مقابلة شلمبرجير

قالولكم اسم الدائره الي راح تكونون فيها ؟

 

^^^

ممكن تفيدونا عن طبيعة المقابلات ؟

و الله يوفقكم يا رب

 

اول شي لازم تقابل مع مدير التوظيف ، اسمه مؤيد الهندي بعدها هو يختار الدائره الي راح تكون فيها وتسوي مقابله مع المنجر حقها ،،،

 

+1

 

sniper1001
انا مثلك قالوا لي انهم بيرسلوا المعلومات على الايميل ولكن للآن ماكو شي .
ماعليك أمر أخوي كيف كانت المقابلة الثانية ,وعن شنو كانت ,وين سويتها ؟
تقبل خالص شكري لك​

 

الشباب الي سألوا عن المقابلة


الي قابلنا اسمه مؤيد الهندي(مهندس مكنيكي)

المقابلة كانت 100% برسونال (بالعنجليزي) ,والأسئلة كانت كالتالي:

1-تكلم عن نفسك ؟
2- اذكر اكبر ثلاث نقاط ضعف لديك؟
3-اذكر اكبر ثلاث نقاط قوة لديك؟
4-أصعب تحدي واجهته؟
5-ليش قدمت على الشركة ؟
6-ليش تظن ان الشركة راح توظفك؟
7-وشو تعرف عن الشركة ؟
8- وشو تسوي في اوقات الفراغ؟
9- قدمت على شنو في الشركة ؟
(يقصد > فيلد انجينير لو مينتينانس ...الخ)>انا قلت له فيلد انجينير >سألني ليش؟
10-ادا رحت الفيلد وشو تتوقع انك بتسوي ؟


>>>تقريا هذه كل الأسئلة <<<

(العم -يوتيوب - مايقصر >>>مليان من هالأسئلة )

سألني سؤال أهبل > (اذ طلبوا منك تطلع في فلم في هوليود , وشو بتقول؟!!!) .

طبعا كنا 7 مرشحين , كل واحد سوا المقابلة لحاله ,,,ولطعونا من تسع ونص الين ثلاث العصر تقريبا , على ماتخلص كل المقابلات .

تقريبا المقابلة تاخد من 20 الى 30 دقيقة

بعد ماخلص المقابلات ويا المرشحين , اخذنا بريك >>صلاة وغدا

بعد البريك:
قدم لينا برزينتيشن لمدة 40 دقيقة عن الشركة والكرف الي فيها وكيف التدرج الوظيفي , وذكر لينا تجربته, (طبعا ركز على الكرف بشكل كبير عشان يشوف من الي متردد أو خايف أو غير مستعد الى هالنوع من الوظائف).


*بعدين قسمنا الى قروبين

وعطانا (لكل قروب) :
-شدة ورق A4
-مقص
-لزاق (تيب)
-كور جولف (15 كورة)

المطلوب ان نبني برج باستعمال الادوات الي عطانا وياها ,بحيث ان البرج يحمل أكبر عدد من الكور ,ويكون طول البرج اقل شي نص متر وبأقل تكلفة (اقل كمية من الورق) خلال 25 دقيقة .

وبعد مانخلص نسوي برزينتيشن للبرج ( كانك تعرض البرج على الكستمر وتقنعه ان برجك هو الخيار الافضل للإستثمار).


الي فهمته ان الهدف من هالتحدي انه يشوف المهارات الي عندك :
-العمل الجماعي
-الليدر شيب
-التواصل مع أشخاص أول مرة تلتقي بهم
-الابتكار
وحاجات زي كدا

اخر شي قال لينا راح نرد عليكم خلال اسبوع الى اسبوعين .

هذا كل مايتعلق بالمقابلة الاولى .

وان شاء الله الشباب الي عملوا المقابلة الثانية يفيدونا كمان


هذا كل مافي جعبتي , واذا في اسفسار ولا شي حاضرين ​

 

هلا اخوي بالنسبة للمقابلة الثانية حقتي كانت بموقعهم خلق dhl فكنا خمسة اشخاص كل مره ينادون واحد
طبعا المقابلة كانوا طالبين منا بالاميل ان نجهز برزنتشن لمدة خمس دقائق بالبوربوينت تتحدث فيها عن نفسك وتطلعاتك المستقبلية لحياتك العملية كانت بجضور المهندس مؤيد و3 من المنجرز الاجانب بعد البرزنتيشن يسالونك اساله عامه ويشوفون ردود افعالك اغلبها نفس اسالة الموقابلة الاولى وبرضو يقولوا راح نرد عليك بعد اسبوع او اثنين
بس انا ردوا علي بعد 3 اسابيع بطلب عمل مقابلة ثالثة يوم الثلاثاء والله يوفق الجميع يا رب

 

ليوم وقعت العقد مع شلمبرجير

بس استغرب انه مكتوب في العقد آن ما آقدر آروح شركات البترول المنافسه مثلا ( هاليبرتون او بيكر وغيرهأ ) الا بعد سنتين من خروجي من الشركة ؟؟؟؟

 

ما قالولك كيف بيتدبل الراتب متى وكم بيكون ؟

مبروووك عليك الوظيفه

 

على كلآمه آن الحين جيو سيرفز قاعدين يسووا لها قريدات شلمبرجير
راح تطبق خلال الشهرين القادمين

وقال آن راح نكون على قريد 5

وآول مانخلص 3 شهور تدريب على طول يودونا كورس دبي

 

كيف توظيف الشركة للاداريين ؟

مالية و محاسبة و غيرها ؟..؟


و مشكورين يا مهندسين :d

 

طيب اخوي عبدالله ! انا كاتبين بالعقد هوم كانتري !! هل للابد اكون في السعوديه ؟؟ ولا يغيرونه بالمستقبل ويكون انترناشونال او لا يهتمون بهذا! يعني متى ما سافرت صرت انترناشونال واذا قعدت صرت لوكال !!!

 

الله يعطيك الف الف الف الف الف الف عافيه !!! وما قصرت معنا

 

معليش اخوي وادري اني اقلقتك باسالتي ،،،

كاتبين لي بالعقد Home Country Resident وليستhome country mobile هل فيها فرق ؟

 

لا يا اخوي انا مهندس !! وحاطينيReservoir Engineer يعني سيميوليشن !! وقالولي عملي بيكون بالظهران يعني ما فيه فيلد ! كلها على سوفت وير ! نسوي اناليسس وكذا ،،،

 

هذي أحسها تناسب مهندس برمجيات
مشاركتي هذي مو معناته أعطي نصيحة او شيء
لا بس شدني التخصص حقك مع مسمى الوظيفة ..
يمكن قدمت ع Geoscience and Petrotechnical
موفق خير ..


ألف شكر للفاضل / عبدالله العلي على مساعدته ..





​

 

اخوي عبدالله طلبتك حبيبي انصحني من خلال خبرتك !

انا خلصت كو اب من الجبيل الصناعية في شلمبرجير في الواير لاين ماينتنانس !
خلصت البرنامج والسوبر فايزر يبيني اتوظف معه وكلم الادارة و اعطوه فورم يعبيه..
بعدها انا جالس في البيت لا حس ولا خبر شهر تقريبا !
اللهم بس جتني رسالة عـ الايميل فيها التالي..

Thank you for your interest in Schlumberger.
Your application, ref: ***************, has been uploaded correctly on our careers website and will be reviewed by the recruiting team.
We appreciate the time you have taken to present your qualifications to us.
If we have a position matching your qualifications and experience we will contact you to discuss your candidature.
Sincerely,
The Schlumberger Recruiting Teamتهقى سحبوا علي او البروسيس فيه خطأ ؟!! تنصحني اكلم مؤيد الهندي ممكن يساعدني ؟!
​

 

أنا سويت مقابلة مع الأخ مؤيد الهندي و كان حبوب جداً
من الأسئلة التي اتذكرها: طبعاً كلها بالإنجبيزي
- عرف بنفسك
- ويش تخصصك و ليش اخترت هذا التخصص
- ما هي نقاط ضعفك
- ويش مقدم على الشركة و يش تعرف عن طبيعة الوظيفة و العمل
- ايش تسوي في وقت فراغك
- ايش راح تستفيد منك الشركة
- ما هو اعظم انجاز في حياتك

و عطاني وصف لثلاث قروبات عمل و سألني في اي قروب تشوف نفسك وليش

و انتهت المقابلة و قالي راح نرد عليك في خلال الاسبوعين القادمين

 

هلا اخوي عبدالله ! معليش عندي سؤال واتمنى يكون اخر سؤال !!

الحين متى اكون بقريد ٩ ؟؟ يعني لو خلصت السكول بعدها بيرقوني ولا كيف ؟؟

انا سمعت ان الترقيه تكون كل سنه ! وفيه ناس خلصوها باقل من سنه ! طيب لو خلصت السكول حقتهم بدري اترقى بعدها ولا كيف النظام ؟؟

 

شكرا اخوي عبدالله
اناا ولله الحمد استلمت الاوفر اليوم.. شكلك توسطت لي هههههههه
موفقين