اصعب سنة في جامعة البترول

كل مرحلة ولها صعوبة .. الاوريا نظام جديد ودوام طويل ..
الفريشمان تضطر انك توزع تركيزك وجهدك على اكثر من مادة عكس الاوريا الي كان تركيزك فيها على الماث والانجلش بس
من تدخل مواد التخصص البروجكتات وبعض المواد الي فيها افكار جديدة بالنسبة لك ت بتاخذ وقت اكثر منك لأن ماعندك خلفية كبيرة عن بعض المواد وتحتاج شغل اكثر من قبل
عكس مواد الفريشمان الي انت ماخذها من قبل وعندك فكرة عنها
اشوف السفمور او الجونير هي بداية الصعوبة ..

 

بالنسبة لي , الاوريا لطول الدوام

باقي السنوات روتين يتكرر مع وقت فضاوة كبير

 

أتمنى محد يصوت الا الخريجين او المقبلين على التخرج عشان تكون النتائج دقيقة

 

اعتقد الموضوع يعتمد على التخصص

بالنسبة لي CE

sophomore كمواد دراسة

junior و senior الدراسة أقل لاكن متعبين بالبرجكتات

 

أوريا كـ دوام طووويل بس من دون مذاكرة كثيرة.
فريشمان كـ دوام غالباً طويل ودراسة كثيرة وأول سنة جبل !
وبالفريشمان تحدد معدلك من وين يبدأ وإذا كان +3 بيسهل عليك حاجات كثيرة في السنين الجاية.

"وجهة نظر"
أول ماتخلص هذي السنتين، الجامعة بتكون سهالات وممتعة وطقطقة

 

بالنسبة لي كخريج من الهندسة الميكانكيه.

الاوريا: المواد مهي معقده لكن البعض يعاني من اللغه الانجلزيه فتكون صعبه بالنسبه له. بالنسبه لي هذي السنه اصعب ما فيها التأقلم مع الحياه في الجامعه. الدوام في هذي السنه معقول نسبيا كونك خريج من الثانويه (أفرج سته ساعات يوميا تقريبا) اذا عرفت تستغل البريكات الكثيره ما بين المحاضرات صح بإذن الله ما راح تواجه مشاكل.

الفريشمن: في هذي السنه راح تشوف عندك وقت فراغ كبير ومن اللي لاحظته اللي يقدر ينظم وقته ويعرف كيف يستغله هو اللي يبني معدله صح. مثلا بعض الشباب تلاقيهم ينامون عدد ساعات مهول والبعض من يفتح كتاب وعلى طول ينشغل الجوال او اي شيء ثاني فلازم الواحد يكون عنده سيطره على نفسه.

السفمور والجونير: مليئه بمواد التخصص فالصعوبه تفرق من شخص لاخر بحسب اذا اختار التخصص اللي يناسبه او يحبه.

السنير: فيها الكثير من المشاريع والصعوبه راح تفرق بحسب المشاريع والتيم ميت اللي معاك . اذا كانوا متساعدين راح تستمتع في المشاريع واذا كانوا اتكاليين فالقلب داعي لك. على العموم فترت الفاينلات وما قبلها لانجاز المشاريع في هذي السنه قد تكون اكثره فترة ضغط في الجامعه.

وفي النهايه الصعوبه تفرق من شخص لاخر فصعب تحدد سنه بذاتها.

 

السنة الي ما تذاكر فيها
بس بشكل عام الاثقل الفرشمان و السفمور

 

بعد ما تخلص من المواد العامة مثل الفزكس والماث لين 202 و غيرهن من المتفرقات ومايبقى الا موادالتخصص والمواد اللي مو تخصصك بس تبع الخطة وتنطبق بشكل كبير على تخصصك راح تحلى الجامعة مررة ويكون ترم وراترم تزيد وتتوسع معرفتك بالتخصص ةتسمتع زيادة



طبعا هذا اذا كنت تحب او على الاقل ما تكره تخصصك