طالب مساعدتكم يالكرام بخصوص مقابلتي مع شلمبرجير

وعليكم السلام

انا سويت مقابلة مع مؤيد قبل سنة بخصوص تدريب صيفي بس المقابلة كانت طويلة تقريبا ساعة الا شوي و مقابلتك اتوقع بتكون نفسها او اقل منها لانه ما خلى شي الا و سئل عنه
اول شي تكلم عن نفسك
تخصصك و ليش اخترت تخصصك / مشروع التخرج / الكواب او الصيفي حقك
وش تعرف عن شلمبرجير طيب وش الفرق الي بنها و بين ارامكو "هنا المفروض رد يكون ان شلمبرجير شركة تنقيب وحفر و ارامكو هي الي تعطي شلمبر و غيرها من الشركات مشاريع الحفر بعدين ارامكو تاخذ البترول و توزعه بطريقتها " هذا الجواب اشوف انه مناسب طبعاً اولاً واخراً القرار راجع لك
وش تعرف عن الفيلد ؟ ما عندك مشاكل تشتغل هناك ؟ حتى لو جلست 4 شهور متواصله بدون اجازة طبعاً هنا هو يحاول يضغط عليك انت خلك مرن و حاول تبين له كذا
ليش اخترت شلمبر ؟
تعرف احد يشتغل في شلمبرجير
المعلومات الي قلتها من وين جبتها
ليه المفروض الشركة توظفك ؟
عطني ثلاث نقاط قوة
ثلاث نقاط ضعف
تقريبا هذا كل شي اتذكره

بنسبة للمقابلة الثانية حسب ما سمعت من الشباب انها بريزينتاشن اتوقع هم بيعطونك وش تتكلم عنه قدام رؤساء الاقسام و هم يقيمونك و بناء على هذا يتحدد القسم الي بتروح له


يمكن تشوف الاسئلة عادية و ما تاخذ وقت لكن المشكلة انه ما يسلك اي جواب يعني يجلس يسئل في ادق التفاصيل و كل ما تجاوب شي يبغى تفصيل اكثر
و نصيحة حاول تروح و انت مروق و مصحصح لانك بعد المقابلة بتحس انك طالع من ميجر و دايخ
و ان شاء الله ما اكون نسيت شي
والله يوفقك

 

بالنسبة للبس ما اتوقع شركة زي شلمبرجير تهتم باللبس لأنه بيعطونك اللبسهم الخاص بالفيلد فألبس اي شي مرتب و لا تتكلف مرره

 

هل المقابلة بالانجليزي?

 

اي كلها بالانجليزي بس ساعات يسئل السؤال بالعربي لكن يبيك ترد بالانجليزي لكن اذا جاوبت بالعربي ما يقول شي هو اصلا اول المقابلة بيقول لك ان المقابلة بالانجليزي و بيسئلك اذا عندك مشكلة ولا لا