اوريا ؟ ضايع mathematically ? تعال نسولف شوي.

السلام عليكم

اتمنى تكونوا جميعكم بخير وصحه وسلامه ..

لاحظت في المنتدى في الفترة الاخيره مشاكل من الطلاب الجدد مع الماث 001 وللاسف ان المشاكل هذي مكمنها الضياع ويجيك الطالب مايعرف من وين يبدا ومن وين يذاكر ..

راح الخص خبرتي اللي مريت فيها بخصوص الماث في عدة نقاط عسى ربي ينفع بها..

1. ازرع الثقه في نفسك:

هذا اهم شيء واذا ماطبقته اسحب ملفك افضل لك.. مهما تتعب ومهما تذاكر ومهما تشد حيلك صدقني بدون ثقه في النفس كل هالتعب بيطير .. لازم تثق في نفسك ثقه على قد مذاكرتك بحيث ماتثق في نفسك فوق اللازم ولا تحت المطلوب ..

2. بدايتك؟ كلاسك:

اثناء الكلاس لا " تفغر " يعني لا تفهي .. ركز واسال عن كل كبيره وصغيره وحاول تطلع باكبر قدر من المعلومات..

3. رجعت غرفتك؟ افتح الكتاب:

هنا هذي البدايه للي مو عارف كيف يبدا ! .. ابدا بالكتاب ثم الكتاب ثم الكتاب ! افتح الكتاب اول شيء ثم اقرأ النظريات والقوانين حتى لو مافهمتها اقراها واسحب عليها بعدها حل الامثله لحالك واذا ماعرفت شوف كيف حلها و " افهم " بعدها حل جميع اسئله الكتاب ولاحظ انا اقولك " جميع " .. بيجيني واحد يقول تستهبل انت ؟ فيه اسئله اخوي الصغير يحلها .. اقولك لا يا استاذ .. هذي الاسئله تعود يدك على الحل بغض النظر عن سهولتها .. هذي هي اليدايه واللي فعلا تعودك على الحل وتخليك تكتشف التركات وطرق حل جديده.. بعد ماتخلص؟ امسك المحدد الفسفوري وحدد اي سؤال عجزت عن حله ومن بكره الساعه 12 الظهر طامر في الاوفس اور .

4. اقطع ورقه من دفترك وخلها معك دقيقه:

الان فيه مذكره ممتازه جدا جدا جدا لماث الاوريا " فقط " وهي مذكره " ادهم " (اولد اقزام) .. هنا الان انت تنتقل من مرحلة الاسئله المباشره الى الاسئله اللي يبغى لها تفكير .. الان اخذ الورقه اللي مزعتها واسفطها من الجوانب وافتح المذكره هذي وغطي على الحل وحل بنفسك لمن تعجز عجز كامل عن حل المسأله بعدها افتح وشوف الحل لو (عجزت) واذا مافهمت الحل انسخ السؤال في دفتر ووديه للاوفس اور عند المدرسين يساعدوك هناك .. ( لا تودي المذكره معك عشان ما يصفقها الدكتور في جبهتك لانهم يكرهونها ) ..

5. خلاص وش تبي بعد؟

الان انت مستعد 80% لحل الكويزات وحل الكلاس تيست لكن الميجر حكايه ثانيه..
افتح موقع الماث وروح " اطبع " اخر خمس اترام للميجر وتدرب عليهم مزبببوط ..


6. اذا جبت اقل من 15 في الميجر ؟ نفذ عملية اغتيال في حفي:

واضحه خلاص ^ ..

7. كذاب اللي يقول الدرجة ماترتفع لو جبت في الميجر الاول درجة ضعيغه .


والله يوفقكم جميعا....

 

لا هنتم جميعا.

 

+1 ^



.....