بروموشن وناوي انزل مواد جبل ترم 152

الخلاصة :
1- الاسلامي والعربي مايعطون ابروفال فسجل في السكشن المفتوح ..
2- الانجلش لاتنزل مع دكتور سيئ لأن لو عطاك d او d+ راح يكون هذا معدلك وتذكر لو المعدل صار أقل من 1.75 راح تقطع المكافأة عنك .
3- يفضل انك تاخذ الكيمستري في الأوريا وتفتك منها خاصة لو كنت بتدخل تخصص هندسي اما اذا بتدخل ادارة فلا تأخذها + الكيمستري في الصيف متعبة والافرج عال .
4- رح اول يوم عشان تلحق على السكاشن المفتوحة وما اتوقع تحصل الا السكاشن السيئة حتى لو جيت مبكر الا لو كنت محظوظ او قبل ماتجي مبنى 68 كنت ماخذ ابروفال لسكشن ممتاز في الانجلش او الكيمستري واذا كنت تبي تاخذ ابروفال
ف خذ الابروفال من قسم الانجلش ( مبنى 14 الدور الثاني ) أو قسم الكيمستري ( مبنى 4 ) تالي رح لمبنى 68 غرفة 053 وخل الموظف يسجلك ..

5-الابروفال للسكشن المقفل ... اما لو تبي تسجل في سكشن مفتوح فما يحتاج ابروفال

 

مبنى 63 هو مبنى الميكانيكال ..
مبنى 68 هو مبنى العمادات ..

 

لا .. الابروفال تقدر تأخذه اول اسبوع دوام .. مايطلبون شي ..لكن بعض الأقسام ماتعطي ابروفال

 

عن تجربة
انا اخذت بروموشن من اول ترم بالاوريا
اول ترم اخذت ENGL101 + IAS111
ثاني ترم اخذت Chem101
عن تجربة وبحكم ان تخصصك هندسة والشباب شفتهم يعانون من الكمستري بالفريشمن وحتى اللي اجلها بالسوفمور
انصحك تاخذ
الكيمستري و اسلامي 111

الاسلامي سهله وتقدر تضمن بأسوأ أسوأ الأحوال b , اهم شي الحضور
الكيمستري مع اني للاسف كنت مهملها ولا شديت حيلي فيها بس طلعت ب C بالاخير , لان الافرج يكون اقل من الصيف بكثير
وارتحت كثير بالفريشمن باني خلصتها
وجدولك مارح يكون فيه ضغط شبه فاضي بعد ماخلصت الانقليزي

 

واذا ناوي تاخذ صيف بعدها
تقدر تاخذ الانقليزي مع ماث 101 بالصيف اذا كويس مستواك بالماث
او
ماث و عربي

 

صحيح كلامك لكن انجلش 101 ماينزل بالصيف

 

الاسلامي مايهم السكشن , خذ مع دكتور يدف بالدرجات اذا قدرت
اذا ماقدرت مايهم , لان بالاخير هي كلها ميجرين و فاينل سهله و تتكرر الاسئلة فيها
ذاكرها وبتضمن اقل شي A

بالنسبة للكمستري انا كنت ماخذها مع العرفج الساعه 7 الصبح , هذا الوقت اللي كان يناسب جدولي
الترم اللي اخذت فيه الكمستري كان اسوء ترم من ناحية الوقت , 3 بريكات كل واحد ساعتين ..
( انصحك تعدل جدول الاوريا اذا قدرت عشان ما يصير عندك بريكات كثيره )

من ناحية دراسة ماكنت مهتم لها بشكل كبير للاسف , بس شرح الدكتور كان ممتاز , ماكان فيها ضغط كبير يمكن لان ماكان فيه هوم ووركات , بس الكويزات عليها نسبة كبيرة من المادة على ما اذكر يعني يبيلك تشد حيلك فيها , اللاب كان طويل جداً من اطول لابات الجامعه ( وهذا سبب ثاني يخليك ما تاخذها بالصيف ) بس ممتع يعني اكثر من غيره
مع اني كنت ماحب المادة ومنب جيد فيها بس طلعت ب c بالاخير زي ماقلتلك وافتيك منها
عموماً انت مصيرك تاخذها يعني كذا ولا كذا
فانصحك خذها بالاوريا وانت مرتاح وافتك

بالنسبة للفيزيكس
على ما اذكر انها كانت سهلة والمياجر عاديه جداً
وعموماً زي ماتعرف ان مواد الاوريا ماتدخل بالمعدل
ماودي اقولك لا تذاكرها يعني وتهملها
بس من الاخير يعني لا تشيل همها وتكون هي السبب انك ما تاخذ مواد من الجبل

انت يمكن متخوف شوي لانها اول ماده بالجبل و متوتر
اذكر اول ما شفت درجتي بالتوفل فوق 500 رحت للسكرتير قلتله بكمل 04
بس كلمني المدرس وقالي مارح تستفيد دامك عديت التوفل
والحمدلله اني ماعدت واستفدت من الساعات اللي خلصتها بالاوريا
لان بالفريشمن يخف جدولك كثير وبالتالي ممكن تركز بالمواد الثانيه اكثر وافضل
مع العلم ان القريدات اللي جبتها بهالثلاث مواد موب ذاك الزود يعني

الخلاصه : لا تخاف خذ اي مادة سواء كانت , انت مصيرك بتاخذها كذا او كذا

 

شد حيلك فيها وتابعها اول باول لان المادة تعتمد على اللي سبق وان شاء الله بتطلع بقريد عالي
اهتم بالكويزات , وحاول تجيب درجة عالية بالميجر الاول لان الماتيريال سهل وبسيط مقارنة بالميجر الثاني

بالتوفيق

 

خذ ias 101 لانها غثيثة شوي بالفرشمان. (قواعد اللغة العربية). وتحتاج متابعة اذا مستواك فيها مش ممتاز. خذها الآن وافتك منها. ومنها تركز على مواد ثانية في الفرشمان غير هذي المادة.

 

نصيحة خذ لك كيمستري وعربي .. وبتدعي لي , بس شد حيلك

 

دايما أخربط بينهم، تم التعديل وشكرا على التنبيه أخي

 

الاسلامي ميجر واحد (ميد ترم)
والعربي ميجرين وفي الاغلب تجي قبل أو بعد الماث بفترة بسيطة
وراح تكون غثيثة في الفريشمن

 

لو تخلص ب 152 كمستري 101 وعربي 101 ، وبالصيف تخلص إنجلش 101
صدقني بتعيش عيشة ملك بالجبل

 

صحيح كلامك بخصوص الكيمستري
لكن انجلش 101 ما تنزل بالصيف ...