تقييم سيرتك الذاتية هنا!

السلام عليكم جميعا
اتمنى تقييم سيرتي الذاتية المرفقة

 

I need your feedbacks

شككرا مقدماا

 

السلام عليكم، اتمنى تقييم السيرة الذاتية

شكرًا

Alkhorayef_Saud_CV.pdf

 

السلام عليكم
لي أربع شهور حتى اتصال ما جاني بديت أحس اني جايب العيد في شي
فزعتكم لا هنتوا

 

اتمنى تقييم سيرتي الذاتية لان بقدم على الشركات في يوم التدريب الاسبوع القادم باذن الله.

 

وعليكم السلام

وعليكم السلام
اسف على التأخير

السيرة جيدة ماتحتاج تعديلات كثيرة
وبخصوص الابوجكتيف ترا الغرض منه توضح الوظيفةالي مقدم عليها وخلفيتك ،
مثلا تكتب انك مهندس كهربائي حديث التخرج تبحث عن فرصة في مجال الاتصالات مثلا لو كنت مقدم على شركة في مجال الاتصالات ، وتضيف عليه كم كلمة تبين انك مهتم بالشركة وترغب بترك أثر إيجابي

شوف هالتغريدة راح تفيدك
Jamilah Alshammari on Twitter


واذا محتاج مساعدة في صياغة الهدف شوف هالحساب
مهندس كهربائي on Twitter



مب ضروري تكتب t (speaking, reading, writing)
يكفي تكتب Fluent أو Excellent

احرص إن صفحتك في مواقع التوظيف مثل bayt.com و linkedin تكون على نفس مستوى السيرة لأن اشوفها ممتازة كمحتوى وكتنسيق


الله يوفقك ويرزقك الوظيفة الي تتمناها

 

وعليكم السلام
اسف على التأخير

السيرة تحتاج تعديلات بسيطة :

- السيرة خلها باسم واضح مثلا Chemical Engineer CV - Ziyad Aljohani

- اسمك ارفعه فوق اكثر وخله بحجم اكبر عشان يكون كأنه عنوان للسيرة .

- خل السعودية في نفس السطر مع المدينة المنورة ، واحذف "kingdom of "
والمكان الفاضي الي كان مكتوب فيه Kingdom of Saudi Arabia تكتب فيه :
Linkedin Profile : Zyiad Aljohani
وخل اسمك Hyperlink يعني بمجرد مايضغط عليه مسؤول التوظيف تفتح صفحتك في الموقع
وهذا شرح للطريقة :




- الهدف الوظيفي تقدر تعدل عليه وتخليه كذا :

Fresh Mechanical Engineer with a pre-professional experiences seeking an entry level position in a reputable professional organization through which I can apply my .skills and knowledge and contribute to the organization's success

​

- حاول تمشي على تنسيق معين وموحد في كل السيرة ، يعني من الأخطاء الي عندك ، ان بعض عناوين الأقسام مكتوبة بحجم يختلف عن العناوين الثانية
وبعضها كل الحروف فيها كابيتال وبعضها بس الحرف الأول ، فحاول تطبق التنسيق على كل العناوين .

والأفضل تخلي الحرف الاول بس من كل كلمة في العنوان كابيتال مثل كذا :​

Professional Experience:

- النقاط بعضها رايح لليمين بينما الي تحتها رايحة لليسار ، فحاول تخليهم كلهم على نفس المستوى

^^^
الأخطاء الي فوق حددتها لك في الصورة ، لكن الأفضل تراجع كل السيرة يمكن هالأخطاء موجودة في مكان ثاني:




- قسم التعليم :

اكتب كلمة GPA: تالي المعدل


Expertise in CAD modeling, maintenance engineering, thermal analyses and dynamic analyses هالجملة خلها في قسم المهارات

وعندك خطأ في كلمة analyses المفروض تكون analysis

طبعا هذي الجملة خلها على شكل نقاط مب جملة طويلة ورايي تخلي عنوان قسم المهارات كذا :
Skills and Expertise : بدل من Computer Skills


بدل من key courses اكتب Main Courses ويفضل تخليها على شكل نقاط حتى تكون مريحة للعين اكثر
مثل كذا :





قسم الخبرة :
بدل من Student Intern, الأفضل تكتب Coop Trainee

التواريخ بشكل عام الأفضل تخليها في أقصى اليمين من السطر ولا تكتبها بالأرقام ، اكتب اسم الشهر ومايحتاج تكرر السنة يكفي تكتبها مرة وحدة
ومايحتاج تكتب from , to لأن وجود الشرطة - كافي
يعني المفروض التاريخ يكتب كذا :
July - Sep , 2017


- قسم المهارات : احذف "Etc.)." من نهاية مهارة المايكروسوفت

- قسم المهارات الشخصية  Ability to lead and motivate its members.
its مب واضح ترجع لايش بالضبط لكن رايي تغير هالجملة إلى
Leadership and initiative taker

ونصيحة لاتستخدم كلمة ability مع الأشياء البسيطة او المهارات الأساسية ،
يعني مثلا خطأ الواحد يكتب ability to read , لأن لما تكتب هالشي فماراح يكون مهارة ونفس الوقت يعطي انطباع انك بالكاد متمكن منه .
أتمنى إن الفكرة وضحت


رايي تحذف هالنقطة : Balanced concern for achieving tasks and maintaining good relations.
وتخليها Task-oriented

- ملاحظة : اعتقد شلمبرجير تعطي دورات للمتدربين مثلا عن H2S و دورات عن السيفيتي فليش ماتسوي قسم جديد بعنوان Short Courses أو Training Courses وتخلي فيه الدورات



- قسم اللغات :
احذف language بعد كلمة native
الحرف الأول من Native و Excellent خله كابيتال

عشان توفر سطر خل نقطة الانجليزي على نفس السطر مع العربية لكن بينهم مسافة تفصل بينهم ولاتنسى تخلي نقطة سوداء قبل الانجليزي •




احذف قسم References لأنه ماخذ مساحة ونفس الوقت مافي فائدة من وجوده



احرص إن ملفك في Linked , byat.com يكون كامل وممتاز لأن لاحظت الفترة الأخيرة كثير تواصوا معاهم عن طريق مواقع التوظيف
وشوف هالرابط فيه بعض الأفكار الي تقدر تطبقها على صفحتك في لينكد ان وبقية المواقع
كيف تستفيد من مواقع التوظيف : LinkedIn


الله يوفقك ويرزقك الوظيفة الي تتمناها
​

 

السلام عليكم

السيرة تحتاج تعديلات كثيرة منها :
- احذف كلمة Site الموجودة تحت اسمك

- مع المعلومات الشخصية بإمكانك تخلي رابط ملفك في LinkedIn وتكتب كذا Linkedin Profile : Mohammed AlAbad
طبعا تخليه هايبرلينك
المقطع فيه شرح للي اقصده


فالشكل المفروض يطلع كذا :



يفضل تخلي أول قسم بعنوان Professional Summary
وتذكر في 3 سطور بالكثير نبذة بسيطة عنك وعن المجالات الي عندك خبرة فيها مثلا :

Electrical Engineer with experience in construction field and mega engineering projects such as Riyadh Metro project and as well as
hands on experience in material inspection and quality assurances field.


​

بما انك ماشاء الله خبرة تقريبا 4 سنوات فرايي تخلي قسم الخبرة قبل قسم التعليم .
وفي قسم التعليم مايحتاج تكتب معدلك خاصة انه اقل من 3 و عندك خبرة



في قسم الخبرة مايحتاج تكتب اليوم الي بديت فيه مع الشركة ، يكفي تكتب الشهر والسنة
مثل كذا :
Sep , 2015 - Present

في عنوان قسم الخبرة خل حرف e في Experience كابيتال
حرف m في كلمة Meeting خله كابيتال لأنه في بداية الجملة

في المسؤولية الثانية في التدريب احذف كلمة used
كلمة equipment جمعها equipment ، مافيها حرف s فاحذفه


في قسم التعليم :
حددت شهادتك إنها بكالوريس ، مايكفي تكتب اسم التخصص بس .

واحذف المعدل

مب ضروري تخلي كورسات الجامعة لكن لو حاب تخليهم فـ
عندك مساحة كبيرة فبإمكانك تخلي اسماء الكورسات على نفس السطر لكن منفصلين وبينهم مسافة كافية وقبل كل اسم كورس خلي نقطة •

يعني الشكل يطلع كذا تقريبا


حرف d في اسم الكورس الأول خله كابيتال مثل مافي الصورة ^^^
لأن اسماء الجامعات والمشاريع والوظائف و الكورسات ، يفضل يكون الحرف الأول من كل كلمة كابيتال



قسم Technical Skills رايي تغيره إلى Skills لأنك ذاكر فيه اشياء مب تكنيكال مثل الانجلش و العربية

الشي الثاني يفضل ماتستخدم very good ، لأنها صحيحة لغويا لكن نوعا ما غير مفضلة خاصة في business English
بإمكانك تستبدلها بـ Good knowledge of ...
Experienced in
شوف هالتغريدة عشان توضح الفكرة
محمد الحاجي on Twitter


ورايي تجمع كل البرامج الي تتقنها وتخليهم في نقطة وحدة بدل ماتكون 3 نقاط
واللغة العربية والانجليزية تكون في نقطة لحالها وتكتب كذا : Arabic ( Native ) , English ( Excellent )x


وبكذا بتوفر مساحة تستخدمها في اقسام أهم

في نهاية قسم التكنيكال سكيلز فيه مسافة زايدة قللها





قسم ال Training مب واضح ايش تقصد فيه ، اذا هو الكواب او السمر
فخله مع قسم الخبرة واكتبه بنفس الطريقة الي كتبت في وظيقة الحالية يعني خليت المسمى وتحت خليت المسؤوليات على شكل نقاط

لأن الكلام الي موجود تحت قسم Training صياغته تحت تعديل وتوضح ايش المسؤوليات بشكل افضل وتجنب استخدام I, my ومايحتاج تكتب في الشرح انك كنت مهندس ميكانيكي متدرب ، لأن هالشي بتخليه في العنوان ، مثل ماسويت مع وظيفتك الحالية

، وانصحك انك تخليه مع قسم الخبرة لأن الظاهر انك تدربت مع ارامكو وهالشي يجذب (بعض ) الشركات لأنها تفضل الي سبق واشتغل مع الشركات الكبيرة .

الشي الثاني حدد متى كان التدريب


يعني الشكل المفروض تقريبا يكون كذا :


وبدل من Installation خلها Installing


وعشان تخلي السيرة تلفت النظر اكثر ، لما تكون متدرب مع شركة كبيرة مثلا ارامكو ، سابك ، ge , وغيرها من الشركات الكبيرة
بإمكانك تخلي على يمين السطر الي فيه الشركة في قسم الخبرة شعار الشركة لكن بحجم صغير



طبعا هالشي تسويه بشرط انه مايخرب شكل السيرة ولايخليها تصير صفحتين

لأن لما تخلي شعار شركة كبيرة هالشي احيانا ببيلفت النظر لسيرتك ، بين الاف السير الي تقريبا متبعة نفس التنسيق
+

اذا بتخلي شعار ارامكو فلازم تخلي شعار شركتك الأولى بعد





احذف and Accomplishments من العنوان ، لأن محتوى القسم بس كورسات

في التواريخ بشكل عام ، مايحتاج تكرر السنة واسم الشهر ، يكفي تكتبها مرة وحدة مثل كذا :





في قسم الريفرنس جنب اسم البوزشن اكتب اسم الشركة الي شغال فيها


في صفحة ثانية مع السيرة لكن فاضية ، احذفها .


حرص إن ملفك في Linked , byat.com يكون كامل وممتاز لأن لاحظت الفترة الأخيرة كثير تواصوا معاهم عن طريق مواقع التوظيف خاصة الي عنده خبرة سنة على الأقل.

وشوف هالرابط فيه بعض الأفكار الي تقدر تطبقها على صفحتك في لينكد ان وبقية المواقع
كيف تستفيد من مواقع التوظيف : LinkedIn

الشي الأخير لاتنسى تسمي السيرة باسم واضح مثلا مسمى الوظيفة الي مقدم عليها تالي اسمك
Field Engineer CV - Mohammed Al Mohamed




الله يوفقك ويرزقك الوظيفة الي تتمناها

 

وعليكم السلام
اسف على التأخير

- مايحتاج تضيف الصورة ،خاصة ان القالب اي مستخدمه مب مناسب لهذا الشي ،
- اي ضيف التدريب
- اسم الملف مب مناسب ، لأن مب واضح انك تبحث عن فرصة تدريب ونفس الوقت مب معروف تخصصك فخله كذا :
Summer Training - Chemical Engineer CV - Khalid Al Folani
صحيح الاسم طويل لكن على الاقل يعرف مسؤول التوظيف على ايش مقدم بدون مايفتح السيرة .

- ضيف رابط اللينكد لسيرتك وخله هايبرلينك ( شوف الرد السابق عشان توضح الفكرة والطريقة ) ^^^^^^
و شوف هالرابط فيه نصائح عشان تستفيد من مواقع التوظيف
كيف تستفيد من مواقع التوظيف : LinkedIn

- بخصوص المعدل ما ادري رقميا جيد ايش تعادل بالضبط لكن لو كانت اقل من 3.5 من 5 جرب تقدم على بعض الشركات بدون ماتذكر المعدل وبعضها اذكر فيها المعدل
يعني تكون عندك سيرتين وحدة بمعدل والثانية بدون وتجرب تقدم بالي فيها المعدل على بعض الشركات و بعض الشركات بالمعدل .



ماشاء الله واضح انك مجتهد و مشتغل على نفسك كثير لكن المشكلة السيرة شوي ملخبطة :

- السيرة صايرة صفحتين وهالشيئ خطأ لحديث التخرج فما بالك للتقديم للتدريب الصيفي ، قبل ماتحذف أي شي ، خل هوامش الصفحة ضيقة عشان توفر مساحة .
وهذي الطريقة :




- بشكل عام مايفضل تكتب كل الحروف في الكلمة كابيتال ، الأفضل تخلي الحرف الاول بس من كل كلمة كابيتال وهالشي ينطبق على :
اسمك , عناوين الأقسام ، اسماء الشركات ، عنوانك ، اسماء المشاريع ، المواد

يعني على سبيل المثال لا ( الحصر ) : المفروض تكتب كذا
Khalid Al Folani
Jubail Industrial City
Work Experience
Objective

هذي بس امثلة ، فعدل هالخطأ الموجود في اغلب السيرة


- الهدف : الغرض منه ان بس يقرأه مسؤول التوظيف يعرف على ايش مقدم بالضبط ويسهل عليه فرز سيرتك
فيعني المفروض تذكر فيه انك تبحث عن فرصة تدريب صيفي وانك طالبة هندسة كيميائية مثلا

يعني هذي صياغة ثانية للهدف الوظيفي

Passionate Electrical Engineering student looking for internship opportunity ( summer training ) that offers professional development opportunities and contributing to the organization's success
​

ويفضل تخلي كلمة Internship سميكة حتى تكون بارزة بين الكلام


- قسم التعليم :
اكتب اسم الجامعة

مايحتاج تكتب Third year student, Department of Chemical Engineering

اكتب Bachelor of Chemical Engineering
ومايحتاج تكتب انك طالب لأن هالشي واضخ من التاريخ الي كتبته & في الهدف مكتوب انك طالب


فيه مسافة زايدة في نهاية قسم التعليم قللها .


- قسم الخبرة :
الأعمال التطوعية ماتعتبر خبرة ، فخلها في قسم منفصل باسم Voluntary and Extracurricular Activities
الشي الثاني يفضل تكتب المسمى الي كنت متطوع فيه ، مثلا متطوع في التنظيم تكتب Organizer جنب اسم الجهة الي تطوعت معها


مكتوب training in ...
مب واضح ايش تقصد بهذا التدريب ، اذا هو كورس تدريب ، فخله ضمن قسم الدورات واذكر تاريخ التدريب ( يكفي تكتب الشهر والسنة )

واذا كان تدريب تعاوني او تدريب صيفي اكتب انها تدريب تعاوني واذكر تاريخ التدريب مثلا July - June 2018
والتواريخ بشكل عام خلها في اقصى اليمين من السطر

وبفضل اذا عندك مساحة تكتب مسؤوليات في التدريب ( نقطتين تكفي لكل تدريب )

Chemicals Company هو اسم الشركة ؟ اذا هو اسم الشركة فما في مشكلة ، لكن لو ماكان اسمها فالأفضل تكتب اسم الشركة بدل من Chemical Company


- قسم الشهادات :
احذف هذي الجملة

• Several courses from Imam Muhammad bin Saud University in Riyadh city

لأن مافي فايدة من وجودها اذا الكورسات مب مذكورة


اختصار OSHA و ICDL خلهم بخط سميك حتى يكونون بارزين بين الكلام وتلفت النظر


احذف هالجمل من عناوين قسمي المهارات
CAREER-RELATED
PERSONAL-RELATED


احذف Windows Live Movie Maker, Photoshop من المهارات لأن ماشوفها مهارات ماعدا الفوتشوب و لا تذكر الفوتشوب الا لو كنت بتقدم على وظيفة لها علاقة بالتصميم او ممكن خبرتك في التصميم تفيدك فيه ، لكن ماينفع تذكره لما تقدم على وظيفة او تدريب هندسي

بدل من about استخدم of

وحاول تذكر برامج هندسية قد اشتغلت عليها مثلا aspen hysys


خطأ تكتب Expert in
استبدلها بـ
Arabic ( Native ) , English ( Excellent )x


النقاط الثلاث الموجودة تحت PERSONAL-RELATED SKILLS رايي تحذفها لأن صياغتها خطأ و نفس الوقت تحتاج هالمساحة في أشياء أهم مثل تفاصيل التدريب الصيفي في قسم الخبرة .

وبخصوص الصياغة ن ابحث في النت عن soft skills examples وراح تطلع لك المهارات لكن مصاغة بطريقة افضل .

قسم الريفرنس خله كذا ( اسم الوظيفة جنب اسم الدكتور )


عناوين الأقسام لاتخلي تحت خط ، يكفي الخط الموجود الي يفصل بين الأقسام + خل العناوين بخط أكبر شوي
يعني الشكل المفروض يطلع كذا :





النقاط في كل السيرة رايحة لليمين بزيادة ، حركها لليمين وبكذا بعض النقاط بتصير في سطر واحد بدل سطرين





في السيرة تقريبا انت ملزم بصفحة وحدة لكن في Linkedin عندك المساحة فالمفروض تذكر تفاصيل اكثر حتى في الأنشطة التطوعية ، يعني تذكر في سطر ونص وش كانت طبيعة التطوع .
وفي التدريب تذكر التفاصيل على شكل نقاط 1,2,3

لو عندك مشاريع مميزة في الجامعة تذكرها

هذا مثال على الملفات المميزة في Linkedin
https://www.linkedin.com/in/maysara/


الله يوفقك

 

وعليكم السلام

اسف على التأخير

بخصوص التفاعل ، تأكد ان طريقتك في التقديم خاصة لو كانت بالايميل صحيحة ،
هالموضوع فيه بعض الافكار والاقتراحات ممكن يفيدك :
الطريقة الصحيحة للتقديم على الوظائف بالايميل + نماذج

ونصيحة في النبذة القصيرة الي تكتبها في محتوى الايميل لما تقدم على اي شركة ، جيب طاري six sigma خاصة لو كان مجال الشركة مرتبط فيها .

---

السيرة تحتاج بعض التعديلات :
- اسم ملف السيرة الأفضل يكون فيها تخصصك أو المسمى الوظيفي الي مقدم عليه عشان يسهل على مسؤول التوظيف معرفة الوظيفة الي مقدم عليه وفرز سيرتك مثلا كذا :
Supply Chain Coordinator CV - Ali AlBariq

- مايحتاج تكتب الرمز و صندوق البريد ، يكفي تكتب المدينة والدولة مثل كذا : Jeddah , Saudi Arabia

- لاتكتب الحالة الاجتماعية خاصة انك متزوج لأن بعض الوظائف تطلب التنقل و العمل في مناطق نائية فبعض الشركات للأسف تفضل غير المتزوجين .

- مايحتاج تكتب تاريخ الميلاد الا لو الشركة او الجهة حددت عمر معين في اعلان الوظيفة .

- استخدم ايملك الشخصي بدل من ايميل الجامعة و احرص انه يكون احترافي ويحتوي على اسمك مثلا كذا :
[email protected]

- مع المعلومات الشخصية بإمكانك تخلي رابط ملفك في LinkedIn وتكتب كذا Linkedin Profile : Ali Albariq
طبعا تخليه هايبرلينك
المقطع فيه شرح للي اقصده




الفائدة من وجود الرابط ، ان في صفحتك على لينكد ان انت مب ملزم بصفحة معينة مثل السيرة ، فتقدر تضيف فيها تفاصيل اكثر مثلا تخلي فيديو للمشاريع الي اشتغلت عليها ، تفصل اكثر في خبرتك التطوعية مثلا تخلي رابط موقع النادي الي تطوعت معه ،
تقدر تحدث سيرتك بين فترة وفترة فيعني لما مسوؤل التوظيف يطلع على سيرتك بعد فترة طويلة بيقدر يطلع على حسابك ويشوف سيرتك الجديدة واتلحديثات الي صارت فيها .

شوف هالرابط راح يفيدك اكثر عن مواقع التوظيف
كيف تستفيد من مواقع التوظيف : LinkedIn




-كلمة cell رايحة لليمين بزيادة ، خلها على نفس المستوى مع كلمة email الي فوقها .


- حاول تمشي على تنسيق موحد في كل السيرة ، يعني كل العناوين بنفس الحجم والخط والطريقة ، والعناوين الفرعية بنفس الخط لكن حجم اصغر .
لأن من الأخطاء عندك ان بعض عناوين الأقسام مكتوبة بطريقة و بقية العناوين مكتوبة بحجم وطريقة ثانية !

على سبيل المثال لا ( الحصر ) :
قسم Objective مكتوب بحجم كبير و كل الحروف فيه كابيتال ، عكس بقية الأقسام .

وهالنقطة تنطبق على كل السيرة ، يعني الكلام المكتوب في الابوجكتيف صاير بحجم اكبر من الكلام الموجود في بقية الأقسام ، فعدل هذا الخطأ.



ورايي تخلي الحرف الأول من كلمة كلمة في العنوان كابيتال مثل كذا :
Academic Projects

- فيه كلمات كثيرة مكتوب بحجم مختلف عن بقية الكلام الي قبلها فبحددها لك في الصورة تحت



- خل مسافة بين نهاية الأقسام و بعد العناوين لأن السيرة بشكلها حالي مب مريحة للعين وصعب قرائتها .
اما تضغط enter او تحدد الجمل وتعدل من الخصائص المسافة بعد وقبل الجملة :
الطريقة في الصورة :



- خل عناوين الأقسام بحجم اكبر شوي.

- في الدورات ، الشهادات ، المشاريع وغيرها . لازم ترتبها من ( الأحدث ) إلى ( الأقدم )


- الهدف الوظيفي : الغرض منه ان بس يقرأه مسؤول التوظيف يعرف على ايش مقدم بالضبط ويسهل عليه فرز سيرتك
فيعني المفروض تذكر فيه مسماك الوظيفي او المسمى الي مقدم عليه

يعني هذي صياغة ثانية للهدف الوظيفي ( في صياغة افضل منه لكن كتبته على السريع عشان توضح الفكرة )

Fresh graduated Industrial Engineer looking with several professional certifications such as 6 Sigma and OSHA and strong background in quality and supply chain for an entry level position that offers professional development opportunities and .contributing to the organization's success

ويفصل تخلي المسمى الوظيفي في الهدف سميك bold حتى يكون بارز بين الكلام

​

احذف AND PROFESSIONAL CERTIFICATIONS من عنوان قسم التعليم
ملاحظة : كلمة and حتى لو كانت في العنوان ماتصير كابيتال


- التواريخ في كل السيرة خلها في اقصى اليمين من السطر ، وتأكد انها صايرة على نفس المستوى & مكتوبة بنفس الحجم لأن مثلا dec 2018 مكتوب بحجم اكبر من بقية التواريخ

​

- اختصار six sigma , osha خلهم بخط سميك حتى يلفتوا النظر


- كلمة WORKSHOPS خلها في نفس السطر مع Professional Development


- في قسم المهارات ، اعتقد في برامج مهمة بالنسببة للهندسة الصناعية تقدر تضيفها لو اشتغلت عليها من قبل مثل minitab , arena simulation


نصيحة اذا كنت مهتم بالأبحاث فحاول تقدم على الجهات الي تهتم فيها مثل مدينة الملك عبدالعزيز للتقنية في الرياض ، أو جامعة الملك عبدالله للعلوم والتقنية ( كاوست ) في جدة



اسف على الإطالة ،

الله يوفقك ويرزقك الوظيفة الي تتمناها

​

 

السلام عليكم

اسف على التأخير :

النموذج الي مستخدمه اشوف جيد ومقبول لكن لو شوف هالتغريدات يمكن تحصل نماذج أفضل

سهى ؏ـبدالله on Twitter
+
مدحت عامر on Twitter


- مايحتاج تكتب اسم الحي والشارع و رمز وصندوق البريد ،
يكفي تكتب المدينة و الدولة مثل كذا :
Dammam , Saudi Arabia


- مع المعلومات الشخصية بإمكانك تخلي رابط ملفك في LinkedIn وتكتب كذا Linkedin Profile : Sharad Al Najrani
طبعا تخليه هايبرلينك
المقطع فيه شرح للي اقصده


الفائدة من وجود الرابط ، ان في صفحتك على لينكد ان انت مب ملزم بصفحة معينة مثل السيرة ، فتقدر تضيف فيها تفاصيل اكثر مثلا تخلي فيديو للمشاريع الي اشتغلت عليها ، تفصل اكثر في خبرتك التطوعية مثلا تخلي رابط موقع النادي الي تطوعت معه ،
تقدر تحدث سيرتك بين فترة وفترة فيعني لما مسوؤل التوظيف يطلع على سيرتك بعد فترة طويلة بيقدر يطلع على حسابك ويشوف سيرتك الجديدة واتلحديثات الي صارت فيها .

شوف هالرابط راح يفيدك اكثر عن مواقع التوظيف
كيف تستفيد من مواقع التوظيف : LinkedIn

طبعا حاول تفصل بين المعلومات الشخصية بنقطة • او عمود l ، يعني الشكل تقريبا المفروض يكون كذا :



الخط الي تحت اسمك تقدر تضيفه من ( إدراج ، تالي أشكال ) وعشان تخليه مستقيم اضغط shift






وعشان توفر مساحة بإمكانك تخلي هوامش الصفحة ضيقة


- لاتستخدم ايميل الجامعة ، استخدم ايميلك الشخصي و خله احترافي يعني فيه اسمك مثلا : [email protected]

- عناوين الأقسام يفضل تخلي الحرف الأول بس من كل كلمة كابيتال مثل كذا :
Career Objective
Academic Finance Project
Work Experience


- كلمة of ماتصير كابيتال حتى لو كانت في العنوان .


- في شهادة الانجليزي ، اكتب اسم المعهد وخله سميك مثل ماسويت مع اسم الجامعة و اسم الكلية التقنية

- بعد اسم الكلية التقنية مايحتاج تكتب" at Dammam" لأنك كاتب هالشي في اقصى اليمين


- بدل من captain استخدم leader


- بعد Richmond اكتب امريكا


- الهدف الوظيفي : الصياغة نوعا ما اقل من المستوى و قصير جدا ، يعني المفروض يكون سطرين ونص بالكثير

شوف هالتغريدة راح تفيدك
Jamilah Alshammari on Twitter


واذا محتاج مساعدة في صياغة الهدف شوف هالحساب
مهندس كهربائي on Twitter


هذي صياغة لكن فيه افضل منها بس كتبها على على السريع عشان توضح الفكرة :

Motivated Finance graduate with strong background in financial management and .... looking for a challenging entry level position
that offers professional development opportunities as well as participating in achieving the organizations' goals.



​

جنرال الكتريك عندها برنامج للفاينس جرب تقدم عليه
https://jobs.gecareers.com/ShowJob/Id/80384/FMP%20Trainee%20%20%20Saudi%20Arabia


الله يوفقك ويرزقك الوظيفة الي تتمناها واسف على على الإطالة

​

 

بشكل عام السيرة جيدة لكن فيه بعض الملاحظات :

- لون الخلفية رمادي ، لو يكون بلون افتح شوي ، بيكون افضل لأن لو طبعتي السيرة خاصة بأبيض واسود راح تلاحظين إن بعض الكلام مب واضح وصعب تقرأه
- عند التقديم احفظ السيرة بصيغة PDF بدل من الصورة

- فيه مسافة كبيرة فاضية في نهاية السيرة احذفيها ، او ضيفي أقسام جديدة مثلا Academic Projects ,
Voluntary and Extracurricular Activities



ولو ظلت فيه مسافة كبيرة ، ابحث عن مواقع تسوي crop لملفات ال pdf



- مع المعلومات الشخصية بإمكانك تخلي رابط ملفك في LinkedIn وتكتب كذا LinkedIn Profile : Folana Alfolani
طبعا تخليه هايبرلينك
المقطع فيه شرح للي اقصده


الفائدة من وجود الرابط ، ان في صفحتك على لينكد ان انت مب ملزم بصفحة معينة مثل السيرة ، فتقدر تضيف فيها تفاصيل اكثر مثلا تخلي فيديو للمشاريع الي اشتغلت عليها ، تفصل اكثر في خبرتك التطوعية مثلا تخلي رابط موقع النادي الي تطوعت معه ،
تقدر تحدث سيرتك بين فترة وفترة فيعني لما مسوؤل التوظيف يطلع على سيرتك بعد فترة طويلة بيقدر يطلع على حسابك ويشوف سيرتك الجديدة واتلحديثات الي صارت فيها .

شوف هالرابط راح يفيدك اكثر عن مواقع التوظيف
كيف تستفيد من مواقع التوظيف : LinkedIn



الـ Summary صياغته تحتاج تعديل :

Accountant graduated with first honor and a pre-professional experiences as a financial accountant and good knowledge of financial ,accounting and hands on experience in accounting systems and software, looking for an entry-level position that offers professional .development opportunities


​

في السمري مكتوب ان عندك خلفية جيدة عن البرامج المحاسبية ن فاذكري اسماء هذي البرامج مع قسم ال skills
واذا اشتغلت عليها في التدريب ، اذكري هالشي بعد في تفاصيل مسؤولياتك في التدريب


في قسم التعليم :

خلي اسم الكلية في سطر لحاله
واحذف اسم الجامعة و الرياض لأنهم مكررين ، واسم الجامعة موجود فوق فما يحتاج يتكرر


في مسؤوليات التدريب التعاوني أو وظيفتك الحالية يفضل تخلين نقطة قبل الجمل •
وخلي السطر الثاني من اي جملة على نفس المستوى مع السطر الي فوق




بدل من posting استخدمي Reporting
وبدل من leader اتوقع لو تستخدمين manager يكون أفضل

حرف c في كلمة collecting المفروض يكون كابيتال لأنه في بداية الجملة .

اتوقع لوتصيفين s إلى account يكون أفضل

في بعض المصطلحات الصراحة ما ادري هل هي صحيحة او لا ، لأن تخصصي مب محاسبة فالأفضل تراجعين المسؤوليات مع شخص عنده خلفية محاسبية ، يمكن تكون صحيحة او يمكن تكون فيه كلمات افضل ، يعني من الكلمات الي مب متأكد منها هي collecting ,




الله يوفقك ويرزقك الوظيفة الي تتمنيها

 

السلام عليكم

اسف على التأخير

اسمك في اللينكد ان خله هايبرلينك عشان بش يضغط عليه مسؤول التوظيف تفتح صفحتك في الموقع ، بدل من انه يبحث عنه في الموقع

المقطع فيه شرح للي اقصده


الفائدة من وجود الرابط ، ان في صفحتك على لينكد ان انت مب ملزم بصفحة معينة مثل السيرة ، فتقدر تضيف فيها تفاصيل اكثر مثلا تخلي فيديو للمشاريع الي اشتغلت عليها ، تفصل اكثر في خبرتك التطوعية مثلا تخلي رابط موقع النادي الي تطوعت معه ،
تقدر تحدث سيرتك بين فترة وفترة فيعني لما مسوؤل التوظيف يطلع على سيرتك بعد فترة طويلة بيقدر يطلع على حسابك ويشوف سيرتك الجديدة واتلحديثات الي صارت فيها .

شوف هالرابط راح يفيدك اكثر عن مواقع التوظيف
كيف تستفيد من مواقع التوظيف : LinkedIn


لو تقدر تضيف قسم بعنوان Courses : وتخلي فيها اهم الكورسات الي خذتها في تخصصك ( يكفي 4 )

قسم الانجازات لو تخليه Projects & Awards وتضيف مشروع ثاني اشتغلت عليه وكان مميز
طبعا اكتب اسم المشروع لأن ارقام الكورسات مسؤول التوظيف ماراح يعرف وش معناها او موضوع الكورس ، فالأفضل تخلي اسم المشروع



عنوانك الافضل تخليه Saudi Arabia , Dhahran


وظيفة البارت تايم مب مكانها قسم activities لكن لو سويت قسم باسم الخبرة وصارت السيرة صفحتين فخل البارت تايم مكانه وماله داعي تسوي قسم جديد
& لاتنسى تخلي اسم الجامعة حنب البارتايم عشان يعرف مسؤول التوظيف وين كانت الوظيفة ، ولو مافيه مكان فاكتب KFUPM
بس في قسم التعليم لازم بعد اسم الجامعة تكتب الاختصار KFUPM عشان مسؤول الوظيف لما يشوف هالاختصار في قسم ثاني يعرف معناه.

طبعا صغر احجام عناوين الأقسام لأن شوي مكتوب بحجم كبير


بدل من in استخدم of بعد كلمة member

و احرص انك لما تقدم على فرص التدريب ، تكون صيغة الايميل احترافية هالرابط بيفيدك :

الطريقة الصحيحة للتقديم على الوظائف بالايميل + نماذج

+

Acc.Ashwaq Almutairi on Twitter



في الهدف : عدل هذي الجملة لأن صياغتها نوعا ما غريبة experience the knowledge I have gained.
ممكن تقول to gain experienced and apply .....

ولو محتاج مراجعة في الهدف ، شوف الدكاترة في قسم الانجلش الي اذكره انهم متعاونين
+

شوف هالتغريدة راح تفيدك
Jamilah Alshammari on Twitter


واذا محتاج مساعدة في صياغة الهدف شوف هالحساب
مهندس كهربائي on Twitter



الله يوفقك

 

وعليكم السلام

اسف على التأخير

بشكل عام السيرة ممتازة لكن فيه بعض الملاحظات البسيطة :

اسم ملف السيرة خله واضح مثل كذا :
Summer Training - Computer Engineer - Mosa Alfolani CV


مايحتاج تكتب مكان الميلاد لأنه مب مهم ، اكتب عنوانك الحالي ورايي تخليه تحت رقم الجوال فوق مب مع قسم المعلومات الشخصية

وعنوانك خله الظهران , السعودية الا لو كنت بتقدم على شركة في الحسا


- الانجلش والعربية مكانهم مع قسم المهارات او قسم منفصل مب مع المعلومات الشخصية

- مايحتاج تكتب عدد الساعات


حاول تمشي على تنسيق معين وموحد يعني تستخدم نفس الخط للعناوين ، ونفس الخط للكلام الي تحت لكن بحجم اصغر .
لأن مثلا من الاخطاء عندك
Major: Computer Engineering (92/132 Hours) GPA X.XX/ 4.00.
مكتوبة بحجم وطريقة مختلف عن الجملة الي تحتها !

قسم المعلومات الشخصية مكتوب بشكل مائل و مختلف عن الأقسام !


ملاحظة: بدل من at استخدم in لأنها تستخدم للشهور


اكتب انك بكالوريس هندسة حاسب
المعدل خله في سطر لحاله



- قسم الخبرة :
مايحتاج تكتب Employed for a
على طول اكتب اسم الوظيفة
Part-time Grader



وقبل التواريخ مايحتاج تكتب in
خل التواريخ في كل السيرة في اقصى اليمين من السطر كشكل بتكون افضل


احذف هذي الجملة Reference: Available Upon request

خل مسافة قبل قسم skills لأنه قريب بزيادة من القسم الي قبله


رايي تخلي مع معلومات التواصل رابط صفحتك في Linkedin وتخلي صفحتك في الموقع شاملة وفيها كل التفاصيل مثل تفاصيل المشاريع ، رابط المسابقة الي فزت فيها مثلا
الأنشطة التطوعية و

طبعا تخلي رابط صفحتك في الموقع ك هايبرلينك عشان ماتاخذ مساحة كبيرة ولا تخرب الشكل
بإمكانك تخلي رابط ملفك في LinkedIn وتكتب كذا Linkedin Profile :Mosa Alfolani
المقطع فيه شرح للي اقصده




شوف هالرابط بيفيدك في التقديم بالايميل
الطريقة الصحيحة للتقديم على الوظائف بالايميل + نماذج

+
Acc.Ashwaq Almutairi on Twitter

الله يوفقك

 

وعليكم السلام
اسف على التأخير
ماعندي ملاحظات ، اللهم احذفي كلمة to بعد seeking


شوفي هالمقطع فيه بعض الأفكار الي ممكن تطبقيها في سيرتك .
Usamah Jan أسامة جان on Twitter

و انصحك تستغلين هذي الفترة في بعض البرامج خاصة الي توفرها مؤسسة مسك مع udacity
هذا رابط التسجيل فيها :
Misk Udacity Program - MiSK Academy


شوفي هالحسابات ممكن تفيدك
+
Code for Girls on Twitter
+
TechCampus (@techcampuscom) | Twitter



الله يوفقك ويرزقك الوظيفة الي تتمنيها

 

وعليكم السلام

اسف على التأخير

مايحتاج تكتب Name :
خل اسمك على طول وبحجم كبير في أعلى الصفحة عشان يكون كأنه عنوان للسيرة .


رايي تخلي مع معلومات التواصل رابط صفحتك في Linkedin وتخلي صفحتك في الموقع شاملة وفيها كل التفاصيل مثل تفاصيل المشاريع ، رابط المسابقة الي فزت فيها مثلا
الأنشطة التطوعية و

طبعا تخلي رابط صفحتك في الموقع ك هايبرلينك عشان ماتاخذ مساحة كبيرة ولا تخرب الشكل
بإمكانك تخلي رابط ملفك في LinkedIn وتكتب كذا Linkedin Profile :Flan Al Folani
المقطع فيه شرح للي اقصده


اكتب عنوانك : ويكفي تكتب المدينة و الدولة ، مايحتاج تذكر الحي إلا لو الشركة حددت هذا الشي في اعلان الوظيفة


- مايحتاج تكتب الحالة الاجتماعية و تاريخ الميلاد الا لو الشركة حددت هذا الشي في الاعلان مثلا اشترطت عمر معين


- عناوين الأأقسام يفضل تخلي الحرف الأول بس من كل كلمة كابيتال مثل كذا :
Personal Information

Education


- الهدف الوظيفي يحتاج تعديل في الصياغة ويفضل تذكر فيه مسمى الوظيفة الي مقدم عليها او المسمى العام لخريجي تخصصك مثلا Civil Engineer وتخلي المسمى سميك بحيث يكون بارز بين الكلام ويعرف مسؤول التوظيف الوظيفة الي مقدم عليها او تناسبك


شوف هالتغريدة راح تفيدك
Jamilah Alshammari on Twitter


واذا محتاج مساعدة في صياغة الهدف شوف هالحساب
مهندس كهربائي on Twitter

- فيه مسافة زايدة في السطر الي بعد كلمة objective قللها



- حاول تمشي على تنسيق معين واقصد بالتنسيق هو الخط الموحد ، مثلا الكلام الي تحت الأقسام المفروض يكون بنفس الحجم و الخط
لأن من الأخطاء عندك ان بعض الأقسام الكلام الي تحتها مكتوب بحجم ، و في قسم ثاني الكلام مكتوب بحجم ثاني ،
على سبيل المثال لا ( الحصر ) :
الكلام الي في قسم الهدف الوظيفي مكتوب بحجم اكبر من المسؤوليات الي في قسم الخبرة
فعدل هذا الخطأ وراجع كل السيرة يمكن هالخطأ متكرر في مكان ثاني من السيرة


- مايحتاج تكتب from , to ، يكفي تخلي شرطة - بين التواريخ مثل كذا :
July , 2015 - Present

- التواريخ في كل السيرة خلها في اقصى اليمين من السطر ، كشكل بتكون افضل واسهل في القراءة



في قسم الخبرة المسميات رايحة لليمين بزيادة ، خلها على نفس المستوى مع النقاط السوداء الي تحتها





في الخبرة الأولى بدل من the owner اكتب client
في النقطة الثانية من وظيفتك الحالية خل حرف c من contractor small لأنها مب في بداية الجملة فما تصير كابيتال

النقطة الثالثة من مسؤولياتك الحالية ، الصياغة نوعا ما غريبة شوي ، removing obstacles !
فشوف صياغة افضل و واضح ايش هي ال obstacles الي تقصدها
ويفضل تستخدم كلمة Facilitating بدل من removing obstacles

في الخبرة الثانية حدد الفترة الي اشتغلت فيها معهم لأن بس مكتوب سبمتبر 2018

في المسؤولية الثانية مكتوب Between the lay down and the site
الصراحة مافهمت المقصود ، وبحثت في النت ماحصلت احد مستخدم هذي الصيغة فتأكد منها ، ويفضل تستخدم صيغة ثانية

ونصيحة اذا تواجه صعوبة في صياغة المسؤوليات ، ابحث في النت عن الوصف الوظيفي للوظائف الي قريبة من وظيفتك ، او الاعلانات الوظيفة لأن بيكون فيها قائمة بالمسؤوليات وتكون مصاغة بلغة جيدة وطريقة احترافية ، طبعا لاتنسخها حرفيا لكن حاول تستفيد من طريقتهم في الصياغة

يعني مثلا ابحث عن Civil Engineer Responsibilities
sit engineer job description

مثلا ( فيه افضل منه لكن خليته كمثال )
https://resources.workable.com/civil-engineer-job-description




في التدريب التعاوني مع ارامكو ، الشرح المكتوب تحت اقل من المستوى وعام بزيادة . حاول تذكر ايش كانت المسؤوليات وال daily work بالتحديد على شكل نقاط
1,2,3

وتجنب تستخدم I, my

وبدل من help الأفضل تستخدم Assisting

ملاحظة : بعد كلمة responsible تجي for بدل من to


- مايحتاج تخلي , Saudi Arabia بعد اسم الجامعة
- لاتخلي اسم الجامعة بخط سميك ، اذا بتخلي في قسم التعليم جملة بخط سميك فالمفروض يكون هو اسم التخصص
- تاريخ التخرج المفروض يكون على نفس السطر الي فيه اسم الجامعة في اقصى اليمين


- احذف قسم references لأن ما في فايدة من وجوده والمسافة الي ماخذها تقدر تستفيد منها في اقسام أهم مثلا ، المسؤوليات في التدريب التعاوني مع ارامكو


في قسم المهارات ، احذف جملة ability to
اكتب Good knowledge of او Experienced in او بس اكتب اسم البرنامج

ونصيحة لاتستخدم كلمة ability مع الأشياء البسيطة او المهارات الأساسية ،
يعني مثلا خطأ الواحد يكتب ability to read , لأن لما تكتب هالشي فماراح يكون مهارة ونفس الوقت يعطي انطباع انك بالكاد متمكن منه .
أتمنى إن الفكرة وضحت



ماشاءا الله عندك خبرة في اكثر من شركة ، فاحرص ان صفحاتك في مواقع التوظيف مثل بيت كوم و لينكد اوم تكون نسخة من سيرتك لكن بتفاصيل اكثر وتكون شاملة
هذا الرابط فيه بعض الأفكار لتطوير صفحتك على مواقع التوظيف
كيف تستفيد من مواقع التوظيف : LinkedIn


الله يوفقك ويرزقك الوظيفة الي تتمناها

 

وعليكم السلام

اسف على التأخير

- في التقديم احفظ السيرة بصيغة PDF

- مايحتاج تكتب NAME:
خل اسمك في اعلى الصفحة وتحته المعلومات وبكذا بتوفر مساحة وحتى كشكل بيكون افضل
يعني مثل كذا :


ومب ضروري تكتب تاريخ الميلاد إلا لو الشركة حددت هالشي في الإعلان

التخصص مايحتاج تكتبه مع المعلومات الشخصية لأن هالشي موجود في قسم التعليم


- شيل رقم الصفحة الموجود في نهاية الصفحة

- مع معلومات التواصل خل رابط ملفك في LinkedIn وتكتب كذا Linkedin Profile :Flan Al Folani
المقطع فيه شرح للي اقصده


الفائدة من وجود الرابط ، ان في صفحتك على لينكد ان انت مب ملزم بصفحة معينة مثل السيرة ، فتقدر تضيف فيها تفاصيل اكثر مثلا تخلي فيديو للمشاريع الي اشتغلت عليها ، تفصل اكثر في خبرتك التطوعية مثلا تخلي رابط موقع النادي الي تطوعت معه ،
تقدر تحدث سيرتك بين فترة وفترة فيعني لما مسوؤل التوظيف يطلع على سيرتك بعد فترة طويلة بيقدر يطلع على حسابك ويشوف سيرتك الجديدة واتلحديثات الي صارت فيها .


- لاتنسى تضيف عنوانك : المدينة والدولة ( مايحتاج تكتب اسم الحي والشارع و الرمز البريدي )

- خل فيه مسافة بعد عناوين الأقسام لان الكلام صاير قريب بزيادة من العناوين والكلام مضغوط بزيادة و مخرب الشكل




ماشاءا الله عندك خبرة في اكثر من شركة ، فاحرص ان صفحاتك في مواقع التوظيف مثل بيت كوم و لينكد اوم تكون نسخة من سيرتك لكن بتفاصيل اكثر وتكون شاملة
هذا الرابط فيه بعض الأفكار لتطوير صفحتك على مواقع التوظيف
كيف تستفيد من مواقع التوظيف : LinkedIn



- ترتيب الأقسام عندك خطأ ، المفروض يكون كذا
Profile
Experience
Education
Skills


الله يوفقك

 

السلام عليكم

اسف على التأخير

فيه أخطاء إملائية ، لأن مثلا عندك خطأ في عنوان قسم ال courses ويمكن لما جيتي تسوين spelling check ماطلع معاك لأنك كاتبة الكلمة بحروف كابيتال
فراجعي كل السيرة ، ويفضل تخلين عناوين الأقسام الحرف الأول بس من كل كلمة كابيتال مثل كذا :
Technical Skills
Courses / Activities


احذف or Bilingual Proficiency الي بعد العربية

بدل من جملة passed the final exam رايي تكتبين مواضيع الكورس



جملة my Senior Project. الي في قسم التدريب ما ادري هل هي بالغلط او تقصدين انه كان مشروعك في التدريب او هو مشروع التخرج في الجامعة
فرايي تحذفينها اذا ماكانت تبع التدريب واكتفي بالكلام الي مكتوب قبلها .


بدل من submitted, بإمكانك تستخدمين Conducted a research

و submitted الثانية اتوقع فيه صياغة افضل مثلا developed ( لكن مب متأكد )


شوفي هالمقطع فيه بعض النصائح لخريجي تخصاصت الحاسب
Usamah Jan أسامة جان on Twitter

+
احرصي ان ملفك في Linkedin يكون على مستوى عال وشامل
كيف تستفيد من مواقع التوظيف : LinkedIn

الله يوفقك ويرزقك الوظيفة الي تتمنيها

 

وعليكم السلام

اسف على التأخير


- اسم ملف السيرة خله واضح مثلا اسم الوظيفة الي مقدم عليه CV - اسمك


ماشاء الله واضح انك يا سعود شخص متميز ومجتهد

بس فيه بعض الملاحظات على السيرة :

- مايحتاج تكتب اسم الحي والشارع والرمز البريدي ، يكفي تكتب الدولة والمدينة على نفس السطر
واذا سويت كذا بيصير عندك مكان فاضي خل فيه :
ل رابط ملفك في LinkedIn وتكتب كذا Linkedin Profile :Flan Al Folani
المقطع فيه شرح للي اقصده


الفائدة من وجود الرابط ، ان في صفحتك على لينكد ان انت مب ملزم بصفحة معينة مثل السيرة ، فتقدر تضيف فيها تفاصيل اكثر مثلا تخلي فيديو للمشاريع الي اشتغلت عليها ، تفصل اكثر في خبرتك التطوعية مثلا تخلي رابط موقع النادي الي تطوعت معه ، تشرح المشاريع والشركات الي شغال فيها حاليا
تقدر تحدث سيرتك بين فترة وفترة فيعني لما مسوؤل التوظيف يطلع على سيرتك بعد فترة طويلة بيقدر يطلع على حسابك ويشوف سيرتك الجديدة والتحديثات الي صارت فيها .



- حاول تمشي على تنسيق موحد في كل السيرة ، يعني من الاخطاء عندك الكلام الي تحت قسم السمري ، مكتوب بخط وحجم مختلف عن باقي السيرة .


- السمري ، جيد لكن اذا كنت تقدم على وظائف حاليا فلا تكتب انك طالب ، احذف جملة senior student
واكتب بدلها Fresh graduate Electrical Engineer

وخل الكتريكال انجنير بخط سميك عشان تكون بارزة بين الكلام

هذي الجملة جميلة لكن مب مكانها السيرة الذاتية فاحذفها خاصة انها صايرة irreverent مع المحتوى الي قبلها
I believe "The better the education,the better the society"

واحذف كلمة Currently

شوف هالتغريدة راح تفيدك
Jamilah Alshammari on Twitter


واذا محتاج مساعدة في صياغة الهدف شوف هالحساب
مهندس كهربائي on Twitter


بشكل عام ، السيرة ممتازة وجود اسماء الدول الي تدربت فيها او خذت كورسات راح يفيدك كثير فاحرص انك تظهرها بطريقة تلف النظر ،
خاصة على صفحتك في لينكد ان ومواقع التوظيف الثانية ،يعني مثلا في النبذة الي تكتبها في صفحتك تذكر انك تدربت برا السعودية و المجالات الي مهتم فيهاـ طبعا بطريقة احترافية وتكون وبنص مختصر مثلا في 3 - 4 سطور بالكثير

شوف هالمواضيع راح تفيدك ان شاء الله
كيف تستفيد من مواقع التوظيف : LinkedIn
+
الطريقة الصحيحة للتقديم على الوظائف بالايميل + نماذج


كونك طالب فأنصحك تقدم على برنامج قمم لأنه فرصة ممتاز واغلب الشركات المتعاونة معهم من الشركات الكبيرة
Qimam Fellowship - Empowering High-Potential Leaders


الله يوفقك ويرزقك الوظيفة الي تتمناها

 

وعليكم السلام

اسف على التأخير

والله يا محمد ، اشوف سيرتك جيدة ماهي سيئة عشان تخليك بدون اي اتصال او مقابلة لمدة 4 شهور
لكن الي اقدر اقولك نصيحة لاتنتظر اعلانات التوظيف ، راسل الشركات حتى لو ماكان فيها تقديم . في شركات يكون عندها احتياج بس ماتعلن
ونفس الوقت لما ترسل بدون مايكون فيه اعلان ، فرصة انهم يردون عليك تكون اكبر من لما تقدم على اعلان لشركة و وصلهم الاف السير الذاتية ،يعني حتى لو كنت ممتاز لكن ممكن يكون فيه الي افضل منك فما يتم ترشحيك

+
شوف هالرد ، الصراحة رد شامل وفيه نصائح مهمة
أفضل المشاركات: مقابلات كثيرة وكلها رفض والسبب هو ما اعتدنا سماعه | stKFUPM | منتديات طلاب جامعة الملك فهد للبترول والمعادن





بخصوص السيرة ، مع معلومات التواصل ضيف رابط ملفك في LinkedIn وتكتب كذا Linkedin Profile :Flan Al Folani
المقطع فيه شرح للي اقصده


الفائدة من وجود الرابط ، ان في صفحتك على لينكد ان انت مب ملزم بصفحة وحدة مثل السيرة ، فتقدر تضيف فيها تفاصيل اكثر مثلا تخلي فيديو للمشاريع الي اشتغلت عليها ، تفصل اكثر في خبرتك التطوعية مثلا ، تشرح المشاريع والشركات الي شغال فيها حاليا
تقدر تحدث سيرتك بين فترة وفترة فيعني لما مسوؤل التوظيف يطلع على سيرتك بعد فترة طويلة بيقدر يطلع على حسابك ويشوف سيرتك الجديدة والتحديثات الي صارت فيها .



- عناوين الأقسام يفضل تخل الحرف الأول من كل كلمة كابيتال مثل كذا :
Relevant Coursework

و تأكد ان كل العناوين بنفس الحجم والخط لأن كأن بعضها مكتوبة بخط اكبر من غيرها


بدل من كلمة location اكتب Address

لا تكتب متى بديت في الجامعة خاصة انك خذت تقريبا 6سنوات فيها
اكتب تاريخ التخرج بس وحدد الشهر مثل كذا :

January , 2018

معدلك لو 3 او قريب منه اكتبه في السيرة وحدد هل هو من 4 او من 5 لأن في جامعات نظامها من 5

احذف هالجملة Completed 7 months of COOP training as a وبدلها اكتب
Production Engineer ( Coop Trainee ) وفي اقصى اليمين خل التدريب بالأشهر مثل كذا :
Dec , 2017 - July , 2018


حاول تتذكر مسؤوليات ثانية لك في التدريب لأن 3 مسوؤليات و وحدة منهم كورسات ، تعتبر قليلة في تدريب مدته 7 شهور
يعني اتوقع اشتغلت على على بعض ال engineering drawings مثلا P&ID , Plot plan
اذكر هذي الأشياء
على الأقل اذكر المواضيع الي تعلمتها او تعرفت عليها في التدريب مثلا Vessel sizing ..

افتح الريبورت مال الكواب وشوف الأشياء الي اشتغلت عليها متأكد بتحصل مسؤوليات ثانية تقدر تضيفها ، طبعا لا تصير تكنيكال كثير أو عامة بزيادة
لكن اذكر بعض المصطلحات الي تهم الشركات مثلا engineering deliverables
MTO , FEED , Pre-feed , HAZOP , SIL , Risk assessments

ابحث في النت عن job description لوظيفة production engineer في مكديرمت بالتحديد وبتتذكر بعض المسوؤليات الي عليك
او ادخل على حسابات الموظفين بهذا المسمى في مكدريمت مثلا :
https://www.linkedin.com/in/ahmed-alhayik-2bba0354/?trk=seokp-title-professional-name



في قسم Relevant Coursework

اكتب اسم البروجكت بدل من رقمه او اسمه لأن مسؤولي التوظيف مايعرفون الأرقام واحذف كلمة Completed ، وجود اسم المادة او المشروع كافي و الافضل تكتب اسم المشروع

جملة (second place in the competition) مكتوبة بخط يختلف عن باقي السيرة ، صحيح المفروض تكون سميكة عشان تلفت النظر لكن غير الخط وخله مثل الخط الي استخدمته لكملة production engineer


بدل من Finished استخدم
Completed

• Completed the design of a vertical axis wind turbine as senior design project.
رايي تخليه مع قسم Relevant Course work

وتخلي العنوان للقسم Relevant Courses & Projects


• Chosen by Mechanical Engineering department to teach engineering drawing in SolidWorks.

بدل من chosen استخدم selected
واحذف to teach

واكتب as a engineering drawing tutor ( solidworks )

^^^
ولو كانت عبارة عن وظيفة مب تطوع فرايي تخليها مع قسم الخبرة



احذف Writing and communicating in الي قبل العربية والانجليزية واكتب
English ( Fluent ) , Arabic ( Native )


احذف هالنقطة
Very good at accepting and learning new things related to my field of study or other fields that can help to improve.


كيف تستفيد من مواقع التوظيف : LinkedIn
+
الطريقة الصحيحة للتقديم على الوظائف بالايميل + نماذج




الله يوفقك ويرزقك الوظيفة الي تتمناها