بسم الله الرحمن الرحيم اخواني الكرام السلام عليكم ورحمة الله وبركاته بودي اغير كفرات السياره ( هوندا أكورد ) ومحتار بين نوعين ( جودير ) أو ( برلي ) ووكالة بريلي مسويه عرض لكن لعام 2012م تشتري كفرين ويعطونك كفرين ببلاش وقيمة الكفر الواحد 586 ريال ويطلع لك الاجمالي 1172 + 100 قيمة التركيب لكن زي ما قلت لكم عيبها انها سنة 2012 وضمان مدة سنه او اشتري جودير وقيمة الكفر الواحد تقريبا 400 ريال ويطلع الاجمالي 1600 ريال مع التركيب وضمان سنه وتسلمون يا حبايب
الكفرات المخزنة ما أنصحك فيها قبل سنة تقريبا ركبنا كفرات برجستون جديدة مخزنة من السنة الماضية لماقعدت ثلاث شهور الا ضرب كفر وبعدها بشهرين ضرب ثاني فغيرناها كلها كفرات جديدة حقت السنة
جوديير اكيد حتى لو كان في فرق في السعر الا ان الشركة ماسوت عرض الا انها قديمة زيد عليها 200 ريال وخذ الجوديير احسن من تاخذ البرلي وتتعطل لاسمح الله
عليك بالكفر الجبارررررررررررررررر برجستون وبس الكفر حقت كرررررررررررف غير طبيعي سعره حوالي 550 لهم فرع بالدمام ضمان سنة أو 70000 وعندهم خصومات حق أرامكو والاتصالات السعودية وغيرهم وعلى كلام بعض الشباب المجربين ان يمشي 100000 بغض النظر عن السنوات بس 70 الحد الطبيعي مميزاته اذا مسك مساميررر يبدأ بالتنسيم بشكل تدريجي وعلى فترة طويلة ممكن توصل ساعتين وأكثر على سرعة 80 يعني حق سفريات الين تشوف محطة وتغير الكفر المبنشر يعني كريييييييييف (أنا شخصيا مجرب ذي الشغلة حتى تحبيل الكفر ياخذ وقت طويل يعني شيل المسمار وسده ويصير زي الجديد) ثانيا عندهم خدمة ترصيص مجانية وتغيير مكان الكفرات وفحص ضغط الهوى والكفرات مرة واحدة خلال سنة ثالثا عمل ميزان للكفرات مجاني للمرة الأولى ثم الثانية 150 والثالثة مجانية والرابعة بفلوس وهكذا الكفر مناسب لجميع أنواع السيارات ومتوفر بجميع المقاسات اذا مافي تجيك طلبية يجي نوعين ياباني وتايلاندي ومافي فرق اللهم في السعر بس وعلى فكرة عمر الكفرات في الخليج سنتين من تاريخ التصنيع (هذا الرسمي) أما الفعلي سنتين من تاريخ استخدامه الفعلي على ألا يتجاوز سنة من تاريخ التصنيع أمثلة كفر صنع 2012 بينهي 2014 اذا خزن الكفر ولم يستخدم لا يستخدم بتاتا كفر صنع 2012 بينتهي 2015 اذا خزن سنة فقط ثم استخدم من سنة 2013 وهذاعليه غالب ال الشركات الزبدة لا تستخدم كفرات مرت عليها أكثر من سنة من تاريخ الانتاج الهنكوك سعر رخيص ويمشي الحال بس مو حقت سرعات وكرف وسفريات يعني حقت المدينة وبس الجوديير لابأس بيه بس ماعنده خدمات بعد البيع البريلي مايطمن بالمرة يقول صناعته روماني وسعره غالي بدون عرض!!!!!!!!!!! المشلان لابأس بيه بس أحس جودته بتضعف مع كثرة فروعه في شي حبيت أذكره للأمانه البرجستون قاسيييييي على عكس التويو الي ناعم مررررررررررررة
+1 أفضل الكفرات (خصوصا للسفر و الخطوط الطويلة) بريجستون ، المعروف إنه مستحيل ينصلخ ؛ لكن مثل ما قال اللي فوق عيبه إنه قاسي سألت مرة مندوب المبيعات حق ميشلان و قالي أفضل الموجود بالسوق بريلي ؛ لكن عيبه غالي و ما يستاهل تحطه على أكورد (أو العكس صحيح ) ، ثم يجي بعده ميشلان ، هذا كلام مندوب ميشلان
ميشلان كويسة .. انا مركب ميشلان قريب primacy hp Michelin الكفر دعستة مميزة بحيث ما يطلع صوت عالي مع زيادة الاحتكاك كنت مركب بريجستون من قبل bridgestone potenza >> ممتاز لكنه ما يتحمل سرعات عالية في الصيف .. انسلخ علي وانا ماشي( 200+) وربك ستر بس ميزة البريجستون انه الكفر اذا ضرب يمديك تمشي عليه من غير ما يتضرر الجنط بريللي ممتاز جداً .. لكن سعره غالي جداً
ميشلان ممتاز سيارتي لها 3 سنوات على ميشلان الزبدة اليوم بنشر كفري والشركة بتجي الحين تشوفه بأعيد تقييمي بعد ما يوصلوا
حتى أنا ابغى اغيره ومتحير لان الي عندي ميشلان امريكي له معي سنة و 7 اشهر -40 الف كم- على الفيوجن من يوم طلعتها من الوكالة وللأسف تشقق رغم ان النقشة لا زالت تقدر تقول جديدة ومشكلته انه قاسي نوعا ما احتمال اني اغير دنلوب سمعت انه ناعم وعملي بس سعره فوق 450 فما ادري وش وضعه
ايه حتى كفري فيه تشققات بس الوكالة + راعي ورشة تموينات فهد قالوا ما عليك من هالتشققات اللي ع الجنب صحيح إن سيارتي ممشاها قليل (3 سنوات ، 31 ألف كيلو ) ولكن التشققات لها سنة ونص وراعي الورشة والوكالة يقولو بيمشيك سنة قدام يعني بيكون ع التشققات تقريبا سنتين ونص لين تغيير الكفر فما تآكل هم ع التشققات
اصلا الي اكتشف التشققات الوكالة يوم سويت صيانة ال40 :D والا اخوك ما دري ماسك هالخطوط حدود 4500 كيلو ما انزل عن 140 وفي الوكالة قالي انت مجنون الكفر الي عندك منتهي بالكثير 8000 كيلو بعدها لازم يتغير لكن الحافظ الله بالنسبة للتشققات فهي واضحة ان الكفر كان مخزن حسبي الله على الوكالة الفاشلة لان بعض الشقوق راح المطاط منها رغم ان النقشة حقت الكفر باقي جديدة انا شاك شكلها من اخواني يوم تركت السيارة في الديرة ما عاد بخليها هناك
ميشلان أعتقد هو الأفضل, (و أحرص على الأصلي) مركبه على سيارة له سنة ما بنشر ولا مرة (20 ألف كيلو), ما أدري هي جودة من الكفر ولا حظ هههههههه. مع إن اللي ركبته تايواني, بس ما كنت أدري وقتها إن الأصلي ألماني.
أمسك خط الخبر السريع وعدي اسكان الدمام واطلع من كبري الدمام وطوووووووووول تلقاه عل يسار قله انك من الجامعة يمكن يعمل لك خصم شي ثاني لالالالالالالالالالالالالالالالالالا تخذ غير من الوكيل برجستون وكيله الطلائع