مساعده بشان مقابله مع SMP سابك

كيف قدمت

 

وعليكم السلام

بحاول افيدك بما اني خلصت المقابلة لكن انا فني كهرباء بشرح لك اللي صار معي وان شاءالله تستفيد

قبل شهر جاني اتصال من سماسكو يعرضون علي وظيفة في سابك بنظام SMP وقبلت قالو مقابلتك بتكون بالتلفون يوم الاحد الساعة 1 الظهر انتظرتهم وجاني الاتصال الساعة 12:30 يعني خلك مستعد قبلها بوقت مو شرط يكلمونك بنفس الوقت
المقابلة اخذت معي تقريباً 35 دقيقة وكان على الخط تقريباً 5 اشخاص من ضمنهم موظف HR ومهندسين من سابك

المقابلة ابتدت
تكلم عن نفسك طبعاً انجلش ونقاط حاول تحفظها
اسمك ، عمرك ، سكنك ، من وين تخرجت واذا كنت موظف اذكر الشركة اللي تشتغل فيها مع تخصصك والاهم تكلم بثقه تكلم بثقه التوتر او الخوف ماراح يفيدك

السؤال الثاني : ايش طبيعة عملك
وشرحت لهم على ايش اشتغل مع ذكر الاقسام اللي مريت فيها
وشي مهم ال cv حقك هو اساس كل شي يعني بيسئلونك في تفاصيله ف لاتذكر شي انت ماتعرفه لانهم ممكن يحشرونك

السؤال الثالث : السيفتي
ايش تسوي وايش تفعل وكذا وطريقته

انا مااعرف ايش تخصصك او وضعك اذا كنت موظف او لا بس هاذي بعض الاشياء اللي ممكن تفيدك

بعدها بتنتهي المقابلة بيقولك الرد من اسبوع الى اسبوعين
خلال 5 ايام راح يجيك الرد من سماسكو


المميزات

راتبك الاساسي بتجيك زيادة عليه من 20% الى 30% بحد اقصى

بدل سكن 25%
بدل نقل 10 %

زيادات سنوية حسب تقييمك
تامين طبي كلاس A او VIP
كل مميزات موظف سابك الدايركت هاير تاخذها
امان وظيفي
سابك مسئوليت عنك بشكل كامل

اي شي تحتاج تسئل عنه ارسلي وابشر

 

الله يوفقك اخي انا سويت معهم كذا مقابلة بس للاسف ما صار توفيق
مرتين مع جدارة ومرة مع جال
واخر وحدة كانت مع سراكو قبل اسبوع ولسه ما جاني رد وان شاء الله خير
انا فني الات دقيقة وخبرة 7 سنوات
شكرا ع كامل التفاصيل والله يوفقك .. بس هل رواتبهم للفنيين توصل فوق ال 10 الاف وشكرا

 

الله يوفقك ويسسر امرك
الرواتب مالها حد كل شي يعتمد على راتبك الاساسي شوف كم واحسب عليه ٢٠٪؜ او اكثر حسب مسئول التوظيف


واعتقد سراكو نظامها مو SMP نظامها service ف قبل تقبل بال service فكرة واستخير اذا كنت على وظيفه حالياً لكن اذا smp قارن فرق المميزات وتوكل على الله واي شي مايهك ارسل وارد عليك ان شاءالله

 

وش الفرق بينsmp و service؟

 

بختصار السيرفس تجي تشتغل براتب ثابت وتامين طبي اقل نوع وفترة للبروجكت بس بعدها تمشي تروح شركتك

ال smp انت وموظف سابك نفس الشي امان وظيفي وزيادات وتامين طبي عالي وقريد ومميزات

 

هل أقدر أحول من servie concert إلى smp

 

لا طبعاً
ال smp لها تقديم خاص يتواصلون سابك معك ويحددون لك العرض الوظيفي كل شي عن طريق التوظيف في سابك لكن تتعين تبع وحده من شركات ال smp سماسكو ، جال ، جدارة والراتب سابك يحددونه وزياداتك السنوية وبطاقتك نفس بطاقة موظف سابك كل شي بس المقاول اللي انت عليه يصرف الراتب ويعطيك تعرفين لكن المميزات كلها مميزات موظف سابك وكل شي من سابك واحتمال الترسيم فيها كبير اذا رئيسك رفع اسمك واعطى توصيات كبيره عليك