جامعة البترول .. قصة المجد الآفل !

اتفق تماما،
مع الاخ صاحب الموضوع
اسأل الله التوفيق لنا ولك وللجميع

 

حركة وحدة وبسيطة إذا صارت أشياء كثيرة رح تتغير
الأفرج بدل مايكون بين c و c+ يكون بين c+ و b
سبحان الله لسه اليوم في مدرس سلخنا في الميجر الأول والميجر الثاني وبساطة لما سألناه عن توزيع الدرجات قال الافرج رح يكون c لأن هذا النظام الامريكي ونحن نتبع النظام الأمريكي
باختصار حرام إنهم يضيعون مستقبلنا عشان يقلدوا الغرب في الاشياء إلا تأذي الطالب مثل توزيع الدرجات وفي الأشياء إلا تكون في مصلحة الطالب زي سهولة الأسألة يسحبون علينا

 

في بعض الاحيان تبدع في المياجر....لكن لان اغلب الكورسات الافرج c او +c ....تجيب العيد في الفاينلات....الزبدة احس الجامعة مهوسة وتقدس الافرج....يعني في بعض الاحيان تحس ان الافرج اهم من التعليم وهل طلاب فاهمين ولا لا....مدام الافرج c او +c كل شئ تمام!!!!!!

 

انا اعتقد ان الطلاب مركزين على جامعة b لانها هي المنافس القوي والمرعب الوحيد لهم وكثيرا ما اسمع منهم ان الوظائف المرموقة حكرا على خريج جامعة a وان طلاب b دجه وفالينها !! .

بينما الحقيقة تقول ان جامعة a لا يميزها الا شركة واحدة فقط (ارامكو) بل ان هناك شركات تفضل طلاب b .

الرئيس التنفيذي ل ge السعودية البهكلي هو خريج جامعة b في البكالريوس والماجستير .

اغلب وزراء المملكة خريجين جامعة b .

شركة bae systems البريطانية لا تبتعث طلابها داخليا الا لجامعة b

عدد كبير من اعضاء المجلس التنفيذي والاداري لشركة سابك خريجين b

طبيعي ان تشاهد طلاب A اكثر من B في الشركات . جامعة B لا تقبل الا 400 الى 450 طالب فقط في كلية الهندسة .

يعني قسم الهندسة الميكانيكية لا يقبل الا 70 طالب فقط سنويا بينما في جامعة A يفوق 200 وقد يصل الى 300 او اكثر.


وتطول القائمة ... وهذا توضيح لاخواني اللي ما يعرفون هالمعلومات او سمعة جامعة a خلتهم لا يشاهدون الواقع ويكابرون ويعتقدون ان جامعة b هي مجرد جامعة مثل بقية الجامعات !!

 

جامعه a وجامعه b وبقيه الجامعات الاخرى هي جامعات ممتازه وفيها الخير والبركه في التدريس في درجه البكارليوس. يحق لك ان تفتخر في الجامعه التي درست بها وهذا شي ايجابي ويدل على حبك للجامعه. لكن أن تصل إلى مرحله الغرور والاستهانه والاستصغار بإن نحن الاولى من الاخرين او اننا الافضل منهم، هذا امر غير مقبول أبداً، ويدل على تفكير الغير الناضج والأنانيه. ما يهم الشركات والمؤسسات هو شخصيتك، تواصلك، درجتك الجامعيه، ولغتك الانجليزيه ونادراً ما تجد الشركات تهتم بأسم الجامعه.

عموماً، انا شخصياً استفدت كثيراً في هذا المنتدى جامعه البترول في ساحه الخريجين. يعطيكم الف عافيه

 

لو تركز بالموضوع بتلقاه ماهو عن مقارنة الجامعات !!

و تغييرك لـ اسماء الجامعات بـ a , b ما يغير حقيقة ان كل ردودك مقارنة بين جامعتنا و جامعة ثانية .

من كثر حبك للمقارنة سويت موضوع عنها في قسم التحضيري !!

المهم حبيت اقولك لا تقلب الموضوع مقارنات تبي تقارن روح كمل في موضوعك الله لا يهينك

و ركز على الموضوع الاساسي اللي لو قريت الموضوع مره ثانية بتعرفه .

 

انت حولت مسار الموضوع لمقارنات ي بعدي
ياخي ليه مافيه احد من طلاب البترول يروح لمنتدى جامعة الملك سعود يقول والله جامعتكم عاديه ويصب جهده على الشي هذا و غيره مثل مانت قاعد تفعل الان وفتح مواضيع وحالتك حاله , تصدق اخر مره خشيت موقعها قبل اربع سنين ايام الثانوي

ياعزيزي نصيحتي والله خلاص كمل بجامعتك وادع الله التوفيق دامك اخترت الخيار هذا خلاص استمر فيه وانسى الماضي
وتابع حياتك


مقارنات الجامعات خش فيها اذا توك بالثانوي وتبحث عن جامعه اللحين خلاص انسى الشي هذا وركز على دراستك الجامعيه
احسك بتتخرج وباقي تقارن





بالتوفيق

 

ليش زعلان استاذي الفاضل خل روحك رياضية حتى انك تدرس 4 مقررات PE المفروض روحك تكون اكثر رياضية و اريحية

 

اي مواضيع تتكلمون عنها ما فتحت اي موضوع في هذا المنتدى وش فيهم العالم ضايقه صدورهم 4 مقررات ماتكفي PE تحتاجون زيادة

 

لأن ردودك ولا واحد منها فيه شي غير مقارنه سعود vs البترول
شيك على ردودك وشف

مع انه مكتوب بالخط العريض ومثبت موضوع
بخصوص مواضيع مقارنة الجامعات ( مهم جدا )

ابثرتنا والله

حنا نبي نستفيد من موضوع الاخ وانت قالبها سعود vs البترول

​

 

وشو له تستفيد خلاص ياخي افهم معدل تحت 2.5 قشر بصل وحتى الحكومة ما تبيك بيقدمون اصحاب المعدلات العالية حتى لو انه خريج نجران ولا المجمعه ولا الامام فهمت يالحب

 

اوك شكرا..

 

والله اللي معدله أقل من 2.5 و أخلاقه عالية أحسن عند الله من اللي معدلة فوق ال2.5 و أخلاقه سيئة

+

بالسنبة للاستهزاء تقشير بصل و مدري إيش... فـ الله يبتليك فيه و خلنا نشوفك تضحك وقتها

 

يا اخي انا اقول كلمة الحق الجامعة هذي تدهور بسببها اجيال و اجيال لازم نكون صريحين عشان اللي بيدخل يصير عارف وش الحكايه كل واحد كان يعتقد انه لو تخرج بمعدل 2 راح تلاحقه وتبوس رجلينه الشركات خل الناس تفهم وتعرف الواقع .. والحقيقة مرررره غالبا ... هذا غير اللي جاهم دسممس وانطردوا وضاع سنين من عمرهم وفي النهايه مافيه اي شيء يستحق كل هذا العناء ويعلم الله اني لم اقصد الاستهزاء مطلقا لكن ردود بعض الاخوان كانت ليست بالشكل المطلوب . اشكركم على ضيافتكم وسأعود الى حيث انتمي cksu الى اللقاء skfupm

 

الى اللقاء

 

مخطئ تماما , انا تعلمت اشياء اعتبرها اهم من التخصص , طرق تعامل مع الناس ... الخ و مستعد لو رجع الزمن اني اخذ المعاناة من جديد عشان الاشياء اللي تعلمتها

شي طبيعي لانه كل ما تنوعت مصادر دراستك كانت محصلتك احسن بكثير من لو انها كانت في مكان واحد

بذكر قصة بسيطة :

في الاسبوع الثامن هذا السمستر طلعت امثل الجامعة في مؤتمر الجامعات الخليجية (مع العلم ان وفد جامعتنا الوحيد اللي ما اختير بسبب المعدل , وبقية الجامعات اختارو اعلى الطلاب الموجودين فيها معدلا), من ضمن الوفود الموجودة كان وفد جامعة b وجامعة جازان
البرامج في المؤتمر كان ضمنها ورش عمل ودورات تدريبية . لا احكيك ان وفد جامعتنا الوحيد تقريبا في كل الجامعات اللي ما واجه اي مشكلة في اي تحدي, بل لدرجة انه لما قسمونا الى فرق يكون فيها اعضاء من جامعات مختلفة احس نفسي جالس بين اطفال في الروضة.

بالنسبة للخريجين والنعم فيهم....

الحمدلله من تواضع لله رفعه , المشكلة مو كوننا متعاليين , المشكلة كون من حولنا يشوفو انفسهم اقل مننا ولو ان المقام يسمح لذكرت مواقف كثير صارت في المؤتمر تدعم كلامي

.............................................

اتمنى ردي ما يؤخذ كمقارنة بين الجامعات

 

اتمنى من المشرفين حذف جميع تعليقاتي ان امكن

 

سبحان الله, بانت حقيقة النقاش و "فحواه" مثل ماتوقعت, وعجبني رد احد الاخوه بأن ليش مانشوف طلاب البترول يتسكعون بمنتداكم ويعيبون جامعتكم, وبدال الوقت اللي جالس تضيعه انت وياه باقناعنا بالخروج من الجامعة مثلا والالتحاق بالصروح العظيمة افتحو موضوع الوظايف بقسم بالخريجين وشوفوا كم واحد 2.00 > 2.5 حصل على وظيفة ولا قشر "بصل" مثل ماتفضلت.

أجل تدهور بسببها اجيال واجيال! سبحان الله.

ط§ظ„ظپط§ظ„ط*: ظ†ط¹طھط¨ط± ط§ظ„ط¬ط§ظ…ط¹ط© ط§ظ…طھط¯ط§ط¯ط§ ط¬ط؛ط±ط§ظپظٹط§ ظ„ظ€ آ«ط£ط±ط§ظ…ظƒظˆآ» ظˆط§ظ„طھط¹ط§ظˆظ† ط¨ظٹظ†ظ‡ظ…ط§ ط£ظ†ظ…ظˆط°ط¬ ظ„ط§ ظٹظˆط¬ط¯ ظ…ط«ظٹظ„ظ‡ ظپظٹ ط§ظ„ط¹ط§ظ„ظ…





بعد الاذن من صاحب الموضوع, النقاش وصل منحنى سيء ولذلك يقفل .​