Digital Interview with Baker Hughes

وعليكم السلام

تفضل

تجربتي مع مقابلة بيكرهيوز, مع الاسئلة

 

هو فعليا يختبر مقدرتك على التحدث باللغة و كذلك يبغي يشوف كيف تجاوب على هالنوع من الاسئلة بطريقة ارتجالية

افضل حل انك تحضر لك سيناريو لكل سؤآل و تجاوب

 

بشرر وش صار معك ...
شطبيعة الاسئله الي جاتك !

 

الى صاحب الموضوع وكل من هو مقبل على التوظّف في شركة بيكر هيوز،
ان كنت على راس عمل ولو كان غير مريح لك (الاخوة العاطلين الله يوفقكم ولكم قراركم) فتمسّك بوظيفتك. لا تقبل عرض شركة بيكرهيوز ابداً.
الشركة تدس كثير من القوانين اللي ماراح تعرف عنها الا بعد ماتوقع العقد وتبدا العمل، مثلاً، جميعنا يعلم ان بعض الشركات في هذا المجال ماتعطيك مايسمى بالرق بونص (يومية وجودك في منطقة نائية) الا بعد مايصير لك بريك اوت (بعد عشر اشهر الى سنة)، ولكن يكون في المقابل ان عندك روتيشن ثابت (غالباً ست اسابيع عمل وثلاثة-اربعة اوف)، لكن في بيكرهيوز مالك لا بونص ولا روتيشن (تكون اون كول طوال السنة) مما يعني ان دام وجودك في الرق مايكلّف الشركة كثير فيخلّونك فيه اكثر من ست اسابيع (ثمان/عشر).
ايضاً قوانين الشركة غير واضحه ابداً وفيها الكثير من العقبات مثل نظام التدريب، بعض الكورسات اذا ما اخذتها بتكون نقطة سوداء عليك ولكن محد يقول لك وش هي (لانك في الرق والعالم ناسينك اساساً) فتكون كأنك موظف سيء بينما الواقع انك كنت مقطوع عن العالم (بدون نت او نت ضعيف جداً، وبدون ارسال).
تعامل المدراء (وخصوصاً الغير سعودي منهم) معك هو تعامل استعباد او عسكرية، بما انك اون كول، اذا ماكنت على مزاجه يرميك في الرق مدد طويلة (بعض الشباب جلس اكثر من شهرين.
هذا كله استغلالاً انه قيمة المهندس السوقية صارت نازلة فيعرفون انك وقعت معهم معناها انه مهما سوو فيك غالباً ماراح تقدر تلقى وظيفة ولا تبي تطلع عشان ماتكون عاطل.

الكلام هذا للاخوة اللي على رؤوس عملهم، نصيحة: لا تترك عملك مهما كنت غير مرتاح، فبيكرهيوز بتكون اسوء بأضعاف. أما الاخوة اللي ماعندهم وظائف فالله يكتب لكم اللي فيه الخير واذا مضطر فالله يرزقك كمل بحثك اذا دخلتها والله يرزقك اللي افضل منها.
تعديل: يصعب عليك بعد التوظف فيها التقديم على اخرى بسبب كونك في منطقة نائية، فغالباً ماعندك ارسال يتصل عليك احد الشركات، او ماعندك نت تقدم، واذا عندك هذي وهذي فأي شركة بتقبل انك تقول لهم خلّوا مقابلتي بعد (ست/سبع/ثمان اسابيع)؟
على كلام احد المدراء هو ان التوب مانجمنت مرتاحين بهذا الوضع اللي تسبب به كثره العطاله وماراح يغيرونه الا بعد مايشوفون ان كثير من موظفينهم الجدد بدا يطلع لوظايف ثانية (معناها بعد مايتعدل التوظيف بشكل كبير وهذا بعيد) انا دخلتها معي تسعة غيري وحتى الان سبعة تقريباً قدموا استقالاتهم من ثاني شهر (حسب كلام بعض الشباب اللي كنت معهم في الرق)


دعواتكم

 

لا اوافقك في كثير مما كتبته ، اولا ماهو مسماك الوظيفي
واظن انه يرجع للقسم اللي انت شغال فيه. اغلب الشباب لما يتوظفوا يقولوا لهم الروتيشن حقك كذا في كذا ولكن لا ادري ماهو وضعك !
وبخصوص البونص حسبما سمعت فبيكر من افضل الشركات اللي تعطي بونص
وبالنهايه ربما اكون غلطان ولكن هذا ما اعرفه وما سمعته

 

أخي الكريم، أنا اتكلم وانا موظف في الشركة، لمن سمعت منهم الاحترام ولكن أعتقد انه منطقياً الدقة في الخبر تكون لمن يتحدث وهو من داخل الشركة أكثر ممن يتحدث عن طريق سماعه عن الشركة.
عموماً الله يوفقك ومن يبحث عن وظيفة سواءً في بيكرهيوز او غيرها.

 

كلام جدا سليم و موافق للواقع

بحكم شغلي معهم سابقا و شغل كثير من اصحابي معهم ايضا في اقسام مختلفة

وارجوا من الجميع التمييز بين حالتين
الاولى
هي عندما يكون قبولك بكونك متخرج جديد , و هذا حرقيا ما ينطبق عليه في الاعلى وتستمر على هذه الحالة فترة ليست بسيطة , في اغلب الوقت تمتد من 14-20 شهر , وهو بحق مجازفة كبيرة وخطيرة , وقد يصل بك الامر الى الاستغناء عن خدماتك بشكل تعسفي . تحديدا هذا نمط الشركة الحالي.
يطلبون منك تغطيات العمليات في الموقع , ويطلبون منك بنفس الوقت اتمام بعض المهام , ولكن لا يمكن اتمام الاثنين معا و لا تعطى الوقت او المدة الزمنية لاتمامها. هي فقط كحجة او سلاح تستخدمه الشركة للاستغناء عن خدماتك بطريقة خبيثة مدروسة سلفا.

طبعا هذا ما يحدث حاليا , في السابق كان الوضع جدا مختلف ,
حيث ان متطلبات العمل و متطلبات التدريب والمهام المسندة اليك فيها توازن و تسعى لتطويرك وليس لاقالتك كما هو المنهج لدى اغلب الشركات النفطية .

وطبعا ابرز الاسباب لسلوك الشركات هذا المنحى هو الاسستغناء عن الموظفين بطريقة تعسفية وبالتالي انعكس على توزيع المهام في جميع الاقسام .

 

اشكرك على شفافيتك وطرح تجربتك بالشركة .. انت دخلت ضمن برنامج LEAD ؟

 

ممكن تعطينا مثال عن قسم معين
كم كان الروتيشن
الراتب
الكورسات
تعامل رئيس القسم

لاهنت ي الغالي

 

بشروا ياشباب وش صار معاكم بخصوص الديجيتل انترفيو؟ جاكم رد؟
جاني ايميل امس الليل الساعه 12 وعندي 5 ايام اسوي المقابله

اللي سوو المقابله.. جاتكم نفس الاسئله اللي موجوده بالرابط حق chem-eng12 ؟

احس الاسئله جامده لكن بسوي المطلوب