سلام شباب أنا تخصصي هندسة كيميائية والصرااااااحة أحب أصير مدرس إن شاء الله في الثانوي ولا المتوسط .. سؤالي لاهنتوا كيف ؟ تكفون ضروري والله اللي يعرف يكتبي ربي يسعده
تخصص الكيمياء في كلية العلوم هو التخصص المناسب للتدريس وبعد التخرج تدرس ترم تربوي في احدى كليات التربية قبل الإلتحاق بالتعليم أذكر واحد من دفعة 2000 تخرج هندسة كيميائية وقفلت معه وتوظف مدرس بعد ما تخرج من الجامعة درس ترم تربوي في كلية التربية في جامعة الملك سعود نصيحة : لا تدفن نفسك في التعليم والتدريس قال وايش اللي حدك على المر قال اللي أمر منه إذا أنت تميل للتدريس على الأقل توظف معيد في أي جامعة وبعدين كمل دراستك الأكاديمية وتصير محاضر
^^^^^ تسللللللللللللللللم والله فرحتني الله يسعدك أنا أبي أصير مدرس وبس اكتشفت إني أحب أعلم غيري كثير
ليش خشيت التخصص هذا اذا هذا توجهك !؟ على كل حال اذا قدرت تغير تخصصك الى كيمياء بحت "ساينس" فأفضل وبيخدمك وأنصحك تعيد النظر في مسألة التدريس فالتربية والتعليم , فكر في التدريس الأكاديمي الجامعي
أنحشششششششششششششش عن التعليم العام أقسم بالله مذلّة لا راتب ولا حشيمة و صارت هيبة المدرس ولا بريال والله انا اجلس مع مدرسين سوالف عجيبة صار الوضع مهزلة أنصحك تصير معيد و بإذن الله ربي يوفقك و تاخذ الماستر و الدكتوراة و تصير أستاذ كبير بأحد الجامعات
اذا مصر على التعليم ,فأنصحك بالتدريس الجامعي. الا كانك تبي السكر والضغط وعوار الراس فروح التعليم العام. المدرس الآن ما عاد له هيبة في مدرسته.
شوف وين سعـادتك ورح وراها .. ومب لازم تكون بأول طريق حياتك أعرف واحد بيحوّل بأي طريقة ويصير مدرس بعد تخرجه من الجامعة ب 25 سنة تقريباً وبعد عمل الشركات طبعاً شوف وين سعـادتك وراحتك ورح لهم ولا علـيك من أي أحـد وأولهم أهلك
المدرس احسن من المحاضر محاضر من الصبح الى العصر ويمكن الليل المدرس يتغدى في بيته علموني فيه وظيفه يتغدى في بييييييييييييييييييييييييييييييييييييييييييييته مستحيل
و الله التعليم شيء عظيم و حلو جدا خصوصا اذا كان المعلم شخص مؤثر و ساعد بتطوير طلابه و مجتمعه كثير من مدرسيني كان لهم اثر جميل بحياتي , انت شف اللي ترتاح له و رح لكن اكيد انك عارف ان من ناحية المادة المعلم مو افضل من المهندس ففكر بالموضوع من الجوانب و الافضل انك تصير معيد بجامعة مرموقة مدرسي حق الماث مهندس متخرج من جامعتنا لكنه شاف نفسه بالتعليم و صار معيد الله يوفقنا و ياك للي به الخير .
التدريس مهنة جميلة جدا بس في المدراس اشوف ان الطلاب نفسهم نسبة (يمكن توصل النص او اكثر) غير مهتمين بمادتك اما انهم غير مهتمين بالدراسة خير شر،، او ما يحب مادتك غير كدا حتتعامل مع مستويات علمية اقل نسبيا (بكثير) مع الي حتتعامل معاهم لو سرت محاضر في الجامعة (وهو الي انصحك بيه) غير الراتب والمكانة العلمية وامكانية الابحاث و و و انت حتدرس ناس (غالبا) يبوا يدرسوا مادتك تخصصه او على الاقل يبغا بدرجة كبيرة قريد طبعا مجرد راي
الله يسلمك واضافة على كلامي السابق وكلام بقية الشباب فكر في الأمر جدياًّ من كل الجوانب ولا تستعجل إذا ودك تستشير أكثر أنصحك بمقابلة الدكتور باسم أبو السعود من قسم الهندسة الكيميائية دكتور فاضل وراح يعطيك نصائح من واقع خبرته خاصة إنه درس الشخص المذكور اللي اتجه للتدريس