هل نماذج إخلاء الطرف تعمل حالياً ؟

السلام عليكم .

بغيت أسأل هل نموذج إخلاء الطرف + نموذج التخرّج تعمل حالياً ؟

أنا أحاول أخشّ عليها من السكن و مش راضية . الأولى يسوي لها Generation لكن ما ينزلها لي . الثانية ما يدخل عليها و يعطيني خطأ .

كمان يا ليت اللي عنده معلومات لو الإخلاء اليوم في مبنى 17 ولا مبنى الإدارة الجديدة ؟

مشكورين .

 

بما إنّ ما أحد رد للأسف , و بما إني رحت و نفذت ٨٠٪ من الإخلاء .. فبغيت أردّ للإفادة .

ورقة إخلاء الطرف ما راح تنزل عندك في الجهاز عشان مشاكل في الشبكة و الله أعلم . لما تضغط الزر اللي يسوي لك الوثيقة , فيه خيار فوق الساعة الرملية أنها تنرسل لك ع الإيميل . أختره و حط أنها تكون Attached و خلاص انتظرها تصير في الإيميل خلال دقائق .

بخصوص وثيقة التخرّج , لا زالت معلقة عندي . فبأطلب من إدارة الخريجين يطبعون لي إياها .

بخصوص الإجراءات , فهي لا زالت في مبنى شؤون الطلاب ( بالنسبة لإخلاء الطرف ) و في المبنى الجديد بالنسبة لوثيقة التخرج .


لا زال عندي سؤال. لي عند الجامعة فلوس ( مرتبطة بمكافأة التميز ) و قسم المكافآت المسؤول عنه مش موجود . وش الحل . ؟

 

هلا أخوي . أنا دوبني اليوم قلت يا أنا يا هم . جلست أخلص إجراءات الإخلاء من 10:30 إلى 2 إلا 10 والآن أنا بالرياض ومواصل و جالس أفطر , خرّيجاً

سالفة الخرّيج سهله . تطبع الفورم بعد ما تعبّيه أونلاين ( ادخل البورتال و بنفس الصفحة بتلقا Graduation form ) ما عليك من شرحهم .. بس سو اللي بين الأقواس .

بعدها تروح المبنى الجديد لشؤون الطلاب . اركب موترك و ادخل مع مدخل الباصات اللي جنب مبنى 59 امش شوي لين تجيك الحدايد اللي تمنع الدخول بتلقا مبنى كبير على يسراك وفيه مواقف سفليه . خش هناك و روح المصعد و طلع الدور الأول أظن و لما تطلع خذ يمين .. بعدين أول غرفه على يسراك .

لازم تعرف أنك قبل تروح شؤون الخريجين لازم توقع الورقة المطبوعة من شؤون الطلاب . أسهل طريقة انك توقّف في مبنى 11 ( فيه خدمة دخول جديدة . بس وقف سيارتك قدامه شوي تفتح ) . و بعدين ادخل مبنى 9 من تحت عند البريد و اصعد بالمصعد اللي بالأخير يطلعك عند المكتبة المركزية . أطبع الورقة و روح عكس لين توصل شؤون الطلاب و ارجع سيارتك . إلا لو تبي تطبعها من بيتك بالرياض.

موفق , و ألف مبروك التخرج .

 

بالمناسبة . كل اللي اقتنصته من سالفة اخلاء الطرف إنها موجودة عشان تعطي الخريج جرعة أخيرة من العذاب و هي يمكن تسهيلها جداً جداً .

 

أخذناها و نبي نترزز بها على قلّ سنع

 

يا ليتك قريت الشرح اللي فوق.

 

تقدر تخلص بيوم . المفروض الإجراءات ما تاخذ وقت لو كانت سلسة .. لكن اللي يمطمط بك الموظفين . أنا أخذت يومين لأن عندي مشكلة مع الإسكان ( و هل يخفى القمر ) و مشكلة أخرى مع الأمن .. قرروا ياخذون منّي 500 ريال وداعيّة .

خلني أعطيك تقييم سريع

القسم حقك: ربع ساعة بالكثير .
قسم صندوق الطلاب : 5 دقايق .
قسم شؤون الطلاب : 5 دقايق .
قسم السجلات : ربع ساعة .
المسجّل : 10 دقايق .
----
الأمن و السلامة : 10 دقايق لو معك الستيكر . عذاب لو مش معك .. لأنك على دوام طويل العمر مدير القسم ما يجي الا بعد الظهر.
السكن: الله يعينك . بتجلس عندهم كثير خصوصاً لو عندك عفش في المستودعات .
المكتبة + قسم الكتب : ما كان لهم عندي شي .