والله اعصابنا تعبت كثيررر لكن ما يأست

الله يفرجها عليك ويسهل دربك ويفتح عليك من باب رزقه
والله وانا اخوك الوضع نفسه مع الكل
اغلب الشركات الان تقول لك بنرد عليك خلال مدة بسيطة لاكن يقعدون فوق الشهر ولا يردون والمشكلة تتصل عليهم اما مايردون عليك او يقولون امورك تمام لاكن انتظر خلال هالاسبوع او هالاسبوعين
حالتك وانا اخوك احسن من غيرك ع الاقل عندك وظيفة وحياتك ماشية ,غيرك موب لاقي وظيفة ومعلقينه الشركات
اللي عليك انك تستمر بالاتصال بالشخص يعني كل اسبوعين او اسبوع ارسل له ايميل او كلمه وبكذا اهو بيخلص امورك بسرعة لان كثيرين يقولون ان الان في LACK OF JOBS يعني اصبر
اهم حاجة عيش حياتك واستمتع بالشي اللي عندك ولاتخلي الانتظار يقلب حياتك ونفسيتك
تذكر (وَفِي السَّمَاءِ رِزْقُكُمْ وَمَا تُوعَدُونَ)
موفق

 

والله ياغالي الحال من بعضه . انا نفس وضعك بالضبط قاعد احرق مخي بالتفكير والشركه والله ولا جابت خبر . والاسبوعين اللي معتبرينها فتره بعدها بيردون صارت الحين شهر . ولا منهم لا حس ولا خبر .

لكن اذا تعرف احد من المتقدمين معك حاول تراسله وتشوف اذا جاه رد ولا لا . لان مراسلتك للشركه نفسها احس تعطي انطباع ماهو زين .

 

السلام عليكم .. اعرف هذا الشعور اللي انت فيه تمام .. لاني حسيت فيه من قبل .. اخوي والله مابعد الصبر الا فرج ولاتدري وين الخير فيه .. مهما سويت من مقابلات .. رزقك مستحيل كائن من كان ياخذه منك الا الله سبحانه ..

اسأل الله لنا ولكم التوفيق

 

اكثر واحد حاس فيك انا واعوذ بالله من (انا)
انا انفصلت من شركتي بعد مولودي الاول بأسبوع وجلست سنة في البيت خلال هذي السنة سويت كذا مقابلة اكثر مقابلة حرقت أعصابي انا مقبول وبنرد عليك خلال اسبوع اتصل علي بعد اسبوعين انت مقبول لا تخاف وعلى هالحال لمدة 8 أشهر والحين الحمد لله توظفت في هذي الشركة بعد صبر وإلحاح على موظف آلات آش الي كل نهاية اسبوع كنت اتصل عليه