المدة الزمنية لإجراءات توظيف أرامكو

السلام عليكم يا اخوان
انا طالب مبتعث و مقدم طلب من تاريخ 19/11/2016
اول اتصال و ايميل بالمقابلة كان في بداية مارس
و بنفس اليوم ارسلوا لي الاختبار و قالوا لي الافضل تسويه قبل المقابله
سويته و خلصته بنفس اليوم و بعدها بيومين سويت المقابله مع قسم و ما تم قبولي فيها

و الثانية كانت في تاريخ 10/05/2017 و في قسم ثاني تماما
بعدها بيومين جاني منهم ايميل انه سو الفحص الطبي و تعارض المصالح و KYC
الفحص سويته بعد الايميل بيوم و الفورمات الباقيه سويتها بنفس اليوم
بعد الفحص و بنفس اليوم ارسلوا لي العرض و وافقت عليه
كل هذا صار بيومين
و مر على الموافقه و اكتمال الاوراق فوق الشهر و الى الان مافيه اي شي جديد و ما زلت انتظر منهم اي رد

الله يسهلي لي و لكم جميعا كل امر عسير

 

اللي مر للحين ٨ ايام مدري كيف مر شهر او يمكن قصدك شهر ٤ .. واضح بعد من خلال مشاركات الاعضاء الاخريين ان الاجراءات احسها نوعا ما متوقفه لكن الله يكتب اللي فيه الخير

 

اقصد شهر ٤
الحين كملت تقريبا ٥ أسابيع

 

بسألك انت قدمت وسويت الاختبار في مقر البعثة ولا كيف ؟؟؟

 

السلام عليكم، كل عام وانتوا بخير وشهر مبارك عليكم يارب الله يبلغناه اعوام عديده ويتقبل منا ومنكم الصيام والقيام.

طوال فترة الانتظار لشركة ارامكو كان هالموضوع يهونها علي لأني ادخل اشيك بإستمرار واقول ان شاءالله قريب. المنتدى هذا له فضل علي كثير سواءً بالبحث عن الشركات او معرفة الإجراءات وغيرها. عشان كذا حاب اشكر كل القائمين عليه والشكر موصول لجميع الاعضاء ربي يعطيكم العافيه.

وكجزء بسيط جداً من رد الجميل، بنقل لكم المده الزمنية اللي مريت فيها بإجراءات التوظيف بالتفصيل، مع العلم ان الموضوع يختلف من شخص لشخص ودائرة لدائرة قد تطول المده أو قد تقصر. عليكم بالدعاء والصبر ومحد يستغني عن دعاء الوالدين وبرهم.

للمعلومية: أنا مبتعث خريج جامعة امريكية بتاريخ 16 ديسمبر 2016 وتخصصي هندسة ميكانيكية والحمدلله.

التقديم: 22 اغسطس 2016 (عن طريق الموقع)
أول اتصال: 5 فبراير 2017
المقابلة: 16 فبراير 2017 (المقابلة كانت مع Unconventional Resources)
ايميل بخصوص الاسيسمنت تيست اونلاين: 28 فبراير 2017 (خذيت كم يوم عشان اسويه وخلصته بتاريخ 7 مارس 2017)
ايميل بخصوص الفيرفيكيشن تيست: 16 مارس 2017 (حجزت موعد بمكتب التوظف وسويته بتاريخ 21 مارس 2017)
ايميل بخصوص الفحص الطبي: 16 ابريل 2017 (حجزت موعد وسويته بتاريخ 19 ابريل 2017)
ايميل ال KYC التحقيق الأمني: 17 ابريل 2017 (خلصته لهم وارسلته بنفس يوم الفحص الطبي 19 ابريل 2017)
العرض الوظيفي: 18 مايو 2017 (وافقت على العرض الوظيفي وارسلته لهم بتاريخ 21 مايو 2017)
ايميل بخصوص COI تعارض المصالح: 22 مايو 2017 (سويته لهم اليوم بنفس الوقت وارسلته)
اليوم جاني اتصال بعد ما ارسلت ال COI تقريبا الساعه 3 العصر اني جاهز لتوقيع العقد
توقيع العقد: 25 مايو 2017
المباشرة: الأحد 28 مايو 2017

طبعاً قلت لهم بوقع القعد وعطوني مده ودي اقضي رمضان مع اهلي قالي دائرتك مستعجله عليك.. (طيب لو مستعجلين علي كان خلصتوني من بدري مو يوم جاء رمضان قلتوا تعال )

الحمدلله رب العالمين الله يرزقكم يارب بالوظيفه ويهون عليكم فترة الانتظار، ولاتنسون الدعاء في صلاتكم.
أي استفسار انا حاضر.

 

السلام عليكم

 

السلام عليكم انا سويت مقابله يوم المهنه مع نفس الدائره التي انهيت اجراءاتك معها ثم ارسلوا الاسسمنت وانهيته واليوم انهيت الفريفكيشن ماذا تبقى وهل أسوي الفحص الطبي باي مستشفى ام لازم مستشفى ارامكو افيدونا

 

وعليكم السلام.
اذا نظام الدائره ذي واحد مع جميع المتقدمين بيكون باقي لك الفحص الطبي، وتعبي فورم KYC وبعدها العرض الوظيفي وال COI وبعد كذا توقع العقد ان شاءالله.

الفحص الطبي هم يحددون لك اي مدينه انت فيها او قريبه منك من بين الرياض او الظهران او جده اعتقد و مدينه بعد نسيتها، وكل وحده من هالمدن فيها مستشفى واحد متعاقد مع ارامكو للفحوص الطبيه تختار واحد منها وتروح تسوي الفحص. بالتوفيق

 

التخصص: هندسة حاسب آلي
التقديم: خلال رابط جاني على الايميل من وكالة التطوير والتدريب ليوم المهنة في ديسيمبر 2016

20 نوفمبر
اختبار الـSHL

5 ديسيمبر
مقابلة أ: مع قسم الـPetroleum Engineering and Development

31 يناير
جاني ايميل بخصوص اختبار التأكيد

15 فبراير
مقابلة ب: مع قسم الـUnconventional Resources

7 مارس
مقابلة تعقيبية مع قسم الـUnconventional Resources

14 مارس
جاني ايميل اعتذار بعد وجود وظائف شاغرة في الوقت الحالي من الـ[email protected]
ويبدولي انها رسالة اتوماتيكية والله أعلم لأن المعاملة طولت

21 مارس
جاني الـKYC أو ما يعرف بالـBackground Check

10 أبريل
جاني أوفر من قسم الـPetroleum Engineering and Development

11 أبريل
جاني الفحص الطبي والـCOI وخلصتهم يوم 17 أبريل

18 ماي
كلموني بخصوص توقيع العقد والمباشرة

25 ماي
توقيع العقد

28 ماي
المباشرة

 

شباب انا اخذت فتره طويلة بعد المقابلة
7 شهور تقريبا هل ارسل لهم رسالة
او انتظر افضل ؟

 

الحمدلله الذي بنعمته تتم الصالحات
التخصص: هندسة ميكانيكية ( خريج جامعة أمريكية )
التقديم: عن طريق موقع ارامكو( Saudi Applicant) في شهر فبراير

16 فبراير
Assessment test

9 مارش
مقابلة مع الNAOO

14 مارش
Verification test

6 ابريل
Background Investigations

16 ابريل
كشف طبي

3و 4 ماي
عرض وظيفي و COI

17 ماي
اتصال لتوقيع العقد في 24 ماي

28 ماي مباشرة العمل
الله يوفقكم يا شباب وتحصلوا ما تتمنوا

 

رد على الايميل حق المقابله او كلمهم

 

ماشاء الله .. كل التوفيق يارب .. وين عينوك بالضبط !؟

 

بالنسبة للكي واي سي.. في خانة تقول هل عليك اي مخالفات مرورية في اخر ثلاث سنوات او لا و اذا عليك اكتب تفاصيلها في الخانة المخصصة..

انا علي مخالفة واحدة و هي وقوف خاطئ في شهر ١/٧/٢٠١٤.. هل تنصحوني اكتبها ولا اتركها؟ رايكم لا هنتوا خصوصا من اللي عبوا الفورم..

 

نفس السؤال ^^^

انا صراحة ما فهمت السؤل زين وحطيت الجواب لا مع ان عندي مخالفات سرعة

وش تنصحون ؟

 

اللي اعرفه و متأكد منه انهم يشيكون على ابشر و يطلع عندهم كل شي عنك مسجل برقم احوالك بس ما اعرف هل يأثر وجود المخالفة ولا لا خصوصا انها مخالفة عادية مافيها خطورة مثل قطع اشارة او سرعة عالية و كانت من فترة طويلة بعد..

ياليت احد من اللي عبوا الفورم يفيدنا في هالنقطة...

 

الله يبشرك بالخير...

 

عندي استفسار:
كم المدة اللي تنتظرها عشان يردون عليك بعد ما تسوي الفحص الطبي؟
هل يكلمونك او يرسلون ايميل ؟

 

نفس السؤال يارجال

٣ شهور اجراءات قسم بالله نفذ الصبر لكن لعله خير