برأيكم أي عرض أفضل

كلمي الشركة اللي بتباشري معها قولي ان عملك رفع نفس الراتب وانك تبغي زيادة عليه اذا قالك ان احنا عطيناك زيادة قولي لهم مع احترامي انا جاني عرض من شركتي بنفس عرضكم فغلط اني اطلع من شركة الى اخرى بنفس الراتب وهذا شي سيء ليي كموظف مستقبلا


انتي في بن لادن هل يسند لك مهمات عمل فعلية ؟

هل وجودك مؤثر بقوة ؟

شوفي الشركة الجديدة ايش اهدافها ومهامها ؟
وابحثي عنها في النت

 

قاعدة جوهرية ف عالم الأعمال : عند تقديم الاستقالة لا تتراجع أبدا مهما كان.

شخصيا عندي قناعة أن مغادرة الوظيفة لوظيفة أخرى بزيادة أقل من ٢٠٪‏ هو ضياع للوقت ولكن قارني الراتب إلي أعطوك براتب شركتك قبل يزيدونك وقت تقديم استقالتك وبيعطيك الزيادة الفعلية إلي جتك. زيادة الشركة للراتب وقت تقديم استقالتك ينم عن عدم كفاءة وعدم احترافية من الشركة ومجرد رغبة في السعودة ومو فاضين يدورون غيرك فقالوا نزيدك ولا أنصح تكملين بمكان أخذ فكرة سابقة عنك وإنك سبق استقلتي (يأثر بكل شيء بشكل ماتتوقعينه) سواء زيادات لاحقة، ترقيات، مهام عمل وغيره.

بما إن العرض الجديد في صلب التخصص ومثل ماذكرتي عندهم عدد جيد من السعوديين فهذا شيء إيجابي جدا ويعكس اهتمام من الجهة في دعم السعوديين. كلامهم إن راتبك أعلى من غيرك لا تهتمين فيه كثير من موظفين الموارد البشرية بياعين كلام. صارت معي سابقا قبل كم سنة وقالوا لي أعطيناك أعلى من الراتب إلي نعطيه لحديث التخرج وحاولنا بعد نزيدك ولكن هذا ال max وآخرتها طلع معطيني أقل الحد الي يعطونه لحديث التخرج ب ٧٥٠ ريال.

مادام الجمعية فاوضوك وزادوك عن المبلغ إلي أعطوك ووصلوه إلى ٨ آلاف بالرغم من العرض إنه كان أقل فهم يبونك، استخيري وبعدها اتخذي قرارك وادرسي الموضوع من جميع الجهات مو فقط الراتب.

- التطور الشخصي بوظيفتك الجديدة أعلى لأنه تخصصك.
- قسم نسائي جاهز واهتمام بالسعوديات.
- عرض وظيفي أفضل (قارنيه براتبك قبل تستقيلين ويزيدونك).
- أمان وظيفي أعلى ( جمعية أهلية تم تأسيسها من مجلس الوزراء كذلك مدعومة من الحكومة بمعنى لا ينتظرون منك KPI على الأداء ومحاسبة دقيقة على وش سويت وفعلت ففيها أريحية أعلى).
- مثل ماقالوا لك، على قدر مجهودك راح تحصلين وهذا ممتاز بمعنى ممكن سنتين ثلاث توصلين مناصب حلوة فيها ومزايا أفضل بعكس جهتك الحالية.

ما أنصحك ترجعين تطلبين منهم زيادة لأن بيكون الموضوع فيه عدم احترافية منك خاصة بعد توقيع العقد.

 

الماده مو كل ششي و من كلامك ان العرض الجديد افضل . انصحك تروحين للجديد وبدون تردد

بالتوفيق