PHYS 101 General Physics I

الموضوع في 'تقييم المقررات الدراسية' بواسطة تقييم, بتاريخ ‏15 فبراير 2012.

الوسوم:
  1. ميدوريا ابن المثنى

    انضم:
    ‏19 مارس 2016
    المشاركات:
    42
    التخصص:
    هندسة طيران وفضاء
    الجامعة:
    kfupm
    سنة التخرج:
    2020
    التقييمات:
    +20 / 0 / -1
    الحمد لله توني خلصت الكورس قبل أسبوعين ..
    أكثر كورس بتسمع عنه في حياتك الجامعية, فيه كمية ترهيب وتخويف من الطلاب غير طبيعية وكأنه كورس جاي الدرك الأسفل . للناس اللي يحبون الحلطمه وأن جامعتنا أصعب جامعة أتوقع نواة التجمع حقتهم في هذا الكورس .
    بعد ما تسمي بالله وتبدأ ترتب أوراقك لبداية السمستر الجديد وبالذات اذا كنت منزل PHYS101 أبتعد واهرب واركض بعيدًا عن الناس المحطمين المتحلطمين . كل الشباب اللي كتبوا قبلي في هذا الموضوع اتفقوا بشبه إجماع على أن (سمعة الكورس سيئة وأن الناس متخوفيه منه وأن إمكانية القريد الطيب ليست مستحيلة ابدًا )
    .
    حط كل الكلام هذا عن الكورس هذا وتعال معي نشوف وش بتدرس أن شاء الله في هذا الكورس . بحاول أكتب كل المصطلحات باللغة العربية عشان تتذكرها اولًا من تجربتك السابقة في الثانوي + اذا حبيت تسترجع المعلومات وتبي تبحث عنها بالعربي اول.


    التشابتر الأول : نقدر نقول تسخين وتجهيز العدة والعتاد للقتال في التشباتر الجاية, يعني مثلا تحويل الوحدات ومراجعة للأساسيات في الوحدات وتحويلها.
    التشابتر الثاني: الحركة في إتجاه واحد , ومعادلات الحركة اذا كان التسارع ثابت . نفس الثانوي بالضبببط (بس لازم تتمرن عليها شوي لأنها بتتكر بالضبط في تشابتر 10).
    التشابتر الثالث: المتجهات , أي بمعنى الحركة في اتجاهين مختلفين وممكن ثلاث اتجاهات . أخذنا عليها تشابتر كامل في ماث 002 ( vectors) . هذا التشابتر لازم تفهمه وتستوعبه وتتشرب كل المعلومات اللي فيه لأنه حجر الاساس في الحركة في عدة إتجاهات وبتحتاج التشابتر هذا كثييييييييييييير في التشباتر القادمة.
    التشابتر الرابع: خذ تشابتر 2 و3 حطهم في الخلاط يطلع لك تشابتر4 + بعض المقتطفات من السرعة الدائرية والحركة النسبية
    التشابتر الخامس والسادس : قوانين نيوتن الثلاثة+ التسارع الدائري للأجسام+ قوة الإحتكاك
    التشابتر السابع : الطاقة الحركية والشغل الناتج عن الزنبرك وعن الجاذبية
    التشابتر الثامن : نفس 7 بس زيادة عليه طاقة الوضع + الحالات اذا كان مجموع الطاقة الميكانيكة محفوظ أو فيه طاقة خارجية تؤثر على الجسم
    التشابتر التاسع : مركز ثقل الأجسام + الزخم الخطي + الإصطدام بين جسمين أو أكثر.
    التشابتر العاشر والحادي عشر : جميع ما سبق كان في حركة خطية أي مسار مستقيم والان يتغير كل شي ويصير حركة زاوية + عزم القصور الذاتي
    التشابتر الثالث عشر : الجاذبية والكواكب في المجرة الشمسية والقوة بينهم.
    التشابتر الرابع عشر : الموائع والضغط والكثافة .
    التشابتر الخامس عشر والأخير : الحركة التذبذبية .
    .
    زي ما قريت معي عزيزي غالب التشباتر او نسبة كبيرة جدا منها موب أول مرة تسمع فيها, يعني قد مرت علينا في الثانوي وعندنا خلفية ولو بسيييطة عنها .
    اذا استعنت بالله وعطيت المادة حقها من المذاكرة والله العظيم اقدر اضمن لك A او +B ,ولا تزعل.

    وفقنا الله وإياكم ولا تنس أولا وخر عن كلام الناس ومذاكرة اول بأول الكورس يصير لك اسطوري
     
    • x 4 إعجاب إعجاب
  2. Ahm2d__

    Ahm2d__ عضو

    انضم:
    ‏14 يوليو 2017
    المشاركات:
    119
    التخصص:
    ME
    الجامعة:
    KFUPM
    سنة التخرج:
    2021
    الجنس:
    ذكر
    التقييمات:
    +21 / 0 / -4
    Term 172

    الكورس بشكل عام وسط الى ثقيل شوي لانه يحتاج تدريب كثير كثير ..

    بإختصار عشان تضبط وضعك ذاكر اول بأول وحل في الكحيلي لين تطفش وعليك بدفره زون وامورك باذن الله بتكون في السليم .
     
    • x 1 إعجاب إعجاب
  3. To Be Engineer...

    انضم:
    ‏15 مايو 2018
    المشاركات:
    46
    التخصص:
    Mechanical Engineering
    الجامعة:
    KFUPM
    سنة التخرج:
    2021
    الجنس:
    ذكر
    الإقامة:
    Dammam
    التقييمات:
    +18 / 1 / -0
    #23 To Be Engineer..., ‏1 سبتمبر 2018
    آخر تعديل: ‏1 سبتمبر 2018
    Phys 101 - 172

    تجربتي مع الفيزيكس كانت جميلة و ممتعة جدا ... كل الكلام اللي سمعته قبل الكورس من التخويف والترهيب كان عاري عن الصحة تماما ... بحمد الله أنهيت الكورس بالقريد A+ و معروف أن هذا القريد في الفيزيكس يبدأ من 80 درجة، أو 79 درجة أذا غياباتك أقل من 6 غيابات ... انا انهيت الكورس ب 92 درجة ومعضم الدرجات اللي فقدتها كانت في الميجر الاول والسبب اني جربت اكثر من طريقة فحصل نوع من التشتيت ... لكن بعد الميجر الاول ثبت على الطريقة الافضل او بمعنى اخر "عرفت من اين تأكل الكتف" .. بإذن الله راح اشرح بالتفصيل كيف تجيب ال A+ مع العلم انه كان معي تقريبا 4 طلاب كنا نذاكر بنفس الطريقة وكلنا طلعنا ب A+.

    نصائح قبل ما أبدا لعلها تفيد:
    - العزم والرغبة انك تطلع باعلى قريد ممكن، بوجهة نظري أي طالب قادر يجيب A+ إذا حط هالشي في راسه وترك كلام المحبطين وركز على شغله.
    - الاستمرارية، أغلب الطلاب يكونون متحمسين في البداية لكن بعد الميجر الاول يبدأ التسويف والكسل ... لهذا السبب افرج الميجر الثاني اقل من الاول بالعاده رغم أنه اسهل "نسبيا".
    - الاستشارة، لا تتردد بسؤال الطلاب اللي درجاتهم مميزه واذا ما لقيت تجاوب مر على الدكتور ماراح يحرمك من الفايدة.

    كيف تذاكر ؟

    في البداية سواء كان دكتورك شريح أو طريقته ما تناسبك لازم تبذل جهد على نفسك .. اللي كنت اسويه كالتالي
    كل اسبوع كنا نخلص تشابتر.. خلال هالاسبوع اشوف لي ثلاث ايام متتالية (وبعض التشابترات يومين متتالية اذا كانت خفيفه) غالبا قبل الكويز (نظام الكويزات بالعادة اسبوعي ) .. هذه الايام احاول اخصص فيها اغلب الوقت للفيزيكس (بحيث أضل اشتغل على بقية المواد بس على خفيف) اليوم الاول يكون لفهم الكونسبت فقط والمصدر هو مقاطع البلاكبورد .. تقريبا كل تشابتر يأخذ ساعتين وأفضل تأخذ بريك 10 دقايق بين الساعتين .. الدكاتره اللي يشرحون هم الدكتور احمد سالم والدكتور عبدالكريم مكي وهم من أفضل دكاترة القسم إذا ما كانو افضلهم .. والشرح من قلب كأنه يشرح لك في الكلاس ... الخطوة الاهم في مشاهدة المقاطع أنك تأخذ نوت مع الدكتور اللي يشرح والميزة عن الكلاس انك تقدر توقف المقطع وتسجل اللي مكتوب على الصبورة بشكل واضح ومرتب عندك في دفتر او في اواراق A4 (أفضل لك الدفتر لكن خذ حجم كبير) .. سجل كل شي من مفاهيم من رسومات ومن امثلة وحاول يكون معك اكثر من لون عشان الافكار الفرعية وقلم رصاص للرسومات ..الفرق بين النوت المكتوب والنوت الجاهز هو انك ما تخلص من كتابة النوت الا وانت فاهمه تماما وتقدر ترتبه بطريقتك والافكار تثبت في راسك عكس النوت الجاهز .. نقول مثلا المقاطع مع كتابة النوت تأخذ ثلاث ساعات كذا خلصنا اليوم الاول .. اليوم الثاني تروح تطبع اسئلة الدكتور محمد الكحيلي وهي عبارة عن أولد اقزام مرتبة بالشباتر لاخر 15 سنة تقريبا (وقف عند 2014) تقدر تحصلها هنا Kuhaili_General_Physics_PHYS 101_ Old_Exams متوسط عدد الاسئلة لكل تشابتر 60 سؤال غير اسئلة الكونسبت .. في كل تشابتر محدد كل درس برمز معين لكن يفضل أنك تبدأ بشكل عشوائي عشان في الاختبار ما راح يعلمونك اي درس لكل سؤال ...قبل ما تبدأ تحل خذلك لفة على النوته اللي كتبتها اليوم اللي قبله عشان تسترجع الافكار والمفاهيم .. حل من 45 الى 50 سؤال وهي كافية بإذن الله للتمكن من التشابتر .. لا تخاف السؤال الواحد غالبا ما ياخذ اكثر من 4 دقائق لكن ممكن تحصل سؤال او سؤالين في كل صفحة تاخذ عشر دقايق .. بالنسبة لأسئلة الكونسبت ما كنت احلها لاني اذا ما كنت فاهم الكونسبت زين ماراح اقدر احل الاسئلة الحسابية من الاساس لكن تقدر تحلها اذا تبي تتأكد .. بالنسبة لحل الاسئلة تقدر تحصلها في قناة دفرة زون Dafra Zone ما قصر الله يعطيه العافيه حل اغلبها .. لكن حاول قدر الامكان انك تعتمد على نفسك وما تروح لحل السؤال الا اذا قفلت في وجهك كل السبل (لا يضر انك تسجل نوتات على اسئلة الكحيلي تسجل فيها اتركات او افكار مو موجودة في النوت اللي كتبتها من المقاطع واستخدمتها في الحل ).. بكذا نقول مبرووك انت قفلت على التشابتر في يومين لكن اذا ما ساعدك الوقت تقدر تكمل حل الاسئلة في اليوم الثالث .. وتستمر بالشكل هذا الى يوم الميجر.

    ملاحضة :
    البعض يحفظ حلول اسئلة الكحيلي ويجيب العيد في الميجر ثم يجي ويقول ان الاسئلة غير مفيدة .. أخي العزيز أنت تدرس مادة علمية وليست أدبيه تعتمد على الفهم اكثر من الحفظ فهمك الكامل ل 40 سؤال افضل من حفظك ل400 سؤال .


    الايام القليلة قبل الميجر:
    قبل الميجر بعدة ايام حاول تكون خلصت كل الماتريال .. بعد كذا مر على النوت اللي كتبتها من المقاطع وخلك مركز وافهم النوت زين .. اذا خلصت ابدأ في الاختبارت القديمه (المخلوطه) من الموقع لاخر ثلاث سمسترات على الاقل .. حاول في البداية تختبر نفسك بشكل عشوائي بدون تفكير في الوقت .. واخر شي حط لك اختبار يكون في ظروف الاختبار وركز على استغلال الوقت لانه ضيق.

    يوم الميجر :
    حاول ما تضغط نفسك .. ما يضر انك تحل كم سؤال بس لا تحل اختبار كامل عشان ما يسبب لك ارهاق ذهني .. اذا عندك كلاسات كثيرة يوم الميجر تغيب عن بعضها عشان برضو ما تسبب لك ارهاق ذهني .. خذ كفايتك من النوم .. لا تأكل شي ثقيل قبل الاختبار بثلاث ساعات .. خذ لك قهوة او شاهي قبل الاختبار بساعه عشان تروح مروق و مصحصح .. خل معك موية وقت الاختبار عشان ما يجيك جفاف.. وقت الاختبار اذا شفت سؤال حله بياخذ وقت او ما فهمته خليه و ارجع له بعدين و صدقني الحركة هذي بتوفر عليك وقت كبييير + ممكن وانت تمشي بالاسئلة تتذكر فكرة السؤال اللي ما عرفت له.

    بكذا اكون انهيت كلامي ..
    بالتوفيق للجميع.
     
    • x 1 إعجاب إعجاب
    • x 1 اختلاف اختلاف
  4. bb_aa33

    bb_aa33 عضو

    انضم:
    ‏24 يوليو 2016
    المشاركات:
    38
    التخصص:
    هندسة كهربائية
    الجامعة:
    الملك فهد
    سنة التخرج:
    1442
    الجنس:
    ذكر
    التقييمات:
    +10 / 0 / -0
    Term 181

    فيزكس 101 بالنسبة لي ماكانت تعجبني ككونسبت أصلا فعشان كذا كلامي هنا ممكن يختلف

    أنا من الاوريا كنت أسمع عن هذا الكورس وإنه القريد فيه صعر فأنا تحمست لهذا الكورس وقلت تحدي بالنسبة لي

    لكن صراحة يوم أخذت الكورس اكتشفت إنه منجد كان صعب وأسئلتهم نار

    طبعا هذي وجهة نظري وتختلف من طالب لطالب ثاني

    فيه طلاب أخذوا +A وفيه D

    لكن عموما لو واجهت صعوبة في هذا الكورس ترى شي طبيعي والديبارتمنت حابب هذا الشي أصلا ! آفرج المياجر لازم 50% يكون ولا راح يجيك فاينل منت متأكد غير من رقمك الجامعي!

    عموما أشوف Phy 102 أشوفه أسهل نسبيا من 101 لكن الديبارتمنت ماعليه أمان

    حتى لو خبصت فيه عندك فرصة تعوض قدام

    الحمد لله إننا تخارجنا من ذا الكورس
     
  5. AD.99

    AD.99 عضو

    انضم:
    ‏2 يونيو 2018
    المشاركات:
    4
    التخصص:
    Electrical engineering
    الجامعة:
    KFUPM
    سنة التخرج:
    2022
    الجنس:
    ذكر
    التقييمات:
    +1 / 0 / -0
    term 182
    محدثكم اخذ +ِA بالمادة هذي .
    لا تسمع لكلام اللى يقلك وحش الجبل او الكورس ذا صعب او او او , الكورس سهل ويتطلب تدريب مكثف وبتكتشف انه من امتع واسهل الكورسات اللى بتمر عليك
    + ال +A تبدأ من 80 متخيلين كيف !!!
    الكونسبت سهل فهمه حتى بعض التشابتر تفهمها من الدكتور ما يحتاج تذاكرها من مصادر خارجية لكن اذا حبيت تستزيد فيه سلايدات الجلال جدا جميلة وتلخص لك افكار الدرس .
    اسئلة الكحيلي جدا جدا جدا جدا مهمه ولازم لازم تخلص عالاقل 70-75 بالمئه لكل تشابتر وافضل لك تخلصها كلها , اصلا لو خلصت 70 بالمئه بتكون مدرك جميع افكار التشابتر تقريبا ف ما اتوقع ال 30 الباقية بتكون صعبة عليك .
    الله يجزاه خير الدكتور الكحيلي مجمع اولد اقزام من 1999 الى 2014 بطريقة جدا جميلة ومرتبة ومقسمها لقسمين : مسائل واسئلة كونسبت .
    اذا أشكل عليك سوال وما عرفت تحله فيه عندك دفرة زون الله يجزاه خير , حال اسئلة الكحيلي لكل تشابتر وانتبه انتبه تتفرج على دفرة زون بدون م تكتب بيدك وتتمرن , خذ دفرة ك مرجع وليس كمصدر اساسي لان فية طلاب كثيرين ما يحلون ويشوفون دفرة زون ولا يجيبون درجات طيبة ويشتكون !! يالغالي هذي مادة فهم وليس حفظ او مشاهدة مقاطع وبس . ف زي ما قلت لكم لازم انت تحل بنفسك لكن اذا دقرت عند سؤال ما فيه مانع ترجع ل دفرة زون .
    فية طريقة انا كنت اسويها وكانت جدا فعالة يمكن بعضكم ما يحس ب أهميتها لكن كانت جدا مهمه بالنسبة اللى هي لاجيت احل اسئلة الكحيلي ابدأ من تحت مو من اول سوال , صحيح في البداية راح تواجه صعوبة لكن مجرد ما تبدأ تحل كمية لا بأس فيها من الاسئلة تجد ان فهمك تطور بشكل كبير. خلينا نقول ان التشابتر فية 50 ف لو بديت من تحت يمكن توصل سوال 30 وتحس انك فاهم مرة ل درجة ان ال 30 سوال المتبقية تلحها بسرعة وبعضها تحلها في مخك ف كانت طريقة جدا فعالة بالنسبة لي ايضا لا تنسى تحل اسئلة الكونسبت لانه في الميجر الثاني جابوا سوال نسخ لصق من الكحيلي .
    نصيحتي لك ب هالكورس انك تجمع درجات قبل لا تدخل الفاينل ب حسبة بسيطة خلينا نقول انك جبت بالميجر الاول 17 والثاني 17 واللاب 15 والكلاس وورك 8 بكذا يصير مجموعك 57 ويبقى لك على ال +A ولازم تجيبة بالفاينل 22 اذا كانت غياباتك اقل من 6 او 23 اذا كانت اكثر , حاول تجيب اكثرمن 57 لانه ما تضمن الفاينل زي ما حصل ب 181 كان افرجهم بالميجر الثاني مرتفع وجابوا لهم فاينل لا اله الا الله راح تلاحظوه لما تجون وتحلون اولد اقزام تجدوه مختلف جدا عن الفاينلات الثانية لكن لو كان افرجكم حول ال 50 راح يجيبون لكم فاينل معقول زي حق 182.
    بالختام
    نصيحتي لك لا تأجل شي في المادة ولا تراكمها لانه تقريبا كل تشابتر يعتمد على الثاني ف مهم جدا انك تكون فاهم التشابتر السابقة .
    ايضا اعيد واكررها حاول قد ما تقدر تجمع درجات قبل الفاينل عشان تكون مرتاح وتعطي المواد الثانية حقها
    بعد في الفاينل ركز على تشابتر ما بعد الميجر الثاني لانها هي المهمه وعليها نسبة كبيرة من الاسئلة وحتى ماهي صعبة واسهل من ماتيريال الميجر الثاني , ممكن تشابتر 13 بيكون ثقيل شوي بس برضوا يبقى سهل ف لا تضيع التشابتر ذي وابدأ في مذاكرتهم اول شي في الفاينل بعدين راجع ماتيريال الميجر الاول والثاني , الاول بيكون سهل عليك تراجعة لانه سهل , الثاني تكون توك ما لك مدة طويلة مخلص الميجر الثاني ف بتكون فاهمه بس استرجاع معلومات .
    وبالتوفيق جميعا وفالكم ال +A .
     
    • x 1 إعجاب إعجاب
  6. Mr.power

    Mr.power عضو

    انضم:
    ‏1 يناير 2020
    المشاركات:
    21
    التخصص:
    Electrical engineering
    الجامعة:
    KFUPM
    سنة التخرج:
    2022
    الجنس:
    ذكر
    التقييمات:
    +1 / 1 / -0
    بسم الله الرحمن الرحيم ..

    كورس دسم فعلاً ولكن ليس بالصعب ، الكونسبت حقيقة متوسط إلى سهل ، ولكن الصعوبة فيه تكون بالاسئلة في الاختبارات ، لابد تكون فاهم الكونسبت ١٠٠٪؜ لتُجيب على الاسئلة ، غير ذلك لو تحل مليون اولد اقزام وأنت الكونسبت حقك مرتخي صدقني ماراح تأخذ الدرجة العالية أو المتوسطة اللي تبيها بالاختبارات ..

    الكونسبت أولا وأخيراً في هالكورس خصوصاً ..

    وفقكم الله
     
  7. jaafar$$

    jaafar$$ عضو

    انضم:
    ‏11 يناير 2020
    المشاركات:
    1
    التخصص:
    Me
    الجامعة:
    KFUPM
    سنة التخرج:
    2024
    التقييمات:
    +0 / 0 / -0
    السلام عليكم انا توني متخصص ميكانيكا اريد نصيحه حق كالكولس و الفيزياء + ملخصات
     
  8. Nasalmz

    Nasalmz عضو

    انضم:
    ‏10 سبتمبر 2017
    المشاركات:
    43
    التخصص:
    AME
    الجامعة:
    Kfupm
    سنة التخرج:
    2022
    الجنس:
    ذكر
    التقييمات:
    +1 / 0 / -0

    الرجال ما اضيف ع كلامة اي شي لانه عطاك الزبدة.
     
  9. mohammed alkalaf

    انضم:
    ‏13 فبراير 2021
    المشاركات:
    3
    التخصص:
    هندسة ميكانيكية
    الجامعة:
    جامعة الملك فهد
    سنة التخرج:
    2023
    الجنس:
    ذكر
    التقييمات:
    +0 / 0 / -0
    ماراح اذكر شنو يغطي المقرر الاخوان الي فوق ماقصروا كفوا ووفوا .. في البداية اذا نزلت هذا الكورس حط ببالك ثلاث نقاط
    ١- المادة مو صعبة انما تحتاج منك جهد كبيييير
    ٢- القريد فيها مو مستحيل بامكانك تطلع ب A+
    ٣- لاتفكر انك تأجل مذاكرتها ، المادة عبارة عن١٥ شابتر يعني تقريبا كل اسبوع شابتر ف انت عليك كل اسبوع تنهي شابتر.

    -
    -
    بتكلم عن تجربتي في المادة في ترم ٢٠١ ولله الحمد طلعت بA+ في المادة .... طبعا معروف انه مافي طريقة صح وطريقة خطأ للمذاكرة وممكن شخص يحتاج يحل ١٠ مسائل عشان يفهم وممكن شخص ثاني في مسألة وحدة يفهم بالمختصر يعني قد يكون الي سويته كافي وزيادة للبعض وقد يكون مو كافي ف انت شوف وش تحس يمشي معك وطبقه .
    في البداية اذا كان دكتورك شرحه مو كويس لاتشيل هم عندك الاون لاين كورس شرحه فوق الممتاز وكثير يعتمد عليه .. انا كنت ساحب على الدكتور وقت الكلاس واشوف الاون لاين كورسس
    بعد ماتخلص الاون لاين كورس افتح سلايدات الجلال ومر عليها .. الان خلصت الكونسبت بشكل كامل هنا يبدا الشغل
    ١ اولد الكحيلي
    ٢ ريسايتيشن بابا
    المجموع حوالي ١٠٠ سؤال لكل شابتر قسمها على الاسبوع كامل وباذن الله م بتخلصهم الا انت فاهم اغلب الشابتر وبتقدر تحل ف الاختبار وانت تضحك

    حاول يكون هدفك انك م تنقص ف الاختبارات ميد او فاينل لانه النظام في ٢٠١ صار كيرف والقريدات كلها ارتفعت على سبيل المثال
    A+ كانت ٨٠ واصبحت ٩٠ ف في فرق كبير بالدرجات بالاضافة الى نقصك ف درجات اللاب والكلاس وررك لانها افرج


    في الاخير ، المادة ممتعة بس تحتاج جهدك عط المادة حقها وباذن الله بتطلع بقريد طيب
     
جاري تحميل الصفحة...
مواضيع شبيهة - PHYS 101 General Physics
  1. كيميكال وبس
    الردود:
    4
    المشاهدات:
    1,221
  2. تقييم
    الردود:
    2
    المشاهدات:
    3,354
  3. تقييم
    الردود:
    39
    المشاهدات:
    21,544
  4. dgf
    الردود:
    0
    المشاهدات:
    41
  5. Abdulmalik_000
    الردود:
    0
    المشاهدات:
    2,938
  6. Nawall
    الردود:
    1
    المشاهدات:
    1,614
  7. YazeedF
    الردود:
    3
    المشاهدات:
    3,348
  8. Mr.Optimistic
    الردود:
    1
    المشاهدات:
    1,762
  9. بلال الكركي
    الردود:
    0
    المشاهدات:
    1,256
  10. Ali Mousa
    الردود:
    1
    المشاهدات:
    1,945

مشاركة هذه الصفحة