ومنكم نستفيد !!

انا خريج. Mis ولي اكثر من 9 شهور !!!!

واتمنى اي وظيفة

هذي فرصتك لا تضيعها من بين يديك

 

السلام عليكم اخوي اول شي مبروك بالتخرج بالنسبة للعرض اللي جاك انا برأيي انك تقبل العرض

مهما كان الراتب و عدد ساعات الدوام وخصوصا انك توك متخرج ممكن تعمل معاهم مؤقتا الين ما

تجيك وظيفة أفضل منها اما اذا رفضت العرض هذا فاحتمال انك تجلس فترة طويلة تنتظر وهذا

الشيئ راح يؤثر على نفسيتك وصدقني راح تندم كثير انا انصحك بقبول هذا العرض الين ماتجيك

فرصة احسن منها وعلى فكرة في ناس كثير اعرفهم بدأو بالعمل في شركات صغيرة لمدة ستة

شهور او سنة بعدين توظفو في شركات حكومية كبيرة

وفقك الله

 

اقبل بشرط واحد .. انك تقدر تفصل متى مابغيت .. في حال جاك عرض افضل منه

أما اذا اجباري تكمل السنه .. ماانصحك ابداً

وياليت - اذا تقدر - تعلمنا كم معدلك ومن وين تخرجت عشان نقدر نساعدك اكثر

 

وعليكم السلام ورحمة الله ..

أخوي من وجهة نظري كوني مهندس ميكانيكي .. أرى انك ماتقبل بالوظيفة لسببين :

1- الراتب جدا جدا جدا جدا جدا جدا .... قليل

2- والله من بدأت اقرأ كلامك و قبل ان أنهي القراءة .. استخلصت انه العرض قصده استغلالي فقط .. يعني حتى يستوفون شروط السعودة .. الشركة اللي انت تتكلم عنها شركة كونتراكت اتوقع .. شوف شركة زي هذي مستحيل مهندس اجنبي فيها يقل راتبه عن 20 تقريبا .. وحكاية انه بتسافر معهم للمشاريع .. ترا مو شرط تسافر يعني بتكتسب الخبرة اللي تسميها خبرة من جد ..

لكن لو فرضا الشركة مشاريعها انشاء حقول نفط او مصافي او محطات كهرباء او شبكات نقل بترول او ماء او مشاريع فعلا تستحق الذكر في ال cv فممكن انك تصبر معهم ..

كلمتي الاخيرة لك .. اذا كنت تتوقع اتصال قريب من احدى الشركات اللي قدمت عليهاا فلا تقبل .. والاستخارة لابد منها ..

 

أخوووي لو تذكر لنا معدلك التقريبي و واسم الشركة لعل يكون لدينا معلومات عنها فنفيدك

 

اذا تبغى ترتاح فهذا شي راجع لظروفك واذا تسمح لك بالراحة أو لا.
نصيحتي لك ... اذا انت تبغى ترتاح فهذي فرصتك لأنك اذا توظفت ماعاد فيه راحة إلا 30 يوم بالسنة فقط والعمل له ضغوطات أحيانا وأحيانا يكون مريح لكن مهما كان يظل الدوام دوام. اذا تقدر ترتاح لك شهر شهرين فأنا أشوف هذا أفضل لك عشان تبدأ وظيفتك وأنت مقبل عليها ومجدد طاقتك. واذا مستعجل على الفلوس فطبعا ابدأ الوظيفة وبنفس الوقت قدم على أماكن أفضل وكل مازادت خبرتك كل ماكانت فرصتك في الانتقال لمكان أفضل كبيرة.
اذا وقعت مع الشركة فحاول تقول لهم انك تبغا تأجل شهرين مثلاً يمكن يوافقون لك لأن بالعادة مثل هالشركات يكون عندها مرونة في التعامل لأنهم عارفين انك ممكن تلقى أفضل منهم.

 

اذا المعدل 2.5 او اكثر فاشوفه عرض سيء

اذا اقل فبرضو فكر بعمق لان العرض ضعيف والشغل باين عليه متعب

 

لا تجلس بدون وظيفة ... على أمل و أمنيات
إلا إذا ودك تاخذ فترة نقاهة بعد عناء الدراسة

لو كنت مكانك
راح اقبلها و اداوم و اتعلم شي جديد
و اذا ربي يسر لي وظيفة غيرها قدمت استقالتي و مسكت الباب

و الله يوفقني و يوفقك و الجميع

 

والله يالغالي الراتب قليل مرة!
اللي يغبن ان التدريب مدته سنه!.. وسنة في وظيفة لشخص فرش والله كثيرة خصوصًا مع هالدوام المتعب!
انت تخصصك حلو ومطلوب الحمدلله
السؤال:
الشركة خارج مدينتك؟
اذا نعم انتظر يارجال، وربي يكتب لك الأفضل

الشركة داخل مدينتك؟
اذا نعم روح جرب حظك وشوف الدوام عجبك كمل معاهم ماعجبك اسحب عليهم

لأن مكتب العمل ماراح يحسبك كسعودي للشركة إلا بعد مدة 3 شهور وهي بالعادة فترة التجربة وتقدر انت تسحب عليهم خلال 3 شهور وبدون سابق انذار ولا تقدر الشركة تطالبك بأي شيء ..
لأن نظام مكتب العمل إما تدفع راتب شهر كامل للشركة أو تداوم شهر كامل بدون راتب طبعًا هذا كله بعد انتهاء فترة التجربة 3 شهور.

الخلاصة:
انا لو مكانك والشركة في مدينتي اتوكل على الله، عند اهلي لا اجار ولا غربة
لو الشركة خارج مدينتي والله ماهي مستاهله العنوة

اضافة:
انا مرة جاني عرض اجمالي 7000 ورفضته، ارسلت لهم قلت العرض مرة قليل
بعد فترة رجعوا اتصلوا علي وقال المصري " عاوز كااااام " ؟
الشاهد .. حاول تتفاوض معاهم ع الأقل توصل لأقل راتب مقبول وهو 9000 .

والله يوفقك

 

في البداية أحب أبارك لك التخرج , من واقع تجربتي أنصح بعدم قبول العرض

خذ فتره نقاهة و ابدأ مرحله التقديم لشركات ثانيه حاول تسوق نفسك أكثر سواء من مواقع او ايميلات او زياره لفروع الشركات. و عندك وقت كافي بس لا تهمل الموضوع .

معظم الشركات دوامهم طويل وانا زيك ما كنت مصدق اني حداوم زي كذا كمهندس بس هذا الواقع و هذا احد الاسباب انك تختار شركة يروح فيها نص يومك على شي مفيد.

اذا قبلت العرض وانت مو مقتنع حتبدأ حياتك الكريرية (العملية) وانت متحطم بالذات لو انت خريج جامعتنا .

الغربة كطالب في الجامعه يمشي حالها لانك عارف انك بتحقق شي في نهاية الامر فتتحمل كثير من الامور , لكن غربة كعمل كل اللي اقدر اقوله اذا ما كانت على خبره او راتب يستاهل لا تفكر


في النهاية هذي وجهة نظر , انت أستخير و توكل على الله مهما كان قرارك .

 

الراتب مرة قليل الصراحة .. انصحك تنتظر وان شاء الله بتحصل وظيفة افضل

 

من وين متخرج؟