اولا ,,, يعلم الله ان كل ما اكتبه بذا التعليق هو حقيقي وصار تم 142 ,, بعض النظر عن المواقف الشخصية السلبية بيني وبين الدكتور,,
حبيت اكتب الرد علشان انصف الدكتور حسب بنود تقييم المنتدى ,,

بنود التقييم :

التحضير :
​

في اول اسبوع يشوف ادفر واحد في الشعبة ويخليه المراقب ,,, يعني هو اللي يحضر الطلاب ويحسب التأخير ويستلم الهوموركات وكذا ,, طبعا هو يثق بالطالب ولا يتابع وراه,,,

طريقة الشرح :
​

سلايدات خاصة فيه + يعطي مسائل غير محلولة ويحاول يحل بعضها في الكلاس

الكويزات :
​

اشوفها من المتوسطة الى الصعوبة ,, تقريبا قبل كل ميجر كوز

المياجر:
​

كومن

الفاينلات :
​

كومن

القريد النهائي:
هنا يختلف ,,, لكن الدكتور شرح ,, اعتبره جيّد,,, بسبب المسايل اللي يحلها ,,

الصوت:
واضح
​

+

إضافات :
حط في بالك انك راح تنزل مع دكتور قحطاني من الجيل السابق ,, فلازم تعرف كيف تتعامل معه



غير كذا فيه كلام واجد ,, بخليه في رد منفصل بوقت لاحق ,,,

تحياتي ​

 

عندي في جعبتي الكثير عن هذا الدكتور انشاء الله لي عود بعد الفاينل انتظروني.........

 

+1


من الاخر، افضل دكتور درسني في kfupm من اول ثانيه الى الان، حببني في الماده والدراسه وعزز ثقتي بنفسي ويبدا كلاسه وينتهي وانا ما احس.

احبك في الله يادكتور محمد عسى الله يوفقك ويسعدك وين ماتروح.

 

يغيب؟ ايه، يهزئ؟ ايه، شريح؟ ايه، كلاس فله؟ ايه، اي كلام غير هذا يعني ماعندك لا انت ولا غيرك سالفه .

 

يا عيال من الاخر وهالكلام انا مسؤول عنه:

الدكتور يقدر ويحترم المهتم والمشارك والمحترم، بتسوي في امها انك بتشبكه بالضحك والتسليك بيطقطق عليك لين تبكي، بتنسى كتابك وتسرح وتنام بيشرشحك، بتنسى الجداول بيشرشحك.

بالقابل: اي حركه ايجابيه في الكلاس عليها بونص، كلاسات بونص (نص من ميه)، حبوب وكويزاته حلوه، الكلاس والله ماتحس انه ٥٠ دقيقه.

يعيبه: ياخذ وقت زياده عن خمسين دقيقه لكن يقدر اذا كان بعدها عندكم كلاس، لكن اذا كان عندكم بعده بريك الله يعينكم [emoji81].

والاخ اللي يقول انه يقرا من الكتاب غلطان واكبر غلطان، الدكتور يوقف عند النقاط المهمه ويشرحها بتطبيقات حياتيه تخليك عمرك ماتنساها، مثلا كان عندي مشكله مع الوورك اوت والوورك ان، قام وقفني وخلاني اشيك الكرسي بيد وحده وبعدها قال حسيت بتعب ولا لا؟ قلت ايه قال خلاص هذا السائل داخل السلندر شال المكبس وتعب مثلك، لذلك الوورك نقتف [emoji81][emoji81][emoji81][emoji113].

واشياء كثيره بتنبسط فيها معه....

اقسم بالله العلي العظيم اني ما ربطت درجاتي مع تقييم الدكتور انما هذا الحق + كلام الاخ شدعوه .


وصلى الله وبارك .

 

ما أنكر الدكتور له سلبيات مثل ما له ايجابيات وذكرتها في التقييم لكن في النهاية
بعض الدكاترة طريقتهم سواء في الشرح او التعامل تتغير ... وعشان كذا في التقييم نحدد السمستر الي خذنا معاهم الكورس ..
ياليت نبتعد عن الجدال....في النهاية فيه شباب ثانيين راح يقيمونه فالي بينزل معاه راح يقرأ تقييم الكل مب بس تقييم عضو او عضوين

 

السمستر 151

المادة:ME-203

الشرح:- يستطرد كثير خارج الشرح وتضيع معاه افكارك في الكلاس يعني لا تستغرب مثلا قاعد يشرح first law of thermodynamic يروح بعد شوي يناقش قضية المجتمع مثلا وهنا انت راح تتخبط وتقول ياربي انا وش اللي خلاني انزل عند هالدكتور (قلت لكم من الحين علشان ماتستغربون).بالمختصر المفيد اذا بتنزل عند هذا الدكتور يبيلك تعتمد على نفسك في كل شيئ وهو للامانة ماراح يقصر معاك اذا رحتله الاوفيس وسئلته وطلبت انه يساعدك في شيئ لكن اذا انت حاولت انك تركز فقط على الكلام اللي في الشرح وسكرت اذنك عن الكلام الخارجي راح تفهم كثير .

التصحيح:- للأمانة التصحيح رائع جدا وحقاني وانا مستغرب منه في هذا الموضوع يعني اذا جوابك غلط راح ينقصك عليه غير كيذا راح يعطيك درجتك من غير ظلم .
الايجابيات:- بعد اول خمس محاضرات حسيت اني راح ارسب في هذا الكورس لامحاله والسبب طبعا هذا الدكتور وبعدها جلست مع نفسي وقلت لازم اعتمد على نفسي فعلا فقمت اذاكر بنفسي والحمد لله جبت درجات كويسه طبعا بسبب اني مو قادر افهم معاه(طبعا هو سبب غير مباشر وان هذي الايجابيات انا اللي تعبت على ماوصلت لها وليس هو والفخر ليس لهذا الدكتور بل لي انا وحدي لاني استطعت من خلال تجربتي الفاشله في الفهم معاه داخل الكلاس اني انمى عندي روح التحدي ولاعتماد على النفس ) .

1- صرت اعتمد على نفسي ولا واسمع كلامه ابدا حتى الاراق اللي يعطينا ايها ويقول انها مهمة اسحب عليها وماعندي شيئ غير الكتاب اعتمد عليه.
2-
3- اكتشفت ان كل طالب عنده القدرة والطاقه على انه يبدع ويجيب درجات خيالية حتى لو ماسمع كلام الدكتور بس لازم يصر على النجاح.
4-
5- مثل ماذكرت سابقا الدكتور هذا فاهم ومشاء الله عليه وعلى تفكيره لكن يجيب العيد صراح في الشرح.
6-
7- الدكتور عنده عقليه رائعة ماشفت ولا دكتور زيه هنا في الجامعة واحس انه قادر يبدع مو بس في الهندسة الميكنيكية حتى في مجلات اخرى.

8- دمه خفيف وعسل (الله يسعدك يادكتور محمد) ما تحس بوقت الكلاس ابدا من كثر التنكيت والسوالف يعني تضحك غصب معاه .


السلبيات:-
1- احس انا هذا الدكتور قادر على انه يعطي الطلاب ويفيدهم الكثير لكن اسلوبة وعدم قدرته الاستفادرة من قدراته وعلى الفصل بين مشاكلة الخارجيه والعمل تخليه يعطيني الشرح بهذا الاسلوب.

2- يحب الانتقاد كثير ويطلع حرته في الطلاب.

3- ينكت كثير و مايبي احد يضحك واللي يضحك كثير يحسبه ان قاعد يفرشله ويشب عليه.

4- خلال الكلاس احس اني مازلت في الثانوية حتى مرة نسيت نفسي وقدت اطبل على الطاولة(ايه الله يرحم ذيك الايام)

نصائح للدكتور والطلاب اللي رح ينزلون معاه:-
اتمنى ان هذا الدكتور يستفيد من قدراته وعلمه ويعطي الطلاب لان مشاء الله عليه واضح فاهم التخصص كويس وتعبان عليه وعنده من العلم الوفير وانه يقدر يفصل بين اي مشكلة خارجية والدوام , واتمنى من الطلاب اللي ياخذون عنده انهم مايأخذون الموضوع على محمل الجد لانه بعض الاحيان يقسي في الكلام لاكن احس انه مو من قلبه لان حريص على مصلحة الطلاب

كانت تجربه رائعه لي في الجامعة اني ادرس معاه والله يسعدك يادكتور محمد ويوفقك احبك في الله

 

درسني 315 هذا الترم (151)


النواحي العامة:
والله إني ما حبيت التخصص إلا بسببه!، قبلها كنت نادم جدا على دخول التخصص!
والآن أحب التخصص وأحس بحسرة بقلبي إني ضيعت الكثير فيه

الدكتور هذا يحببك في العلم من جد تخرج منه تسير تحب العلم.. دايما يقول لنا اصنعوا انتجوا شوفوا باكستان والهند عندهم نووي وإنتو خليكم كل شي تاخدوه من برا
دايما يولع فينا شرارة عشان ننتج ونصنع للبلد




الشرح:

كلاسه فلللللللللللللة صعب تمل منه (مع إن المادة ثقيييييلة جدا)

بتطلع فااااااهم
لدرجة وأنا أذاكر الفاينل مع واحد من كلاس ثاني، الولد انفجع من أشياء دكاترتهم يحطوا لهم قانونها في الاختبار وبس يعوضوا!
بس طلاب الدكتور محمد القحطاني يعرفوا كل قانون متى يستعملوه (ما تحفظ القانون لكن تفهم ليش تستعمل هذا وليش داكا)
يعني من جد تحس إنك راضي عن نفسك،، تحس إنك تتعلم مو تحفظ وتسمع

عنده خرائطه مجنوووووونة مرة ممتازة
ويا كثر من طلبوها من طلاب السكاشن الثانية

يحب إلي يسألوا أسئلة ذكية،، بس لو سألت سؤال غبي بتتهزأ وبعدها بيجاوبك ويقولك إيوا اسأل اسأل وما عليك تحملني

بشرحه تسير تهتم باشتقاق القوانين.. عادة الدكاترة وقت الاشتقاق الطلاب يسحبوا وما يركزوا معاهم، أما معاه بتنتبه من نفسك وتفهم!


الدكتور شريييييح، وفاهم.. ببساطة هو ملك الهيت ترانسفر


بالنسبة لكرفه:

ما كرفنا الصراحة، عادي هومووركات وتحل
ويرسل لنا دائما فيديوات تعليمية تفيدنا مواضيع الكورس (خارج المنهج يعني للاستزادة)،، مو إجباري تشوفها

بس بتنكرف بشي واحد: البروجكت

البروجكت صعب :$ بس الحق يقال إنه مرررة مفيد
هو البروجكت كان عن تصميم الفينز،، والفينز مادري ليش ماعليها كورس ديزاين بالجامعة
فتطلع من البروجكت وعندك خلفية طيبة عن تصميم الفينز.. أشوفه شي مرة مهم للمكانيكالز

يعني كلها أسبوع بس بتتعب وبدالها بتكون استفدت في شي مرة مهم
وغيرها ما في كرف



القريدات

قريداته عااااالية،، مو إنه يدف ويسلك، يعطيك حقك!

يقول أنا ما أهتم أعطيكم كلكم إي بلص لو تستاهلوا،، وفي نفس الوقت ما عندي مشلكة أعطيكم كلكم إف

تخبص بميجر عادي تقدر بالرااحة تعوض معاه
ولا يحطك بعينه ولا شي
بالعكس دايما يحمس الطلاب يعوضوا ويعطيهم فرص يجيبوا بونص


السياسة

الدكتور طييييييييب طيب تمون عليه
بس انتبه
ميانة ابن لأبوه وليس صديق لصديق
يعني لا تتجاوز خطوطك،، مو لدرجة النفسية، لا عادي خد راحتك معاه بس لا تتجاوز حدود الأدب





في النهاية
دكتور رائع بكل ما تعنيه الكلمة
يا ليته درسني فلويد كمان
لدرجة إني فهمت كثير منها من شرحه في الهيت،، واتحسفت عليها

الله يوفقه دنيا وآخرة جزاه الله خير وعافية

A++++++++++++++++++++++

 

مع اني بتروليوم ! لكن اخذت معه 203 هالترم واقدر اقول +ترليون .

 

إضافة
اليوم كنت أسولف مع واحد درس عنده ترم 141 (يعني قبل سنة)!!!
يقول لو تجيب لي الآن اختبار الهيت بأحله من شرح الدكتور!!

 

كنت كاتب كلام كثير لكن حذفته.. الله يستر علينا وعليه

لكن نصيحة، لا تسمع من طلاب الa+.. لأن لو جابوا لهم مدرس pe للفيزياء قالوا هذا أحسن مدرس فيزياء في العالم ..
لا اخلاق ولا شرح ولا تصحيح، لو في يوم من الايام كان باقيلي مادة وحده عالتخرج وهو الوحيد اللي منزلها بهالترم.. بأجلها وماراح اخذها حتى لو كان الثمن اني ادردب السمستر كامل

 

التحضير :
كان يختار واحد وخليه يحضر .
طريقة الشرح :
شرحه للمفاهيم جدا جدا ممتاز لكن العيب انه يطول في شرحها يعني مثلا اذا يبغى يقنعك ان البستن اذا يبغى يتحرك يبغاله طاقة(شئ معرووف !!!) ، تلاقيه ياخذ 5 دقائق لشرحها ،شئ ينفرز ويخليك تحسب ان الدكتور يشرح لحمير مو طلاب مكانيكا D.
زي ماقلت شرحه بطيء لكن ممتاز في نفس الوقت و ممتع ، والوقت كان يمر بسرعة في كلاسه لانه انسان اذا تحمس يقوم ويتحرك ويوقف الطلاب ويسوي امثلة ، ويسوي خرائط للقوانين وهذا شئ راح يفيدك في المياجر 100%.
نادرا ما يحل امثلة على السبورة ، واغلب شئ يحله هو امثلة الشابتر ويخلينا نحلها كل واحد مع مجموعته .
الكويزات :
كلاس تيست واحد قبل الميجر الاول والثاني قبل الفاينل سهلة مقارنة بالمياجر .
المياجر:
common
الفاينلات :
ما ادري اذا كومون او من الدكتور بس كان سهل جدا .
القريد النهائي:
B
الصوت:
واضح وعالي جدا .
إضافات :
الله يشفيه كان يغيب كثيير وماكان احد يحضر بداله الا نادرا .
الدكتور فصل علينا (السعوديين) بداية الكورس بس هو شريح جدا ، يكره احد يغيب او يتأخر عنده . لو كنت محترم ان شاء الله راح تسلم من تهزيائته .
فيه كلام كثير عن هذا المدرس بس هذي اهم الاشياء :o

 

Me203 - 162

التحضير : أول اسبوعين كان يحضر بس بعدين وقّف، ولا خصم درجات عالغياب
طريقة الشرح : عنده مشكلة بالركبة ف يجمّع الطلاب حوله ويشرح عالطاولة
الكويزات : ٧ كويزات ، يحذف أسوء واحد وكل كويز عليه ٣٪
المياجر: كومون
الفاينلات : كومون
القريد النهائي: A+
الصوت: واضح


إضافات : أنا سجّلت بالمنتدى بس عشان أكتب ذا التعليق، أول ما نزلت عند الدكتور "مغصوب، مافيه سكشن الا هو" ، جوني ناس واجد يقولون مسكين ومدري ايش، بس والله لو بيدي إني أنزل عنده مادة ثانية وثالثة بعد.
دكتور يحاول قدر المستطاع ان الواحد يفهم المادة، يخصص من وقته عشان ينزّل ڤديوات باليوتيوب شرح "اكتب باليوتيوب د.محمد شايع القحطاني وشف قناته"
حصته تمشي بدون ما تحس فيها، ينكّت و يستطرد أحيانا ، يعني مب من النوع الكريه.
البونس عنده برييييااااال، تحضر كلاس بالليل ؟ بونس، تشارك معه وتصحح له خطأ ؟ بونس، ارتفعت قريد بسبّت هالبونس

كان عنده سكشن واحد ME203 و عددنا 15
الفاينل قريد بنهاية السمستر كالآتي:

2 A+
4 A
2 B+
2 B
1 C+
1 C
1 D+
2 D

بالأخير ، أنصح بالدكتور وبقووووة ، وحتى لو قال لك بالبداية "اذا ما اعجبك نظامي دردب" لأن فيه ناس دردبوا و تحسّفوا بعدين..

الله يجزاه خير أبومجاهد

 

سميستر ١٧١،
ME315
طريقة الدكتور مختلفة وممتازة هذا السميستر
كل اسبوع ينزل ١٠ فيديوات تقريبا تلخص كل واحد منهم في ورقة A4 والكلاس غالبا يكون حل مسائل اضافية ومرات يعطيك bonus quizzes، عطانا مرة كلاس بالليل اي احد جا عطاه bonus ..مفيدة جدا لك اذا جبت العيد بالميجر مثلا.

انا بتخرج قريب واقولك ان الدكتور محمد من افضل الدكاترة اللي درسوني تعاملا و شرحا واذا شاف طالب ضعيف يركز عليه عشان يشد حيله
وتحسه يبي يعطيك A+ وحريص على ذلك .
ويستانس اذا متوسط درجات طلابه كان مرتفع ويشجعهم بbonus زيادة

عموما انا اللي اسعفني ان هالسميستر فاضي نوعا ما عندي الا ١٣ ساعة .. فكان عندي الوقت اني اسوي الفيديوات واستفيد منها وسهلت المادة علي جدا

القريد النهائي : للحين لكن متفائل خير
والمادة عنده ستاندرد
انصح بالدكتور

 

Me203 -172
التحضير : اعطى ورقة التحضير لطالب, والطالب يحضر يوميا (يحضر حتى لو غاب الدكتور). يخصم نص درجة على كل غياب.
طريقة الشرح : شرح كويس مره وكلاسه ممتع نوعا ما.
الكويزات : 4 كويزات بالترم, صعبة, وكلها مفاجأة وعلى كل واحد 3%
المياجر: ---------
الفاينلات : ---------
القريد النهائي: F
الصوت: واضح

إضافات : الدكتور له طريقة معينة ممكن تناسب البعض وممكن ما تناسب الاخرين.
1-عنده نوت تاكنق, كل نوت تاكنق عباره عن مقاطع رافعها الدكتور على اليوتيوب والطالب لازم يلخصها وفق معايير الدكتور, النوت تاكنق هذي تأخذ وقت طويل وجهد متعب مره خصوصا ان بعضها كان فوق العشر مقاطع وبعض المقاطع تتجاوز مدتها العشرين دقيقة.
2- نظام الكويزات اللي كلها مفاجأه تطير عليك الدرجات زي السلام عليك.
3- الدكتور كان يغيب بعض الايام( بدون ما يعطينا خبر) وبعدها يخلينا نداوم بليل.
4- نظام التصحيح كالتالي: يبغى يشوف حاجات معينه مب بس اجابات, بعض الاحيان تكون معلومات بسيطة فانت ما تكتبها فيخصم عليك, لكنه كان يذكر في المحاضرة كيف طريقة تصحيحه ووش الخطوات او الرسمات اللي يبغى يشوفها.
5- عنده بونص بعضها سهل والبعض صعب مره, ودف بعض الطلاب نهاية الترم.
6- الدكتور شرحه كويس مره ورافعه على اليوتيوب.
7- الكورس ما تدري كيف جاي, السيلبس كان يحتوي التشابترات اللي معنا فقط, لا يحتوي الدروس اللي معنا والدروس اللي ماهي معنا واذا سألت الدكتور يزبدلك.
الدكتور واضح انه يبي مصلحة الطالب لكنه يعاملنا وكأننا اطفال لا نعرف مصلحتنا, يعني يعتقد ان الكويزات الفاجأه بتخلي الطلاب يذاكرون, ويعتقد ان النوت تاكنق سوف يجبر الطلاب على مشاهدة المقاطع.
المادة بسيطة جدا لكن الدكتور الله يهديه معقدها, أرى تجنبه خصوصا اذا انت طالب سلف ستدي.

 

Me203 - 172

التحضير : يعطي طالب ورقة بداية الترم و يصير التحضير عنده الى النهاية الترم, و التغييب يكون للطلاب اللي يدخلون بعد الدكتور, و هو غالبا يتاخر 10 دقايق عالاقل.

طريقة الشرح : يجمّع الطلاب حوله ويشرح عالطاولة, و بعض المرات يقول شوفوا هالفيديو في القناة ما راح اشرحه. و عطانا كلاسين مسائية عليها بونص 0.5%, الكلاس المسائي ما منه اي فايدة, مجرد يجمعنا و يجلس ساعتين عشان يشرح سؤالين بس,مع أنه يكون مخطط يشرح لنا ثلاث أو اربع أسئلة(الساعتين هذي أغلب وقته يقعد يشطح و يتكلم في حاجات ما منها أي فايدة).
الكويزات : 4 كويزات ،3 منها جتنا على تشابتر و كلها كانت مفاجآة و صعبة و كلها كانت في أول أسبوع و كل كويز عليه 3%, و أفرجه دايم طايح في الكويزات و المياجر, أقل من أفرج الدكاترة الباقيين بكثير. (EX1=51% EX2=58%), الفاينل ما عطانا الدرجة, جحفلنا بالقريد النهائي في البورتل.
المياجر: ماهي كومون مع أنه كان الكوردينيتر, الى أنه كان فيه دكاترة يحذفون أصعب سؤال على طلابهم, إلى هو ما يهتم في التساعد مع طلابه الى بالعكس تحسه يستمتع بجلدهم(في إعتقاده أنه كل ما كرفهم كل ما نفعهم).
الفاينلات : كومون
القريد النهائي: D
الصوت: ممتاز و فاهم المادة, بس أنه ماهو بقادر يوصل المعلومات للطلاب بشكل كويس لأنه يضيع وقت كثير,و سهل أنه يخرج عن الموضوع و يضيع وقت في موضوع ثاني.

الإيجابيات:
1-قناته في اليوتيوب, للي يبي الفائدة فقط (أما اللي ينزلها عنده بياكلها معه و بيشوف أغلب فيديواته غصبا عليه).

السلبيات:
1-النوت تيكنق اللي تاخذ وقت و جهد ز بدون فائدة تذكر, لأنه يحشر لنا 15 فيديو في نوت تيكنق واحد, و نشوفها غالبا و احنا مجبورين.
2- ما عنده نظام واضح كل شيء عنده يمشي بالبركة.
3- التصحيح متوسط يميل الى السيء (مع أن درجاتي أعلى من الأفرج ب 20% عالأقل).
4- الدكتور يعتقد أن بيغير العالم بهالمادة.
5- يشطح كثير بطريقة تغث فلا تستغرب إذا قام يتكلم لك عن أيام ما كان يعاني مع الثيرمو أو عن ولده مجاهد ... .
6- الدكتور شديد بطريقة تجيب الهم و تصحيحه للهوموركات و المياجر تصحيح شخص حاقد و بس يبي ينقص.


نصيحة أخيرة, لا أحد ينزل عنده والله أن تكره عيشتك معه مع أن المادة سهلة ماهي صعبة و لكن معه بتصير المادة غثيثة.

 

التحضير :
معطي الورقة لطالب و يحضر كل يوم (حتى لو الدكتور غاب)
طريقة الشرح :
تتفرج على مقاطعه و تجي الكلاس يحل مسألة بالسبورة
الكويزات :
كويز واحد كان عليه ١٠٪؜ ونهاية السمستر حط كويز بونص
المياجر:
الطلاب يصححون المياجر ، يختار كم طالب في الكلاس (حسب ادائهم ) و يعطيهم السلوشن و يصححون له
الفاينلات :
درجات الفاينال ما تهم بالنسبة له خصوصا انه مسوي معادلة بدرجاتك السابقة يحدد درجة الفاينال (يعني بالعربي ما يبي يصحح)
القريد النهائي:
F و ما انصح فيه ابداً
الصوت: عالي مرات يكون مزعج
إضافات :
الدكتور للأسف عنده شيء نفسي ، كان بوقتنا يجي يوم مروق و يوم سيء (على قولته هولاكو السعيد و هولاكو الحزين) ، صارت بيني وبينه مشكلة اذكر بالترم و شرحوا لي الادارة انه ما يتحكم بتصرفاته احياناً ، الدكتور طيب لكن الله يعينك اذا كنت دائماً على لسانه ، يستخدم اسلوب اضغط على كم طالب عشان يكونون عبرة للبقية ، اتمنى من كل قلبي ان الجامعة تنظر له و تعرف ايش يصير من الدكتور من مخالفات للأنظمة.

اذا كنت بتنزل المادة مع الدكتور ، انصحك تستخير و تشوف لك دكتور ثاني ، و اذا انحديت عليه انصحك تكون في مكان مو ملفت للدكتور ، و اذا لاحظت ان الدكتور بدا يتصرف معاك تصرفات سيئة انك تسجل المحاضرات صوتياً للأحتياط

 

ترم 192 "ترم الكورونا " .. مادة me204
التحضير :- ما فيه تحضير وحضور الكلاسات اختياري
الواجبات ملغية وتعويض درجاتها بكلاس تيست

الشرح:- قناته في اليوتيوب مرجع عظيم لكل طلاب المادة .. شرح اسطوري يدخلك بأجواء التخصص وتحس نفسك مهندس جد .. مهما قلت ما اقدر اوفي حقه في الشرح
اضافات:-
الدكتور من بعد ازمة كورونا وهو يفصل علينا كثير! كلاس تيست وقته المعقول ساعه ونص يعطينا 40 دقيقة يقول عشان ما تغشوا.. وكان الوضع معنا تهديد ووعيد
لكن بالنهاية الدكتور يبي مصلحة الطلاب وهالشيء ما يختلف عليه عاقلين .. انصح بالتسجيل عنده للي وده يستمتع فعلًا بالتخصص

تقييمي له A

 

201 - ME311
(ترم أونلاين من أوله لآخره) - التقييم كاتبه صديقي

تقسيم الدرجات كان
50% تستات
15% ميد تيرم
10% اختبار ما قبل الفاينل
25% فاينل

التحضير:
كل كلاس عن طريق البلاك بورد أوقات ينادي بشكل عشوائي وكل غياب خصم 1% وفي حال ناداك وما رديت يزعل مره وممكن حتى يخصم أكثر من 1%.
+ لازم تحط صورتك في البلاك كولبرت او خصم.
على نهاية الترم آخر أسبوعين الحضور صار اختياري.

البونص:
بداية الترم كان يسأل واللي يجاوب بعض الأحيان له 0.3% بونص.

الشرح:
رهيب وبالعامية نفس مقاطع اليوتيوب.

التستات:
8 كلها عليها 6% إلا واحد 8% واغلبها ريتن على يونت او اثنين من مقاطعه، طبعا النظام تحل بورقة وترفع الحل عندك ٥د بدون كاميرا والوقت يتراوح ما بين ضيق ( بالقوة تخلص على الوقت ومع العجلة ممكن تغلط) إلى غير كافي (مستحيل تقدر تخلصه كامل وحصلت كذا مره).
ملاحظة: احد التستات كان تلخيص واحدها كان لونق تست مدته ٥ ساعات.
طبعا في حال ما سلمت خلال ال٥ دقايق مهما كان عذرك بتاخذ صفر وحصلت على الأقل ل٧ طلاب في أحد التستات حسب كلام الدكتور يعني 0/6%.


الميد تيرم:
أول بارت كان خيارات تحل بورقة وليس عن طريق البلاكبورد نظامه كالآتي:

1. أسئلة كونسبت وعددها قليل تختار الإجابة بدون حل.

2. مسائل قصيرة ولازم تكتب الحل وتختار الإجابة الصحيحة، إذا شوزت صح بدون حل= صفر، وإذا شوزت غلط حتى لو فيه حل= صفر ما في بارشيل!

البارت الثاني والثالث مسائل طويلة، آخر بارت كان عبارة عن سؤال اشتقاق قال انه ما يجيب هالنوع من الاسئلة في أحد مقاطعه وهو يشرح فكره مشابهه، طبعا جابه والآفرج لذا السؤال كان 33%. افرج الميد كامل كان 57%.

اختبار ما قبل الفاينل:
كان على أكثر من نص الماتيريل خيارات بنفس نظام اول بارت من الميد لازم حل والتشويز بصفر وما في بارشيل والوقت ضيق والأفكار متنوعة وبعضها جديدة.


الفاينل:
كان على شباتر محدده والوقت جدا جدا ضيق للبارت الأول كان عبارة عن ٣ فقرات أحد الفقرات توجد hp لمعادلة فيها 8hL ، أغلبنا ما قدر يخلص إلا أول فقرة وقليل حل الثانية ، والعجيب الدكتور راسل ايميل مستغرب انه محد حل الثالثة!!! البارت الثاني كان الوقت ضييق يا دوب تخلص لو فاهم، الأخير كان فيه فكرة جديدة اشتقاق.

ما انصح بالدكتور ابدا ابدا خصوصا بالاون لاين (تابع مقاطعه على اليوتيوب رهيبه بس شف اي احد غيره) كنا طول الترم نخاف يفصل علينا في أي لحظة + اغلب التستات كانت ويكند ومره جمعة حتى!

أكبر سلبيتين كانت:

١. الوقت الضيق للتستات والميد والفاينل والمبرر (الغير منطقي) انه في النهاية آفرج بدون أي اعتبار أنه لو كان الوقت كافي لحل الامتحان كامل كان بيصير فيه تباين بالدرجات ، ممكن اول فقرة بالسؤال طويلة بس سهله للجميع والثانية هي اللي تميز بين الفاهم وغيره ! بس لا ، النظام نقلل الوقت ونقول آفرج!

٢. اختباراتنا كانت بدون كاميرا يعني طبيعي واجد يغشون والآفرج مرتفع في بعض التستات، كذا مره جاب أسئلة يقولون حلولها ب chegg .


ما اعطانا واجبات ولا بروجكت، حول درجاتهم لتستات.
شي طبيعي تطلع فاهم ومدرك المادة بس بقريد نازل لأنك خبصت في كم تست او حصلت مشكلة وما قدرت تسلم في ٥د.

الآفرج = c للكورس، كان إجباري من القسم بحسب كلام الدكتور.

 

الدكتور يمشي الحال لكن اتوقع ان في تعامله شوية favouritism حسب اللي شفته في الثيرمو2