جبت العيد ف أول كويز ماث!!!!

وعليكم السلام ورحمة الله وبركاته .. الكويزات ان كثرت عليها 10% اذا مو اقل .. يعني لو بالسمستر عندك 10 كويزات يعني كل كويز عليه 1 .. وغير كذا اذا نقصت احتمال الافرج يكون نازل ويزيدكم الدكتور ..

الكويزات اشياء بسيطة بالنسبة للمياجر ..

ذاكر للباقي وفالك قريدن طيب

 

الكويزات كلها على بعضها 8 بالمية من درجات المادة يعني وسع صدرك
بعدين انك تجيب العيد بالكويز احسن من انك تجيب العيد بالكلاس تيست والمياجر
انتبه لاخطائك بالكويزات لا تتكرر بالمياجر ، هذا هو المهم لان المياجر عليها 40 بالمية

 

لا طبعاً
درجة الكويز الواحد ولا شيء مقارنة بالكورس كامل
العن ابليس وتوكل على الله الألإكار هذي بتضيعك

فيه ناس تروح عليهم ثلاث أرباع درجة الميجر وينجحون بقريدات عالية

 

وعليكم السلام ... مثل ماقالوا الشباب لا ماراح يرسبك
لكن اعرف وين كانت اخطائك اذا كانت في طريقة المذاكرة فغيرها واذا كانت اخطاء بسيطة مثلا في الاشارات فحاول تحل مسائل اكثر وتركز
ولو كانت عندك اخطاء دايما تسويها فسجلها في ورقة وراجعها يوميا بحيث لو جاك سؤال وانت تحل بيكون في بالك الاخطاء الي دايما تسويها فتكون حذر و انت تحل السؤال .
+
بعض الدكاترة يحذف اسوء كويز + اذا كان افرج سكشنكم في المياجر عالي و افرجكم في الكويزات نازل راح يزيدكم كثير في الكلاس ورك
فلا تتحطم لكن نفس الوقت اعرف اخطائك وشد حيلك زيادة انا كنت نفس حالتك تقريبا اول 3 كويزات كانت سيئة نوعا ما
( 7 , 12 , 8 من 20 ) لكن غيرت طريقتي في المذاكرة والمدرس لما شاف فيه تطور في درجاتي حذف الكويزات السيئة وخذت a في 001
فشد حيلك وفالك الـ a+

 

أنت تخيل إن عندك 5 كويزات ، وكل الخمسة هذولا يساون 10 من 100. ما تعتبر شي
بعض الدكاترة يكثر الكويزات خاصة ماث الأوريا عشان يكون عندك فرصة ممتازة.

أنا في اول كويز في الماث جبت العيد وتوقعت إن بطلع من الجامعة، الحين انا أخر سنة ولله الحمد والأمور ماشية.
أزيد من الشعر بيت، اليوم كان عندي كويزين ، ذاكرت واحد لأني فاهم وش الدرس، الثاني ما فتحته ابداً لأني ماني فاهم شي، فـ راح اضيع وقتي على الفاضي.

خلاصة كلامي ، الكويزات ماهي مقياس للرسوب.
هي فائدتها تكمن في أنها تحدد لك مستواك وتنبهك هل أنت تحتاج تشد ولا لا ، و أيضاً تكون قريب من قريد وتدفك هي.

الله يوفقك وعقبال ما نشوفك خريج.

 

و عليكم السلااام و رحمة الله و بركاته

مستحيل يرسبك يا أخي ..

العادة ان جميع توزيع درجات جامعتنا كالتالي

5ظھ واجب
10ظھ اختبارات قصيرة
25ظھ اختبار أساسي 1
25ظھ اختبار أساسي 2
35ظھ اختبار نهائي

يعني لو جبت صفر في الاختبارات القصيرة كلها و ضبطت وضعك في الباقي ممكن تطلع بـ a

الله يوفقكك ، لااااا تترك قراءة الكتاب أبدا و حل مسائل الواجب

 

السلام عليكم ورحمة الله وبركاته

شوف اخوي لكل شيئ سبب ,وانك جبت العيد في الكويز له سبب بعد والسؤال الحين ليش انت جبت العيد في هذا الكويز طبعا انت الحين مستغرب من نفسك ويمكن منصدم ؟
هل قبل الكويز انت ذاكرت كويس والمذاكرة ؟مو بعدد الساعات فقط المذاكر انك تفهم اكبر عدد ممكن من الامثلة وتدرب عليها والاهم ان يدك تدرب على كل حل الامثلة وكل ما حليت اكثر كل ما ازدات خبرتك في حل المسائل اكثر واكثر وتفهم التريكات.


وهذا طريقة لمذاكرة مادة الرياضيات 001 :-

تركز مع الاستاذ مو بس تفتح عيونك بالكلاس لا ,تشغل عقلك يعني تمشي مع الاستاذ خطوة بخطوة وهو قاعد يشرح+ ترجع البيت تفتح الكتاب وتقرا الامثلة وتحلها + وتفهمها وبعد علطول تروح الاسئلة اللي نهاية كل سكشن وتحل الاسئلة الفردية(odd )والزوجية اذا تبي وتشيك حلك نهاية الكتاب +تروح وتحل الاولد اقزامز وابدا من 131, 141 ,132,142 وبعدين انتقل للسنوات الاخرى الانها غالبا راح تكون نفس الفكرة والصعوبه.

اهم شيئ انك تدرب ويدك تدرب وعقلك يتدرب لين تصير عندك فكرة كيف راح تحل الاسئلة االلي راح تجيك ترا مراح يجبون لكم شيئ من المريخ وهذي الطريق عنك فوق وبالتوفيق

 

لا تستهين أبداً بال كويزات حتى لو كانت 10% من قريد الكورس.. استهنت ب 10% بتستهين الي اكثر منه وهكذا

نصيحة مني شد حيلك في الرياضيات بدراسة مركزة .. حل التمارين وفهمها جيداً افضل شي تفهم فيها الرياضيات بدونها ما تقدر

يمديك تنجح وبدرجه عالية اذا هذا بس اول كويز لك جبت فيها f

 

ذكرتني بأول كويز يوم جبت 4 من 15

عالعموم لا تشيل هم دامه كويز واحد ما راح يأثر عليك ان شاء الله ، اهم شي لا تجيب العيد في الباقي

موفق

 

ذكرتني لمن جبت 9 من 20 وحسيت إني بنتهي خلاص، الحمد لله حالياً سينير

 

اول كويز جبت 0 من 20 وشكرا

والان ولله الحمد طالب في السنة الرابعه

 

ذكرتني كل الكويزات والكلاس تيست الي قبل ميجر 1 جبت اوم العيد فيها 3,2,5والكلاس تيست جبت 15 من 40 ....غيرت طريقة المذاكرهه وجبت درجة طيبه في الميجر

 

اهلاً اخوي ممكن تذكر كيف كانت مذاكرتك وكيف غيرتها وصارت افضل
عشان لانقع بنفس الخطأ

 

اخوي ممكن تذكر لنا كيف غيرتها وكيف كانت اذا ممكن