تقديم على وظيفة المعيد في الجامعة...اسألة بسيطة

الموضوع في 'ساحة الخريجين' بواسطة بوشخاط, بتاريخ ‏30 سبتمبر 2012.

  1. بوشخاط

    بوشخاط عضو

    انضم:
    ‏13 أغسطس 2007
    المشاركات:
    1,501
    التقييمات:
    +18 / 0 / -1
    السلام عليكم


    باختصار ابغى اقدم على وظيفة معيد في الجامعة...وعندي اسألة بسيطة شوي


    اولا هل يحتاج توصيات من الدكاترة ؟ لاني سألت ادارة التوظيف وقالو لي ان (يفضل) تجيب...

    ثاني شي انا ناوي ادرس ماستر في الجامعة اذا استلمت وظيفة المعيد ان شاء الله...هل اقدم الترم القادم ولا استنى لين استلم الوظيفة ؟ ياليت احد يفصل لي في هالنقطة اذا ما عليكم امر

    ثالثا قالو لي انهم يبون سي في ... هل يدققون فيها ؟ وهل يفضل اني احط في السيفي اني حاليا ماسك وظيفة ؟

    رابعا هل شهادة التوفل راح تشفع لي في التوظيف ؟


    واخيرا وهو اهم شي... اللي عنده نصايح معينة تسرع وتمشي امورنا من هالناحية...ياليت يفيدني...لاني حاط امال كبيرة جدا على هالوظيفة بعد ما جربت حياة الشركات المملة بشكل غير طبيعي :sike:


    تخصصي علوم حاسب - سكند اونر


    وشكرا مقدما لكل من يساعد :)
     
    • x 1 إعجاب إعجاب
  2. بوشخاط

    بوشخاط عضو

    انضم:
    ‏13 أغسطس 2007
    المشاركات:
    1,501
    التقييمات:
    +18 / 0 / -1
    وبالنسبة لتوصيات الدكاترة... هل لو اتفقت معهم يجهزونها في نفس الوقت ولا تاخذ مدة ؟
     
  3. jaNOOBi07

    jaNOOBi07 عضو

    انضم:
    ‏13 سبتمبر 2008
    المشاركات:
    219
    الإقامة:
    ظهران الجنوب
    التقييمات:
    +16 / 1 / -0
    بسم الله الرحمن الرحيم

    اول شي الان كلم افضل دكاترة درست عندهم وتعرفهم ويعرفونك
    انهم يسوولك توصيات وارسل لهم المواد اللي درسوك فيها وكم درجتك وسنة تخرجك
    وتحرك الان لان ما تعرف وش ضروف بعضهم

    رح لعمادة القبول لقسم الخريجين وسوى لك 10 نسخ من شهادة الباكلوريس ويختمون عليها
    طبق الاصل بعدين اطلب منهم نسخ اصليه (5 نسخ تكفي) من الدرجات الترانسكربت

    طيب ..... بعده سوى خطاب موجه الى عميد الكلية اللي تبغاها (نموذج دباجه الخطاب في الملف المرفق)

    واخر شي سوي سيره ذاتيه محترمه باللغه الانجليزيه ...

    يعني باختصار المطلوب منك:
    -3 توصيات (كل دكتور يعطيك 3 نسخ مختومه ختم الكليه وموقعه توقيع الدكتور يعني 9 اوراق)
    - 10 نسخ من الشهادة مختوم طبق الاصل
    - 5 نسخ من الدرجات التراسكربت طبعا اصليه
    - خطاب موجه الى عميد الكليه
    - السيره الذاتيه
    - اذا عندك خبره احلا واحلا شهادة خبره من عملك واضف معها صورة من التامينات
    - وصوره من بطاقه الاحوال

    نصيحه قدم الان على الماجستير وترا اخر يوم 8 اكتور فتحرك
    واذا قدمت رح للعميد وقدم له الملف حقك وكلمه بنفسك وعرف نفسك عليه


    وباذن الله تعالى انه يكتب لك الخير ويحقق لك مرادك امين
     

    الملفات المرفقة:

    • طلب.doc
      حجم الملف:
      29 ك. ب
      المشاهدات:
      1,326
    • x 1 إعجاب إعجاب
  4. jaNOOBi07

    jaNOOBi07 عضو

    انضم:
    ‏13 سبتمبر 2008
    المشاركات:
    219
    الإقامة:
    ظهران الجنوب
    التقييمات:
    +16 / 1 / -0
    توني قريت بقيت موضوعك
    مدام انك موظف ومعك توفل

    كل شي سويته ضيفه مع الملف اللي تقدمه للمعيد واذكر الشي هذا
    لكن نصيحه لا تروح وترمي الملف عند السكرتير
    ادخل واجلس معه ........ خذ الشغله طق طقه وسواليف

    وبعدين حاول في الجامعات اللي توها ناشئه تدخل الصبح تخرج الظهر وانت موقع العقد
    عندك جامعه جيزان ونجران راتب المعيد حول 12000 ويوصل 13000 لانك حاسب يعني مهندس فيها بدلات
    بس البترول اساسي 7740 وبدلات 600 و450 بس ميزتها يعطونك شقه وحركات

    واذا عندك اي استفسار اخر انا جاهز لاني قد كنت في هذا المعمعه وحسيت فيها

    الله يوفقك امين
     
    • x 2 إعجاب إعجاب
  5. بوشخاط

    بوشخاط عضو

    انضم:
    ‏13 أغسطس 2007
    المشاركات:
    1,501
    التقييمات:
    +18 / 0 / -1
    اهلين حبيبي... اول شي مشكور على الرد...

    ثانيا انا بقدم على وظيفة معيد وما راح اقدم على الماستر حاليا... ما ادري هل يحتاج اقدم على الماستر مع الاعادة ولا كيف ؟ وهل الاجراءات نفسها ولا تختلف ؟ ياليت توضح لي

    وهل يحتاج كل الشهادات والاشياء هذي عند التقديم ؟

    يعطيك العافية مرة ثانية على الرد :)
     
    • x 1 إعجاب إعجاب
  6. بوشخاط

    بوشخاط عضو

    انضم:
    ‏13 أغسطس 2007
    المشاركات:
    1,501
    التقييمات:
    +18 / 0 / -1
    اهلين حبيبي... يعطيك العافية على الرد

    والله المشكلة يا اخوي اني تعلقت بالجامعة بشكل خرافي ووامنيتي في الحياة الاعادة فيها... وفرق الراتب ما يهمني زي ما تهمني الجامعة اللي انا فيها

    وبما انك مريت بالمعمعة هذي ياليت تعطيني تفاصيل وش صار معك..سواء هنا او على الخاص اذا ما عندك مانع طبعا :)

    مشكور عزيزي
     
  7. بوشخاط

    بوشخاط عضو

    انضم:
    ‏13 أغسطس 2007
    المشاركات:
    1,501
    التقييمات:
    +18 / 0 / -1
    توني استوعب ان اللي ردو اثنينهم نفر واحد :khotrah: لاحد يدقق يا شباب :khotrah:


    شي اضافي...انا ما ابغى ابدا ادرس ماستر الا لما اتأكد اني مقبول في وظيفة المعيد...لاني ما ابغى اترك وظيفتي وبعدها لا سمح الله ما انقبل كـمعيد... وشايل فكرة البارت تايم من راسي... مدري وش التصرف الصحيح في الحالة هذي ؟
     
  8. jaNOOBi07

    jaNOOBi07 عضو

    انضم:
    ‏13 سبتمبر 2008
    المشاركات:
    219
    الإقامة:
    ظهران الجنوب
    التقييمات:
    +16 / 1 / -0
    هلا اخوي
    ما دام انك تبي اعاده بس فما عليك الا تحدد موعد تشوف العميد
    وخذ معك ملف عادي (مو الاخضر القديم لا...... الثاني ابو وجه شفاف )
    ورتب الاوراق كالتالي :
    - خطاب موجه الى عميد الكليه
    - السيره الذاتيه
    - نسخه من الشهادة مختوم طبق الاصل
    - نسخ من الدرجات التراسكربت
    - التوصيات
    - اي دورات شهادات توفل ضفها هنا
    - شهادة خبره من عملك واضف معها صورة من التامينات
    - صوره من بطاقه الاحوال

    رح للعميد كانك زائر عرف نفسك عليه وبس قله وش تبي
    وفيه اعتقد في قسم شوون الموظفين ورقه تقديم على وظيفه معيد
    رح عندهم واسال....


    بالنسبه لتجربتي
    انا خريج جامعه الدمام اشتغلت في شركة 4 سنوات وطفشت اكتسبت خبره
    ورحت سويت لنفس الملف اللي اقلك عنه
    وقدمت على جامعه نجران
    رحت بنفسي للعميد جلست معه سواليف وطقطقه
    واخذ العميد ملفي بعد شهرين قال تعال وقع بس باحث علمي مو معيد لان معدلي 3.71 وهم يبون 3.75 من 5
    اخذت اجازه من الشركة بدون مرتب يوم عرفت اني خلاص موقع وموظف في الجامعه
    اخليت اموري من الشركة

    الشغله يبي لها حركه
    بس امورك ان شاء الله تمشي والله يوفقك


    البترول عندهم ميزه
    المعيد والباحث العلمي
    يحق لهم الالتحاق ببرامج الماجستير
    يعني تتوظف معيد بعدين تقدم
    اللهم الفرق ان المعيد مخير تبي هنا تتدرس او تبتعث
    الباحث العلمي ما عنده خيار الا يدرس في الجامعه
     
    • x 1 إعجاب إعجاب
  9. بوشخاط

    بوشخاط عضو

    انضم:
    ‏13 أغسطس 2007
    المشاركات:
    1,501
    التقييمات:
    +18 / 0 / -1
    يعطيك العافية :) ما قصرت
     
  10. TopDesign

    TopDesign عضو

    انضم:
    ‏14 يوليو 2012
    المشاركات:
    295
    التخصص:
    Electrical Engineering
    الجامعة:
    KFUPM
    سنة التخرج:
    2010
    التقييمات:
    +83 / 1 / -2
    طيب اخوي جنوبي بما انك معيد و عندك خبرة عمل سابقا
    ممكن تفيدنا في مميزات العمل في المجال البحثي و الاكاديمي على المجال التطبيقي؟

    حسب خبرتك ايش الايجابيات و السلبيات اللي واجهتك؟


    و ليعذرني اخوي بو شخاط على الخروج عن الموضوع لاني ..

    " حاط امال كبيرة جدا على هالوظيفة بعد ما جربت حياة الشركات المملة بشكل غير طبيعي "

    نفس الشعور و الله ، احس 5 سنوات دراسة و بعدين اشتغل كأني فني!!
     
  11. E khaloodi

    E khaloodi عضو

    انضم:
    ‏1 يوليو 2008
    المشاركات:
    281
    التقييمات:
    +1 / 0 / -0
    وعليكم السلام ...

    بالنسبة للتوصيات هم يطلبونها عشان القسم وتقدر تقدم بدونها ... انا عن نفسي كلمت 3 دكاترة وحيطتها مع نموذج التقديم ...
    بالنسبه للماستر انت قدم على اساس انك بتكون طالب ماستر .. واذا داومت كمعيد بلغهم خبر انك قاعد تدرس الماستر في الجامعة ... وامورك تمام, بالعربي تقديمك للماستر ما يتعارض مع تقديمك للوظيفة ولا تلخبط بينهم ... هم شيئين منفصلين
    بالنسبة للسي في انا حطيتها في الطلب وما ادري اذا شافوها ولا لأ, لكن وظيفتك الحالية ما اعتقد ابدا انها راح تضرك في شيء... مافيها شي انك تقدم عالإعادة وانت على رأس العمل, ولو كنت موظف لأكثر من سنة يحسبونها لك ويزيد راتبك شوي ...
    بالنسبة للتوفل ما اذكر انه كان له دخل بالابلكيشن ...

    بالنسبة لوظيفة الاعادة اللي التمسته ان القرار الأول والأخير عند قسمك, وباقي الاشياء كلها مجرد شكليات وروتين حكومي, إذا رئيس القسم يبيك راح تتوظف, اذا قسمك ما يبيك الأمور تكون صعبة جدا... فنصيحتي لك روح مر على رئيس القسم ووضح له رغبتك في الإعادة (وقوله انك ناوي تستقيل اذا جاتك الإعادة, هذا شيء ممكن يأثر إيجابيا إنك فعلا راغب في المجال الاكاديمي) ... غير كذا اذا رحت لرئيس القسم راح تعرف توجههم في الابتعاث (مثلا فيه اقسام يحاولون يخلون المعيدين يدرسون في الجامعة الماستر, وأقسام ثانية يفضلون انك تكمل برى, واقسام يخلونك على كيفك .. الخ)

    بالنسبة للراتب, عشان تقطع الشك باليقين, البيسك 7065 + 700 مواصلات + بدلات ندرة وحاسب - خصم 9% للتقاعد = 10120 ريال تقريبا ..

    أنا حاليا أعمل معيد في قسم هندسة النظم واذا احتجت شيء أو عندك استفسار عطني خبر :)
     
  12. أستاذ حنظلة

    انضم:
    ‏20 يوليو 2010
    المشاركات:
    251
    التقييمات:
    +1 / 0 / -1
    لأني أعزك يا بو شخاط :khotrah:



    أقولك :


    لو تروح لامريكا و تقدم ماستر أفضل لك ، ثم تقدم على الجامعة هنا على معيد.


    تروح برا و تكتسب خبرة و تفتك من غثة الجامعة كم سنة ، ثم تجي هنا و تصير كنج


    عندك عادل السحيم نفس الحركة ،، توه تعين في الجامعة قبل سنتين تقريبا.


    و عندك من الطلاب المبدعين في القسم و اللي تخرجوا منه و بدعوا برّا ، محمد الحسين

    أخذ الأول على جامعة شيكاغو
    http://www.hasanews.com/news.php?action=show&id=25779

    وهذا حسابه على الفيسبوك تقدر تتواصل معاه ، تراه يرحب و محترم جدا الرجال

    http://www.facebook.com/mohammed.husein




    بالتوفيق بو شخطاط ..
     
  13. imported_الشهيد

    انضم:
    ‏13 أغسطس 2003
    المشاركات:
    94
    الإقامة:
    أرض الفرقان
    الصفحة الرئيسية:
    التقييمات:
    +0 / 0 / -0


    هل عندك توجه للتقديم كمعيد في كليات الهيئة الملكيه

    سواءا في الجبيل أو ينبع ..



    راتب المعيد في أي جامعه لايقارن براتب المعيد في كليات

    الهيئة الملكيه ..


    بالتوفيق ..


     
  14. يوسف الشاهين

    يوسف الشاهين مشرف سابق

    انضم:
    ‏30 يناير 2006
    المشاركات:
    5,306
    الإقامة:
    Jubail Ind. City
    الصفحة الرئيسية:
    التقييمات:
    +22 / 0 / -0
    ^ ليه وش الفرق غير البيوت؟
     
  15. the new

    the new عضو

    انضم:
    ‏25 أكتوبر 2009
    المشاركات:
    8
    التقييمات:
    +0 / 0 / -0
    سؤال للأخوة و أرجو منهم الإجابة ...
    لو تم قبولي كمعيد و انتهيت مثلا من دراسة الماجستير ... هل يمكنني الانسحاب من الجامعة بعد انهاء الماجستير و العمل مثلا في جامعة أخرى أو العمل في شركة .. و هل هناك التزمات مالية أو غيرها يجب علي القيام بها ... و أشكر لكم هذا الموضوع ...
     
  16. imported_الشهيد

    انضم:
    ‏13 أغسطس 2003
    المشاركات:
    94
    الإقامة:
    أرض الفرقان
    الصفحة الرئيسية:
    التقييمات:
    +0 / 0 / -0
    فرق شاسع في الراتب ..
     
  17. jaNOOBi07

    jaNOOBi07 عضو

    انضم:
    ‏13 سبتمبر 2008
    المشاركات:
    219
    الإقامة:
    ظهران الجنوب
    التقييمات:
    +16 / 1 / -0
    تعوض الجامعة عدد السنين اللي صرفتها عليك وقت الدراسه بس

    ويحق لك طلب نقل الى اي جامعه ثانيه ... او نظام الاعاره

    بالنسبه لوظيفه الاكاديمي افضل وظيفه حكوميه لان انت

    الوحيد اللي يحق له يفتح لنفسه تجارة

    غير كذا اذا صرت ان شاء الله دكتور فاهم في تخصصك

    الشركات تجي الى عندك تاخذ منك استشارات

    وعليها عقد حتى لو انت موظف في الجامعه

    انا اعرف دكاترة في جامعه الدمام - يدرسون عادي

    ولهم عقد استشاري او مستشار مع ارامكو والامانه والبلديات والوزارات ... الخ

    ولا تعارض الجامعه من ذلك .... ولكن غصبن عنه يكون متعاون اهم شي يكون ذكي

    ويخلي العقد باسمه مو اسم الجامعه ....عقد 30000 يعطونه 5000 والباقي في جيوبهم

    العقود كالتالي
    يعني عقد استشاري من 20000 الى 50000
    وراتبك بعد الدكتوراه من 22000 الى 37000


    والله يوفق الجميع لما يحبه الرحمن
     
  18. jaNOOBi07

    jaNOOBi07 عضو

    انضم:
    ‏13 سبتمبر 2008
    المشاركات:
    219
    الإقامة:
    ظهران الجنوب
    التقييمات:
    +16 / 1 / -0
    هلا اخوي .... والمعذره ادري تاخرت عليك

    بصراحه افضل خطوه سويتها بحياتي

    اعطيك اجابياتها بصوره عامه بعدين بدخل لك في التفاصيل

    العامه:
    -انت دوامك من 8 الى 2 ونصه فاضي....اذا انت من الناس اللى له هوايه
    ولا تجاره يمكن يتفرغ لها

    -تداوم 8 شهور دراسيه في السنه والباقي اجازات...يعني تتفرغ لاهلك وعيالك فيها
    غير كذا راتبك ماشي.

    -اذا مثلا نزلت ترم صيفي تدرس فيه لك في كل شهر صيفي راتب اساسي على اللي ينزلك
    طبعا كل ذي المميزات انظر لها ان شاء الله اذا صار معك دكتوراه حتى الماجستير

    -غير كذا شفت المناصب حقت "عميد،رئيس قسم،وكيل كليه،رئيس قبول،عميد دراسات .... الخ"
    المناصب هذه تعرض لك يالاكاديمي كل وحده لها ميزه عن الباقي المشترك فيها انه يعطونك تفرغ عن التدريس والميزه المادية انه لك من 40% الى 70% زيادة على الاساسي اذا شغلت احد هذه المناصب وبعض الجامعات تضيف عليها بدل او اثنين.

    -وزي ما ذكرت للشباب الشركات تجي الى عندك تاخذ منك استشارات
    وعليها عقد حتى لو انت موظف في الجامعه
    انا اعرف دكاترة في جامعه الدمام - يدرسون عادي
    ولهم عقد استشاري او مستشار مع ارامكو والامانه والبلديات والوزارات ... الخ
    ولا تعارض الجامعه من ذلك .... ولكن غصبن عنه يكون متعاون اهم شي يكون ذكي
    العقود كالتالي
    يعني عقد استشاري من 20000 الى 50000
    وراتبك بعد الدكتوراه من 22000 الى 37000


    جو عملك كمعيد:
    تداوم عادي لك مكتب او في غرفه المعيدين زي المدرسين اول
    ما عندك الا 16 ساعه في الاسبوع تدريس
    على حسب الجامعه ممكن يعطونك ماده تدرسها خاصه اذا منهجها جاهز
    او تكون موجود مع احد الدكاترة تساعده في الحضور والغياب
    تحضر او تصحح معه اختبارات... شغلات بسيطه مره
    بعض عمداء الكليات ما يتعبون المعيد بس يعطونه فرصه يقدم على جامعات برا
    عشان خلال سنه سنتين يجيب قبول ويطلع يحضر ماستر ودكتوراه
    (الترقيات في المراتب لا تاتي الا بالشهادات فقط ماجستير ثم دكتوراه بعدها تصير د مساعد و د مشارك بالبحوث واوراق بحثيه)

    جو عملك كباحث:
    انا والله حظي كان حلو شغال مثل الشباب المعيدين كاني منهم
    اللهم عقدي سنوي وراتبي 10000 (وفيه جامعات ما تعطي الا 2000 او 4500)
    انا ادرس مع دكتور لاب و نفس الوقت اساند الاقسام الثانيه اذا في بحوث مدعومه
    من قبل الجامعه. طبعا انا "باحث ب" ممكن يكون معك ماجستير وتكون "باحث أ" وفيه ناس يرضون بها ولا يتطور بس ما قد سمعت عنهم
    (الترقيات في المراتب لا تاتي الا بالشهادات فقط لازم اجيب ماجستير واحول من الى محاضر ثم كذا اسلك الخط اللي فوق)


    طبعا لازم تعرف كل جامعه تختلف عن الثانيه في بعض الامتيازات اللي يلاقيه الموظف الاكاديمي
    بغض النظر عن منصبه (معيد الى عميد)

    اذا كان لك رغبه فيها حاول انك تزور الجامعات بنفسك واسال وشف الميزات
    فيه جامعات تحط المعيدوالباحث فوق روسهم وفيه جامعات للاسف زي البترول
    تهمش المعيد وتذل الباحث بالراتب 2500 وما تدرس ماستر الا عندهم وغير كذا الباحث عندهم سعودي واجنبي

    سبب التحاقي انا ...... تعبت من جو الشركات وتزوجت وما فظيت لاهلي وعيالي
    تصور ترجع 6 المغرب متى يمديك تحك راسك
    وغير كذا عندي تجاره وتركتها ورجعت وتركتها فتره

    الان شغال وبالي مرتاح قاعد اقدم
    جامعات برا واخذت موفقه خطيه من عميدنا وافق اني ادرس برا
    وان شاء الله خير ...........وبيني وبينك الواحد من قوت الفراغ وراحه البال الان وده يعرس بالثانيه

    وسامحنا على الاطاله
     
  19. imported_الشهيد

    انضم:
    ‏13 أغسطس 2003
    المشاركات:
    94
    الإقامة:
    أرض الفرقان
    الصفحة الرئيسية:
    التقييمات:
    +0 / 0 / -0
    المجال الأكاديمي ما زال مجهول عند كثير من الناس ..
    السبب لأن الطالب أول ما يتخرج من الجامعه على طول يفكر بالشركات الكبرى سابك و أرامكو .. و ما عنده استعداد يتعامل مع الطلاب ..

    لو بنصنف الجهات التعليميه عندنا كالتالي :
    الجامعات التابعه للتعليم العالي مثل البترول و طيبه ... الخ
    الكليات و المعاهد التابعه للمؤسسه العامه للتدريب التقني و المهني
    الكليات و المعاهد التابعه للهيئه الملكيه للجبيل و ينبع

    طبعا .. كل جهه لها مميزات و لها عيوب .. تختلف عن الجهه التعليميه الأخرى ..
    بالنسبه للرواتب .. راتب عضو هيئة التدريس في كليات الهيئة الملكيه ممن يحمل بكالوريوس هندسه يفوق بكثيييير راتب عضو هيئة التدريس في جامعات التعليم العالي .. و ما يسمى بعضو هيئة التدريب في كليات المؤسسه ..

    لي عوده تفصيليه بعد إذن صاحب الموضوع ..
     
  20. jaNOOBi07

    jaNOOBi07 عضو

    انضم:
    ‏13 سبتمبر 2008
    المشاركات:
    219
    الإقامة:
    ظهران الجنوب
    التقييمات:
    +16 / 1 / -0
    تسلم يالغالي

    ياليت بس تعطينا نبذه عن مميزات الموسسة العامه لان من جد سمعت ان رواتبها خياليه
    وكذلك الهيئه من ناحيه الوظائف الاكاديميه
     
جاري تحميل الصفحة...
مواضيع شبيهة - تقديم على وظيفة المعيد في الجامعة اسألة بسيطة
  1. jarir
    الردود:
    1
    المشاهدات:
    1,365
  2. بوشخاط
    الردود:
    14
    المشاهدات:
    11,425
  3. بعيد المنال
    الردود:
    5
    المشاهدات:
    1,544
  4. مُتفائل
    الردود:
    0
    المشاهدات:
    219
  5. seasme
    الردود:
    1
    المشاهدات:
    2,194
  6. أحمد الياباني
    الردود:
    6
    المشاهدات:
    4,124
  7. Mechanical Engineer
    الردود:
    2
    المشاهدات:
    1,384
  8. Eng_heem
    الردود:
    2
    المشاهدات:
    1,954
  9. TriiXeR1
    الردود:
    5
    المشاهدات:
    2,184
  10. EEENG.Ibrahim
    الردود:
    3
    المشاهدات:
    3,230

مشاركة هذه الصفحة