تجربتي مع شركة الصناعات الحديثة P&G 2019

السلام عليكم ورحمة الله وبركاته

حبيت اشارك معاكم تجربتي مع شركة الصناعات الحديثة/ بروكتر اند جامبل (P&G)
معلومات عني:
تخصصي هندسة ميكانيكة
معدلي فوق الـ٣
موظف مع سنتين خبرة في شركة سنغافوريه.


قدمت على Process Engineer عن طريق موقعهم وبعدها بكم ساعة جاني ايميل منهم يبوني اسوي اختبار اون لاين. سويت الاختبار وكان القسم الاول عبارة عن Situational
Questions او بالمختصر يعطيك سناريو وانت تختار الاجابة. طبعاً مافي اجابة صح او خطأ بس هم يبحثو عن شخصية معينة.
القسم الثاني اسئلة سلوكية
القسم الثالث كان logic وكان سهل بس يبي له تحضير عشان تتعود على نظام الاسئلة وتكون سريع لان كل الاختبار كان Timed.

بعدها بكم اسبوع جاني ايميل حق اسوي اختبار ورقي عندهم وكان نفس الاون لاين تقريباً بالاضافة الا مسائل حسابية اغلبهم كانوا سهالاات.

بعدها جاني ايميل مقابلة بفندق بالخبر..
رحت واستقبلوني اثنين كانو محترمين جداً ودعوني للغذاء معاهم.. تغذينا وبعدين دخلت على المقابلة وقابلوني اثنين مدراء من اقسام مختلفة.

الاسئلة كلها Behavioral and Situation
مثلاً Give me a time you managed a project with strict deadline.
او
Give me a time you were leading a group of people
نصيحة لاتجاوب اجابة سريعة ، الافضل انك تجاوب كالتالي:
عليك تشرح وش كان المشروع/المشكلة ، وش الاكشن الي اخذته وفي النهاية وش كانت النتيجة.
المقابلة اخذت تقريباً ساعة ونص وكلها اسئلة نفس الي فوق.

الي قابلوني واحد منهم كان حبيب والثاني كان وقح واستفزازي ويحسسك انك جاي تطر منه.
الي عليك تسويه انك تتمالك اعصابك ودائماً خليك مبتسم.

يوم ثاني جاني ايميل بالرفض والحمدلله. اتمنى التجربة هذي تفيد اي احد منكم والله يكتب لكم الخير.

 

انا الثلاثاء سويتها ، معاك يعني. متى كان موعدك؟

نقول ان شاء الله تسمع منهم اخبار حلوة ، يمكن انت بحالة الفرز الحين لان فيه مقابلة اخيره بعد. بالتوفيق

في احد من الي قابلك كان لابس ثوب؟