المتقدمين لبرنامج الائتمان - صندوق التنمية الصناعية

انا مقدم على القسم الفني واجريت المقابلة الأوليه
من ثلاث اسابيع تقريبا
الى الان ماحصل شي

يبي لهم صبر شوي

 

سمعت انك توقع عقد ست سنوات هل هذا صحيح؟

 

^^^^^^^^^
هذا بالنسبة للجانب المالي او ال credit

اما الفني technical يكون فيه ماستر لمدة سنة في بريطانيا وقبلها او بعدها تدريب على رأس العمل؛

الله يوفقنا واياكم

 

توقع على عقد اسمه عقد تدريب وتأهيل وليس عقد عمل ، وهذي نقطة مهمة يجب الانتباه لها عشان توقع وانت عارف وش لك ووش عليك.

مدة عقد التدريب والتأهيل سنتين وبعد اكمال السنتين الأولى يجب ان تلتزم بالعمل لمدة 4 سنوات (ضعف مدة التدريب) فيكون المجموع 6 سنوات من تاريخ توقيعك مع الصندوق.
- في حالة استقالتك قبل اكمال مدة الالتزام فيجب ان تدفع مصاريف التدريب والابتعاث. (ماني متأكد هم يحسبون الرواتب معها او لا)
- يشترط انك تجيب نتيجة لا تقل عن معدل 3.75 من 5 في السنتين الاولى عشان تتوظف رسمي بعدها.

المسمى اثناء التدريب باول سنتين: مساعد محلل ائتمان.
الراتب بأول سنتين: 9570 اساسي + 600 بدل نقل - 9٪ خصم التأمينات الاجتماعية = 9309 ريال
الاجازات بأول سنتين: 21 يوم بالسنة.

بعدها تترقى لمحلل ائتمان ويكون الراتب الاساسي 11500 والاجازات 36 يوم بالسنة

برنامج الائتمان يدخله تخصصات مالية ومحاسبة وهندسة صناعية ، وهو يأهلك تكون محلل ائتمان يعني تدرس طلبات المصانع للقروض من ناحية مالية وبشكل عام تمسك مجموعة مصانع او صناعات وتتابع معهم بعد ما ياخذون القرض ووش يسوون فيه وتسوي زيارات دورية لهم.

السنة الأولى كلها كورسات دراسة مافيها شغل فعلي تنقسم قسمين 6 شهور في الرياض و 6 شهور في كندا او نيويورك.
6 شهور دورة في الرياض ، كورسات زي الجامعة وفيها اختبارات وهوموركات ومُطالب تجيب نسبة 75٪ او اعلى عشان تعدي للدورة الخارجية ، تركيزها على المحاسبة والمالية وفيها كورس ستراتيجي ، وكورس بسيط كتابة ريبورتات.
بعد ما ترجع من ال 6 شهور في كندا او نيويورك تبدأ السنة الثانية اللي تتدرب على رأس العمل ويعطونك شغل فعلي.

 

العفو

لا انا بديت معهم في الدورة الماضية اللي بدأت في شهر فبراير ، واستقلت بعدها.