math 102-122
التحضير :
ورقة تمر على الطلاب
فترة التحضير كانت بين الميجرين
بعد الميجر الثاني ما صار يحضر
طريقة الشرح :
Perfect
يوضح كل النقاط ويحل اولد اقزامز من الأسهل للأصعب
يحل ميجر كامل فبل الميجر
الكويزات :
صعبة بس اذا تذاكر اول بأول تحلها
+
تدربك ع المياجر
المياجر:
كومون
+
احسن تصحيح
افرجنا كان 82 تقريبا
الفاينلات :
كومون
القريد النهائي:
A+
الصوت:
واضح واكسنت كويس
إضافات :
احسن دكتور نزلت عنده في الجامعة هو و اوبوجيا

 

BADER AL-HUMIDI

درست عنده math 102 في صيف 123

شرح 100% .. أخلاق 100% .. تصحيح : متعاون جدا جدا

يغطي غالب أفكار المياجر ..

من أفضل الدكاترة اللي درست عندهم

التقييم : A+++++++

نزل الكورس معه ع طوووول هذا إذا لقيت سكشنه مفتوح :/

 

شباب افيدوني في امري ..

الاستاذ بدر الحميدي ولا الدكتور فيصل فيرق ؟؟

ماث 102 - ترم 132 ..

في انتظار ردودكم ،،

 

دكتور بدر مايتفوت أنا أخدت عنده 101 بس الشباب الي درسو عند دكتور فيصل كانو يمدحو أكثر وأفرجهم في الميجر أعلى, بالإضافة ان دكتور بدر كوزاته قريب للمعدومه أما دكتور فيصل يغرقك كويزات.

 

ماث101-131
التحضير: ازا كان الفصل فل مايحضر او ينسى بعض الاحيان
طريقة الشرح:.هنا الإبداع وأكثر جزء يعجبني انه ماشاء الله يعبي السبورة ويمسح ويعبي ويسمح..يحرق السبورة ماشاء الله تبارك الله عليه
الكويزات: تقريبا 4 او 5 كويزات بالسمستر
المياجر: كومون
الفاينلات: كومون أيضا
القريد النهائي: وبكل ثقة a+
الصوت واضح وشوووية عربي..
إضافات: لايفوتك المدرس ابدا الحين دكتور طبعا
المدرس فلة وأخلاق ويساعدك ويحاول يخليك تفهم غصب..ووالله بفضل الله ثم بفضله احب الماث وأكثر كلاس انبسط فيه..وما امل ابدا
قبل المياجر يسوي هيلب سيشن ..طلاب من سكاشن أخرى يحضرون للفايدة..والنوت حقته رائعة وجاهزة ومحلولة ماعليك الا انك تركز معه وهو يحل..طبعا في اولد اكزامز ويحل ماشاء الله. ..

 

طريقة الشرح :
شرح ممتاز لابعد الحدود ,, راح تفهم المادة فهم كامل ,,
يشرح كل الافكار والتركات ,, تدخل الميجر وانت بكامل استعداد ,,
عنده بعد نوته تريح انك ما تكتب ,, بس تركز معاه في الكلاس ويكفي..
عادة يغطي كامل افكار المياجر ,, لما تدخل ما بتحس بشيئ جديد ,,
الصوت:
واضح واكسنت كويس
إضافات :
احسن دكتور نزلت عنده في الجامعة.. انتبه تحصله وتفوته ..
اتمنى انزل عنده كل كورس ماث ..

 

Math 102
التحضير : ورقة تمر وما عمره دقق عليها
طريقة الشرح : يشرح عالسبورة وما يستعمل سلايدات ابدا , وما يحتاج تكتب معه لانه ينزلها عالويب سيتي, وشرحه لا يعلى عليه
الكويزات : ما كانت مرة صعبة , وما تفرق عن النوت كثير, و اسئلة كثيرة تجي نفس اسئلة النوت اللهم يغير الارقام, ومع ذلك كان افرج الكويزات واطي جدا
القريد النهائي: A+
الصوت:واضح جدا
إضافات :
الدكتور يحرص جدا على فهم الطالب, واحيانا يتنرفز اذا جاه سؤال عن شي واضح جدا, واذا شاف طالب مسرح يساله عن شي فالسبورة, والدكتور يسوي هيلب سيشنز قبل كل ميجر والفاينل.

مختصر الكلام : اذا نزلت عند الدكتور بدر, فاعرف ان طريق الـ(A+) صار ممهد تماما امامك, وكل اللي عليك انك تشتغل شوي على نفسك.

 

بغيت اسال كيف نظامه في الغيابات ...لاني صارت لي ظروف وغبت عن 4 كلاسات ..هل كل غياب بنص درجة ولا كيف ؟

 

math 301 - term 113
من افضل مدرسي الماث في الجامعه على الاطلاق !

 

math101 term 131

التحضير : ورقة تمر على الطلاب , احيانا ينسى او اتوقع يشوف الكلاس زحمة فما يحضر + يسمح بالتأخير المعقول يعني بالكثير5 دقايق + الميك اب
طريقة الشرح
على السبورة ويكون رافع النوتة على البلاك بورد .. يشرح لأخر دقيقة ويتفاعل مع اسئلة الطلاب حتى وان كانت تفاهة شوي لكن كلما قرب السمستر يخلص شوي يزعل من الاسئلة الي تكون عن بعض الاساسيات والصراحة ما ألومه يعني طول لسمستر وهو يشرح ويعيد في الشرح حتى بعد مايخلص الكلاس يجاوب اسئلة الطلاب ويقول اذ عندكم اسئلة ثانية تعالوا الاوفيس اور.
نوتته تبتدي بأسئلة بسيطة وتتدرج لين توصل لأسئلة من الاولد اقزامات . ما شاء الله عليه دمه خفيف وراعي سوالف واحيانا يعطي بريك خمس دقايق ويقول فيه نكتة او قصة متعلقة بالدرس عشان الطلاب يصحصحون معاه + احيانا يعطي الطلاب سؤال ويقول الي يحله ياخذ كامل في الكويز فنصيحة حاول تجي الكلاس وانت محضر للدرس عشان تكون فاهم الدرس ويمديك تحل هالسؤال وتاخذ فل مارك في الكويز.

الكويزات :
تقريبا كانت 5 كويزات . تكون من الأولداقزامات وغالبا يأخذ اسئلة من الأولد اقزامات ويعدل عليها ويضيف لها فكرة جديدة + اسئلة الكتاب مهمة حاول تركز عليها لأن احيانا يعدل عليها ويجيبها في الكويزات .
كويزاته نوعا ما صعبة لكن في كويزين على الاقل راح يكونوا سهلين . اذا تبي تبدع في كويزاته بعد ماتفهم الدرس وتحل اسئلة الكتاب رح لأولد اقزام مقسم ( أدهم ) وحل اسئلة على الشباتر الي خذتوها .

المياجر: كومون
الفاينلات: كومون

القريد النهائي:
a+ قليلة في حقه

الصوت:
واضح

إضافات :
اذا حصلت سشكنه مفتوح نزل معاه حتى لو يكون في الليل .. + لا تنشغل بالجوال او تفهي وهو يشرح لأن هالشي مايعجبه وراح يسألك .
+ يدف في الكلاس ورك لكن اتوقع ع احسب درجاتك في المياجر واخر كلاس يوريك الدرجة الي تستحقها في الكلاس ورك ودرجتك بعد الزيادة .

 

كيف الدكتور هذا في الـ 202.؟
​

 

يعياال ..


اقسم بالله اني حسبته مثل الكلام اللي فوق ,,ووبعد ما نزلت عنده وبقى اسبوعين على نهاية الكورس بقول اللي شفته :
الشهادة لله الدكتور في الشرح ممتاز ولكن في نقاط سلبية تخلي الواحد ما ينزل عنده

1- لو تسأله سؤال في نقطه مافهمتها دائما يفشلك قدام الطلاب ويحط عليك.
2- تصحيحه مثل الزبالة وحتى حقك ما يعطيك وياه.

يشهد الله علي اني ماكذبت .. وللمعلومية ترى بعد هو الكورس ماخلص وانا منزل 102 سمستر 132


اتمنى اللي يقرأ كلامي يصدقني وهدي نصيحة اخوية

 

ياشباب يقبل ميك اب ؟؟

 

بالنسبة لي ما كان يعجبني تصحيحه ، وافرج كويزاته دايما طايح
شرحه كويس

 

السلام عليكم
اولا احب اقول ان دكتور بدر مافي زيه احسن الدكاترة بالنسبة لي ويوصل المعلومة على الطاير وطريقة شرحه مارح تشوف زيها
وانا طبعا معاه الحين في 132 واشوف ان هو والله يتعب ويشرح لكن مافي احد متابع معاه ولا يداكر وكورس 102 ما يفيد بس تتابع من دون ما تداكر عشان انك مع احسن دكتور واكيد من قهريته الدكتور لما يشوف احد مو جايب خبر وانه يسال عن كونسبت شرحه الدكتور من بداية السنة ونهاية السنة الطالب مو فاهمه لانه ماراح داكر وولا تابع ونساه فا اكيد الشي يحرق الدم بالنسبة له هو او لاي شخص اخر
وانا صراحة اقول ان دكتور بدر كلمة ان هو دكتور ممتاز قليلة عليه فا هو افضل من ممتاز شرح واخلاق واحترام ونصيحة لاي شخص نزل عنده وانت مغمض واصلن الدكتور معروف ان مافي زيه ولكن الله يسامح اللي فوق ما يصير بعد انكم تحطو اخطائكم في الدكتور لانه شرح الكونسبت اول السنة وكل يوم يعيد عليها وصارت شي اساسي اكيد بيحقر على كلامك مع انه مايوم شفته حقر ولكن ان ينبه ان ترى شرحناها من قبل وانك توك تحس لنفسك
فا للامانة كونو صادقين دكتور بدر مافي اجسن منه شرح واخلاق

 

King !!


In everything



hahahah take with him if hahah you can !!!

 

ماث 101 - ترم 131


التحضير :
ورقة تمر عالطلاب وما قد شفته مره يدقق اذا أحد حضر خويه أو لأ

طريقة الشرح :
نوت خاص به ويرفعه عالبلاكبورد , الدكتور باختصار ينسخ من النوت الى السبورة + يشرح طريقة الحل يعني لو غبت في يوم ترى الشرح ما طلع كثير عن النوت .

الكويزات :
كويزاته صعععبه أعتقد كانت 4 كويزات لكن بالنهايه بيدفكم بالكلاسورك وبتكلم عن هالنقطه بعدين

المياجر:
كومون لكن ترى تصحيحه ممتاز وما بقول انه يساعد عشان محد يفهم ان الدكتور يدف لكل من هب ودب لكن ان شافك حال صح لكن سار في خطأ سخيف او بدائي ممكن يتغاضى , يعني مستحيل تاخذ أقل من السلوشن أو حتى نفسه غالبا أعلى.

الفاينلات :
كومون

القريد النهائي:
B

الصوت:
شخصيا أنا من النوع اللي أول كلاس أكون باقي ما صحصحت وكلاسي عنده كان أول كلاس بالدوام , والدكتور ما شاء الله يشرح بصوت عالي وبذمة وضمير فكنت دايم أطلع من كلاسه مصدع الى نهاية الدوام .. نصيحه اللي أول حصه دايم يكون تعبان فبدر الحميدي ما هو أفضل خيار لك وتراه يزعل اذا أحد رقد أو قاعد يتململ , أذكر كرة زعل يوم شاف طالب يطالع بيده يشوف كم باقي عالكلاس ( المشكلة الطالب ما بيده ساعه لكن مع قوة الزهق :d )

إضافات :

الدكتور متمكن من المادة لكن ما أشوف انه مثلا يستحق انك تسوي بريكات بجدولك عشانه ولا تاخذ كلاسه بوقت خايس , وأحيان يسوي هيلب سيشن قبل المياجر لكن ما أشوفه مفيد أبدا لأنه بس يحل أسئلة ما يركز على اعادة شرح الكونسبت والحيل المتوقعه بالاختبار ( التريكات ) ..

للأسف الدكتور خلى افرج الكلاس وورك 27.6 او شي حولها من 40 مع ان سكشنا افرجه فوق الافرج العام فالمفروض يرفعنا أكثر الله يهديه عكس مثلا الدكتور مصطفى قاسم خلا افرجنا 29.4 وفيه مثلا فيصل فيرق افرج وحدة من سكاشنه 32 أو 33 ( فوق الحد المسموح 30 )

بما أنه أول حصة وأكون تعبان فكنت أنام لا إراديا ( مثل الإغماءة بمكاني ) وما كان يصحيني من النوم لأن التعب واضح ولا كان يعلق , لكن في بعضهم ينزل راسه ويتوسد ذراعه ( داخل الكلاس بنية النوم ) فكان يأشر على اللي جنبه يصحيه.

 

[ د. بدر الحميدي ]

MATH 202 - Term 141​

- التحضير : غالباً - ورقة تعدي على الطلاب ، لكن فيه مرات كثيرة ما يحضر ..

- طريقة الشرح : يشرح على السبورة - شرح ممتاز و واضح جداً + نوته يغني عن الكتاب تقريباً ..

- الكويزات : أعطانا 3 كويزات و كلاس تيست أقل من المتوسطة من النوتة ..

- المياجر : كومن ..

- الفاينلات : كومن ..

- القريد النهائي : A

- الصوت : واضح و سلس لكن النطق الإنجليزي سيء إلى حد ما ..

- إضافات : الدكتور محترم و بشوش + تصحيحه كويس ..​

 

(MATH102 - TERM(152

التحضير : ورقة تمر على الطلاب ومايدقق الا ادا كان الحضور قليل .

طريقة الشرح : شرح ممتاز جداً ويوضح المفاهيم بصورة سهلة ويركز على امثلة و أسئلة الكتاب وفي نهاية كل درس يحل بعض مسائل اولد اكزام على نفس الدرس + طبعاً ما يحتاج تكتب معاه لأن النوت يرفعها على البلاك بورد .

الكويزات : متوسطة الى صعبة بعضها من الاولد اكزام وبعضها تكون من اسئلة الكتاب الفردية.

المياجر : كومن.......تصحيحه في written exam ابداع يعطيك فوق حقك ويمشي الاغلاط التافهة.

الفاينل : كومن ...

القريد النهائي : A+++

الصوت : واضح ومفهوم حتى لو كنت جالس آخر الكلاس .

إضافات : الدكتور يعمل مجموعة في الواتسب لمناقشة المسائل يعني لو كنت في بيتكم ووقفت عند مسألة ترسلها في القروب ويحلها الدكتور او أحد الطلاب .يرحب بالطلاب في الاوفيس .

في الختام اسأل الله ان يوفق الدكتور بدر ويرزقه اعلى المراتب.

 

شباب احمد شوقي ولا بدر الحميدي ؟