مشورة للمهندسين والموظفين

عليكم السلام ورحمة الله وبركاته

إنتقالك لشركه أخرى المفروض يكون له سبب إما شركة أكبر وبيئة عمل أكثر إحترافيه أو على الأقل راح تضيف لخبرتك من ناحية أن الشركة الجديدة مجالها أوسع أو أهم سبب إن العرض الوظيفي أعلى.
في حال كان الراتب نفسه ومستوى الشركة واحد ليش التغيير !
من الجانب النفسي ماتضمن هل البيئة الجديدة جيده؟
وفي حال إنك واثق انها افضل ويهمك جدا ان نفسيتك تكون تمام في وظيفه هي اساسا مؤقته ف روح للشركة الجديده.

غير كذا إمسك مجنونك لا يجيك أجن منه

وأسأل الله أن يحقق لنا مانتمنى
وربي يوفقنا وياك.

 

نصيحة، خلك في وظيفتك دام مافيه فرق كبير بينهم على كلامك

و لكن

حدث حسابك في لنكد ان بالوظيفة الجديدة واضف كم واحد من الموظفين الموجودين معك كنوع من توثيق انك صدق موظف
وشف الفرق بالزيارات على حسابك لان الكروترز احيان ما يبحثون باسم التخصصص وانما يبحثون بسمى وظيفي معين.

غير كذا انت كمان ابحث باسم وظيفتك الحاليه بلنكد ان واضف الموظفين العاديين وموظفين الاتش ار، على سبيل المثال انا اضافوني ناس بمسماي الوظيفي على انه ضعيف لكن شفتهم مسوين زياره وبعد فتره سألتني موظفه عندنا عن اذا كنت اعرف شخص ممكن يتوظف فا ماعرف احد الا اللي زارو حسابي وقلت لها على انه مالي دخل بالاتش ار.

هذي بعض النصائح البسيطه بحكم اني بسيط وجديد بسوق العمل

 

ما اضيف على كلام الشباب
اذا مافي فرق خلك على وظيفتك ما تسوى تنتقل من وظيفة الى وظيفة بنفس المستوى الانتقال لازم يكون لشئ افضل من اللي عندك
لان انتقالك من وظيفة لوظيفة بنفس المستوى والراتب راح يأثر حتى على سيرتك الذاتية .

وشكرا

 

طيب المفروض انك تسأل مسؤولي التوظيف في الشركه اللي بتنتقل فيها عن التطوير الوظيفي ، ممكن الشركه فيها تطوير وظيفي بس انت ما عندك خبر .

على الاقل تكسب دورة في مجال تخصصك او شهادة مثلا ..

 

أنا برأي تنقل و تروح للشركة الجديدة. تنوع وتعدد الشركات في السي في يدل انك مرغوب
الله يوفقك

 

كأنك توصف حالي .. وانت بعد نفس تخصصي !

ممكن تفكر في نقطة .. مجال عمل الشركتين.. وهل لو قعدت في وحدة فيهم فترة هل الخبرة (أقصد مجال العمل) مناسب لأجل تقدم به في شركات أفضل؟ أظنها حتفرق معك في هذي الشغلة..

عني أنا جاتني فرصة في شركة أخرى في نفس مستوى الشركة اللي أنا فيها وقررت أبقى على مجنوني

 

السلام عليكم ورحمه الله وبركاته

اخوي انا نفس وضعك تخرجت ف بدايه 2017 ولم اجد وظيفه في مجال تخصصي انا حاليا موظف في شركة غير عن مجال تخصصي تماما راتبي 7400 وبيئة عمل 70 ف الميه اردنين وفلسطينين اقسم لك بالله اني كاني مبتعث خارج السعوديه واعيش نفس الوضع اللي انت عايش فيه اداوم 8 اطلع 4 واحيان 5 والشغل يخلص ف دقايق معدوده فقط انتظر ساعات الدوام تنتهي .. اللي بقوله لك خل املك في الله قوي صدقني انا مريت في مرحله صعبه بعد ما تخرجت لدرجه صرت ما احب اجلس مع احد والتفكير هلكني مع العلم انا درست 5 سنوات ادرس ف الرياض واهلي ف الشرقيه وحاليا موظف في الرياض يعني ما زلت مغترب وهذا الشي زياده عن هم الشركه ومموظفينها يزيد الهم والغم .. لاكن خل عندك امل ف الله وان البدايه دايم صعبه وانها فتره وتعدي الحمد لله احنا معنا سلاح وهو الشهاده كيف اصحاب الثانويه واصحاب الكفاءه؟ في نهايه الامر احب اقولك انا صرت اعود نفسي على التفائل وان الله كاتب لك الامان الوظيفي والرزق اللي يكفيك بس "في الوقت اللي يحدده ربك" وخليك دوم مبسوط ... والصبر ثم الصبر ثم الصبر .. وعسى ربي يرزقنا ويرزق كل شخص عاطل.

 

اهم شي في الوظيفية اذا تبغا تكون ناجح
١- تجاهل السلبيين
٢- ثق بالله ثم نفسك
باختصار شديد

 

الحمدلله على كل حال اكثرو من الدعاء ياخوان في العشر الاواخر والله يرزق الجميع بالوظايف الزينه انا تخرجت بدايه ٢٠١٧ وسويت اكثر من ١٠ مقابلات ولاكن للحين مافيه نصيب واغلب المقابلات كانت ايجابيه وكلامهم المعروف خلال اسبوعين نرد عليك ومرت ايام واسابيع وشهور ولا احد رد واحيان اسوي اكثر من مقابله مع نفس الشركه وبعدها يختفون على الاقل المتوظفين حالهم افضل من العاطلين لاكن الصبر مفتاح الفرج ولاتنسوننا من دعواتكم الله يسهل امور الجميع