الاستفسارات عن برامج المتابعة الجامعية ..

انا سجلت بسابك قبل شهر و ما ارسلوا لي شئ بعدها

 

وهذا نص الرسالة : ( من M.A (@iJevara1) | Twitter يعطيه العافية )




جاتني ذي الرسالة و قدمت و بعدين ماجاتني اي رسالة ع ايميلي ... احد صارله كذا ولا ايش الوضع بالضبط ؟ ... و التسجيلفي موقعهم قفل ؟

 

التسجيل في *

 

يا أخوان الله يسعدكم اللي جاه رد من سابك بعد التسجيل اللي كان قبل ٢٠ يوم تقريبا يعطينا خبر

 

^
ارسلوا رسالة تسجيل مع كود خاص لكل شخص
وبعدها حددوا يوم للمطابقة والاختبار, اللي هو امس الاحد 16 ابريل

 

انا سجلت وللحين ما وصلني شي !! متى ارسلوا ؟

 

أرسلوها قبل 11 يوم
هذا كان محتواها :
"

عزيزي الطالب/

السلام عليكم ورحمة الله وبركاته،

إيماناً من سابكـ بأهمية دورها في تنمية الموارد البشرية، فقد أطلقت عدة برامج لابتعاث الطلاب في مراحل تعليمية متنوعة.

ويسرها أن تدعوك للانضمام إلى برنامج سابك للابتعاث، الذي يهدف إلى استقطاب المتميزين من الطلبة السعوديين وابتعاثهم للدراسة الجامعية في جامعاتهم الحالية.

مزايا الابتعاث:

توفر سابك لطلابها المبتعثين خلال فترة ابتعاثهم المزايا التالية:

· مكافأة شهرية

· مكافأة إضافية للمتزوجين

· بدل كتب

· تأمين طبي

· بدل سكن

· تذاكر إركاب سنوية

· مكافأة للمتفوقين



فترة التسجيل و مراحل القبول:

تجد أدناه رابط الموقع ورمز التفعيل الخاص بك للتسجيل عبر الموقع علماً بأن رمز التفعيل خاص بك ويستخدم لمرة واحدة (فقط) ولا يمكن تعديل البيانات المدخلة بعد التسليم.

·

مراحل القبول:

1- مرحلة التسجيل

تبدأ مرحلة التسجيل فور استلامك لهذا البريد ويمتد حتى يوم الثلاثاء 14 رجب 1438هـ الموافق ) 11 ابريل 2017م (الساعة الواحدة ظهراً.

2- مرحلة مطابقة المستندات واختبار القبول

للطلاب الذين أنهوا مرحلة التسجيل سوف يكون اختبار القبول ومطابقة المستندات المطلوبة يوم الاحد 19 رجب 1438هـ الموافق (16 ابريل 2017م) وسوف يتم إرسال بريد مفصل لهذه المرحلة للطلاب المرشحين.

3- مرحلة المقابلة الشخصية

سوف يتم دعوة الطلاب الذين تم مفاضلتهم لإجراء المقابلة الشخصية التي ستعقد ابتداءً من يوم (23 ابريل 2017م) وحتى يوم (27 إبريل 2017م) .


مرحلة نتائج القبول

سوف يتم اعلان نتائج المقبولين ودعوتهم لإجراء الفحص الطبي بتاريخ (4 مايو 2017م).

رابط الموقع :
SABIC Sponsorship Program


رمز التفعيل الخاص بك هو *********

للتواصل:
يمكنك مراسلتنا على البريد الالكتروني [email protected]

مع تحيات إدارة البرامج التعليمية"

 

للطلاب اللي بيقدمون السنوات الجاية

امس اختبرنا اختبار الانقليزي واختبار المواد العلمية

اختبار الانقليزي كان سهل مثل اختبار تحديد المستوى اللي في بداية الاوريا
فيه استماع وقواعد وقراءة وباقي المهارات ما عدا الكتابة
المجموع 80 سؤال والمدة كانت 50 دقيقة

نجي لاختبار المواد العلمية وهذا شيء جديد اول مره يحطونه
الاختبار كان
8 أسئلة رياضيات
8 اسئلة فيزياء
9 أسئلة كيمياء
المجموع 25 سؤال والمدة كانت ساعتين

الرياضيات بشكل عام من ماث 101 وجاء سؤال واحد من 102 , فيه حل كثير ومستواه بيكون سهل للي توه ماخذه او راجعة بشكل سريع قبل الاختبار
الفيزياء بشكل عام من فيزكس 101 وكله حل ومعادلات ما عدا سؤال واحد نظري والمستوى كما في الرياضيات سهل للي يتذكرر او مطلع عليه قبل لا يدخل
نجي للكيمياء
الكيمياء والله مدري من وين جايبين اسئلتهم
9 أسئلة حليت منها سؤال واحد والباقي حقرة بقرة


وبس .

 

سابك ترد ب رفض ؟ لانهم ما ردوا علي

 

اذكر انهم يردون بالرفض

 

بخصوص ارامكو
بالنسبة للفحص الطبي
هل استلام رسالة الفحص الطبي تعني القبول
اوفي احتمالية الرفض
؟؟؟
و عادة كم الفترة بين الفحص الطبي و العرض ؟؟؟

 

استلام رسالة الفحص يعتبر قبول مبدأ ووممكن يكون قبول نهائي لمن مايكون عندك اي امراض وراثية خطيرة الله يبعدك عنها
المدة تفرق فيه ناس بعد اسبوعين وفيه ناس الى شهرين لمن وصل لهم العرض
تطمن واستبشر خير مدام وصلت لك اعرف انهم يبغونك ,اذا مافيك حاجة خطرة زي الايدز او امراض خطيرة ان شاء الله بتوقع العقد معهم هالسمستر
الف مبروك مقدما

 

الله يعطيك العافية

بس سؤال اخير
انا باقيلي صيف و ترم على التخرج
١٧١ اخر ترم لي
هل بيأثر على قبولي ؟؟؟

 

السلام عليكم , سؤال لطلاب ارامكو , كيف اقدر احصل على اليوزر نيم والباسوورد حقت الدخول لبورتال ارامكو, والشيء الثاني وش الاجراءات الي اسويها عشان اظل اراجع في مستشفى جوبنز هوكنز ؟

 

لا ان شاء الله ماله اثر لكن اذا كنت بآخر فصل هنا ممكن يرفضون

 

وش على سابك ؟
فيه احد جاه رد بعد المقابلة ؟
المفروض معلنين من 4 مايو على حسب ايميلهم والى الان ما جاء لا رفص ولا قبول !

 

^
نفس الوضع ماجاء شيء
حتى الشباب اللي اعرفهم ماجاهم شيء

 

هل من جديد في سابك ؟
سمعت ان فيه ناس انرفضوا ...
فيه احد انرفض او يعرف واحد انرفض ؟

 

يب
الثلاثاء ارسلوا لواحد من الشباب قبول الصباح
والظهر ارسلوا لي رفض
وواحد من الشباب ماجاه رد للأن

 

فيه احد هنا خريج؟

الان ايش الخطوه اللي اسويها ؟ اروح لبداح بعد إخلاء الطرف ولا قبل ؟ وهل هو موجود في الجامعه الان ؟