الافضل

افضل استاذ ورب الكعبة انصح اي احد ينزل عندو ترى اقسم بالله الاستاذ يدفك درجات من حيث لاتعلم والله انا نزلت عندو 101 ودفني دف غير طبعي مع العلم اني ماوديت غير 4 واجبات بس ومررررررررررة خلووووق وطيب ويضحك مع الطلاب انا لو كان يدرس 102 كان نزلت عندو بس ان شاء الله 201 عندو يعني عندو (الاستاذ مايتفوت!!!)


القريد النهائي a+++++++++++++++++++++

 

عشان ما احد ينظلم معه يا شباب شرحه لكم عليه بقوه و لهجته صعبة
لكن يدف دف ماهو صاحي
فاذا مستعد تحضر مع مدرس ثاني تفهم و تحضر معه عشان الدرجات انصح به و بقوه

 

دكتور احمد بطل بجميع النواحي

كل شيء كان زي الفل معاه

سمستر 122 ماث 102

الكلاس وورك يعتمد على الكوزات والغيابات +( يعطي اسئلة اولد اكزامز ويخلينا نحلها كانها هوم ورك رتن ويضيفها كبونص لك على الكلاس ورك )


الادمى يحب ينكت واللي يعجبني متساهل بالتاخير يعني تجي ليت ربع ساعه مو مشكلة


عن نفسي لو القاه 201

بنزل معه وانا مغمض

 

^^

المياجر يعطي بالكريك على قولتهم

 

Up

 

لا تدور شرحح !
كويزات نااااااااااااااااااااااااار !
دففففف في الميجر الريتن (انا دفني تقريبا 10 ) !
حبيب واخلااقققققققققه عسل ويحب يطقطق عالطلاب خاصة اللي يشوفهم يستعملون الجوال على قولته ( sick generation )
الكلاس وورك / 6 كويزات واربع واجبات
ياخذ احسن اربعه من الكويزات والهوموركات
انصح به للي الماث عندهم قوي (self study )

 

ماث 202 - ترم 141

الدكتور شرحه ابو كلب.

الادمي متساهل واخلاقه حلوه , وكلاسه وناسه اضحك فيه اكثر من اني افهم ممعه.

الادمي متساهل في التاخير . الكلاس وورك حسب بس الهوموركات + الكوزات اما الحضور حسبه كـ بونص .

التصحيح , عادي زي الكي سلوشن , لكن اذا رحت له المكتب تراجع ممكن تطلع من عنده ب5 بوينتس وزي كذا.

انصح فيه اذا حصلته في 202 بس لانه الكورس سهله ومايحتاج شرح والدكتور راح يساعدك اذا عرفك بالتصحيح .

​

 

درسني 202 ترم 131

الصوت واضح

الكوزات سهلة

التصحيح عادي (وأقصد بعادي يعني يعطيك على كل خطوة درجة حتى لو حلك غلط )

الشرح:
كثير يقولوا سيء بس أشوف إنه ممتاز والله
يكتب نوت مرتبة وممتازة على السبورة
يحل أسئلة أذكر واحد صعب جا في ميجر 2
إذا تكتب وراه بتستفيد كثير،، إذا نظامك مو كتابة ممكن مح يعجبك الشرح


الدكتور أخلاق وفلااااااااااوي ما تس بثقل الكلاس

التقويم النهائي:
B+

 

التحضير : ينادي بالأسماء أخر الكلاس و ما يدقق بالتأخير
طريقة الشرح : مدري ما كنت مركز معه بس أشوفه يشرح على السبوره ويكتب أشياء واجد
الكويزات : مشابهة لكويزاته في الموقع اللي يذاكر بيجيب درجات عالية بالراحه
المياجر:
الفاينلات :
القريد النهائي: B
الصوت: يضحكني صوته ههههه بس ماعليه واضح وصياحه مع الصبح له نكهة
إضافات : مدرس أخلاق وتحضيره أخر الكلاس و كوزات واضحة و سهلة بس من ناحية شرح ما ودي أظلمه لأني ما كنت مركز معه ​

 

Math 102 T-142


التحضير :

ينادي على الاسماء في نهاية الكلاس عالسريع ويحفظ الاسماء

يعطي ليت لو جيت متأخر على نهاية الكلاس و اوقات يحضرك

يسمح بالميك اب و يسمح ميك اب لنهاية السمستر بس عطه خبر

طريقة الشرح :

يشرح من قلب ويحاول يسوي ال يقدر عليه

يكتب نوت عالسبورة جيدة (الخط لك عليه )

غالبا > شرح أهم القوانين + أمثلة الكتاب +Old Exams

الكويزات:

6 كويزات و 4 واجبات(Extra H.W Questions) < ياخذ أفضل 4 من الكل

الوجبات اختيارية

المياجر:

كومن

الفاينلات :

كومن

القريد النهائي:

B+ بشكل عام.

A+ في التصحيح .
الصوت:

فله

الوضوح عادي ، يبي لك اول اسبوع و تتعود عليه ويصير عندك عادي .

أكسنت أفريقي ، صوت عالي.

إضافات :

* متساعد في التصحيح بيحاول يعطيك الي يقدر .

* تصحيح الكويزات ما يوزع الدرجات بالظبط من مخه يحط الدرجة .

* ينكت في الكلاس ، ما مره مليت من كلاسه .

* الحضور يكون عليه بونص .


*لو تراجعه على شي احتمال يزيدك​

 

MATH 202 - 162
التحضير : نهاية الكلاس بالاسم وما يدقق على التاخير ويسمح بالميك اب
طريقة الشرح : ما اتفق مع اغلب الشباب انه شرحه سيء انا اشوفه عادي لو تركز معه شوي تفهم والكورس سهل للامانة. عنده نوته يكتبها على السبورة و يرفعها على البلاك بورد وهذه ميزة فيه النوتة جدا ممتازة وتغنيك تماما عن الكتاب اللي اشوفه صعب الفهم .

الكويزات : صعبة نسبيا بس في الاخير افرج فما تفرق اعطانا 6 كويزات اخذ احسن 4

المياجرو الفاينلات: تصحيحه بطللللللللل وما ينقص على الاخطاء الغبية كثير حتى لو كانت في البداية او النص

الصوت: واضح , اكسنت افريقي يضحك لكن تتعود عليه بسرعه

إضافات : الدكتورعسل و كلاسه خفيف و يحب ينكت مع الطلاب ويريحك في الواجبات
الواجبات في هذا الكورس من اغث الاشياء الاصل انه حوالي 20 سؤال كل اسبوع هو يقللها ل 4 اسئلة على كل سكشن يعني 8 اسئلة كل اسبوع و متساهل في الديد لاين
انصح فيه بقوة لهذا الكورس بالذات

 

وين الصورة ما شفت شي !

 

؟

 

^ قصده يعطي درجات كثير وتصحيحه كويس بالمياجر

 

ماث 101 - 171​

- التحضير :
متساهل جدا بالتحضير ويسمح بالميك اب بدون ماتقول له (طوال السمستر احضر مع شعبة ثانية) .

- طريقة الشرح : قبل المحاضرة يكون رافع نوتة الدرس نوتة جديدة على البلاكبورد ، وفي المحاضرة يكتبها على السبورة ويبدأ يشرحها ، بالنسبة للنوتة جدا واضحة وممتازة واختيار الامثلة ممتاز ، بالنسبة لشرح الدكتور فهو يتعب في توصيل المعلومة ؛ لكن هذا مايعيب الدكتور لأنه بقدر المستطاع يحاول يوصلها . يخلص ماتريال الميجر في وقت ممتاز ثم يحل اسألة للطلاب.


- الكويزات : كان تقريبا عنده 6 كويزات وكلها كانت سهلة وواضحة ومن الشيء المشروح ، وكان دايم يقول هذا سهل اوريكم بالكويز الجاي . كان يقدم لنا هومورك من عنده تقريبا عطانا ثلاثة ، اثنين منهم كانت بونص ، الاخير عن كويز .

- الصوت: اول كلاسين بتستغرب اللهجة اذا مادرست عن دكتور اكسنت افريقي ثم تتعود.

- إضافات :

نجي للزبدة :

الدكتور مظلوم هنا في التقييم ، صحيح شرحه مش ولا بد ؛ لكن تطلع من الكلاس وانت فاهم + عنده نوتة جديدة تذاكرها ممتازة + كان يجمع اسألة على كل درس من مياجر وفاينلات 151 الى 163 (انا كنت عنده 171) وكان يحلهم بنفسه ويرفعها للطالب + متعاون في الكويزات والهوموركات = اتوقع كذا يكفي ، بالنسبة لي من افضل الدكاترة اللي مرو علي.

دكتور رائع ويجتهد ويتعب للطالب ، افضل من واحد اسطوري بالشرح بس اذا تبي تذاكر ماعندك مراجع ولا مكان تتدرب فيه ... وتحس انك ضايع.

 

ترم 192 (زمن الكورونا)


الدكتور: Ahmad Bonfoh

المادة : Math 202

التحضير : اخر الكلاس يقرا الاسماء

طريقة الشرح : من جنبها شوي موبذاك الزود.

الكويزات : سهله متوسطة + شيك الاولد كويزز حقته يجيب نفس الافكار غالباً.

المياجر: كومون

الفاينلات : كومون

التصحيح: ممتاز ويدف.

القريد النهائي: A+

الصوت: جيد

إضافات :يقبل ميكب طول الترم او كلاسات معينه، ونيس ويضحك وكلاسه جداً ممتع وردود فعله تضحك، الدكتور طيب جداً وممتاز بغض النظر عن الشرح لان الماث اشوف انه سلف ستدي خاصه ٢٠٢ يعني.

 

ماث 202 , ترم 201
التحضير : من الاسبوع الاول حتى الاسبوع 11 ماحضر ابداً ابداً ، الاسبوع 11 سأل سؤال شاف ماحد لمه ، بعده بدأ يسال بالأسامي وشاف الشعب كله ساحب عليه ، بعدها من الاسبوع 11 حتى الاسبوع 14 ببدأ يحضر تسليك اخر الكلاس يقول مثلاً اكتبوا رقم 3 او 4 بالشات واتوقع انه تسليك بس

الشرح : صراحة ماودي اظلمه واحس اني مو مقياس اقيم شرحه لاني ماعمري ركزت معه ، لكن احس ان شرحه مضروب للأسف الشديد ، لكن يحاول بما فيه وسعه ابو بونفوه ماقصر الذيبان
الواجبات : الواجبات خصوصاً في كورونا ومادة ماث 202 غالباً تكون كثيره مرره ، حتى السكاشن الثانية مكروفين كرف من ناحية الواجبات ، لكن خوينا ابو بونفوه من الاخر ساحب ، عطانا واجبين بس طول السمستر ، كل واجب خمس اسئلة ماحد يقدر يحله صعبة ، لكن بالاخير كل الشعبة فل بدرجة الواجب خمس درجات من 100.

الكويزات : الكويزات صراحة انظلمنا كثير معه ، عطاني ست كويزات وكان ناوي يأخذ افضل اربعه ، لكن افرج الكويزات كان نااار ناااار ممكن 9/10 وكان فيه نورملازيشن ، بالاخير قرر يأخذ افضل خمس ، وللأسف نقص كل واحد منا 8 بوينت من 75 بوينت يعني ممكن درجتين ونص من 100 وهذا شي كثير صراحة ( السبب وراء ارتفاع افرج الكويزات بختصار هو " الغش " ماودي اتهم احد لكن هذا غالباً السبب ، لان كويزات متوسطه لصعبة ، لكن مايخليك تفتح كاميره ، كانه يقول خذ راحتك غش والقروبات و الحاسبات الاونلاين شغاله ماتوقف )

الاخلاق : اخلاقه عالية جداً جداً ومتساعد بشكل كبير ويحاول يدور مصلحة الطالب ، واي واحد يقوله اجل يأجل عشانه

الصوت : صوته واضح لكن ليس بالمطلوب ، بالاخير المادة ماث وارقام الصوت مايفرق كثير

القريد النهائي: a

 

MATH 208-212
التحضير : ينادي وتقدر تحضر لاي احد لانه ما يطالع بوجيه الطلاب (وتقدر تحضر مع اي سكشن مراح يقلك شيء) + يقول لو غيباتك واجد بيرسلك ايمل يقولك انتبه ترا بتاخذ حرمان لكن اغلب اللي بالكلاس غيباتهم نص السميستر ولا ارسل لاحد اميل ولا اي شيء لحد اللحين
طريقة الشرح : يشرح من نوتاته لكن مشكلته انه خطه صعب تقراءه ومب الكل يفهم من شرحه ومنهم انا بس اجي احضر واذاكر مواد ثانية
الكويزات : كويزات سهلة الى متوسطه
المياجر: كومن
الفاينلات :كومن
القريد النهائي: A+
الصوت: واضح وينكت واجد بالكلاس بس يبيلك تتعود علي الاكسنت حقه
إضافات : دكتور احمد مناسب جدا للمادة( MATH 208 او اي MATH كورس مهب معقد) هذا انا اخذت لحد الان ميجرين معه جالس يحاول يزود الطلاب علي قد ما يقدر اذا انت حلك غلط مستحيل يعطيك صفر بيحاول يلقالك شيء عشان يعطيك درجة, انا عن نفسي اخطيت بالميجر الاول من ناحية الجواب النهائي او خطوه بس وصلت للجواب الدكتور عدالي ايها وعطاني فل (طول ما هو شايف انك فاهم بيعطيك فل) + لو تروحله اوفس اور وتناقشه عن الدرجة بيحاول يزودك علي قد ما يقدر