت سريع والبقالات والمكتبات والمطاعم كله عندك بالسكن ( ع رجليك 6 دقايق وانت واصل الي تبيه

7- فيه مجمع صغير أو مول اثغينون فيه مطاعم كثيرة ( ماك منؤشة الريف و برقر كنق و صب واي ...) وفيه محل ملابس وفرع لبنك الأهلي و محل ملابس رياضية و حلاق وحلات كافي ( زي دانكن دونت ) ومكتبة وبقالة كبيرة ( فيها أشياء مستوردة) وشاشة عرض كبيرة مرررررة زي السينماء يعرضون فيها المباريات ، فتقدر تروح وتغير جو هناك

للمعلومية كثير من المطاعم توصل للجامعة حتى باسكن روبنز يوصل وفيه عماير مواقف 5 ادوار


أما بالنسبة للسلبيات :

1- يمنع منع باتا حيازاة الأدوات المتفجرة عفو ادوات الطبخ ولو دخلوا عليك الامن وحصلوهن تاصل العقوبة " كثيرا " إلى الحرمان من السكن وكتابة تعهد بعدم العودة لهذا الفعل الشنيع!

2- مشكلة بعض حمامات ( طبعا الحمامات جماعية مثل المساجد 5 بجمب بعض) العماير يكون فيها واحد زي ال** واللهِ يدخل الحمام نظيف ولا طلع ترك لك هدية أحيانا كبيرة لدرجة لا يمكن تجهلها وتحمل رائحة ذات قوة نفاثة تُسقط من يجوب حولها صريعاً !

3- مشكلة المراوش وما ادراك المراوش ! بعض الكائنات الفضائية تطرح جلدها عفوا شعرها وتسد البالوعة عليك + المروش جاي بالطول ( طبع زي الحمامات 5 جنمب بعض) 1.5 متر داخل وعرضه 90 سنتيمتر تقريبا فما تقدر تاخذ راحتك حصوصا انه الكائنات ذيك تترك ملصقات بديعة الألوان ع الجدران بالإضافة أنه كثير من الحمامات تحصل جاية اصابات ، شيء خربان راس الدش وشيء منكسره الحنفية وشيى وشيء... والكلام بعد ينطبق ع الحمامات !

4- بسسس ما اذكر شيء اوه تذكرت اهم نقطة ! لو كنت ساكن برا الجامعة راح تعاني من سالفة زحمة الدخول للجامعة


الأن الحكم عندك ومافي احد بخص بحاله منك انت

 

اذكر فيه موقع تبع الجامعة لازال شغال فيه الطلبة الفرادى

 

الي اعرفه انه كل الطلبة مسوين كونفرميشين بالترم الماضي (162 )

اما بالنسبة لوضعك فإذا بديت انت الدراسة (171) تروح لمهم وتخلص اجراءات القبول ومن ضمنه السكن

 

انا تخرجت وبسوي اخلاء طرف ، مفتاح الغرفة الاصلي ضيعته وعندي نسخة منه

كم الغرامة ؟ وهل في احد له تجربة معاهم ؟

 

الي اعرفه انه اذا ضيعته للمرة الاولى غرامة 100 او 150 وكل مرة تضيعة تزيد 50 ريال عن القيمة الاولى يعني مثلا بالمرة الثانية تصير 150 او 200 وهكذا

المهم بالنسبة للتخرج واخلاء الطرف قد يختلف الوضع ، مثل سالفة البطاقة الجامعية لو ضاعت وانت طالب بالجامعة الغرامة 50 ريال لكن لو كنت تبي تتخرج وتبي تسوي اخلاء طرف فالغرامة بتكون 500 ريال !

فأقترح عليك انك تاخذ مفتاح روميتك ان كانه لسى ما تخرج وتعطيه 100 او 150 عشان يطلع بدل فاقد وتمشي ع المضمون

 

هل اقدر ادفع حق طالبين واخذ غرفة لحالي؟؟

 

نظاميا لا ، ما تقدر

 

السلام عليكم ...
بخصوص السكن هل مسموح اني اجيب تلفزيون وبلاسيتشن بغرفتي ..؟؟
وثنين هل مسموح بالسكن الغلايه .. اسوي فيها شاهي او قهوه .. مثلا ..
في السكن الممنوع جميع انواع ادوات الطبخ ...؟

 

الأول... نعم يمديك
الثاني... يمديك و أظن أظن الجامعة توفره لك
الثالث... ما عندي علم

 

نعمممممممممممممممممممممممممممممممممممممم ! واصح تجيب معك شيء لانه احتمال " كبير جدا " انهم يقفطوك ( خصوصا بالاونة الاخيرة مشددين مرررة ) وعقوبته الحرمان فقط من السكن لمدة ترم واحد مع كتابة تعهد بعدم العودة لهذا الفعل الشنييع

تعريف ادوات الطبخ : هو ما يستعان به على طبخ الطعام ، من مثل القدر و الغاز او الهيتر ( العين الكهربائية ) ومن في حكمها . وحاذر انك تسوي ذكي وتقولهم اذا اقفطوك انا اصلا ما اسوي بهن شيء ، او شيء من هالقبيل لانه هالعذر استُهلِك من قبل كثير من الطلاب.. وزي ما يقول المثل : اترك الشر وغني له فمالك بالمشاكل وانا اخوك

 

سويت اخلاء الطرف قبل امس ، الغرامة نفسها 100 ريال ما يختلف اخلاء طرف او غيره