استشاره: معدلي مرتفع وأرغب في التحويل

ياهلا والله، تم تعديل العنوان
الصراحة مو ملمّ بطريقة التحويل للجامعة ولكن:
أنصحك ترجع البترول بحآلة وحدة: إذا عادلوا لك المواد وبديت من لحظة ماانتهيت.
أما إذا قالوا ترجع للفرشمان مثلاً ماأنصحك
بالتوفيق ويفيدونك الشباب

 

ماشاء الله ممتاز استمر بالعمل الجاد وصدقني تقدر تكمل على 3 وفوق وفالك أونر توكل على الله ولا تحبط نفسك بنفسك !

و مثل ما قال أخوي فالح ان كانو بيعادلون لك المواد فتوكل على الله وحول واذا مافي معادله لا تفكر تجي حرام تتأخر زياده !

لإني اتوقع والعلم عند الله ما عاد تفرق مثل أول من أي جامعه متخرج ..
صحيح البترول طلابها يكونون مميزين بالأغلب لكن على كلام واحد كان في لجنة المقابلات الشخصيه في قسم الـ it في ارامكو ان الــمــعـــدل هو المفتاح الجاذب , عن طريق المعدل يجيبونك للمقابله ثم يحددون حالة القبول !

الارزاق عند الله وكل من له رزق بياخذه


موفق يارب

 

كمل في حفر الباطن ...

قدراتك ومهاراتك وانجازاتك اللامنهجيه هي اللي تفرق البترولي عن غيره (:

 

اقول لا يكثر...اغلب طلاب البترول مو طلب علم ولا فهم .. طلاب اولد اقزام ومانيول سلوشن

ولو تسأله عن كونسبت يفـــــغـــر

 

توكل على الله .. وتعال البترول وحاول تطلع على المواد الي اتوقع انك عارفها لأنه بحسب كلامك الخطة والكورسات نفس الي تدرس في البترول .. وبخصوص انك تخاف ترجع لحالتك في الأوريا اشوف أفضل تلقى روميت يعرفك صح ويعرف طريقتك واسلوبك لأنه صدقني هالشي راح يساعدك كثير خصوصا في الدراسة
الزبدة توكل على الله وتعال البترول ومادام راح تشد حيلك سواء هنا او هناك فتعبك ان شاء الله ماراح يضيع وتذكر
( إن الله لا يضيع أجر من أحسن عملاً )
وانت قدها ان شاء الله استخير وتوكل على الله

 

الشباب يقولون حول اذا عادلوا لك المواد فقط .. ولكن ودي أقولك نصيحة قرأتها وأفادتني في كثير من أموري ..أنه ممكن الواحد يخاف يتأخر في أمور كثيرة مثل التخرج .. الوظيفة.. الزواج ولكن تذكر أن بني آدم عمره قصير لعمل أشياء لا يريدها .. الحياة تحديات والجميل أنك تعيشها .. إذا بتخلي خوفك يسيطير عليك ويحكمك .. طول حياتك بتكون خايف .. خايف اني اروح لهذه الوظيفة .. خايف اني اتزوج الحين .. خايف اني اتأخر في التخرج .. خايف اني اكمل ماستر ولا الاقي وظيفة الخ ..

نصيحة أدخل البترول "إذا كانت حلم أو شئ تريده" بمعادلة أو بدون لتكون بعد عدة سنوات راضي عن نفسك وراضي عن ما قدمته.. ولكن اترك خوفك وتوكل على الله واجتهد .. ولكل مجتهد نصيب.. المكافحة للحصول على قبول في البترول وعيش صعوبتها هي ما يميز الطالب البترولي.. فإذا أردت أن تصبح طالب بترولي خلك قد التحدي وأثبت لنفسك بأنك طالب مميز

وتذكر بأن المفتاح هو الدعاء والاستخارة والتوكل

الله يسهل أمورك ويكتب لك اللي فيه خير وصالح

ودي واحترامي

 

شفت اللي باللون الأحمر غير بحياتي الكثير وتدري كلها ركعتين ودعاء لو يدري الشخص فايدتها ماعقد موضوع مصيري بدون ما يستخير ! خاصة أمور منعطفات بحياتك مثل النقل من جامعة لأخرى والزواج

أستخير ياعزيزي ما خاب من أستخار


ودي

 

إذا لك نيّة في التحويل حتى الآن، فالجامعة ممتازة وفرصة جميلة إنك تكون من طلابها.
المشكلة ليست في مايريده المجمتع ، على حد تعبيرك، ولكن الجامعة فعلاً ممتازة في عدة أمور
وستسفيد منها من نواحِ عدة:

- الشركات لدينا في المنطقة تفضل طالب الجامعة.
- طريقة التدريس في الجامعة رائعة.
- التنافس بين الطلاب شيء جميل.
- الشهائد والدورات والخدمات والندوات وغيرها التي تقدمها الجامعة ممتازة
- وغيرها.

كل التوفيق لك.

 

اسمح لي كلامك فيه من عدم الصحة،
يعني الأولد اقزام ما يحتاج فهم و اوفس أور مع الدكتور؟

وما اتوقع احد بيعدي من اختبارات البترول بدون ما يذاكر ويفهم الكونسبت على الاقل،،
لانه اذا جاك سؤال مثلاً في أول الصفحة و ثلاث صفحات فارغة بعد السؤال للحل ،، فهنا لن يفيدك الا فهمك للمادة...

 

عندي تعليق بسيط على معلومة ذكرتها، أتوقع ان مسألة تفضيل خريج البترول على خريج الجامعات الثانية فيها مبالغة شوي لما يكون الفارق بينهم شاسع زي كذا، بناءً على الكلام الي قرأته هنا خريج البترول يملك افضلية بالنسبة للشركات الكبيرة مثل ارامكو او سابك، لكن في بقية الجهات خصوصاً الحكومية فمعدلك هو الي يفرق، نسبة مثل 3.3 و ما فوق تعتبر نسبة كبيرة لخريجة هندسة و شبه مضمونة من ناحية التوظيف، هو عالعموم توكل على ربك و اختار الي ترتاح له، في كلا الحالتين الطريق أمامك و مجهودك هو الي راح يفرقك عن باقي خلق الله

 

والله أنك صادق يجيك واحد حافظ الاولد اكزام ويجيب درجة أعلى منك وأنت فاهم الكونسبت والتطبيقات الحياتية للمادة لكن عشان ما اخذت اولد اكزام تخبص ، فعلا جامعة تختبرك في الاولد اكزام وليس مقدار فهمك .

 

طيب وش الي يمنعك بعد كل المعلومات الي عندك انك تختبر قدراتك في ال اكزامات ؟

 

ماذا لو تخرجت بمعدل عالي، ثم أكملت دراستك العليا في جامعة البترول؟