السلام عليكم ياشباب عندي اسفسار الان انا ودي اطلع جواز كم المده المحدده لاستخراجه علما باني ماعندي البطاقه الجديده يعني استخراج البطاقه الجديده مع تطليع الجواز كم تاخذ وقت والله يعطيكم العافيه
الجواز ما عندك مشكلة فيه المشكلة بتكون بالاحوال انا لما طلبوا مني اغير الاحوال قالوا لي تعال بعد اسبوعين وفعلا ما خلصت الا بعد اسبوعين
اذا كنت مستعجل على الجواز وماتبي تصبر أسبوعين او اكثر عشان تطلع البطاقة الجديدة, اتبع الطريقة التالية: روح الجوازات بدري وخذ رقم وانتظر دورك وبعدين روح للموظف راح يعطيك ورقة خطاب من الجوازات الى الأحوال المطلوب منك انك تأخذ الخطاب وتروح للأحوال وتتصور (ماتحتاج تكون حاجز موعد لأن معاك خطاب من الجوازات, لكن لو كنت حاجز راح يكون أفضل, لأني انا تمرمطت عشان ألقى الموظف المسؤول عن تصوير الي جايين من الجوازات) اذا رحت للأحوال كل الي عليك انك تتصور وراح يعطونك موعد بعد اسبوع او اسبوعين تجي تستلم البطاقة. اذا تصورت في الأحوال ارجع للجوازات ومعاك الخطاب(ماتحتاج تأخذ اي توقيع من الأحوال, لأن صورتك راح تنزل في السستم مباشرة وهذا المطلوب) اذا رجعت للجوازات روح للمدير عشان يختم لك وبعدين روح لنفس الموظف الي عطاك الخطاب وراح يخلصك خلال دقائق الطريقة هي عبارة تجربة شخصية سردتها لك بالتفصيل, وكل هذا اخذ مني يوم واحد ومن البكره جيت واستلمت جوازي وماأخذت عشر دقائق
كلام الأخ صحيح 100% و ايضا عن تجربة شخصية الفرع اللي رح يودوك عليه موجود بالشاطئ مول الطابق الاول نصيحة لا تروح غيره أفضل مكتب حكومي تعاملت معهم في حياتي عبارة عن شباب و مستعدين للمساعدة الله يسهل لك امورك