مشكلة تغيير التخصص :/

الله يكون بعونك
ماودي احطمك لكن مستحيل تجيب المعدل اللي يطلبونه لذلك اذا ماقدرت تكمل بالce حوّل ادارة يمكن تمشي معك

الحل الاخير انك تطلع من الجامعة قبل ماتضيع سنين من عمرك ثم تضطر للخروج

 

جب ٣.٥ اقل شي وتحول

 

من وجهة نظري انت الان في موقف صعب و الخيارات اللي قدامك كلها ليست مرضية اتوقع بالنسبة لك - حالياً - ..

اما انك تشد حيلك و ترفع معدلك الى ٣ و هالشي راح ياخذ منك بتقديري الشخصي بالقليل ٣ سمسترات و كل سمستر اكثر من ١٧ كريدت و قريدات عالية بكل المواد طبعاً ، ثم تحول بتروليوم و بتتأخر اقل شي سنه عن دفعتك .

او انك تسحب ملفك و تشوف لك جامعة فيها التخصص اللي تبيه و بكذا تكون ضيعت سنتين .

او انك ترضى بنصيبك و تحبب نفسك بالتخصص اللي انت فيه و تشتغل على نفسك شوي و تتخرج بمعدل يرضي طموحك بإذن الله .. و الخيار هذا حتى و ان كان عكس رغباتك اشوف انه الافضل ، كل انسان قادر على انه يتكيف مع اي شي حوله صدقني ، خلك واثق بنفسك ..

لا تنسى الاستخارة و ان الامر اولاً و اخيراً بيد الله عز و جل .

فالك التوفيق

 

السلام عليكم ورحمة الله

انا اريد ان انصحك نصيحة لوجه الله تعالى فيه مواضيع هنا عن ناس قضو اربع سنين من عمرهم في الجامعه واخر شي انطردو
+ اسم البترول راح يفيد اذا معدل الشخص حول ال3

لازم تعرف ان التخصص راح يمشي معك طول عمرك الى ان يتوفاك الله
فاإذا كنت مغصوب عليه الان كيف راح تكون بعد 10 سنوات من الان؟

اذا لم يتم قبولك في تغيير التخصص وانت من خارج الشرقيه خذ شهادتك وقدم على جامعه قريبه من اهلك للترم الثاني
اول سنه معدلك لن يقل عن 4.7 من اربعه بسبب انها سنة تحضيرية وانت عديت اقوى سنة تحضيرية في المملكة
والمناهج اول سنتين راح تكون مجرد اعادة لك
او قدم على جامعة حائل راح يعادلون موادك ويشيلون السنة التحضيرية بسبب ان المناهج نفس البترول بالضبط وماراح تتأخر
وحول على التخصص اللي تحب هناك وجب معدل فوق 4 من 5 راح يكون فرصتك مثل اغلب فرص طلاب البترول

انا اخاف انك تقعد 8 سنين في الجامعه او تقعد سنين مطوله ثم تتخرج بمعدل نازل وتشوفون خريجين جامعات ناشئة معدل عالي ياخذون الوظائف قدامك

مادام الفرصه موجوده


وحتى تخصص هندسة البترول لا انصح فيه حاول قد الامكان تبتعد عن التخصصات المحدودة لأن اصلا شركاتها محدوده جدا والفرص قليلة


يعلم الله اني اقولها لأني اشوف طلاب كانو الاوائل على صفوفهم ثم جو هنا وضاعت سنين من عمرهم ثم طلعو بسبب جملة
يؤسفنا إشعارك بعدم الموافقة على طلبك لضعف مستواك الدراسي ولعدم استغلالك للفرص التي اعطيت لك وننصحك بالبحث عن جامعة أخرى

 

الله يعينك .. يمكن ترفع معدلك إلى فوق الـ 2 لكن هالشي صعب ويحتاج مجهود كبير منك خاصة إنك ماتحب التخصص الي انت وفيه و شبه مستحيل تقدر تحول لهندسة البترول او لتخصص ثاني لأنك حاليا ً سفمور ورفع المعدل على الاقل بيحتاج من سمسترين او ثلاثة بمعدلات عالية فبكذا تكون صرت جونير في السيفيل واذا حولت لتخصص غير هندسة البترول بتكون تأخرت على الاقل سنة .

فرايي نهاية هالسمستر اقعد وشف وضعك وهالأسئلة لازم تجاوبها بكل صراحة :

1- هل إنت مقتنع بهندسة البترول ولا الموضوع بس تغيير للتخصص وكره للهندسة المدنية ؟

2- مستعد تحول من البترول إلى جامعة ثانية حتى لو كان التخصص الي راح تسجل فيه غير هندسة البترول ؟

3- مستعد إنك تجلس في البترول وتطلع بمعدل فوق الـ 2 بشوي في أحسن الأحوال ؟ مع هالعلم ماراح يصير الا اذا تعبت خاصة في البداية لأن معدلك نازل وبحتاج على الأقل سنة عشان توصله للـ 2 وشوي .

4 - انا مع اغلب كلام اخوي عبدالله و insider
لكن مب الكل يتحمل إنه يبتدي من الصفر خاصة إذا الجامعة الجديدة ماعادلت لك كورسات السنة التحضيرية ويمكن تتعب نفسيتك . على العموم اذا توفرت لك جامعة تعادل لك المواد الي نجحت فيها بدون ماتدخلها في معدلك في الجامعة الجديدة ( يعني تتسجل لك pass) رايي توكل على الله وحول لجامعة قريبة من الأهل بحيث لو عادلوا لك المواد تكون مخلص مواد السنة التحضيرية عندهم + المواد العامة في الفريشمان .
وفي الحالتين راخ تتأخر في التخرج سواء ضليت هنا او رحت لجامعة ثانية لكن في الجامعة الثانية بيكون الوضع اسهل عليك . بس قبل ماتسوي شيئ تواصل مع القبول والتسجيل في الجامعة الي ناوي عليها و ورهم الترانسكربيت عشان تعرف وش راح يعادلوا لك لأن اذا ماراح يعادلوا السنة التحضيرية بالنسبة لي شخصيا ً افضل اتخرج هنا بمعدل 2 وشوي وتخصص مب مقتنع فيه بدرجة كبيرة . أفضل من اعيد 3 سنوات ومع مواد السنة التحضيرية الي دوامها بيكون متعب وانا ماعندي نفس الطاقة والحماس للي معاي وتوهم هذي اول سنة لهم في الجامعة .

 

تعووووذ من الشيطان ولا تطلع ولا شيء ، حرام انك سفمور وناوي تطلع لك ثلاث سنين عالاقل في الجامعه ، الحين انتهى وقت الخروج من الجامعه ولاكن اذا بتطلع فا انا مانصحك لاسباب ، كمل السنتين الجايه وبعدها حاول تاخذ كورسات ترفع معدلك بقوه لين عالاقل ٢.٥ وهذا ماهو صعب وحتى اذا ماتحب التخصص انت الحين في موقف صعب ولازم تضحي باقل الخساير

 

باختصار عشان تجيب ال2.5 يبيلك تاخذ 60 ساعة يعني سنتين بمعدل 3.5
اذا قدرت عليها ولا شف لك حل ثاني
مادري اذا حولت ادارة يلغون بعض المواد اللي اخذتها ولا تحسب بعد

 

^^^ تخصصات هندسية ما اتوقع فيه تخصص يمديك تحول له والسبب المعدل .. يمكن هندسة طيران ؟
التخصصات الإدارية احتمال اكبر تقدر تحولها . او واحد من تخصصات الحاسب + cise

 

تقدر تحول لو جبت ٢.٥ لاي تخصص ماعدا البتروليوم حسب علمي ..

 

مثل ماقال order تقدر تحول لأي تخصص
لكن انا كان قصدي صعبة ترفع معدلك الى 2.5 وتحول . لأنك عشان ترفعه لازم تأخ> كورسات والكورسات بتكون من تخصصك الحالي + بتصير جونير يعني بعد سنة . تقدر تغير تخصص في الجونير لكن فيه اجرائات اضافية + بتتأخر بسبب ان صعبة تحصل تخصص فيه كورسات كثير مشتركة مع السيفيل في الجونير (على الاقل 6 كورسات )

 

عشان تضمن يالغالي التخصص اللي تبيه ، رح كلم الشيرمان واشرح وضعك واذا قال بيحولك ، اشتغل ع نفسكك وجب المعدل..

 

تاكد من نقطة انك تقدر تغير التخصص في السينير ، لاني على حسب ما قريت اذا ماني غلطان ان التغير كحد اقصى يكون في المستوى السادس ، يعني اخر ترم في الجونيور
انت روح حق المسجل وتاكد من هالنقطة

 

نصيحة لك من طالب عاشر الكثير في مثل وضعك ولا رديت إلا عشان أبي أفيدك

عندك الخيارات التالية تحسم أمرك فيهم

1- يا تحول تخصصك السمستر القادم سواء إدارة أو أي تخصص أخر أو ما تحول إطلاقاً أنت يبيلك جهد كبير جداً عشان توصل 2.5 ويمكن تخلص الجونيور وما وصلت للمعدل اللي تبيه بهالحالة وش بتسوي ؟ بتكون محطم لأنك بتاخذ مواد مشتركة من تخصصين وبتأخرك المواد هذي

2- يا تكمل في تخصصك وتحاول تشد حيلك باعتبار ظروفك زالت

3- ياتحول لجامعة أو كلية ثانية وهذا أشوفه أفضل خيار لك هو والخيار رقم 2

صدقني من تجربة أغلب اللي أعرفهم ما أقتنعوا بتخصصهم وينزل مواد بين تخصصين في الأخير يكمل في نفس تخصصه ويطلع متأخر على الفاضي