تجميع ملاحظات حفل التخرج [لسعادة المشرف العام على الخدمات]

مشكور أخوي أحمد ،

امكانية السلام على راعي الحفل

 

انا اول مرة احضر واللي ما اعجبني ويطري على بالي حاليًّا:
1-اللي معطيهم الامير ظهره ما يسمعون شي ابدااااا
واللي فهمته من الشباب ان الوضع كذا كل سنة!

2- درجة الحرارة ما تساعد صراحة سواء بالنسبة الخريجين او الحضور
يعني لو يكون للجامعة خطة خلال خمس او حتى عشر سنوات تبني ملعب داخلي مكبّف يشيل نفس عدد الجماهير في الملعب الحالي أو أكثر

 

نفس المشكلة حصلت لي , ما كان فيه غير سماعتين فقط !

ياليت يشوفون حل لذا المشكلة بتوفير سماعات أكثر وفي أماكن مناسبة.

وملاحظة ثانيه لو يوفرون شاشة عرض كبيرة في مكان الحفل بتكون شي جيد

 

كبار السن و ذوي الاحتياجات الخاصة من الرجال او النساء يا ريت يكون لهم مقاعد محددة و مواقف قريبة من الملعب

شكرا

 

نقل الحفل على قناة السعودية
وعمل مقابلات تلفيزيونية مع الخريجين

 

إزالة شعار الجامعة اللي كان موجود خلف مقعد الأمير وإطفاء أنوار البوابة اللي دخلوا معها الخريجين (اللي مكتوب عليها رقم الدفعة ) بإلاضافة إلى إطفاء بعض أنوارالملعب

كل هذا بعد مغادرة الأمير يمكن بربع ساعة ما مدانا نصور معها كان يمديهم ينتظرون الناس تمشي من الملعب بعدين يشلونها !!!

 

التعقيد على المصورين حيث منعونا من الدخول من البوابة اللي دخل منها الخريجين والأمير !!!
اضطرينا ناخذ لفة وندخل مع المدرجات .. ايضا بعد انتهاء المسيرة منعنا من التوجه للخريجين الجالسين اثناء القاء الكلمة !!!!

 

1 . سيارات صغيره لنقل كبار السن من المواقف
2. مصورين يصورن الطلاب ويهم يسلمون على الامير من بعيد او على الاقل يصورونهم وهم يمرون جنب الامير

 

مقر الحفل يعتبر عار على الجامعة .. جامعة مهندسين وبترول واخر شي استاد متهالك ومنتهي

 

انا ما حضرت و لا حفل تخرج لكن من صور الطلاب اشوفهم معرقين و رايحين فيها كأنهم ماشين عالمسعى الساعة 12 الظهر فالصيف

فاقترح يخلون وقت حفل التخرج كل سنة بوقت يكون الجو بارد مو معتدل وبس

و مبروك مرة ثانية للخريجين

 

الكلام كثير

ولكن الان يوجد موقع جميل جدا وانصح فيه اسمه (اليوتيوب) ..

www.youtube.com


اتمنى من المسؤولين يكتبون فقط (graduation ceremony) وبيشوفون افكار اكثر من عدد الـ (الآي بلسات) بترانسكربت الفرست أونر


عالعموم جمال هاليوم هو برؤية اهلك لك كخريج بعد سنوات طويلة , كان يوم جميل حقيقة ..

 

كراسي الحضور تقريبا كلها وسخخخه
الواحد مايقدر يجلس يخاف ينعدم ثوبه

 

يا ليت الصور نلاقي الصور بطريقة سهلة
سواء بمعرفة وسائل الاتصال بجميع المصورين لأخذ الصور

 

أنا دقيت ع الأهل و قلت لهم ما له لزمة الحضور . و السبب المقرّ المحرج + سوء التنظيم لكبار السنّ . تتوقع الوالد و الوالدة يمشون على رجولهم مسافة كبيرة و يصعدون درج طويل مرهق عشان يحضرون حفل غير موجه للطلاب لمدة ما تزيد عن ساعة ؟! . لا و الله اللي فلحنا . أفضل قرار سويته هالترم إني طلبت من أهلي عدم الحضور للحفل.

 

1) من غير المعقول أن يتم أغلاق إضاءة الملعب بمجرد خروج الأمير!!!
من حقنا نحتفل مع أهالينا وأصحابنا!

ما المانع !

2) توفير أنظمة تهوية وتبريد كالتي في موسم الحج!
3) الأهتمام بالصوت !
4) الأختصار قدر الامكان !

 

حضرت حفلات تخرج من 2005 الى حفل تخرجي هذا بدرجة الماجستير .. ودي اجامل الجامعة بس للتطوير ما راح اسوي كذا .. كان حفل التخرج السنة هذي الاسوأ من اللي حضرتهم على الاطلاق .. الاسباب متنوعه بعضها الجامعة مالها يد فيها ( عدد الخريجين الكبير) و بعضها لها يد فيها:

1. الصوت بالمدرج الخلفي صفر .. السماعة الوحيدة اللي موجوده هناك ما تشتغل صح اصلاً! تطلع صدى و صوت وشوشة. الشعب كانوا يغنون ورا ولا يدرون ان في شخص يقرا قران .. ما يسمعون !

2. الفرقة الموسيقية السنة هذي كانت سيئة .. المعزوفات غير مناسبة لحفل التخرج .. مسيرة الاساتذة لها نغمة خاصه هادية و ثقيلة تعزف بشي قريب للهبان مناسب للوضع .. السنة هذي ما بقى الا و حنا نمشي ندق تحية .. المعزوفات عسكرية بزيادة !

3. التنسيق بين مقدم الحفل ( الاستاذ معاوية) و الفرقة الموسيقية كان صفر كبير .. و الدليل الفرقة مو عارفة متى توقف عزف و متى تعزف .. و اللخبطة اللي صارت ببداية مسيرة الخريجين.

4. تجربة الحفل انا حضرتها .. ما طبقت بالشكل الصحيح زي ما صار ب 2010 على الاقل كوني كنت خريج هذيك السنة .. لاحظت الطلاب مو عارفين لما يوصلون الكراسي يوقفون ولا يقعدون .. كل الطلاب ما يدرون ان في كلمة لعميد كل كلية يعلن تخرجهم و بعدين يوقفون .. لان بالتجربة ما احد قال هذا الشي !

5. اغلاق الاضاءة كانها طردة !

6. التنظيم المروري انا ما شفته للامانة .. لكن كل الشباب كانوا يقولون منظمين .. الامن اشتغل صح !

7. كثرة الكلام بكلمة الخريجين ما كان لها داعي !

لو في شي باقوله بعدين ان شاء الله .

 

.........