MIS 215 – Term 151

الدكتور صالح طيب وخلوق .. محبوب من الطلاب

ممتاز كشرح .. معظم الوقت يتكلم بالعربي ويوصل المعلومة بشكل ممتاز باستخدام أمثلة قريبة من الواقع

يعطي بونص درجة واحدة للي ماعندهم أي غياب

الكويزات عنده سهلة .. يختبرك في كويز كل تشابتر .. 10 اسئلة اختيارية ( أحيانا سؤال واحد اضافي ) والاسئلة من التست بانك

المياجر كومن .. 20 فقرة اختيارية .. 3 اسئلة مقالية ..

الفاينل 60 فقرة اختيارية .. الاسئلة الاختيارية في الكويزات والمياجر والفاينل 90% من التست بانك ان لم يكن اكثر

تصحيح الدكتور جيد جدا ومتساهل بالحد المعقول ( بالنسبة للاسئلة المقالية )

القريد النهائي B+

 

^^^^ أزيد على اخوي Abu Taki في بعض الامور
* عطانا 9 كويزات و نهية السمستر حذف اسوء 2
* عطنا 16 كلاس وورك و حذف أسوء 4 ( 16 بدون بعض الكلاس وورك البونص )
* الدكتور كان كريم في درجات البروجكت ( على الاقل بالنسبة لي )
* في syllabus مذكور خصم درجتين على كل غياب ، الدكتور ما خصم علي ولا درجة ( اصلا كويس ما جاني DN )
* الدكتور يعصب اذا مسكت الجوال و اذا قال اقروا الدرس الجاي اقروه لان الي ما يقرا يفصل عليه

 

MIS215 TERM 161

التحضير : ينادي بالأسماء لما يبدأ وقت الكلاس عن طريق ورقة مكتوبة فيها أساميهم .. وزاد درجة للي ماغاب ولا غياب في نهاية السمستر.

طريقة الشرح : رهيب رهيب رهيب .. ماشاء الله صدقًا كلاس الدكتور صالح لا يمل منه وما تحس بعض المرات بانتهاء الوقت من طريقة الشرح الجيدة.

الكويزات : 9 كويزات .. الكويز عبارة عن اختيار من متعدد وسؤالين مقاليين بس في الكويزات الأخيرة صارت اختيار من متعدد فقط .. وحذف أسوأ كويزين في نهاية السمستر على ما أظن.

المياجر: ميجرين كل واحد عليه ٢٠٪ من المادة وكانت MCQ وسؤالين مقاليين عليهم وزن كبير من الميجر. غالبًا حيفيدك التست بانك ولكنه ليس الكل في الكل والدليل الفاينل.

الفاينلات : عليه ٢٠٪ كذلك وكان MCQ و T/F .

القريد النهائي: الدكتور أعطيه A نظرا لشرحه الرائع وتمكنه من المادة.

الصوت: واضح جدًا ولغته الانجليزية ماشاء الله جبارة.

طبعا في 3 بروجكتات( تختار بكيفك جماعية أو فردية ) في المادة كل وحدة عليها 5% ، وكمان عدد من الكلاس ووركات تحلونه كمجموعة في الكلاس عليها 15% وكان الدكتور يبذل أقصى ما بوسعه علشان يساعد الطلاب والحمدلله.

إضافات : الدكتور صالح ماشاء الله عليه حبوب وخلوق و تعجبني طريقة طرحه للمواضيع ونقاشه مع الطلاب في الكلاس بس فيه السلبية الوحيدة إنه يكرفك طول السمستر بلا توقف يعني تقريبا كل كلاس فيه يا كويز أو كلاس وورك كحد أقصى فيبيلك تتابع معه أول بأول علشان تطلع معه بقريد كويس ، خله خيارك الثاني مباشرة بعد إيهاب قحوش في حال تواجده في الريجسترار.

 

التحضير :
يومي في أول 5 دقائق غالبا.


طريقة الشرح :
يفتح السلايدات ويشرح منها. الدكتور شريح وما تطلع من الكلاس الا وأنت فاهم. احيانا يقط كم نكته ولا يذب على طالب من باب التسليه اذا الكلاس نايم.


الكويزات :
نهاية كل تشابتر يعطيك كويز وغالبا يكون MCQ من التي بي.

المياجر:
متوسطة ومايله للصعوبة شوي ثلثها تقريبا خيارات والباقي كتابي.


الفاينلات :
نفس طريقة المياجر لكن اسهل شوي.

القريد النهائي:
A

الصوت:
عالي وواضح.

إضافات :
الدكتور حبيب واحترمه يحترمك ولا تمون معه بزيادة. ونهاية السمستر يحذف اسوأ كويز او كويزين. وممكن اذا بقي لك كم درجة عالقريد يدفك.

 

MIS380 - 212
دكتور صالح الوحيشي درست معاه كورس السيكيورتي (الكتف)
الدكتور ممتاز واخلاق جدا وكلاسه ممتع وفيه ضحك كثير والكورس معاه مفيد رغم انه في الدرجات مو الافضل
الدكتور يحب يخصم على كل شيء وصعب ترضيه ويشوف شيء يقول هذا بيرفكت ف لاتستغرب انك تشارك معاه طول السمستر وتلقاه يخصم على درجة المشاركة.
الافرج في الميد كان طايح مره ف زادنا ف الاخير بونص جيد (لكن حتى البونص كان اسايمنت لازم تسويه)


الكورس هذا كان مختلف يعني ماكان فيه متيريل كثير تذاكر وتختبر غالبه كان ريدنقز ودسكشنز ومناظرات واسايمنتات ونشوف افلام ووثائقيات ونتكلم عن الاشياء المهمة الي فيها
الكورس مفيد وتعلمت كثير عن السيكيورتي والبرايفسي وعن اهمية البوليسيز في هذا السياق. كيف تحمي المنظمة الي انت فيها من الاختراقات الي تصير - ايش الاشياء الي تهددكم وكيف تمنعها. الكورس كان لين الميد عن السيكيوريتي وبعدها تكلم عن الخصوصية. الشيء الاكثر الي يهدد المنظمات والشركات هو غالبا يجي من الداخل وسببه انعدام الوعي الامني عند الموظفين، فالكورس هذا كان يغطي الجانب المهم الي هو كيف نحمي اصول الشركة (اشخاص والاجهزة) باستخدام التقنية وباستخدام المعرفة (نعلمهم كيف يحمون انفسهم) ف الكورس هذا يركز عالجانب هذا اكثر من الجانب التقني (رغم اننا تعلمنا كيف انظمة الحماية والتشفير تحمي من التهديدات الامنية والاختراقات) لكن التركيز الاكبر وخصوصا جزء البرايفسي كان عن كيف نحمي انفسنا رغم ان الحماية هذي تؤثر عالخصوصية. نقاش واسع وكلام كثير لكن الكورس كان جيد مش الافضل ك الكتف لانه ممكن يكون اثقل من كورساتك الثانية لكن خيار جيد.
الدكتور كويس لكن من ناحية قريدات صراحة مو افضل خيار