هي حل من اثنين يا يسمحوا بالطبخ يا يوصلوا من مطعم الجامعة للغرف في ناس عمايرهم بينها وبين مطعم الجامعة سفر يوم وليلة نطلع من المطعم شبعانين ومانوصل غرفنا الا قد جعنا . . الرحمة.
ارفض وبـشــدة فـكرة وجود المــطابخ في المباني الســكــنية .. تــخيل واحد طابخ لك كرش على حزة الظهر .. تعال شم اجمل الروائح بالسيب والغرف .. يـكفي رائحة الدخان الي توصل لـ داخل راسي اذا واحد دخن بالسيب .. فـكرة المطابخ ممكن تُعمل خارج المبنى السـكني لـكن داخله فـ هي فـكرة سيئه .. قـد يـكون الشبـاب الي هنا مـهتمين لـكن انا متأكد أن في شباب كثير في الجامعه مهمل ومهمل جدا ايضا .. ومثل ماقِيل دوراة المياه اكرمكم الله خيــر مثال .. لـذلك انا ضد فكرة المــطابخ داخل المباني السكنيـة
نـعم .. المشــكلة من طريقة عرض المنتدى في الجوال .. لـيست المشكــله بالرد .. ولـك في الصوره خير مثال على شـكل الرد في اللابتوب ..
ياخي اذا بتمشي بذي الطريقة وش رايك ترفض الحمامات كمان xD . المنع مو. حل ياخي ضاعت فلوسنا ع المطاعم :| والله تقريباً كل المكافأة تروح اكل :/ ذا غير انتظار المطعم يوصل للغرفة بعد . اذا كان المانع من وجود مطابخ وهي احد الادوات الاساسية لتحقيق فطرة الانسان التغذيه فأنا اطالب بإزالت الحمامات لأنها من الوسائل الفطرية لقضاء الحاجة اللي اسيئ استخدامها من البعض ^ اتمنى تلاحظ كيف المنطق تبعك
درر يا اخ و اصلا اللي ما يبغى المطابخ لا يصير عقبة و يقول انا ارفض و مدري ايش انت خل الجامعة تحط المطابخ و لا تستخدمها خلها لغيرك ارجو انه اذا كان في اي احد من المسؤولين بالجامعة يقرأ الموضوع هذا انه يفكر بشكل جدي بالفكرة هذي و معليش ما اظن مدير الجامعة عنده هالمبدأ انه اذا الطلاب اساؤوا استخدام دورات المياة فراح يسيؤون استخدام المطابخ , ارجو من الله يفكنا من اكل المطاعم اوجعتنا بطوننا و الله
لو وضعوا مطابخ في العماير فستكون مشكلة النظافة والروائح مشكلة عويصة الحل في نظري أن تكون المطابخ المشتركة في مباني الخدمة ويكون هناك عامل موكل بتنظيفها أو على الأقل موكل بتنظيف العمارة كاملة بما فيها المطبخ
اخ ابو البراء لا اعلم عنكم في البيت ولكن عندنا حنا في البيت شفاط في المطبخ يطلع كل روايح الاكل برا مباشرةً بعدين تر العزل في العماير ماشاء الله فيه ابدعت في الجامعه من جد دايم اطبخ بغرفتي ولما اطلع ما اشم ولا ريحة في السيب وللمعلومية بس لو ان كل العالم اوقف اي شيئ بسبب ان شخص واحد اساء استخدامه كان مابقي شي في الدنيا ومو عشان مره وحدة صارت حرقه منعوا كل الطلاب من ادوات الطبخ
لا بس اتخيل اشكال الشعب واقفين طابور بقدورهم واكلهم في المطبخ الا شخبار المطعم الي بالمحطة الي جنب الجامعة ؟ باقي يقدم بروستد محروق؟ وابو مهدي الي بمطعم الجامعة شصار عليه عساه ماصار يفصل عالشباب الي معه
دخلنا الجامعة وطلعنا منها وحنا نحلم بالمطابخ واننا نقدر نطبخ بانفسنا بدل اكل المطاعم اللي تعبنا نفسيا وماديا وصحيا .. اكثر من مره فكرت اطلع من السكن عشان المطبخ لكن عشان تجمع بين النظافه والموقع تكلفك الشقة مبلغ ما كنت مستعد ادفعه. سبق وطرح الموضوع للمسؤولين اكثر من مرة وكان الرد ان المطاعم مليانه وتوصل والسلامة ومدري ايش .. اتساءل اذا كانوا هم يعتمدون على المطاعم وعندهم استعداد على التخلي عن المطابخ لكن حسبنا الله ونعم الوكيل والله يصبركم
على مستوى الخدمات المقدمة والتي شهدتها بنفسي لفترة ليست بالقصيرة ... أرى أن الطلاب يمتلكون الأحقية في المطالبة بمطابخ داخل العماير أسوة بالمغاسل ..... روحوا مطاعم جامعات ثانية .. وشوفوا المستوى في لذة الأطعمة .. على سبيل المثال لا الحصر : مطعم كلية الجببل الصناعية ..... الأكل صحي ولذيذ جدا مثل طبخ البيت وأشهى بمراحل من الذي قد أكلته في مطعم الجامعة ... هذا غير ان فيه مطعم موظفين ومطعمين ثانيات ....الله يخلي الهيئة الملكية بس
شوفوا انا راح اشيل فكرة المطبخ داخل العماير من راسي اذا شالت الجامعة المطابخ من سكن الاساتذة والموظفين ولا حلال لهم وحرام علينا
ي رجال اللي بيطبخ بيطبخ ماراح يناظر للمسولين ولا النظام المريض اللي حاصل حن مجموعه كل رجال عنده عزبه ونطبخ متى بغينا داخل وخارج السكن لكن شوف والله تمر عليك شهور ما طبخت شي ماهو عن كسل ولا مشاغل الا كذ تقنع وتروح تاكل من المطاعم
وعلى طاري الاكل وجودته الله يعز النعمه يا مطعم الجامعه اشك انه لواحد من منسوبي الجامعه ولا اكله ما ينذازز
شوف يا اخ انا اطيخ ولازلت اطبخ فطور وغدا اسويها بالغرفه سواءاً تونه وبزيلا بيض مسلوق او مقلي واشياء خفيفة زي كذا العشا من برا عادةً واوفر . بعدين سالفة انك يوم تطبخ بالغرفة وعشره لا تر تعتمد على كم يحول لك ابوك مو على كسل او غيره xD