وظائف و مقابلات شركات SMP - أرامكو ، تحديث 21/9 مع ملف PDF , WORD

هل احد وصله الوصف الوظيفي ؟ job description ?

 

الفزعه ياشباب

عندي مقابلة smp مع ارامكوا الاثنين

واكدت بالايميل بالحضور لانهم مناديني بالاسم

هذا موقع المقابله

SMP CAD, Saudi Aramco, Dhahran (near the gate area)

ياليت احد يعلمني وين بالضبط لاني مو من اهل الظهران حاولت ابحث عنه بقوقل ماب ماطلع لي شي ! وحاولت اتواصل معي اللي ارسلي موعد المقابله مايرد لا اتصال ولا ايميل!!

اللي عنده علم ياليت يفيدني او يعطيني الاسم واحطه بقوقل ماب ويطلع لي المكان بالضبط!

وشاكر لكم

 

اتوقع هذا العنوان بس اتاكد مع الاتش أر اللي أرسلك الايميل.

Aramco employment center, munirah road, dhahran

حطه في خرائط جوجل يطلعلك

 

يا اخوان لازم تفهمون ان انتا كونك smp معناته ان المقاول يأجرك على ارامكو وشغلك كله ارامكو ،، اللهم راتبك وسيارتك وفوائدك فقط. كلما يتعلق بالعمل كله مرتبط بارامكو مالك شغل بالكونتراكتر ابد. وبالنسبة للسعودة هالكلام صحيح ، بس مب وهمية! ارامكو جالسة تبدا تسعود الاس ام بي وتتخلص من الاجانب بشكل تدريجي. يعني راح تكسب خبرة وفايدة باذن الله. موفقين

 

استفسار
مامعنى smp ؟

 

supplemental manpower

 

يعطيك العافيه

بس للأسف صارت حركه غريبه دق على عندك مقابله ولا تأجل ابد ارامكوا ماتبي كذا

وقلت له ماعندك مشكله وارسل لي الايميل قال اطبعه بعدين ارسل لي تفاصيل المكان

الا بعد ساعه يدق علي يقول تجاهل رسالتي واتصالي انت مااختاروك ارامكوا

طيب !! قايل اسمي كامل في البداية وقلت اختاروك وفجأه بعد ساعه مااختاروك

حركه غريبه جدا على انها كانت شي حلو نفس تخصص والمكان الجعيمه راس تنوره قريب من اهل بالجبيل

بس الحمدلله على كل حال
والله يرزقني بالافضل منها وللجميع ان شاء الله

 

ي جماعة الخير احد جاه اتصال من الحوطي قبل يومين بخصوص مقابلات في الظهران ? لان جاني اتصال وقال راح اسوي Recommendation للسيفي. ومنها للحين ما صار شي

 

أنا مثلك اتصلوا علي الحوطي, الفلك, جاتكو, والحقيط مرتين كلهم في يوم واحد مدري ايش السبب صراحة
وسألت الحقيط من بتردون
قال يعتمد ع أرامكو

 

أنا جاني إتصال من جاتكو الأسبوع الماضي
وصار معي نفس الي صارلك

 

برايكم نعاود الاتصال عليهم ولا هالشي يعطي انطباع سيئ لنا ؟ ولا نتركهم يمشون بجرائاتهم ؟

 

انا جاني اتصال من سراكو واعطوني موعد مقابلة في ارامكو

السؤال وش طبيعة المقابلة وهل هي كونتراكت مؤقت وبإمكاني التحويل لارامكو لاحقا او لا ؟؟

اللي عنده اي معلومة الله يعافيكم يفيدنا

 

انا عملت المقابله في جدة مع شركة ايرام طبعا نفس اليوم كانت في مقابلات عن طريق سراكو وغيرها
المقابله جدا بسيطه تكلم عن نفسك مشروع التخرج واذا عندك خبره يسالوك فيها اهم شي عندهم انك توافق تشتغل في اي بقه من بقاع الارض
الوظيفة كونتراكت مع سراكو كموظف ارامكو كل شي ارامكو فقط الموراد البشرية تكون شركتك الي موقع معاها
الترسيم يعتمد على شطارتك واجتهادك ورضى مديرك ووضع ارامكو
لو تقرى اخر 6 صفحات بالموضوع بتستفيد كثير جدا
وبالتوفيق

 

الله يوفقك ان شاء الله
بس سؤال سجلت فيهم بالنت او رحت لهم مقر الشركة ؟

 

الله يوفقك ان شاء الله
بس سؤال سجلت فيهم بالنت او رحت لهم مقر الشركة ؟

 

السلام عليكم :
اشكر الادارة على قبول العضوية

بدخل في الموضوع ,, قبل فترة سويت مقابلة نفس الوضع مع ارامكو عن طريق شركة البراك .. هذا الكلام بشهر مارس الماضي
طبعا المقابلة كانت عادية جادية مجرد اسئلة عامة وكلمة ورد غطاها مافيها ذاك التحشير او الاسئلة اللي مثلا ما عرفت اجاوب عليها او شي
بنفس اليوم لطعوني من الساعة 8 ونص صباحا الين 4 ونص العصر..
المهم جاني بعد 4 ونص وانا واصلة معي من اللطعة وكنت بخربها معهم بس تعوذت من بليس وجا اخونا في الله وقال نتيجة المقابلة ON HOLD
قلت شلون يعني اون هولد ,, قال يعني منت مقبول ولا مرفوض .. قلت له عادي اذا مرفوض قولو لي ما رح تكون نهاية العالم يعني قال لي اي شخص مرفوض نعطيه خبر ونقوله انت مرفوض لكن انت on hold وبنتواصل معك قريب


ومر اسبوع وتواصلت معه بالايميل وقال لي still on hold from aramco
وبعدها صرت اتواصل معهم وسحبوا علي سحبة اليمة الى يومك هذا ويتجاهلون الايميلات


بصراحة يا اخوان شعور السحبة يغبن ويكسر النفس خصوصا اذا كنت معطل وتبحث عن وظيفة على الاقل يعطوني رد بالرفض ولا يخلوني معلق كذا ..

فا يا اخوان احد صار له نفس الشي وابي اعرف ايش موقعي من الاعراب وايش معناة on hold ؟

 

والله ياخوي ماعندي خبر, بس بقولك ان رزقك كتب لك قبل لاتنولد وربك رحيم....اللي عليك تصبر والله يرزقك اللي تتمناه انت وكل من يقرأ.

 

القصد انو للان ماجات الموافقه من ارامكو للناس الي انقبلت بالمقابله قصدي الكشب الطبي وكذا في حالة انو جاء قبول شخص ولاكن الشخص رفض الوظيفه ممكن جالو عرض ثاني من شركة او كذا وقتها يتواصلون مع الاشخاص الي في الانتظار on hold
الله يكتبلك الي فيه الخير انا من الناس الي جالس انتظر موافقة ارامكو للان ما في شي جاء

 

السلام عليكم يا شباب

انا والله محتار جدا ولازم افضفض، جاني عرض من سراكو قريد ٨ !!!!! ايه قريد ٨ مع العلم معدلي 3 من 4 الراتب كله على بعضه ٩٠٠٠ ريال ويبون اداوم قبل ما تطلع نتيجة KYC ...السيناريو الثاني انو الان انا اشتغل في شركة صغيرة لها ٩ سنوات وصارلي لي فيها بالضبط اسبوع حتى لسه ما وقعت العقد الرسمي معاهم
الراتب افضل من smp فرق ١٦٠٠ ريال
والله خايف اطلع واروح smp وبعدين تطلع نتيجة ارامكوا واخسر الوظيفتين

والله يعلم صاحب الشركة هذا عسل مرررا ومحترم وعطاني حقي في الراتب مقارنة بحجم منشآته
وفي نفس الوقت smpالوظيفة بتكون في تخصصي اما هنا في الشركة الصغيرة الوظيفة ما هي في تخصصي
والله محتاس ما ادري وش اسوي

 

ياغالي انا نفس وضعك موظف وجالس استنى نتيجة kyc ما يقدرو يجبروك تداوم قبل ماتطلع النتيجة
انا من شركة ثانة مو ساراكو وكلموني وقلتلهم لا ابغا استنا بحكم اني موظف وقالو اوكي مو مشكله ماعليك قلهم بعد ما تطلع النتيجه اجي قبل كذا لا صدقني بيقولو اوكي خاصه انهم مستفدين من كل موظف يجي عن طريقهم
وبالتوفيق


شباب في احد جاء الرد بخصوص kyc

و الي داوم كيف الدوام 6 ايام زي مو هوا مكتوب ولا 5 وعدد الساعات زياده لما اني موقع على محاسبه في الدمام وليس منطقه نائية