عندي استفسار وأتمنى الأجابة أنا هذا أول سمستر لي بالفريشمان وطبعا خبصت بالجدول وناوي أحذف السمستر عشان السمستر الثاني أنزل دكاترة متميزين ولا يخفس معدلي ، السؤال هنا هل أقدر اسجل ببرنامج سابك للمتابعة الجامعية ولا لا ؟ وهل يطلبون معدل الأوريا ؟ جزاكم الله خير
معدل الاوريا ما يحسب ولا تقدر تقدم على البرنامج الا اذا كملت ترم على الاقل بعد السنة التحضيرية والتسجيل يفتح في الترم الثاني من كل سنة بس لا تحط آمالك على البرنامج حقهم لأن العدد اللي ياخذونه قليل يعني يمكن المتقدمين يكونون حول 200 بياخذون 25 طالب تقريبا بحد أقصى موفق
اذا على حساب جدول ومدرسين .. ف ماراح تتخرج من الجامعه .. كلنا مرينا بحالتك وحاله اسوء .. سجل الجدول الي تبيه وخل مذاكرتك بنفسك .. بس القط كم كلمة في اللكشر
سلامات !! بتحذف وتتكي كم شهر عشان ترجع تسجل بدكاترة افضل ؟ اصلا يمكن ما يعيدون قبولك الا بعد التسجيل يعني لا تتعب نفسك وشيل الافكار ذي الله يصلحك !! الدكتور مو كل شي .. يمكن صح يريحك لكن مو معناته سجلت عند دكتور كويس يعني بتاخذ اي بلس
جاني مثل اللي جاك في اول ترم لي في الفريشمان كمان ..تحطمت لأبعد درجة واحس مستقبلي راح ههههههههه ..معاليك لاتخاف راح يفتح التسجيل مرة ثانية وراح تفتح بعض السكاشن من جديد ..كل التوفيق لك ..
نادر يصير الجدول زي ماتبي وأنت توك فرشمان جديد طبيعي يصير تخبيص في الجدول عدل اللي تقدر تعدل عليه وحاول تخليه قابل للدوام (مافيه بريكات أبو ساعة كثير) إما عن المدرسين , أنت مابعد تشوفهم أصلا يمقن يطلعون كويسين. وإذا كانو مايعرفون يشرحون , الله يخلي الكتاب موجود معاك 24 ساعة + التسجيل بيفتح أول أسبوع وراح تفتح أغلب السكاشن
اذا على سابك فاقولك نعم ينظرون للاوريا و يناقشون فيه و اذا عالحذف فأقولك بالفم المليان هذي غلطة و انتبه تسويها شد حيلك و حاول بأول اسبوع اذا فتح التسجيل تحصل دكاترة ممتازين لأن السكاشن بتفتح و اذا ما حصلت حاول تغير المواد اللي بالفعل تحتاج دكتور شريح بمواد سيلف ستدي , مثلا الماث 101 و الكميكال 101 و الاسلامي 111 و البي اي تقريبا ما تحتاج دكتور شريح و اضف عليها انقلش 101 بأبروفال او ics103 بابروفال و امورك بالسليم . بالتوفيق
هههههههههههههه قسم بالله انك تحفه يارجل انا اول ترم في الفريشمان كان الجدول خويش لكن جيت في اول اسبوع وضبطته قسم بالله الفيزكس والكيمستري والانقلش كنت اخذها سيلف ستيدي (بالعربي ما أطلع بشيء من الكلاس لاني أكون مسرح) بالنسبة للماث كنت أستفيد فقط من نوت المدرس الممتاز اما بالنسبة للشرح فأنا ما أهتم لانه اغلب المدرسين زلايب الي في الجامعة فراح تتعب لو تدور ورى المدرس الممتاز الزبدة: انت انسان مو بصاحي اذا حذفت سمستر علشان الدكاترة ^_^
بغض النظر ان عذرك للحذف مو مقنع ترى اذا حذفت السمستر ما بتسجل في التسجيل المبكر يعلقونك لين التسجيل المتأخر وتطير عليك كل السكاشن
شكرا لكم من الأعماق على النصايح وبإذن الله راح اكمل وأسوي اللي علي والتوفيق من الله ، جعلكم ووالديكم في الفردوس الأعلى