كم راتب اقل واحد خريجي البكالوريس يالليت تفدوني

اولا حياك الله اخوي وانشاء الله نقول لك (يا اوريا) السنة الجاية

وعن سؤالك ما اقدر اعطيك شيء 100% بس راح اقولك
ان اقل واحد عرفته يستلم 7500
بس انه ماهو مهندس
هو اداري

والمهندس يستلم من 8-15 الف مع بدلات و ..... الخ
هذا الي اعرفة

وشكرا

 

يعتمد على الشركة بشكل اساسي

أحد الزملاء اداري في شركة زين يستلم 13000 من غير البونس و منافع الاتصالات

و أحد الزملاء مهندس في سابك يستلم 12000 من غير البونس

و أحد ............ ما وادي اعطي امثلة كثيرة

لكن يعتمد بشكل كبير على الشركة

 

زي كلام الاخوان تعتمد على الشركه والمسمى و و و يعني مافي رقم معين

الاداري تجيه رواتب قويه بعد لانه ببساطه يمسك اداراه وراح يكون مدير بس يبي له خبره و شركه تقدر ..

والمهندس نفس الشي ماعليه كلام

+على فكره انا مو اداره

 

الموضوع قديم صحيح، لكن شفته في المواضيع الشبيهة وأنا أتصفح موضوع آخر ولفت انتباهي

وواقعاً يستحق الرفع بل ومفيد للمقارنة بين الوضع الآن وبين ما قبل 10 سنوات وأكثر..

نسأل السؤال من جديد:

كم أقل راتب حالياً لخريج الباكلريوس سواء كان هندسة أو إدارة؟

 

مافي رقم محدد ،
نظاما أقل راتب 3000 .
لكن مافيه نظام موحد فلا تستغرب لما تشوف بعض الوظائف لأصحاب الخبرة بـ 7000 - 8000 فل باكج
وفي شركات تعطي الفريش أساسي : 10000
وبعض الشركات تعطي أقل من 3000 لأنها تأخذ نسبة من الراتب غير نسبة التأمينات ، مثل الوضع في المدارس الأهلية .

فلا تشغل بالك بموضوع الحد الأدنى للرواتب وهذي الأمور لأن مافيه نظام موحد تشترك فيه كل الشركات .
أهم شي حاول تبدأ بوظيفة راتبها عال لأن هالشي بيسهل عليك الانتقال لوظائف برواتب أعلى كلما تقدمت بحيث ماتوصل سن التقاعد إلا وراتبك عالي
خاصة إن الراتب التقاعدي يعتمد على رواتبك في السنوات الأخيرة لك قبل التقاعد.

 

كلامك واضح أخي
ولكن أحببنا معرفة مدى الاختلاف الحالي مقارنة بالسابق
وهل الاختلاف يعد ظلماً أم عدلاً

وبالنسبة للراتب العالي أيضاً هذا موضوع مختلف عليه لأنه نسبي
هل العالي تعني 7000 وطالع أو 10,000 وطالع وهكذا

 

السبب الرئيسي والاهم هو الشركة اللي توظفك (يعتمد على حجم الشركة ومجال عملها ومدخولها السنوي)

فيه شركات تكرم الفرش وعادي تعطيه 15+ وفيه شركات يقولون لك اساسي 4500 ولا كأنه معاك شهادة بكالوريوس

عشان كذا دايما اعرف حجم الشركة ونشاطها عشان لا تنصدم بالعرض حقهم ويمديك تعرف اذا انصفوك او ظلموك