إلى متى يا قطب..إلى متى؟؟

مع احترامي لك .. انت غير حيادي ..


أنا من قسم ics
و روميتي من me


والله إنه أيام الفاينلات جنوووووون !!!

يعني مو معقولة المسجل يتعمد يخلي مواد ics كلها في أوقات مناسبة ،، إلا مواد me فلازم تكون ورا بعض !!!

و البلا كله من قطب و هذا اللي اسمه شجاع << نعامة هذا مو شجاع !

 

لنفترض جدلا ان كلامك سليم 100%

طيب ليش ما يكون التشريمان المتحدث الرسمي لنا امام الرجيسترار

يعني ليش ما يحمل شي من همومنا . . . و يرفض هالمسخره

ليش ما يستحي على نفسه و يتحمل المسؤليه كامله

هذا اقل واجباته لنا

ليش هو ساكت . . . الساكت عن الحق شيطان اخرص​

 

س'ـــــؤال ،

فاينلات المواد اللي تكون بنفس اليوم او بعدها مباشرة

هل هي مواد من نفس اللفل و طبيعي ينزلها الطالب العادي في ترم ؟

اذا كان كذا ، لازم يصير فيه تغيير في الترم الجاي

 

يا أخوان حنا مافرقت معنا لو اللي يسوي الجدول هيئة الغذاء
حنا بنروح للمدير وبنقوله يا سعادة المدير حنا طلاب الميكانيكال مياجرنا وفاينلاتنا مضغوطة جدا جدا والشيء هذا ملاحظينها باخر سنتين .. شوف لنا حل !!
والسلام !!

 

307-308 الثلاثاء-311-315 الاربعاء-306 الخميس,,,ناهيك عن ان الانقليش الاثنين,ومواد الجي اس الاربعاء او الخميس

غير سالفة الماتيريال ساينس216 الصباح الساعة 8 والداينمكس 201 الظهر 12:30 واليوم الي بعده الصبح ثيرمو2 204

 

حتى يكون هناك حل عملي حقيقي
سأقوم بصياغة خطاب (حسب خبرتي) يشرح مشكلة أوقات الفاينلات لمدير الجامعة و سأضع نسخة منه هنا في المنتدى جاهزة على ملف ورد
الي يحب يأخذ النسخة و يكتب اسمه أو لايكتب و يرسلها على ايميل مدير الجامعة و لمن المدير يشوف زحمة الايملات المتكررة بنفس الصيغة و لمن أكثر من واحد يطلع له راح يتغير فعلا الوضع
كلها كم يوم و اخلص فاينلات و يكون الخطاب جاهز

 

^
هات هات هات يا شنب اوقع وابصم بعد
وش ذا الوضع مع المواعيد والله ما يصير

 

انا معاك اخوي في مسألة الخطاب ... والله ما يصير احيانا ويمكن في كل سمستر كثير من الطلاب يعنيها وانا منهم مسألة ضغط الاختبارات في 24 او 48 ساعة تحصل 3 اختبارات ورئيس الفــسم الموقر كالانسان الذي اذن من عجين والثانية من طين والله ملينا وحنا نطالب ولازم يشفون لنا حل . والطامة الكبرى لما يجيك رئيس القسم ويقول هذا الشئ ممتاز للطلاب علشان يتعودون على الضغط في الوظيفة بصراحة لا تعليق

 

مشكور أخوي على مبادرتك

لكن لا تركز على مسألة الفاينلات بشكل كبير وتنسى المشاكل الثانية ، لأن مشكلة الفاينلات مشكلة عامة تقريباً

ركز على تقارب أوقات المياجر ، لأن المياجر بيد الديبارتمنت 100% ومع هذا نلاقيهم كلهم في خلال 3 أيام

إلى الأمام​

 

السلام عليكم ..

يا شباب أنا في المجلس الاستشاري تبع قسم الميكانيكال .. وما أخفيكم أني تعبت وأفكر جديا في الانسحاب .. الدكتور هذا يدخل الكلام من اذن ويطلعه من الاذن الثانيه ..

احنا اجتمعنا اجتماعين هذا الترم .. بأتكلم اول شي عن مشكلة الاختبارات .. تكلمنا مع الدكتور في هذي المشكلة .. سواء في المياجر او حتى الفاينلات .. كان تبرير الدكتور انكم مفروض تتعودون عالضغط وانكم انتوا ما تحلون هومووركات وما تنتبهون مع المدرس ومن هذا الكلام .. وانكم لو تحلون الهومووركات كان ما يحتاج الا مراجعة بسيطة قبل الاختبار .. وكان يقارن جيلنا بجيلهم بين الفينة والاخرى ..

في الاجتماع الثاني جاب الدكتور شجاع والدكتور حسن بدر .. وكان تبرير الدكتور شجاع ان احنا نخلي كل مادتين في نفس الخط في الترانسكربت مع بعض في نفس اليوم .. اش دخل هذا في مشكلة ضغط الاختبارات .. ما ادري .. في الفاينلات يقول انه الريجسترار .. قلنا له طيب ليش دائما اللي يمشون عالكروكليوم هم اللي ينضغطون .. مثل ال311 وال307 .. ونفس الشي ال308 وال315 .. و للأمانه ان الدكتور قطب قال هذا شي خطأ ومفروض انه عالاقل اللي يمشي عالخطه هو اللي يسلم من ضغط الاختبارات.. وطلب من شجاع انه يتكلم مع الريجسترار عن هالمشكلة .. بعدين رجع يعيد اسطوانة الهومووركات و و و...

طبعا دليل انه الدكتور يدخل الكلام من اذن ويطلعه من الثانيه .. أنه في الاجتماع الاول طلب منه احد الاعضاء انه يجتمع بالطلاب .. وقال اوكي وعططانا موعد وتحدد الاجتماع وحضروا مجموعة طلاب وتكلموا عن مشاكل الاختبارات واللابات وغيرها .. الغريب انه في الاجتماع الثاني قال احنا اتفقنا نسوي اجتماع بالطلاب ما حددتوا متى راح يكون ..؟؟!!! .. قلنا له يا دكتور انت سويت اجتماع وكان في مبنى النشاط في السكن .. قال اووه صح يبدو انه عندي الزهايمر وضحك الجميع ..

طبعا الدكتور تكلم عن الضغط اللي يتعرض له القسم بسبب كثرة طلاب الميكانيكال وانهم يتزايدون كل سنة .. وان امكانيات القسم لا تساعد على هذا العدد من الطلاب ..