إدمان الغياب !

النوم المبكر ,, هذا هو الحل الوحيد في وجهة نظري

 

صدقت والله انها مشكله عانيت منها ، أنا عندي الغياب مثل السبحه اذا طاحت حبه طاحوا البقيه..!!

ممكن من الأسباب وهو أنك انسان اجتماعي ماتتأقلم على الدوام بسرعه ، يعني مثلا يجي الويكاند ويصير طلعات وفله ولما يجي الدوام تصير لحد الان "ماشبعت" طلعات وماودّك يصير الوضع دوام وملل..!!

اقتراحي
خل أحد أخوياك اللي يعزونك يصحّيك أو يتصل عليك أو يمرك ، على الأقل أول الدوام الصباح لأن أنا كنت اذا داومت أول محاضره الصباح تمشي أموري وأواصل الدوام بحماس بعد ،،، مشكلتي كانت اني ماأصحى أو أصحى وأرجع أنام..!!

الشغله الثانيه اللي كانت فعاله وهي أني أغير نظام نومي ، كنت أنام العصر أو المغرب وأصحى 2 أو 4 الفجر مصحصح ومروّق لأن مثل ماقلت لك كانت مشكلتي في الصباح .. وأول مايجي الويكند تلقى نظامي يضبط وأطلع أغير جو ..!!​

 

ان كان مشكلتك النوم ف هذا امره سهل ,

لكن ان كنت مطنش, ما بيردعك الا ال dn ِ>> امزح معك :d
تنبيه: وجهة نظر و قابلة للمغالطة .

حط في بالك الاشياء اللي بتترتب على الغياب وامورك تنحل ,

شي اخير, جرب تجلس بكير عشان تفطر مو عشان تروح للدوام , يكون احسن كذا !!

 

لازم تحاول تعرف اهمية الحضور و ايش يترتب على مستواك الدراسي اذا غبت , راح تكون برا مود الدراسة اذا كثر غيابك + الخصم على الغيابات

اللي اذكره انك ساكن برا الجامعة فلو تحصل سكن داخل الجامعة راح يريحك من التكاسل عن الدوام


الله يوفقنا وياك

 

اشرب حليب بالموز مخلوط مع سفن اب
ينشط الخلايا الانطربالية في المخ وبهذا تحصل على نوم خفيف + نشاط

 

آخر العلاج الكي
إذا نومك ثقيل فمارس الرياضة كل يوم نصف ساعة جري أو مشي على الأقل ،،
وإذا أنت تعاني من الكسل فاستشر مركز التوجيه والإرشاد
واطلب سكن في الجامعة سكن الطلاب طالما أنت باقي فرشمان حتى تستفيد من مرافق الجامعة وتستغلها الإستغلال الأمثل

 

انا اذا كانت المادة ثقيلة والمدرس ممل يزيد الغياب عندي بشكل غير طبيعي :/

 

حافظ على صلاة الفجر مع الجماعة

وبتلاحظ نشاط غير طبيعي فوري

 

اختر من يتساهل في الغياب اذا كنت" سيلف ستدي" ومن يمين ويسار تمشي الأمور

أو خذ بنصايح الأخوان فوق

 

مشكلة مريت فيها وآذتني أكاديميا .. وعلاجها انك تشد على نفسك فترة بسيطة

ولا تخلي احساس الملل والقرف من الكلاسات انه يتشبع داخلك

ضبط نومك واكلك ومارس شغلات معينة تساعد على اعادة النشاط لجسمك

حتى ما تكون خامل طول اليوم ..

من تجربتي المريرة .. الدكتور لمن يشوفك ما تهتم بالحضور ما يساعدك في القريد ابداً وممكن يعطيك دي ان من غير انذار حتى ...

مليت من الروتين ... اكسر الروتين

عندك احساس بالتعب والارهاق والضغط النفسي ... مارس رياضة وغير نمط اكلك وحاول تتعرف على اشخاص مهتمين دراسياً

 

إذا نومك ثقيل وعندك تكاسل فعندي الحل لك، الحجامة وانا أخوك، نومي كان ثقيل وفيني تكاسل موب طبيعي في خلال اليوم، كنت لازم آخذ قيلولة مهما كانت الظروف سواءاً كنت نايم بالليل 8 او 15 ساعة لازم أقيل في الساعات المبتقية من اليوم، رحت احتجمت في الظهر والرأس والحمد لله أولاً وأخيراً صار نومي عادي موب خفيف ولا ثقيل وصرت أنام عدد ساعات أقل من أول وما صرت أحتاج لقيلولة إلا في أيام قليلة جداً أكون فيها مهنك من الدوام.

احتجم واتبع السنة وعالج نفسك

 

شوف سبب التكاسل
يمكن من المسافات
الملل من المحاضرات
التعب

وحاول لا تفكر فنتيجة الغياب مثلاً تقول خلني أغيب و"أخلص الدوام الساعة 12 بدل 3" ....

أحسن اني تفلسفت شوي

 

انا مثلك،

هذا الترم كل الكورسات عندي غيابات فيها حتى اللاب

اعلاهم اظن الماث وصل 5 غيابات مدري 4

 

الحجامه تخفف النوم از myth

قريبي نومه ثقيل , تحجم وصار نومه اثقل
لو تسحبه مع رجوله ماقام

 

أنا وروميتي احتجمنا وخف نومنا، ومثلنا كم شخص آخر أعرفهم هم الي نصحونا، اعتقد ان حالة قريبك استثناء

 

نصيحتي بالنسبة للغياب لا تغيب ولا كلاس الا للضرورة كمرض او ما شابهه كفاك الله منها
وبالنسبة للغياب من اجل انك كنت مواصل فما أنصح بيه لانك بمجرد انك تغيب اول يوم من اجل هالسبب فراح تاخذها حلى كل شوي تغيب بحجة النوم
وترى انا أغلب الاحيان اداوم وانا مرة تعبان لاني مواصل ولكن افضل من الغياب
لاني مجرب اني لو غبت ولو يوم واحد علشان النوم راح تصير عادة معي

 

Same here