مهندس يعمل مدرس

ثمانية أشهر بطالة والله شكلها الامور ماتبشر بالخير
أخوي انت وش تخصصك

 

والله ترا وظيفة المعلم مهي شينة
اول راتب 8100 وزيادة سنوية 500 ريال لا تقييم لا وجع راس ودوام 6 ساعات وانت بالبيت
مافيه مشاكل تحلها ولا تقرير ترفعه ولا قروشه ولا فلان ماخلص شغله ولا ليه مارقوني
فقط اشرح واطلع وخلصنا
لا واذا المدير حبيب تخلص حصصك وتطلع
واذا ماعندك حصه تطلع تجيب فطور للشباب بغرفة المدرسين


بس هل يقبلون دخولك الاختبار ؟ بما ان تخصصك هندسة وليس كلية علوم مثل الرياضيات او فيزياء

 

المدرس راتبه اعلى من المهندس الحكومي الي يبدا راتبة ٧٠٠٠
لكن السوال لما يصير المهندس مدرس هل راح يحطونه مدرس بدنية ولا فنية
عشان نقول ان ماعنده شغل
اتوقع يكون مواد علمية رياضيات فيزياء كيمياء وهذي فيها كرف الويل وفيها
نظام نور ونظام فارس ترفع درجات الطلاب بشكل اسبوعي لكل نشاط وتحضير
وترفع تقارير واذا الطالب مستواه ضعيف لازم تعمل له خطة علاجية وحصة نموذجية وكوزات
وقصص . . . اتكلم من واقع اشوفه اهلي كلهم مدرسين وانا مثل الغريب بينهم
المهم اتذكر السوبرفايزر لما كنت اتدرب بشركة الكهرب كان يقول انه كان بادارة التعليم
موظف اداري (بس ما اتوقع ان الوظيفة على مؤهلة لان مافيه وظايف هندسية بالتعليم)
ثم راح للكهرب والحين مديرالتوليد واحب اقول ان وضع االسنوات الجاية صعب للوظايف الله يعين

 

لن تتعين كمدرس يا عزيزي وليس لديك شهادة تربوية (على الأقل لازم يكون عندك دبلوم تربوي) وكونك ما دخلت أي مقابلة الى الان فهذا دليل على وجود مشكلة بالسيرة الذاتية غالبا، أنصحك تعرضها على متخصص

 

على طاري رفع درجات الطلاب
واحد من الشباب كان يرفعها للنظام وحنا جالسين في عزيمة
اثنين من اخوياي مدرسين رياضيات يقولون صح انه قروشه لكن مادامه مايمس الراتب عادي
والله يارجل اشوفهم في السناب واحد يطلع الساعه 9 يفطر والثاني غالبا الخميس 10 الصباح يطلع
على فكرة زيادة المهندس في الحكومي 365 ريال تقريبا يعني حتى الزيادة ابو كلب

اصلن لو تحسب راتب المعلم في الساعه كم يصير تلقاه يقارع مهندسين ابو رواتب 10 و11 الف في القطاع الخاص
هذا اذا ماتعداهم بعدين بسبب الزيادة السنويه واجازة كل عيد واجازة سنوية + 3 شهور
ماشاء الله تبارك الله
ماشاء الله تبارك الله

يالله راحت علينا عاد

way to aim ياليت تستفسر وترد لنا خبر
وهل لو كان شخص معه ماينر في الماث يفرق ؟

 

أنا 7 شعور عاطل مع إني خريج مع مرتبة الشرف
الشركات الصغيرة ترفضني لأن معدلي عالي ويتوقعوا حسحب عليهم مع أول عرض من شركة كبيرة
والشركات الكبيرة ما عطوني وجه ..

^^
ردي من باب أعلمكم إن مصابنا واحد فلا تتكدرون

الله ييسر أمورنا .. الرزق على الله ونحن نثق بالله .. اللهم اكتب لنا الخير حيث كان ثم رضّنا به

 

أذكر في الثانوية مدرس الكيمياء يقول انه كان مهندس كيميائي بس بسبب ظروفه حول إلى مهنة التدريس.