السلام عليكم .. أنا اليوم وصلت ورحنا أنا وخويي استأجرنا في الثقبة غرفة محترمة وب120 والحمد لله تيسرت أمورنا .. أشكركم على إفادتي سابقا وذلحين أبغاكم مرة ثانية لو سمحتم أنا أفكر أفتح لي حساب راجحي .. أعرف إن المفروض من زمان بس ما كنت أحتاجه لكن في وضعي الحالي لازم يعني لو واحد بيحول لي .. وبرضو عندي فلوس أبغى اعمل لها ايداع عشان أنا من الناس إلي ما تقدر تمسك يدها فأبغاكم تعلموني هل البنك قريب من الثقبة ؟ وهل الإجراءات صعبة ومعقدة ؟ لأن ما عندي سيارة فبيكون متعب شوي وأيضاً هم مداومين ذلحين ؟ (عاد هذي بأشوف على موقعهم ) على فكرة شفت في إمكانية تفتح حساب عبر الانترنت .. تنصحون فيه ؟ وبرضو ما نستغني عن نصايحكم الثمينة وشكرا مقدما ..
الراجحي يغلبوك في اجراءاتهم .. و سمعت معلومة مو متأكد من صحتها أن اذا حسابك يكون فيه فلوس اقل من حد معين لازم تدفع شي شهري. أنصحك تفتح في الرياض لهم فرع في الجامعة جمب مبنى 54 .. يكون قريب عليك اذا احتجت تروح لهم.
عموما فروع الراجحي اللي اعرفها واحد في شارع الببيسي (شارع فيصل بن فهد) والثاني في الدوحة و اتوقع في واحد في شارع مكة في الثقبة وكمان واحد في العقربية
الدوحه شارع عبدالله بن العباس (الشارع التجاري) فيه اغلب البنوك (اذا غيرت رايك ) فيه بنك الرياض والراجحي والبلاد والاهلي والجزيره
بنك الراجحي إذا جيت بتفتح حساب أول شي تقدم من النت وتحط بياناتك وتحدد لهم الفرع اللي راح تروح له فيه واحد في الثقبه في شارع مكة
مثل ما قالوا لك الاخوان لازم تسجل بالنت قبل ما تروح ولازم يكون عندك صندوق بريدي.. كل البنوك تطلب صندوق بريدي وقت التسجيل بيطلب تحدد الفرع اللي بتروح له.. طبعا دوام البنوك في السعودية من الصبح 7-8 الى 4 العصر فتح الحساب في الراجحي صارت لي معاناة معه, لازم تروح قبل صلاة الظهر عشان محد يتحجج لا تنسى تسجل بالنت لانه مطلوب.. وركز على الفرع والله يعينك على الراجحي اللي قالك المعلومة غلطان انا حسابي ما اودعت فيه 4 مرات من سنتين, وصارله اكثر من ثلاث شهور ما فيه الا 20 ريال :D
الراجحي ذل باختصار واذا شافك طالب 99٪ بيقولك السستم عطلان، قدم بالنت و بعدين تروح الفرع ويدققوا على صندوق البريد وحوسة
توضيح : اذا تبغى تفتح حساب في الراجحي لازم تسجل طلب جديد في موقعهم اول وتعبي بياناتك وتنتظر لين تجيك رسالة فيها رقم الآيبان وبعدين نروح للفرع اللي اخترته في الكوقع وتستلمها مباشرة بدون اي عناء .. طبعا اذا ما سجلت من الموقع قبل لا تروح لهم راح يقولك الموظف نفس كلامي اللي فوق وما راح يطلع لك بطاقة.
توضيح : اذا تبغى تفتح حساب في الراجحي لازم تسجل طلب جديد في موقعهم اول وتعبي بياناتك وتنتظر لين تجيك رسالة فيها رقم الآيبان وبعدين نروح للفرع اللي اخترته في الكوقع وتستلمها مباشرة بدون اي عناء .. طبعا اذا ما سجلت من الموقع قبل لا تروح لهم راح يقولك الموظف نفس كلامي اللي فوق وما راح يطلع لك بطاقة.
حسابي كان فيه 20 ريال وكل فتره تقريبا شهرين ياخذون 2ريالين ونصف هذا اذا شافوك ما حركت الحساب اخذوا منك انصحك بالاهلي ..
وعليكم السلام والرحمة ... أنصحك أخوي تطلع بطاقة وتسوي حساب في سامبا خدمتهم ممتازه و مريحة وغير كذا سهولة تحويلة مكافاتك إلى سامبا مباشرة من الصراف
هذا النظام السابق اخوي النظام الجديد الي صدر من مؤسسة النقد السعودي قبل كم سنة ألغى هذا الشئ وإذا مشكلتك مازالت مستمرة تواصل مع البنك وإذا ما سوو لك شئ ارفع عليهم للمؤسسة
الله يعطيكم العافية يا شباب .. وعندي سؤالين وقلت أحسن أحطهم هنا من إني أفتح موضوع جديد .. متى أوقات دوامهم أيام الأسبوع والويكند ؟ وش الإجرائات اللازمة لاستكمال فتح الحساب بعد ما تسجل من النت ؟ أنا سمعت إنه لازم إيداع 5000 ريال عشان تفتح الحساب !
اذا قصدك الراجحي لازم تسجل اول شي عن طريق نوقع الراجحي ،،، وراح يجيك رقم الايبان في رسالة على جوالك تروح لاقرب فرع اللي تكون حددته مسبقا اثناء تسجيلك في الموقع ،(الدوام يبدا 9:30 على ما اظن ) وتعطيهم رقم الايبان في خدمة العملاء وتعبي فورم يعطونك اياه وتستلم بطاقتك في نفس اليوم .... ** لا يلزم ايداع اي مبلغ في الحساب ...