تقييم سيرتك الذاتية هنا!

السلام عليكم ، اسف على التأخير

- -يفضل اسم ملف السيرة يحتوي على اسم الوظيفة حتى تزيد فرصة ظهور ايميلك او السيرة لما مسؤول التوظيف يبحث في قاعدة البيانات او في ايميل الشركة للتوظيف ، لأن غالبا لما يبحث راح يستخدم المسمى الوظيفي

- بعض مسؤولي التوظيف مايفضل تخلي الصورة فالأفضل تحذفها .

- خلفية السيرة خلها بيضاء ، لأن الخلفية الرمادية مب مريحة للعين + بتصعب القراءة وبتلاحظ هذا الشي اذا طبعت السيرة .

-في الهدف الوظيفي يفضل تكتب المسمى الوظيفي المناسب لك مثلا Fresh Mechanical Engineer

- في الهدف الوظيفي فيه مساحة صغيرة قبل كلمة working احذفها عشان تكون على نفس المستوى مع السطر فوق .

احذف الجملة هذا (Graduation: 26 May 2019,
و اكتب اسم الشهر فقط (مايحتاج اليوم ) في التاريخ الموجود على نفس السطر الي فيه اسم الجامعة .


- راجع السيرة لغويا و إملائيا بنفسك ولا تعتمد بس على المصحح اللغوي ، لأن ممكن يستبدل الكلمة الي فيها خطأ إملائي بكلمة صحيحة إملائيا لكن غير الي تقصدها
على سبيل المثال كلمة college مكتوبة عندك collage
هذا مثال فقط فراجع كل السيرة لأن ممكن فيه اخطاء مشابهة و انا مانتبهت لها .


-
لما تكون عندك نقاط كثيرة وقصيرة خلها على شكل اعمدة مثل كذا :
كشكل افضل + اريح في القراءة
مثل كذا


الطريقة تحدد النقاط تالي تختار اعمدة ( 3 او 2 )

هالشي تقدر تسويه في قسم المهارات . + على المعلومات الشخصية الموجودة في اعلى السيرة .


- لو تقدر تذكر ايش كانت المسؤوليات عليك في التدريب بيكون شيئ جيد ، ولو ماعند مساحة في السيرة فاكتبها على الأقل في صفحتك في موقع linkedin

-مع معلومات التواصل الموجودة تحت اسمك بإمكانك تخلي رابط ملفك في linkedin " اسمك بس مب الرابط كامل " بحيث تقدر فيه تشرح بتفصيل اكثر عن مشاريع الجامعة ، الخبرات ، الانشطة التطوعية ، ونفس الوقت يجيك اشعار ان مسؤول التوظيف دخل على حسابك وبتعرف انه اطلع على سيرتك



الله يوفقك ويرزقك الوظيفة الي تتمناها

 

وعليكم السلام ورحمة الله وبركاته

اسف على التأخير

-يفضل اسم ملف السيرة يحتوي على اسم الوظيفة حتى تزيد فرصة ظهور ايميلك او السيرة لما مسؤول التوظيف يبحث في قاعدة البيانات او في ايميل الشركة للتوظيف ، لأن غالبا لما يبحث راح يستخدم المسمى الوظيفي + تسهل عليه فرز السيرة


- النقاط المكتوبة في قسم الهدف الوظيفي ، التدريب ، المشاريع مكتوبة بحجم صغير خله اكبر شوي لأن لو طبعت السيرة بتلاحظ الكلام مب واضح .

النقاط تحت قسم Membership مكتوبة بحجم وتنسيق مختلف عن بقية السيرة ! - في السيرة أو اي ملف للعمل ، لازم يكون فيه تنسيق موحد يعني مايصير ان عنوان قسم يكون بحجم و عنوان قسم ثاني صايرة بحجم او خط مختلف ، او مثلا 3 نقاط في نفس القسم بعضهم مكتوبين بخط يختلف عن بعض . هالشي ممكن تشوفه بسيط لكن يأثر على الشكل العام للسيرة .


-احذف كلمة Records: في عنوان قسم التدريب


- مايحتاج تكتب اسم الحي أو المنطقة ، الا لو الشركة كانت قريبة من سكنك او طلبت تحديد الحي في اعلان الوظيفة .

- في قسم المهارات ، الأفضل تذكر البرامج والمهارات التكنيكال المرتبطة بتخصصك في البداية ثم المهارات الشخصية + لا تكتب مهارات شخصية كثيرة
+ استعد في المقابلات انك تعطي مثال او موقف مريت فيه استفدت او طبقت فيه هذي المهارات الشخصية لأن غالبا راح يجيك هذا السؤال


- لو بعد التعديلات الي فوق ظلت فيه مساحة ، رايي انقل قسم التعليم من المستطيل الى القسم اليسار
طبعا اذا نقلته مايحتاج تكتب University :
Certificate
Graduation date
قبل المعلومات

على طول اكتب المعلومات
اسم الجامعة وفي اقصى اليمين من نفس السطر خل فيه تاريخ التخرج
السطر الي بعده بكالوريوس ءءءء و بين قوسين التخقق الدقيق


- الهدف الوظيفي راح تخليه سطر ونص بدلا من 3 نقاط من منفصلة .

-مع معلومات التواصل الموجودة تحت اسمك بإمكانك تخلي رابط ملفك في linkedin " اسمك بس مب الرابط كامل " بحيث تقدر فيه تشرح بتفصيل اكثر عن مشاريع الجامعة ، الخبرات ، الانشطة التطوعية ، ونفس الوقت يجيك اشعار ان مسؤول التوظيف دخل على حسابك وبتعرف انه اطلع على سيرتك



- مايحتاج تكتب حالتك الاجتماعية الا لو الشركة طلبت تحديد هذا الشي في اعلان الوظيفة

الله يوفقك ويرزقك الوظيفة الي تتمناها

 

وعليكم السلام ورحمة الله وبركاته

اسف على التأخير

-يفضل اسم ملف السيرة يحتوي على اسم الوظيفة حتى تزيد فرصة ظهور ايميلك او السيرة لما مسؤول التوظيف يبحث في قاعدة البيانات او في ايميل الشركة للتوظيف ، لأن غالبا لما يبحث راح يستخدم المسمى الوظيفي + تسهل عليه فرز السيرة

- مايحتاج تكتب حالتك الاجتماعية الا لو الشركة طلبت تحديد هذا الشي في اعلان الوظيفة

- الشركات يهمها عنوانك الحالي أكثر من مكان الميلاد فاحذف مكان الميلاد + في العنوان يكفي تكتب اسم المدينة .

- اسمك لو تخليه في النص بيكون كشكل افضل

- لاتكتب كل الحروف كابيتال ، هالشي يصعب القراءة و يخرب الشكل ، لو محتاج تخلي شي كابيتال خل الحرف الاول بس من كل كلمة فيه الجملة كابيتال

مثل كذا
Professional Summary


ترتيب الأقسام يكون من الأهم إلى الأقل اهمية ، فخل قسم التعليم بعد قسم professional summary

- يفضل تكتب اسم الشهر الي تخرجت فيه جنب 2019

- غير مكان اسم برنامج - CATIA لأنه مخرب الشكل ومب صاير لما مع السطر الأول و لا في نفس السطر الي فيه الماتلاب .

- المعلومات الشخصية في أعلى السيرة بإمكانك تخليها على شكل اعمدة مثل كذا


الطريقة تحدد النقاط تالي تختار اعمدة ( 3 او 2 )

عشان توفر مساحة وحتى كشكل يكون افضل

اسم Six Sigma خله سميك عشان يكون بارز بين الكلام ويلفت الانتباه ونفس الشي مع اختصار OSHA


- معدلك جيد لكن بعض الشركات للأسف تفضل معدل 3 وفوق من 4 فجرب انك ماتذكر المعدل في التقديم على (بعض) الشركات وتذكره في البقية .


الله يوفقك ويرزقك الوظيفة الي تتمناها

 

السلام عليكم

هذا الحساب مخصص لنشر الاستشارات الوظيفة و غالبا يكون فيه تفاعل جيد مع الأسئلة المنشورة
خل يتواصل معه .
https://sa.linkedin.com/in/fsturky

 

رايكم يا شباب؟

 

السلام عليكم ، بشكل عام السيرة جيدة لكن تحتاج بعض التعديلات :

-يفضل اسم ملف السيرة يحتوي على اسم الوظيفة حتى تزيد فرصة ظهور ايميلك او السيرة لما مسؤول التوظيف يبحث في قاعدة البيانات او في ايميل الشركة للتوظيف ، لأن غالبا لما يبحث راح يستخدم المسمى الوظيفي + تسهل عليه فرز السيرة

- مايحتاج تكتب الرمز البريدي + اسم الشارع .

- رايي تخلي عنوانك الجبيل بدل من الحسا ، الا لو كانت الشركة الي بتقدم عليها مكان عملها في الأحساء

- احذف : Intermediate بعد برامج المايكروسوفت


- مع معلومات التواصل فوق بإمكانك تكتب Linkedin : Mohammed Aldejani ويكون اسمك هايبرلينك لملف في الموقع الي المفروض تكون فيه تفاصيل اكثر عنك مثلا المشاريع في الجامعة ، الأنشطة التطوعية ، تفاصيل اكثر عن التدريب لو عندك , ال recommendations من الدكاترة او الي اشتغلوا معاك في التدريب .




واذا كنت حاب تقدم على الوظائف في الحسا ، فشركة انوسفت العقارية عندها اكثر من مشروع في الحسا ضمن مشاريع وزارة الاسكان ، قدم عليهم يمكن فيه فرص لحديثي التخرج

الرئيسية - Innovest Properties - Innovative Investments Real Estate Company
محمد الخرس on Twitter


ونصيحة لا تكتفي بس بالتقديم على الاعلانات ، ارسل للشركات والمكاتب الهندسية حتى لو ما اعلنت عن وظائف
https://www.saudieng.sa/Arabic/Eservices/Offices/pages/officesearch.aspx
المكاتب الإستشارية المؤهلة - بوابة وزارة الشئون البلدية والقروية

الله يوفقك ويرزقك الوظيفة الي تتمناها

 

يعطيك العافية اخوي ما قصرت

 

خريج هندسة ميكانيكية ومحتاج نصايحكم في السيرة الذاتية

 

عندي نسختين من السيرة المحتوى تقريبا نفسه
لكن الستايل يختلف
اتمنى تعطوني رايكم

 

السلام عليكم..
هذي سيرتي الذاتية الخاصة اتمنى تفيدوني باي تعديل او اضافة

 

ممكن تشيكون على سيرتي لو سمحتو

 

حاول تعدّل الأخطاء الإملائية لان هذا الشيء مو مقبول أبداً عند مسؤولي التوظيفة


- حاول تحط الكورسات المهمة من تخصصك أو حتى من برا التخصص
- اعمال تطوعية و التدريب قمت بها.
- تاريخ الميلاد و ال Status مو مهم ، لأن شيء راح يطلبونه منك عندك التوظيف فما يحتاج تكتبه الحين
- حسابك على اللينكد ان خله على شكل QR لأن ما اظن مسؤول التوظيف راح يكتب الرابط حرف حرف.

 

الله يبيض وجهك ما قصرت بس شلون QR ما اعرف طريقتها ومشكور على الرد

 

How to create a QR code for your LinkedIn profile

التدريب و الاعمال التطوعية في النوادي العلمية او غيرها مهم جداً تضيفه

 

السلام عليكم..
هذي سيرتي الذاتية الخاصة اتمنى تفيدوني باي تعديل او اضافة

 

السلام عليكم ورحمة الله وبركاته

محتاج رايكم و مشورتكم بالـ CV
لخريج جديد

وشكرا ََ

 

مهندس ميكانيكي حديث تخرج تقييمكم ونصائحكم للسيره الذاتيه

 

اذا ممكن تقييم سيرتي

 

اتمنى التققييم

 

السلام عليكم
- اذكر مسؤولياتك و طبيعة التدريب على شكل نقاط حتى تعطي التدريب قيمة أكبر عند مسؤول التوظيف.
- بدل من Cooperation Program اكتب Coop Trainee ومايحتاج تكتب at بعد ارامكو يكفي تخلي شرطة - .
- اسم الجامعة يفضل يكون في سطر واحد مب مقسم على سطرين

-بعد اسم الجامعة اكتب بين قوسين KFUPM لأنك مستخدم هذا الاختصار في جزء ثاني من السيرة ويمكن بعض مسؤولي التوظيف مايعرف هذا الاختصار فلازم تذكر معناه مرة وحدة على الأقل في السيرة عشان تقدر تستخدم الاختصار في بقية السيرة.
- ممكن تذكر رابط ملفك في موقع Linkedin تحت الايميل.

- التواريخ بعضها مكتوب بحجم كبير ومختلف ، مثل تاريخ التخرج يختلف عن تاريخ التدريب . فعدل هذا الشي عشان يكون التنسيق موحد في كل السيرة .

+
لو حاب تستخدم نماذج ثانية :
سهى ؏ـبدالله on Twitter
+
عبدالعزيز الحمادي on Twitter


الله يوفقك ويرزقك الوظيفة الي تتمناها