بسم الله الرحمن الرحيم الساعه الحين 3 ونص بالليل .. سهران تعبان نفسيا وجسديا وصرت اوسوس من كثر التعب .. الكلام الي بكتبه الحين مو اني اطلب نصيحه او ابي جميل من احد بقد ماهو فضفضه بلي ف صدري .. الموضوع الي ابتكلم عنه الدراسه .. الدراسه بشكل عام .. ابحكي لكم بعض التجارب ف جامعتنا .. انا (كنت) بالحرف الواحد انسان طمووح جدا .. اول ما دخلت الجامعه احس اني ملك .. اقاربي واخوياي يتكلمون عني فلان دخل البترول ..حسيت اني قاعد اشيل امالهم ولا ودي اخيب ظنهم .. يشهد الله اني بذلت قصارى جهدي في تحصيل الدرجات ولكن للاسف ماكانت قد التعب والمأمول .. ناس حولي ما يتعبون قد تعبي ويحصلون درجات اكثر مني بكثير .. حاولت اوخر شعور النقص واقول طريقة مذاكرتي خطأ وكل مره اغيرها .. الحين انا في مرحلة تبلد تام ماعاد تفرق معي .. تعبت ولا ماتعبت مارح يتغير شي .. صرت اعول ضعفي على مقدرتي العقليه (بالنسبه ) للاشخاص الي حولي ف مجتمع جامعتنا ..يعني مثلا اذاكر شبه يوميا تحضيريا لميجر وافتاجئ ان درجتي تحت ال 10 بالله مو تحطيم ولا هو مره ولا ثنتين دايم كذا .. تعبت نفسيا .. الحين بنام ونا مرتاح ..
الله يعينك والله معاك في الهوا سوا ! بس صراحه انا اتوقع كلها في طريقة المذاكره انت ما دخلت الجامعه الا لانك قادر تتفوق بس صدقني بحكم تجربتي من اخوياي البلا و من دراستي و اهمالي ! يعني اسحب عل كويزات و الهوموركات و اطلع كل يوم القهوه ! يمديني اغير لكن فيني تبلد المهم والله يمديك تعوض و كل شي ييسرها ربك , موفق
شوف بالنسبه لموضوع التبلد اتوقع اغلب طلاب البترول يتعرضون لهالشي خصوصا التبلد ناحية نقص الدرجات ايام الثانويه كنا نتعب نفسيا لما ننقص درجه الحين الوضع فري + تسحب على واجب فري + تغيب فري + ما تحل كويز فري يعني بالعربي اغلب الطلاب يعانون من هالشي
الله يوفقك ويعينك لكن هل قدمت مسألتك وشكواك لرب البشر قبل ما تقدمها للبشر نفسهم؟؟ اكثر مايصيبنا في الدنيا من محن ومشاكل هي في الحقيقة بسبب تقصيرنا مع الله. والله قيد جربت هذا الشي وكانت حياتي الدراسية تعيسة جدا والدرجات متواضعة جدا. ولكن بعد جلسات مع نفسي قلت كيف أبي التوفيق والسعادة وانا مقصر تجاه ربي. الحمد لله مئة مرة عدلت علاقتي مع خالقي وتغيرت دراسيا أخلاقيا فكريا ونفسيا. اخوي في جوف احدى اليالي المظلمة. وفي مثل هذه الساعات المتأخره من الليل توضأ وصل ركعتين وأثناء السجود وانت قريبا جدا من ربك حيث انك وافقت موقفين من إجابة الدعاء وهي: 1) نزول الله لسماء الدنيا 2) سجودك لله عز وجل قول كل هالكلام اللي قلته لنا وحنا بشر مثلك ضعفاء لربك وخالقك. صدقني مهما بلغت ذنوبنا فإن الله تواب رحيم. قال تعالى (قل ياعبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم ) روق وهد أعصابك ولا فيه مشكلة في ها الدنيا إلا ولها حل بتأكيد. اتمنى انك تقرأ نصيحتي كاملة وآسف على الإطالة ياليت تخبرنا وش صار معك فأمرك يهمنا
الله يجزاك ألف خير على هذه الكلمة. الله يوفقنا جميعا الى مرضاته سبحانه. وأحب أضيف حاجة, احمد الله سبحانه على كل نعمة وعلى كل حال ليزيدك الله ويبارك لك. اسأل الله أن يسخر لنا جميعا ويعينا على ذكره وشكره وحسن عبادته
وإن لم تطلبها ولكني أريد إسداءها your self-esteem has become a bit low أكثر من قراءة القرآن (ساعة وربع مبدئيا)، فوالله هو خير علاج (نصيحة ممن قاسى ويقاسي أضعاف ما ذكرت) فإن لم تستطع فاشتر كتاب "تقدير الذات" من جرير واقرأه ورح تدعيلي
كلام كثير من اللي قلته ينطبق علي والله بديت أفقد الثقة بنفسي يخوك.... مستواي ومكانتي بالكلاس غير مستواي ومكانتي بالفصل أيام المدرسة الله يعين ويوفقنا جميعا
قال تعالى ((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا.....)) , والله الواحد مايسوى شيء من دون توفيق الله,عليك بطاعة الله وذكره وصدقني راح تتوفق في حياتك كلها سواء دراسية او غيره , وبعد كذا يجي دور رضى الوالدين.....الله يوفقك ويسر لك دربك
حبيبي قلبي صاحب الموضوع ، ما دامك سويت كل شيء وغيرت طريقتك في المذاكرة وعجزت تحقق اللي تبيه ، فالمشكلة لا تكمن في طريقتك بالمذاكرة او حرصك لها ، الحل عندي ، تعرَف على السّـر > بالتوفيق https://www.youtube.com/watch?v=p6pDdHxARkc
اشكر كل من تجاوب معي .. وفيه ناس من الي ردو علي كلامهم ينحط ع الجرح يبرى .. والحدلله حالي احسن واموري صارت احسن والفضل لله ثم لكم .. الله يوفق كل واحد رد علي ويدخله جنه عرضها السماوات والارض
حبيبي ... المقطع هذا يفيديني ويفيدك ويفيد كل واحد فينا ان شاء الله ^_^ http://www.youtube.com/watch?v=it76l-tiAXw
الاخوان ذكروا مافيه العلاج والحل أضيف عليه .. غيّر أصحابك إذا كانوا مهملين يقول الناظم: واحذر مجالسة الشخص الذي انحرفت *** به الطرائق عن درب الهدى نكبَ لا تـفـزعنّ إذا فاتتـك مسـألةٌ ***** ولتـدعوا ربــك ترجو حلهـا رغــبَ واسمع المقطع الثاني في توقيعي