الاستفسارات عن برامج المتابعة الجامعية ..

واحد من الشباب قدم على سابك ترم 152

وقع العقد معهم قبل اسبوع .. فاحتمال البقيه يجيهم خبر قريبا

 

في اي خبر جديد ياعيال ؟

 

بدأو يرسلون للمقبولين << ارامكو

 

من اي تخصص ؟
قاعد الاحظ ان الاغلب من الكيميستري
ياليت اللي انقبل يبشرنا هنا
بالتوفيق للجميع

 

أكيد. تخصص مطلوب والموجودين حاليا بالتخصص قليلين جداََ فينقبلون حتى لو معدلاتهم تحت ال 3.

التخصصات الي طلابها كثير عندهم التنافس شديد. فغالباََ أصحاب المعدلات العالية هم بس الي ينقبلون.

يعني لو معدلك تحت ال 3 وتخصص زحمة. لا تتعلق كثير.

وبالتوفيق للجميع

 

إضافة. أحد الشباب الكيميائيين قلي إنه تقريباََ نصف طلاب القسم مبتعثين وأغلبهم أرامكو.

 

طيب ياليت اللي جاهم قبول كيف كانت الطريقة
يعني بس رسالة
ولا في مفاضلة بتكون بينهم وبتكون مقابلة معهم
طيب التخصاصات الثانية (الميكانيكية والكربهائية محد سمع احد جاه عرض )

 

انا هندسة ميكانيكية وجاني ترشيح منهم يوم 24 اكتوبر على قسمين (Saf Offshore Producing Dep) بالسفانية والقسم الثاني (Inspection Department) في جازان, وطلب مني الاختيار ما بين القسمين في نفس اليوم. اول شي جاني اتصال منهم وشرحوا لي القسمين وبعدها جتني رسالة فيها العرضين.

 

طيب متى اتصلوا عليك ؟
هل قالوا ان توقيع العقد خلال شهر ولا الموضوع مبهم ؟
الله يعطيك العافية والف مبروك

 

هالحين الناس اللي انقبلت
هل تغيرت حالة الطلب بالموقع قبل الاتصال ولا ؟

 

الله يبارك لك
اتصلوا علي يوم 24 اكتوبر يوم الاثنين, اللي فهمته انه خلال هذا الاسبوع بتجيني رسالة الفحص, ونتيجة الفحص تطلع من اسبوع لي اسبوعين وبعدها توقيع العقد واستخراج البطاقة وبعض الاشياء الروتينية للتوظيف.
خلي جوالك شغال على طول, لاني اللي اشوفه انهم يتصلون اول شي ويشوفون اذا انت شبه موافق او موافق على العروض وبعدها يرسلون الرسالة, وغير كذا فيه بعض الطلاب اللي ترشحوا رفضوا العروض بسبب بعد مكان الشغل عن اهاليهم.
وعقبال الجميع ان شاء الله

 

لازم ارد عليهم بنفس المكالمة ولا يعطوني مثلا يوم ويتصلون علي علشان يعرفون موافقتي

 

^^^
ما عندي علم صراحة

 

ياشباب ايش وضع القبول بالنسبة للتخصصات الادارية ( فايننس و محاسبة ) ؟ أنا اعرف طلاب كثير ملتحقين ببرامج المتابعة للشركات لكن من دفعات قديمة أحس الجدد ساحبين عليهم

 

هل الشركة رح تعرض عليك تفاصيل العقد قبل ما تلتحق بالبرنامج ولا بعد التخرج ؟ يعني مثلا تحدد الراتب مثلا او اي مزايا ثانية ؟

 

هل في ناس جاهم اتصال يوم الخميس او الاربعاء ؟
ياليت ذكر العرض(مثلا القسم اللي بتشتغل فيه وبأي مدينة)

 

لا يوجد تحديد الراتب ولا مزايا.

بعد ما تتخرج راح توقع العرض الوظيفي. الأن أنت توقع على " عقد تأهيل وتدريب ".

والعقد الي بيجيك الأن يوجد به قسمك والمسمى الوظيفي وقد يحتوي على المدينة الي راح تشتغل فيها. ولكن أصلا العقد يقلك إنه القسم ممكن يتغير ولو حددولك مدينة حتى هي ممكن تتغير بعد ما تتخرج.

 

السلام عليكم .. ياشباب هل يمكن أرامكو ترسل لشخص رسالة الفحص الطبي بدون ماترسلة الاوفر والديبارتمنت اللي راح يشتغل فيها ؟
هذا واحد من أخوياي أرسلوا له يوم الخميس اللي راح رسالة تفيد انه يسوي الفحص الطبي بدون أي اتصال منهم قبل الرسالة ذي .. على كلامه التواصل كان كله بالايميل ولا ارسلوا له ترشيح لديبارتمنت معين على عكس الشباب اللي بالموضوع أنا ملاحظ انه فيه تواصل بالهاتف قبل رسالة الفحص وفيه ترشيح لديبارتمنت معين

 

^^
للمعلومية تخصصه محاسبة ومعدله أعتقد فوق 3.2 والله أعلم

 

أي عادي الي الي صار مع واحد مو شرط يصير مع واحد ثاني. وبعدين هو واحد الي قال الكلام دا مو "شباب". وكل الي أعرفهم بالبرنامج سوو الفحص الطبي بعدين جاهم العرض.